Dagur - 18.12.1999, Blaðsíða 10

10 — LAUGARDAGUR 18. DESEMBER 19 9 9
FRÉTTIR

HÆSTIRETTUR
Gat sjálfum sér uni kennt
Vegagerð ríkisins hefur verið sýknuð af Hæstarétti í skaðabótamáli
manns, sem varð íyrir slysi er hann ók á bifhjóli suður Vesturlandsveg yfir
brúna yfir Laxá í Kjós. Maðurinn vildi meina að orsök slyssins hafi verið
lélegt ástand brúargóifsins, en meginniðurstaðan varð að maðurinn gæti
sjálfum sér um kennt.
Maðurinn var einn til frásagnar um tildrög slyssins, sagði að bæði hafi
verið gat á því og naglar staðið upp úr. Talið var, að það hefði staðið
manninum næst, að athuga aðstæður. Ljósmyndir, sem kunningjar
mannsins tóku af brúargólfinu, þóttu ekki gefa óyggjandi upplýsingar.
Maðurinn hefði ekki tilkynnt Vegagerðinni um atvikið fyrr en allöngu síð-
ar og fór sérstök rannsókn því ekki fram í kjölfar slyssins.
Agreiningslaust var að yfirborð vegar og hrúar hefði verið rakt þegar
óhappið varð og þóttu aðstæður því kalla á sérstaka varúð. Þótti ósann-
að að stórkostlegt gáleysi starfsmanna Vegargerðarinnar hefði átt sér stað
eða að maðurinn hafi ekki getað afstýrt slysi með eðlilegri varkárni. - FÞG
Skýlausa játningu skorti
Hæstiréttur hefur vísað til undirréttar á ný máli, þar sem maður var
dæmdur í háa sekt og til fangelsisdvalar fyrir skattabrot, en fundið var að
því að héraðsdómari hafði farið með málið sem játningarbrot, þótt ský-
laus játning hafi ekki komið fram.
Hinn ákærði var í undirrétti dæmdur í tveggja milljóna króna sekt og í
45 daga fangelsi fyrir að hafa ekki, sem stjórnarmaður og framkvæmda-
stjóri Heimis ehf., staðið skil á virðisaukaskatti á árinu 1996, samtals 2,6
milljónir króna, eða skil á staðgreiðslu á árunum 1995 og 1996 uppá 269
þúsund krónur. Hann játaði skýiaust að brot hefði átt sér stað, en end-
anlegar upphæðir voru ekki bornar undir hann til staðfestingar. Segja má
að þarna hafi enn cinn dómurinn fallið þar sem passað er uppá að mann-
réttindi séu virt í hvívetna. — FÞG
Dóttir móður siuuar
Konu, sem vildi fá dómsúrskurð um að viðurkennt yrði að skjalfest móð-
ir sín væri í raun og veru ekki móðir sín, varð ekki að ósk sinni þégar
Hæstiréttur staðfesti á fimmtudag niðurstöðu undirréttar. I þessu sér-
kennilega máli þótti dómurum fram á það sýnt, með fæðingarskýrslu og
erfðamarkarannsókn, að móðernið væri rétt.
Dóttirin, sem nú er fimmtug, krafðist viðurkcnningar á því að 74 ára
kona væri ekki móðir hennar. Móðirin meinta hunsaði málflutninginn
með öllu. Gunnlaugur Geirsson, prófessor við Rannsóknarstofu Háskól-
ans í meinafræði, tók þeim blóð 1995 og sendi til rannsóknarstofu í
Englandi og var niðurstaða þeirrar rannsóknar sú að líkurnar væru
99,99% fyrir því að stefnda sé móðir stefnanda.
Dóttirin taldi að þar sem hún sé fædd í heimahúsi væri tilkynning til
hins opinbera og skráning um fæðingu hennar ekki óyggjandi þar sem
hún sé byggð á frásgögn hinnar rneintu móðu og var hún ósátt við nið-
urstöðu erfðamarkarannsóknarinnar, „bæði vegna flótta Gunnlaugs
Geirssonar prófessors um að ræða hana nánar við stefnanda og taka aðra
blóðprufu og sanna mál sitt“. Hún segir gamla konu hafa borið að hin
stefnda „væri ekki rétta blóðmóðir hennar heldur hafi stefnda einungis
alið hana upp“. I dómsniðurstöðunum kemur engin önnur ástæða fram
um ástæður efasemda dótturinnar, en orð þessarar gömlu konu. - FÞG
Nýr ræðismaður Hollands
Mannaskipti hafa orðið í embætti aðalræðismanns
Hollands á íslandi. Beatrix Hollandsdrottning hefur út-
nefnt Bjarna Finnsson, framkvæmdastjóra Blómavals,
nýjan aðlræðismann í stað Ólafs Ragnarssonar hjá
Vöku-Helgafelli. Ólafur baðst undan því að halda
áfram starfinu, eftir átta ár í embættinu. Hollenska að-
alkonsúlatið á Islandi verður framvegis í húsi Blómavals
að Sigtúni 40 og verður skrifstofan opin frá kl. 9-12 á
virkum dögum. Konsúlatið, sem er vel komið innan um
hollensku túlípanana í Blómavali, er í beinu samstarfi
við sendiráð Hollands í London en sendiherra
Hollands á Islandi, Baron W.O. Bentick Van Schoonheten, hefur þar að-
setur.
Lengri frestur
Vegna ítrekaðra óska frá áhugasömum þátttakendum í nýsköpunar-
keppni í vetrarferðamennsku á Norðurlandi hefur frestur til að skila inn
tillögum í keppnina verið framlengdur til 17. janúar 2000 en fyrri frest-
ur miðaðist við 15. desember. Keppnin er á vegum verkefnisins „Stefn-
um norður", sem miðar að því að efla ferðamennsku utan hins hefð-
bundna sumartíma á Norðurlandi, til hagsbóta fyrir þau fyrirtæki sem
koma að slíkri ferðamennsku, svo sem þá sem reka ferðaþjónustur, ferða-
skrifstofur og flugfélög. I tengslum við verkefnið var ákveðið að efna til
nýsköpunarkeppni í vetrarferðamennsku með veglegum peningaverð-
launum og er öiium landsmönnum heimil þátttaka en miðað við að at-
burðurinn sem kynntur er fari fram á Norðurlandi. Ekki er þó nauðsyn-
legt að viðkomandi sé starfandi í ferðaþjónustu.
Bjarni Finnsson
í Blómavali.
Verðlaunahafarnir samankomnir á veitingastaðnum Pollinum. - mynd: brink
Besti ljósastaurinn
að Byggðavegi 109
Nemendur Myndlistaskóla Arn-
ar Inga hafa síðustu ár veitt við-
urkenningar fyrir jólaskreytingar
og útstillingar í verslunarglugg-
um á Akureyri. I ár voru einnig
veittar viðurkenningar fyrir al-
mennar húsa- og garðskreyting-
ar. Viðurkenningarnar voru alls
16 talsins.
Örn Ingi sagði við verðlauna-
afhendinguna að heildarsvipur-
inn væri að batna en hann skildi
samt ekki hvaða hlutverk t.d.
eldgleypar hefðu í miðbænum
um helgar við að skapa
jólastemmningu, og of lftið væri
af englum og jólasveinum.
Kannski væri það ráð að fá þá
sem best og fallegast skreyttu
heima hjá sér til þess að skreyta
miðbærinn. Besta jólaskreyting á
húsi fyrirtækis var valinn Skipa-
gata 9 en heildarmynd skreyt-
inga á húsinu væri mjög falleg,
smekkleg og skipulögð. Jón
Björnsson, sparisjóðsstjóri
Sparisjóðs Norðlendinga, sem er
eitt fyrirtækjanna f húsinu, sagði
að sú fjárfesting sem lægi í
skreytingum skilaði sér og væri
innlegg í að gera miðbærinn
meira aðlaðandi um jólahátíð-
ina. Meðal verðlauna má nefna
að Dótakassinn fékk sérstök
menningarverðlaun fyrir sögu-
legt afrek þar sem hver gluggi
hefði sína frásagnalegu mynd og
þar má finna mjög gömul leik-
föng innan um þau nýju. Besti
ljósastaur Akureyrarbæjar er við
Byggðaveg 109, en staurinn er
listilega vafinn Ijósaslöngum.
Fallegasta og athyglisverðasta
gatan er Möðrusíða en jólaleg-
asta og smekklegasta húsið er
Aðalstræti 66 a. — GG
Starfshópur ráðherra
til að tefja fósturvísa
Trúlega af ótta vid
tillfinningaiunræðu
manna sem hafa ekki
hagsmuna að gæta,
segir Gunnar Jónsson.
Akvörðun Guðna Ágústssonar
landbúnaðarráðherra um það
hvort hann verður við umsókn
Bændasamtaka Islands og
Landssambands kúabænda um
heimild til að flytja inn í til-
raunaskyni fósturvísa af NRF
kúastofni frá Noregi, dregst enn
um sinn.
Guðni hefur ákveðið að skipa
þriggja manna starfshóp „til að
meta hvort rétt sé að mjólk úr ís-
ienskum kúm sé sérstök með til-
Iiti til gæða og hollustu. Þá skal
hópurinn einnig leggja mat á
hvort vænta megi breytinga á
þeim þáttum ef umbeðinn inn-
flutningur yrði heimilaður," eins
og fram kemur f fréttatilkynn-
ingu frá ráðuneytinu. Ákvörðun
um skipan starfshópsins er tekin
meðal annars í Ijósi hreinleika,
gæða og hollustu íslenskra
mjólkurafurða og tilgátu um að
efnainnihald mjólkurinnar gæti
átt þátt f því að tíðni ákveðinnar
tegundar sykursýki er Iægri hér
en í öðrum löndum.
Skilyrðum fullnægt
Gunnar Jónsson, bóndi á Egils-
stöðum og stjórnarformaður ein-
angrunarstöðvar LK í Hrísey,
Guðni Ágústsson landbúnaðarráð-
herra.
segir þessa ákvörðun ráðherra
nú vera tekna til að tefja málið,
trúlega af ótta við tilfinningaum-
ræðu manna sem fæstir eiga
hagsmuna að gæta í framleiðslu
og hagræðingu í búgreininni.
Varðandi tilgátuna um sykur-
sýkina vekur Gunnar athygli á að
með skilyrðum yfirdýralæknis,
sem bæði Landssamband kúa-
bænda og Norðmennirnir hafi
fagnað og gengist inná, verði þau
gæði mjólkurinnar sem um er
talað tryggð áfram. Það gen sem
veldur því að þær framleiða efn-
ið sem hugsanlega veldur sykur-
sýki sé í lægra hlutfaili í íslensk-
um kúm en norskum, það er í
um helmingi íslenska stofnsins
en í um þremur fjórðu hjá þeim
norska. Gunnar segir að aldrei
hafi staðið til að flytja inn fóstur-
vísa sem væru með hærra hlut-
fall en íslenski stofninn. Hann
leggur líka áherslu á að um til-
raun sé að ræða og hún taki
langan tíma. Ef eitthvað komi
uppá þá verði stöðvað þar en
Gunnar segist hinsvegar sann-
færður um að tilraunin muni
skila það góðum árangri að það
verði haldið áfram. Eins og stað-
an er nú segir Gunnar hins veg-
ar að Einangrunarstöð Lands-
sambands kúabænda í Hrísey sé
verkefnalaus á meðan ráðherr-
ann tefji málið. I tengslum við
þessa frestun á ákvarðanatöku
hefur ráðuneytið ákveðið að
styðja við rekstur einangrunar-
stöðvar LK í Hrísey og munu
viðræður þar að lútandi verða
teknar upp á næstu dögum.
Málþing og meira fé
Varðandi skipun starfshópsins
hefur landbúnaðarráðherra ósk-
að eftir því að Landssamband
kúabænda og landlæknisemb-
ættið tilnefni í hann sinn mann-
inn hvor en að auki mun ráð-
herra sjálfur skipa einn. Ákvörð-
un um innflutning er frestað
þangað til starfshópurinn hefur
skilað niðurstöðu. Starfshópn-
um er uppálagt að hafa samráð
við fjölda stofnana og samtaka
og að auki beinir ráðherra því til
stofnana sinna að „þær skoði
áhrif innflutnings, hver á sínu
sviði og byggi þannig grunn að
þeirri ákvörðun sem tekin verð-
ur.“ Eitt skref f því verður mál-
þing sem Landbúnaðarháskól-
inn á Hvanneyri mun halda
snemma á næsta ári. — m