Dagur - Tíminn Akureyri - 10.01.1997, Qupperneq 5
ÍÉtgur-®mttmt Föstudagur 10. janúar 1997 - 5
F R É T T I R
, : 1 \ -—- _ -
Heilbrigðismál
Skref til útflutnings
heilbrigðisþj ónustu
íslensk
heilbrigðisþjónusta
og þekking flutt út
samkvæmt
sérstökum samningi
við Grænland
að má segja að þetta sé
fyrsta skrefíð í þá átt að
markaðssetja okkar góðu
heilbrigðisþjónustu á erlendri
grund. Við höfum á að skipa af-
ar færu fólki sem hefur sótt
sína menntun til fjölmargra
landa og þá fjöibreyttu reynslu
og þekkingu ættum við að geta
nýtt til útflutnings,“ sagði Ingi-
björg Pálmadóttir, heilbrigðis-
ráðherra, í samtali við Dag-
Tímann í gær.
En þá undirritaði Ingibjörg,
ásamt heilbrigðisráðherra
grænlensku heimastjórnarinn-
ar, Marianne Jensen, samning
um formlegt samstarf íslend-
inga og Grænlendinga á sviði
heilbrigðisþjónustu.
í samningnum felst að kom-
ið verður á fót samstarfsnefnd,
sem hefur m.a. það hlutverk að
útfæra nánar kaup Grænlend-
inga á íslenskri heilbrigðisþjón-
ustu, m.a. varðandi bráða-,
langlegu- og göngudeildarsjúk-
linga, kaup og sölu á skurð-
stofuþjónustu og ráðningu
lækna, ljósmæðra og hjúkrun-
arfræðinga til starfa á Græn-
landi, en þar er nú mikill skort-
ur á fólki í öllum þessum starfs-
greinum.
Einnig er mikill áhugi á því
að grænlenskar heilbrigðisstétt-
ir komi til íslands til náms og
starfskynningar og ennfremur
er fyrirhugað að taka upp nán-
ara samstarf á sviði margvís-
legra rannsókna. Þar ber hæst
rannsóknir á ýmsum sjúkdóm-
um, sem hrjá íbúa norður-
byggða, t.d. gigt.
Höfum
notið mikils velvilja
„Þessi samningur er okkur mik-
ið ánægjuefni, en við höfum á
undanförnum árum notið mikils
velvilja af hálfu íslenskra heil-
brigðisyfirvalda," sagði græn-
lenski heilbrigðisráðherrann,
Marianne Jensen. En í fyrra
voru tíu bráðasjúklingar fluttir
flugleiðis hingað frá Grænlandi,
þar af sex ungabörn, fædd fyrir
tímann.
Póstur og sími
Sfmnotendur geta sfðar á þessu ári keypt símaskrána á tölvutæku
formi. Póstur og sími hefur samið við fyrirtækið Aðgengi um að
hanna hugbúnað til þess og er gert ráð fyrir að fyrsta tölvuútgáfa
símaskrárinnar 1997 komi út eigi síðar en l.nóvember. Gert er ráð
fyrir hún kosti um 4000 kr. og verður innifalin uppfærsla 4 sinnum
á ári. Frá vinstri: Garðar Garðarsson, stjórnarformaður Aðgengis
og Guðmundur Björnsson, forstjóri Pog S.
Sjóflutníngar
Eimskip kaupir Hofsjökul
Allir flutningar á afurðum
SH til Bandaríkjanna með
skipum Eimskips.
í vikunni var gengið frá kaup-
um Eimskips á flutningaskipinu
Hofsjökli sem var í eigu Jökla
hf. dótturfyrirtækis Sölumið-
stöðvar hraðfrystihúsanna.
Skipið er 23 ára gamalt, tæp 3
þúsund tonn að stærð og hefur
verið í siglingum á milli íslands
og Bandaríkjanna með afurðir
fyrir SH. Jafnframt var gengið
frá samningi á milli þessara
fyrirtækja um að Eimskip taki
að sér alla flutninga á afurðum
SH til Bandaríkjanna. Gert er
ráð fyrir að þessir ílutningar
geti numið allt að 20 þúsund
tonnum á ári. Stærsti hluti
þeirra mun fara til Coldwater,
dótturfyrirtækis SIJ í Everett.
Samningurinn tryggir framleið-
endum innan SH hálfsmánaðar-
lega ílutningaþjónustu með
gámaskipi til markaða í Banda-
ríkjunum. -grh
Heilbrigðisráðherra, Ingibjörg Pálmadóttir og Marianne Jensen, heilbrigðisráðherra grænlensku heimastjórnarinnar, fagna
samningnum í gær. u
„Þó að átján ár séu nú liðin
frá því að Grænlendingar fengu
heimastjórn, voru heilbrigðis-
málin einn þeirra málaílokka,
sem við tókum hvað síðast í eig-
in hendur," sagði Marianne
Jensen. „Til skamms tíma voru
það eins og óskráð lög að á því
sviði ættum við ekki samvinnu
við aðra en Dani. Nú viljurn við
mjög gjarnan víkka þetta út og
það liggur beinast við að taka
upp formlegt samstarf við okk-
ar góðu granna á íslandi."
Grænlendingar eru ekki
nema rúmlega 55 þúsund tals-
ins og sagði heilbrigðisráðherra
þeirra að af þeim sökum væri
eðlilega takmörk fyrir því hvað
hægt væri að mennta marga til
heilbigðisstarfa. „IJins vegar er
það okkur dýrmætt að kynnast
þessum málum hér á íslandi og
einnig að fá íslenskt hjúkunar-
fólk til starfa á Grænlandi,"
bætti Marianne við.
Þetta er hennar fyrsta heim-
sókn til íslands, en einn þriggja
sona hennar hefur komið hing-
að og látið vel af. „Það er að
verða mjög algengt að græn-
lensk skólabörn fari í heim-
sóknir til íslands, þannig að
kynslóðin sem nú er að vaxa úr
grasi á Grænlandi þekkir al-
mennt mun betur til íslands en
þeir sem eldri eru,“ sagði græn-
lenski heilbrigðisráðherrann að
lokum. H.H.S.
Námskeið
Handavinnukunnáttu
fólks hefur hrakað
Handavinnukunnáttu ungs
fólks hefur hrakað svo
mjög að prjónanámskeið
fyllast strax og þau
eru auglýst. Þeir
eru margir sem
varla kunna að
prjóna enda er
handavinna yfir-
leitt aðeins kennd
einu sinni í viku
tvo tíma í senn
hálfan veturinn.
„Þetta lýsir sér
kannski best þegar
konur eignast
börn. Þá langar
þær til að prjóna en hafa það
litla kunnáttu að þær treysta
sér ekki til að prjóna eftir upp-
skrift. Þá fara þær á námskeið
sem auðvitað eru dýr,“ segir
Arngunnur Sigurþórsdóttir, for-
maður Handavinnukennarafé-
lags íslands.
Samkvæmt grunnskólalögun-
um frá 1976 eru nemendur
hálfan veturinn í smíði og hálf-
an veturinn í handavinnu og
segir Arngunnur að fyrir vikið
læri börnin minna í hvorri grein
enda hafi tímamagn ekkert
aukist. Það fari þó eftir skólum.
Samkvæmt lögum eigi börnin
að byrja í handavinnu níu ára
en skólastjórar hafi svigrúm og
sums staðar byrji þau sjö ára.
Það muni geysilega miklu.
-Getur verið að nemendur
ljúki grunnskólanámi án þess
að kunna nógu mikið?
„Mér hefur tekist að kenna
mínum nemendum að prjóna
áður en þau fara frá mér tólf
ára. En eftir því sem maður
heyrir frá öðrum kennurum þá
finnst öllum mjög erfitt að
kenna að prjóna á hálfum vetri
einu sinni í viku. Ég hugsa að
það sé alveg til og ekki óal-
gengt,“ segir Arngunnur.
Grunnskólalögin eru í end-
urskoðun og binda handavinnu-
kennarar vonir við að auknum
ti'maíjölda verði varið til handa-
vinnukennslu, einnig mætti
hugsa sér að hafa handavinnu
sem val innan framhaldsskóla.
„Þessi kennsla þarf ekki að
vera svo dýr,“ segir Arngunnur.
-GHS
Arngunnur Sigurþórsdóttir
form. Handavinnukennarafélags ísl.
„En eftir því sem maður
heyrir frá öðrum kennurum
þá finnst öllum mjög erfitt
að kenna að prjóna á hálf-
um vetri einu sinni í viku. “