Dagur - Tíminn Akureyri - 19.07.1997, Side 6

6 - Laugardagur 19. júlí 1997
jDagur-ÍEtmnm
FRÉTTASKÝRIN G
Framtíðarnefndin kynnir framtíð-
ina. Fremstur á myndinni er for-
maður nefndarinnar, Guðmundur
Örn Ingólfsson. MyndinjHF
Fj ölskylduvæn fr amtíð
Auður
Ingólfsdóttir
skrifar
Hve oft heyrum við ekki
um nefndir sem vinna
að stefnumótun.
Stefnumótun í skólamálum,
menningarmálum, atvinnu-
málum, heilbrigðismálum og
framvegis. Á Sauðárkróki var
ákveðið að slá þessu öllu
saman og skipa framtfðar-
nefnd. Tillögurnar voru
kynntar á borgarafundi á
fímmtudagskvöld.
Tilraunin er eftirtektar-
verð, ekki aðeins fyrir
þær sakir að þarna er
unnið með framtíðarsýn heils
byggðarlags, heldur einnig
vegna þess að í nefndinni sitja
ópólitískir fulltrúar. Annað sem
vekur athygli er að þó nefndin
sé skipuð af bæjarstjórn fengu
bæjarfulltrúar enga skýrslu að
sjá fyrr en á borgarafundinum,
á sama tíma og aðrir bæjarbú-
ar.
En hvernig sjá Sauðkræking-
ar fyrir sér sína framtíð? Jú,
auðvitað vilja þeir blómlegan
bæ þar sem íbúunum líður vel.
Eins og við ÖU. „Þetta er falleg-
ur óskaUsti þar sem bent er á
vonir og drauma," sagði HUmir
Jóhannesson, varaforseti bæj-
arstjórnar í gær, þegar hann
hafði sofið á tiUögunum eina
nótt. Framtíðarsýnin er ijöl-
skylduvænn bær þar sem
áhersla er lögð á þekkingu og
umhverfið. „Okkur fannst ekki
pláss fyrir einn heUsubæinn
enn,“ sagði einn nefndar-
manna. Því var hugmyndin um
íjölskylduvæna bæinn valin.
Hlutverk nefndarinnar var að
búa til framtíðarsýn, ekki fram-
kvæma, og við það er staðið.
„Hér er kominn hugmynda-
banki og umræðuefni fyrir bæj-
arstjórn Sauðárkróks," segir
Guðmundur Örn Ingólfssson,
formaður nefndarinnar. En
skýrslan er samt ekki eintómur
óskalisti. í umíjöllun um ein-
staka málaflokka er verkefnum
forgangsraðað að einhverju
leyti og ákveðnum hugmyndum
er varpað fram. Þeirra á meðal
er hugmyndin um „Ráðherrana
Qóra“.
Pólitískir fram-
kvæmdarstjórar
„Endurskipuleggja þarf allt
stjórnkerfi Sauðárkróksbæjar
til einföldunar og sparnaðar,“
segir í skýrslu framtíðarnefnd-
arinnar. Bent er á að líklegt sé
að sveitarfélög í Skagafirði
munu sameinast í náinni fram-
tíð, jafnvel á næsta ári, og við
mótun framtíðarstefnu beri að
taka mið að því. Nefndin telur
mikilvægt að dagleg fram-
kvæmdastjórn sé höndum kjör-
inna starfsmanna, ekki ráð-
inna, og leggur til að stjórn-
málafiokkar taki mið að því við
val efstu manna á listum sínum
að þeir séu tilbúnir til að helga
sig sveitarstjórnarmálum á
kjörtímabilinu sem launaðir
starfsmenn. Daglegur rekstur
verði síðan í höndum íjögurra
manna framkvæmdastjórnar
sem verði valin úr hópi sveitar-
stjórnarfulltrúa. Þetta skipulag
minnir óneitanlega á lands-
málapólitíkina þar sem alþing-
ismenn eru skipaðir ráðherrar.
Óvenjulegt er hinsvegar að
þetta fyrirkomulag sé í sveitar-
félögum. Bæjarstjóri er víða
pólitískur en framkvæmdastjór-
ar ákveðinna málaflokka emb-
ættismenn. Því vaknar upp
spurningin: Hvað liggur að
baki?
„Brennt barn forðast eld-
inn,“ er svar Maríu Bjarkar
Ingvadóttur, sem er ein þeirra
sem sat í nefndinni. Þar er Mar-
ía að vísa í þá stöðu sem komið
hefur upp í bæjarstjórn Sauðár-
króks- að bæjarfulltrúar þurfa
að taka afstöðu í málum sem
varða starf þeirra á öðrum vett-
vangi. Nægir að líta til síðasta
bæjarstjórnarfunds þegar tekin
var l'yrir tillaga um að sameina
barnaskólann og gagnfræða-
skólann. Skólastjórar beggja
skólanna sitja í meirihluta bæj-
arstjórnar og þetta flækti óneit-
anlega afgreiðslu málsins.
Nýjar
leiðir nauðsynlegar
Af öðrum einstökum málaflokk-
um má nefna atvinnumálin. Þar
leggur nefndin til að atvinnulíf-
ið verði sveigt inn á braut há-
tækni, t.d. líftækni og rafeinda-
tækni. „Fullur möguleiki er á að
landvinnsla í því formi, sem við
höfum þekkt, eigi ekki framtíð
fyrir sér og því þuríi eindregið
að leita annarra leiða til at-
vinnuaukningar," segir m.a. í
skýrslunni. Bent er á að jarð-
varmi og nýting hans til hvers-
konar iðnaðarframleiðslu gefi
héraðinu ákveðið samkeppnis-
forskot og sóknarfæri en jafn-
framt er lögð áhersla á að ekki
eigi að stefna að efnaiðnaði eða
annarri mengandi stóriðju í
Skagafirði. Ákjósanlegri leið sé
„hrein“ atvinnustafsemi og að
nota umhverfið sem aðdráttar-
afl á fólk til búsetu.
Niðurskurður á sjúkrahúsum
á Iandsbyggðinni er skýrsluhöf-
undum áhyggjuefni og í kaflan-
um um heilbrigðis- og félags-
mál er lögð áhersla á að haldið
verði úti svipaðri starfsemi á
Sjúkrahúsi Skagfirðinga og ver-
ið hefur með bráðaþjónustuu,
skurðstofu og fæðingahjálp.
Einnig þurfi að auka áherslur á
forvarnarstarf í heilbrigðis- og
félagsmálum sem sé í samræmi
við áherslur á íjölskylduvænan
bæ.
Aðrir málaflokkar sem teknir
eru fyrir í skýrslu framtíðar-
nefndar eru umhverfis- og
ferðamál, náttúruauðlindir og
orkumál, samgöngumál (þar
sem heilsársvegur yfir Þverár-
íjall er settur á oddinn) og
íþróttamál. Þá eru ótalin
mennta- og menningarmál sem
er ástæða til að íjalla sérstak-
lega um í ljósi þeirrar ólgu sem
virðist gæta í bæjarfélaginu um
þessar mundir vegna skóla-
mála.
Skólamálin hitamál
„Þetta er áfellisdómur yfir
Sauðárkróksbæ að bæjarstjórn
skuli hafa fellt tillögu um sam-
einingu skólanna,“sagði Svan-
fríður Ingvadóttir, einn borgar-
anna sem sóttu fundinn á
„...dagleg fram-
kvæmdastjórn í hönd-
um kjörinna starfs-
manna, ekki ráðinna“
fimmtudaginn. Umræðurnar
fram að þessu höfðu verið
fremur penar. Flestir byrjuðu
orð sín á því að þakka nefnd-
inni vel unnin störf og létu eina
og eina sakleysislega spurningu
fylgja í kjölfar þakkanna.
Spurningin: „Hvað nú?“ var þó
greinilega mörgum ofarlega í
huga. En það var ekki fyrr en
bæjarfulltrúar þurftu að hverfa
af fundi sem umræður um
skólamálin byrjuðu. Sem sýnir
kannski best hve málið er við-
kvæmt.
í tillögum framtíðarnefndar
um menntamál er bent á nauð-
syn þess að grunnskólinn á
Sauðárkróki sé undir einni
stjórn. Þó tillögurnar hafi fyrst
verið kynntar á þessum fundi
er sameiningarhugmyndin
langt frá því að vera ný af nál-
inni. Kvöldið áður hafði bæjar-
stjórn Sauðárkróks fellt tillögu
minnihlutans um að sameina
barnaskólann og gagnfræða-
skólann og greinilegt var að
þetta hafði hleypt illu blóði í
einhverja. Eins og fram hefur
komið sitja skólastjórar beggja
skólanna í meirihluta, þó þeir
hafi reyndar sent varafulltrúa á
umræddan fund, og kom fram
sú skoðun að þessi afgreiðsla
bæjarstjórnar sýndi best hve
hagsmunapot sé áberandi í
bænum.
„Ég vil ekki leggja mat á
það,“ sagði Hilmir Jóhannes-
son, varaforseti bæjarstjórnar,
þegar þetta viðhorf var borið
imdir hann. Um skólamálið seg-
ir hann hinsvegar að hann sé
sannfærður um að tillagan um
sameiningu hafi verið sett fram
til að skapa vandræði í bæjar-
stjórn. „Svona eru leikreglurnar
og ég kann svo sem ekki illa við
þær. Hitt er ljóst að þessi bæjar-
stjórn hefur ekki ráðið þessum
málum nema tæpt ár því við
tókum við formlegum rekstri
grunnskólans 1. ágúst í fyrra.
Einnig gleymist í þessari um-
ræðu að í nóvember á að kjósa
um sameiningu sveitarfélaga í
Skagafriði. Ef af sameiningu
verður þarf að gjörbylta öllum
skólamálum. Og jafnvel þó svo
fari að við sameinust ekki þá er
aðeins eitt ár þar til ný bæjar-
stjórn tekur við á Sauðárkróki.
Þegar þessir þættir eru hafðir í
huga finnst mér ekki að liggi
svo á að taka þessa ákvörðun
um sameiningu skólanna," seg-
ir Hilmir. „Þetta mál er svolítið
blásið upp. Er að mínu mati að-
eins stormur í vatnsglasi," bæt-
ir hann við.
Guðmundur Örn Ingólfsson, formaður framtíðarnefndar, afhendir Hilmi
Jóhannessyni, varaforseta bæjarstjórnar, skýrslu nefndarinnar. Hilmir
þakkaði fyrir sig með eftirfarandi vísu: Fólkið myndi fagna því/þó flest
komst í vana/ef einhver bætti blöðum í/bæjarfulltrúana.