Dagur - Tíminn Reykjavík - 27.05.1997, Blaðsíða 11

Vigdís
Stefánsdóttir
skrifar
Vigdís svarar í símann í dag að venju, milli klukkan 9 og 10.
Ertu með spurningu, viltu ráð eða viltu gefa, skipta eða ... láttu
Vigdísi vita í síma 460 6100. Algjör trúnaður og nafnleynd ef þú
vilt. Símbréf til Vigdísar? Þá er númerið 551 6270.
Tölvupóstur til Vigdísar? Þá er netfangið vigdís@itn.is
HVAÐ Á ÉG AÐ GERA
Anna Sigga hringdi og
sagðist vera að leita eftir
uppskriftum að brauði
sem innihéldi ekki hvítt hveiti,
sykur, salt né ger. Hér eru
nokkrar uppskriftir Anna Sigga,
vonandi getur þú notað ein-
hverjar þeirra.
Súrdeigsbrauð:
Súrinn:
/ bolli heilhveiti
Z bolli vatn.
Setjið í skál með loki yfir og
hrærið í þessu daglega í 3-5
daga og ijarlægið skán sem get-
ur myndast ofaná. Það má bæta
útí smávegis af rúgmjöli, það
gefur sterkara bragð. Þennan
súr má svo geyma og bæta í
hann jafnmiklu og tekið er af
honum, gætið þess að hræra vel
í honum daglega.
Brauðdeigið:
Z bolli súr
4 bollar mjöl, t.d. heilhveiti,
blanda af heilhveiti og ýmsu
korni, eða blanda af heilhveiti
og rúgmjöli.
2-3 bollar af um 30°C heitu
vatni
Hnoðið vel saman og látið
hefast þar til það hefur nær
tvöfaldast að rúmmáli, það get-
ur tekið allt að 10 klst. Bakið
við 200°C í um 30 mihútur.
Af því að það er ekkert hveiti
í þessu brauði, þá verður það
fremur þungt, en bragðgott og
geymist vel.
Maísbrauð:
6 dl maísmjöl
2 dl. haframjöl
1 dl. olía
5-6 dl. vatn.
('/ tsk. salt, má sleppa)
Blandið saman mjöli, vatni
og olíu. Hitið ofninn í 160C
.Smyrjið brauðform með olíu og
setið formið í ofninn til að hita
það. Þegar formið er orðið
heitt, setjið þá deigið í það og
bakið í um 50 mín., eða þar til
prjónn kemur hreinn upp úr
deiginu.
Hafra/Byggkex
ÍOO gr. byggmjöl
50 gr. haframjöl
50 gr. malaðar hnetur
1 tsk. basil
1 tsk. engifer
4 dl. vatn
1 dl. olía
1 dl. sesamfrœ
Bætið við vatni ef deigið er
mjög þykkt.
Hrært saman og mótaðar litl-
ar þunnar kökur. Settar á
smurða plötu og bakaðar við
200°C í um 30 mín.
Fjölkornabrauð
4 dl. haframjöl
4 dl. maismjöl
4 dl. hrísmjöl
4 dl. bókhveitimjöl eða bygg
mjöl
1 dl. olía - t.d. maisolía
8 dl. vatn
(1 msk. salt, má sleppa)
Blandið saman mjölinu (og
salti ef það er notað), setjið
olíuna samanvið. Hellið vatninu
útí og hrærið í á meðan. Deigið
á að vera svolítið klístrað. Látið
það standa á volgum stað yfir
nótt. Setjið deigið í 2 smurð
form og bakið við 175C í 1-1/2
klst.
Sódabrauð
150 gr. haframjöl
300 gr. maís eða byggmjöl
1 tsk. matarsódi
1.5 dl. sojamjólk
1.5 dl. AB mjólk
2 tsk. salt (má helst ekki
sleppa, en mætti minnka um
helming) Blandið öllu vel sam-
an og setjið í vel smurt form
eða eldfast mót. Setjið annað
eldfast mót ofaná og bakið í um
30 mín. við 220 C . Takið efra
formið ofanaf og bakið áfram
10 mín, þannig að brún skorpa
myndist.
m. RAÐAGOÐA HORNIÐ
Lirfur, óviiiir garðyrkjumannsms
Birkifiðrildahrfur valda
oft mjög miklum skaða
í görðum á vorin og
sumrin. Birkifiðrildin verpa
eggjum sínum að hausti í
smásár og glufur í berki
trjáa og runna að hausti, eft-
ir mökun, sem oftast á sér
stað milfi 15. september og
15. nóvember. Þá skríður
kvenfiðrildið, upp í tréð og
verpir. Eggin klekjast svo út
að vori og þá skríða lirfurnar
inn í brumhnappana og éta
þar til lítið er eftir nema
æðastrengir blaðanna. Þá
spinnur lirfan þráð og lætur
sig síga til jarðar og púpar
sig þar. Úr púpunum skríða
þær svo á haustin eftir að
frosið hefur og þiðnað á víxl.
Eggin eru í fyrstu græn, síð-
an rauð og loksins grá við
klakið að vori.
TU að koma í veg fyrir
þennan ófögnuð er einfald-
ast að koma fyrir h'mborðum
með klístrinu á úthverfunni
á stofni trjánna, í um það bil
50 sm hæð. Einnig er til
kvoða sem gerir sama gagn.
Þessi hindrun verður tU þess
að kvendýrin komast ekki
upp stofninn tU að ljúka ætl-
unarverki sínu og þar með
er hringurinn rofinn.
TEITUR ÞORKELSSON
skrifar
Holl
sambönd
Er einkvæni eina leiðin í
þessu lífi eða skipulag
sem hentar ekki endilega
öllum? Sumir halda því fram að
það sé ekki hægt að vera raun-
verulega náin/n manneskju ef
hún sefur hjá öðrum en þér.
Aðrir lofa og prísa fjölbreytnina
og hryllir við að hafa sömu
myndina upp á vegg, sama
makann í rúminu allt lífið. Slíkt
leiði örugglega til heiladauða.
Einn mannfræðingur gengur
meira að segja svo langt að
mæla með því að fólk skipti um
starfsvettvang á þriggja ára
fresti og maka á fimm ára fresti
til þess að það haldi áfram að
þroskast.
Hvað sem því líður lifa konur
og karlmenn í hjónabandi leng-
ur en þau sem eru einhleyp.
Ástæðurnar eru nokkrar: Ást og
stuðningur náins maka hjálpar
fólki í gegnum lífið og það að
vera í föstu sambandi dregur
stórlega úr líkum á þunglyndi.
Þunglyndi eykur aftur líkurnar
á slæmri líkamlegri heilsu,
meðal annars hjartaáföllum og
að sjálfsögðu sjálfsvígum. Vís-
indalegar niðurstöður benda
jafnvel til þess að það sé enn
heilsusamlegra fyrir konur en
karlmenn að vera í föstu sam-
bandi. Þær eru ekki bara ólík-
Iegri til að þjást af þunglyndi og
fylgikvillum þess heldur hækkar
hlutfall kvenhormónsins estróg-
ens í konum sem eru í föstu
sambandi og estrógen styrkir
bæði hjarta og bein.
Þriðjudagur 27. maí 1997 - 23
Einingarfélagar
Eyjafirði!
Aðalfundur Verkalýðsfélagsins Einingar verður
haldinn í Alþýðuhúsinu Akureyri 4. hæð, fimmtu-
daginn 29. maí kl. kl. 20.00.
Dagskrá:
1. Venjuleg aðalfundarstörf.
2. Lagabreytingar.
3. Önnur mál.
Ársreikningar liggja frammi á skrifstofum félagsins.
Félagar fjölmennið - Kaffiveitingar.
Stjórnin.
„Öryggi framar öllu“
almennur fundur um
öryggismál sjómanna
Sjómannadagsráð Akureyrar boðar til almenns fundar
um öryggismál sjómanna í Alþýðuhúsinu á Akureyri
miðvikudaginn 28. maí kl. 20.
Yfirskrift fundarins er „Öryggi framar öllu“ og er það
jafnframt kjörorð sjómannadagsins á Akureyri 1997.
Frummælendur á fundinum verða:
Hilmar Snorrason
skólastjóri Slysavarnaskóla sjómanna
Daníel Hafsteinsson
tæknifræðingur hjá Sambandi íslenskra tryggingarfélaga
Magnús H. Ólafsson
sjúkraþjálfari og ráðgjafi um forvarnir á vinnustöðum
Páll Steingrímsson
sjómaður
Atburðir undanfarinna mánaða sýna að öryggismál sjó-
manna verða aldrei of mikið rædd. Sjómenn, aðstand-
endur sjómanna og allir þeir sem áhuga hafa á að ræða
öryggismál sjómanna eru hvattir til að láta fróðlegan
fund ekki framhjá sér fara.
Sjómannadagsráð Akureyrar
AUGLÝSING
Borgarstjórn Reykjavíkur og hrepps-
nefnd Kjalarneshrepps hafa ákveðið, f
samræmi við tillögu samstarfsnefndar
um sameiningu Kjalarneshrepps og
Reykjavíkur, að atkvæðagreiðsla um
sameiningu þessara sveitarfélaga fari
fram laugardaginn 21. júní nk.
Vakin er athygli á að skv. kosningalögum fer atkvæða-
greiðsla utan kjörfundar m.a. fram hjá sýslumanns-
embættum, hreppstjórum og í sendiráðum íslands er-
lendis.
Þeir sem samþykkja tillögu um sameiningu Kjalarnes-
hrepps og Reykjavíkur við utankjörfundaratkvæða-
greiðslu skrifa já á kjörseðilinn, en þeir sem ekki sam-
þykkja skrifa nei.
BORGARSTJÓRINN í REYKJAVÍK.
SVEITARSTJÓRI KJALARNESHREPPS.