Dagur - Tíminn Reykjavík - 16.08.1997, Qupperneq 6

6 - Laugardagur 16. ágúst 1997
|Dagur-'3Iírmmt
F R É T T I R
Stutt og laggott
Minna málað
Þeir hjá Sjöfn þurfa að mála eins og aðrir og reyndar fannst mörg-
um sem úr hömlu hefðí dregist að bæta útlit verksmiðjunnar. En
það stendur til betri vegar og er málningarvinna nú hafin. Það
kemur ekki á óvart að Sjöfn notar vörur frá Sjöfn fyrir eigið hús-
næði. Mynd: brínk
Að sögn Sigurðar Jóhannessonar, skrifstofustjóra Efnaverk-
smiðjunnar Sjafnar, er minni sala á málningu í ár en í fyrra
þannig að góðærið margumtalaða virðist ekki hafa skilað
sór í þessum geira þjóðarmenningar. „Þetta hefur ekki verið
neitt sérstakt sumar, heldur rólegra en við áttum von á.
Manni skilst að það sé engin uppsveifla á hinum almenna
markaði heldur fyrst og fremst í verktöku," segir Sigurður.
Auðvitað hélt maður að góðærið myndi skila sér í þessu
en sameiginlegt mat fagaðila er að uppsveiflan hafi ekki
orðið. Einfalda skýringin er sú að almenningur sé ekki jafn
málningarglaður og áður. Fólk noti fríið frekar í ferðalög og
afþreyingu frekar en að vinna að málun. Þetta er bara
svona tilgáta,“ sagði Sigurður. BÞ
Flinkur flugmaður
„Ég hef ekki lent í neinu sambærilegu áður og auðvitað varð
maður pínulítið stressaður. En ílugmenn mega ekkert láta
það trufla sig, þeir verða að klára sitt dæmi og þetta gekk
allt að óskum,“ segir Ásgeir Þórarinsson, flugmaðurinn sem
nauðlenti á Akureyrarflugvelli í vikunni á flugvél Mýflugs
sem var í áætlunarflugi til Hornafjarðar.
Þegar vélin tók á loft frá flugvellinum í Mývatnssveit
sprakk framhjól vélarinnar og var því áklveðið að nauð-
lenda á Akureyri. Þar var nokkur viðbúnaður en allt gekk
að óskum og þykir Ásgeir hafa sýnt mikla færni. Hann vill
þó sem minnst úr því gera. „Galdurinn er fólginn x að láta
neflijólið koma sem síðast niður og það tókst mjög vel. Flug-
menn eru þjálfaðir fyrir ýmis atriði sem geta komið upp,“
segir Ásgeir. Ef sprungna neflijólið hefði komi rnður á með-
an vélin var á mikilli ferð, hefði verið hætta á stefnubreyt-
ingu með ófyrirsjáanlegum afleiðingum.
Tveir farþegar voru um borð í véliniú. „Þeir voru tiltölu-
lega rólegir en auðvitað líður engum vel þegar skýrt er frá
því að eitthvað sé að. Þeir fengu svo bónus eftir lendinguna,
útsýnisflug yfir Kverkíjöll," segir Ásgeir. BÞ
Bara sjónmengun
Reykurinn frá malbikunarstöðinni á Akureyri er kannski ekki fal-
legur, en hann er ekki hættulegur.
Eins og fram kom í Degi-Tímanum í gær hefur mikiim reyk
lagt upp úr Malbikunarstöðinni á Akureyri að undanförnu.
Margir bæjarbúar hafa óttast þessa mengun og haft sam-
band við heilbrigðisyfirvöld en Sigurður Bjarklind, heil-
brigðisfulltrúi segir þetta skaðlaust: „Það er gríðarleg sjón-
mengun að þessu en það er rétt að upplýsa að mengunin er
fyrst og fremst vatnsgufa og fínt moldarryk. Þannig er þetta
ekki hættuleg mengun."
Nýr mengunarvarnabúnaður verður settur upp fyrir
næsta tímabil. BÞ
Árétting
Vegna fréttar í miðvikudagsblaði, „brjálað að gera hjá ráðn-
ingarskrifstofum" vill Torfi Markússon hjá Ráðgarði taka
fram að það sem sagt var um snjóflóðahættu á Vestíjörðum
var ekki frá honum komið. Umrædd athugasemd var frá
blaðamanni, og vill Dagur-Tíminn árétta það hér með.
Konur
Vinna í fiski hefur dregist saman og sama má segja um aðrar hefðbundnar kvennagreinar og hefur atvinnuleysi
meðal kvenna aldrei verið meira en í júlí.
Aldrei fleiri
konur án vinnu
Um 3.500 konur voru
atvinnulausar í júlí og
hafa aldrei verið fleiri
í þeim mánuði en nú.
ótt körlum án vinnu hafi
fækkað í 2% er allt annað
uppi á teningnum hjá
kvenþjóðinni, þar sem hlutfallið
er nær þrefalt hærra, eða 5,6%,
samkvæmt yfirliti Vinnumála-
stofnunar. Konum án vinnu
fjölgaði um 130 í júh', þegar at-
vinnulausar konur voru að jafn-
aði um 3.500 konur. Atvinnu-
leysi meðal kvenna hefur aldrei
mælst meira í júlímánuði. Mikill
meirihluti þessa hóps, eða um
2.400 konur, eru á höfuðborg-
arsvæðinu þar sem 6,2% eða
16. hverja konu á vinnumark-
aði vantar starf. Hlutfallið er
jafn hátt á Suðurnesjum, enn
hærra á Nl.-vestra (6,9%) og
um 5% Nl.-eystra og Suður-
landi.
En hvernig má það vera að
góðærið sneiðir svona fram hjá
konunum?
„Eftirspurn eftir starfsfólki
virðist mun meiri í þeim geirum
þar sem karlar eru dóminer-
andi. Konur verða kannski að
leita sér menntunar í þau störf
þar sem eftirspurnaraukningin
er,“ sagði Gunnar Sigurðsson,
forstöðumaður Vinnumálastofn-
unar.
Hann segir átaksverkefnin
nú færri. Fólki hafi fækkað í
fiskvinnslunni, bæði vegna auk-
innar tæknivæðingar og minni
fisks, sem bitni meira á konum.
Hagræðing í verslun, skrifstof-
unum og bönkunum og niður-
skurður hjá heilbrigðisstofnun-
um geti haft áhrif. Með auknu
skólastarfi stækki sá hópur
kvenna sem vinnur við ræsting-
ar og mötuneyti og verða tíma-
bundið atvinnulausar yfir sum-
artímann. E.t.v. hangi þetta hka
eitthvað saman við fæðingaror-
lofið, þar sem konur geti nú
geymt sér bótarétt ef þær hafa
t.d. sagt upp eða þeim verið
sagt upp vegna þungunar. „Eft-
irspurnaraukningin er hins
vegar fyrst og fremst í fram-
kvæmdageiranum, bæði meðal
iðnaðarmanna og á stórum
vinnuvélum, sem konur koma
lítið nærri og síðan í tölvugeir-
anum. Fólki virðist þannig hafa
íjölgað mun meira í geirum
vinnumarkaðarins þar
sem karlar eru dóm-
inerandi. En það má
síðan vel vera að
þensla í þjónustustarf-
semi aukist í kjölfar
þessara miklu fram-
kvæmda, sem skapar
störf fyrir konur",
sagði Gunnar.
Um 2,6% karla á
höfuðborgarsvæðinu
voru án vinnu en að-
eins 1,2% á landsbyggðinni, þar
sem hlutfallið var víða undir
1%.
Atvinnulausar konur voru
liðlega 200 fleiri í júlflok en að
meðaltali í mánuðinum. Vinnu-
málastofnun býst ekki við mik-
illi fækkun á atvinnuleysisskrá í
ágústmánuði. - HEI
Gunnar Sigurðsson
forstöðumaður Vinnumálastofnunar
„Konurnar verða kannski að
leita sér meiri menntunar í
þau störf sem eftirspurn er
eftir. “
Náttúruvernd
Orð ráðherra út í hött
Arnþór Karlsson, fyrrver-
andi formaður Náttúru-
verndarráðs og fræði-
maður, sem hefur rannsakað
lífríki Mývatns, er hissa á orð-
um iðnaðarráðherra í blaðinu í
gær, þar sem Finnur Ingólfsson
sagði í umræðu um Kísiliðjuna
við Mývatn: „Ætli það sé ekki
þannig að Ytri-Flóinn væri
hreinlega ekki til ef kísilgúr-
námið hefði ekki farið fram.
Sennlega væri þarna bara þurrt
land.“
„Þetta er algjörlega út í hött
og ekki í samræmi við raun-
veruleikann," segir Arnþór.
„Þótt vötn grynnist á löngum
tíma er þetta bara gömul tugga
sem kemur upp í hvert skipti
sem efast er um áframhald Kís-
fliðjunnar. Iðnaðarráðherra er
enginn fagmaður á þessu sviði
og ekki kosinn til að hafa betri
þekkingu á lífríkinu þarna en
sérfræðingar. Það er alvarlegt
að ráðherra skuli hafa svona
illa undirbyggðar skoðanir, ef
rétt er eftir haft.“ BÞ