Dagur - Tíminn - 22.11.1996, Blaðsíða 5
|Dagur-®mmm
Föstudagur 22. október 1996 - 5
F R É T T I R
Lyfsala
Fráleitt að læknar ávísi
meira út á apótekaafslátt
Fólk að versla í nýju apóteki Hagkaups
Læknar hafa tak-
markaðar skýringar
á hærri lyfjareikn-
ingum til Trygginga-
stofnunar núna í
október en nokkru
sinni fyrr.
etta kemur mér mjög á
óvart, þar sem um lyf-
seðlaskyld lyf er að ræða
svo læknar hafa þurft að skrifa
upp á þau. Ég sé engar forsend-
ur fyrir því að slíkt hefði átt að
aukast svo skyndilega. Og ekki
hefur orðið breyting á mínum
lyfjaávísanavenjum," svaraði
form. Læknafélagsins, Sverrir
Bergmann, spurður hugsan-
legrar skýringar á því að lyfja-
reikningurinn til almannatrygg-
inga varð hærri núna í október
en nokkru sinni fyrr, rúmar 300
m.kr.
Gunnar Ingi Gunnarsson
heilsugæslulæknir sagði: „Það
fyrsta sem mér dettur í hug
þegar ég sé þennan kostnaðar-
topp er að þarna sé kannski um
að ræða uppsafnaðan vanda
eftir læknastríðið í sumar. Því
það er vitað mál að lyfjaendur-
nýjanir duttu niður meðan á því
stóð. Ég hef a.m.k. ekki orðið
neins þess var í heilsufari fólks
að skýringa sé þar að leita á
aukinni lyijanotkun. Og það er
svo stutt síðan að þetta verð-
stríð hófst í apótekunum, að ég
trúi því ekki að það mælist í
þessum tölum. Auk þess er ég
ansi efins um það að læknar
fari að skrifa út meira af nið-
urgreiddum lyfjum fyrir þær
sakir að apótekin séu með ein-
hverskonar afslátt. Mér Ðnnst
það raunar fráleitt," sagði
Gunnar Ingi.
Þótt stundum komi vitanlega
dýr lyf inn á markaðinn þá seg-
ir Sverrir þau varla koma sér-
staklega til greiðslu í einum
mánuði. „Við sem erum í mínu
fagi erum t.d. með eitt mjög
dýrt lyf sem við notum eftir al-
veg sérstökum aðferðum, við
MS sjúkdómi. En það hefur ekki
svo mikil áhrif á einum mánuði,
þótt það hækki væntanlega
lyijareikning ársins í kringum
30 milljónir.“ Sverrir kannaðist
við að hafa heyrt því slegið
fram að fólk væri að hamstra
lyf vegna þess að þau væru á
svo góðu verði. „En ég hvorki
kannast við að fólk hafi verið að
biðja um slíkt, né að læknar
hafi verið að skrifa upp á slíkt.
Þannig að það kæmi mér ákaf-
lega á óvart. Og raunar er það
mín reynsla að fólk yfirleitt
sækist ekki eftir lyfjum," sagði
Sverrir.
Gunnar Ingi sagðist vitan-
lega ekki hafa gert neina könn-
un á þessu máli þannig að að-
eins væri um ágiskanir hans að
ræða. Hann sagðist ganga út
frá því að lyfjakaup leiti aftur í
jafnvægi og kostnaður muni aft-
ur lækka í nóvember.
Akureyri
Breytingar á
þjónustu fyrir
geðfatlaða
Komið hefur verið upp dag-
deildarrekstri í stað langlegu-
deildar geðdeildar Fjórðungs-
sjúkrahússins á Akureyri, svo-
kallaðrar Brekkudeildar, og er
þetta gert í samráði við heil-
brigðisráðuneytið, sem hefur
fallist á tveggja ára tilrauna-
verkefni. „Við mátum það svo
að við myndum í reynd geta
þjónað betur með þessum
hætti, aðstæður hafa breyst. Nú
gefst fólki meiri möguleiki á
öðru vistunarformi yfir nóttina,
s.s. sambýlum, þannig að hér
er verið að nýta þá ijármuni
betur sem áður fóru í þessa
langlegudeild,“ segir Halldór
Jónsson, framkvæmdastjóri
FSA.
Dagvistin er að Skólastíg 7
og er í eigu spítalans. Þar hefur
áður verið iðjugeðdeild en hús-
næðið hefur verið aðlagað að
breyttu fyrirkomulagi. Átta
rými eru í boði og segir Halldór
að viðtökur hafi verið mjög góð-
ar. „Hvort sem menn segja við-
bót eða ekki þá er þetta annar
rekstur. Við töldum okkur geta
gert meira fyrir þessa peninga,
þjónað fleiri sjúklingum á ann-
an hátt en áður. Það eru aftur
engar breytingar á bráðageð-
deildinni,“ sagði Halldór Jóns-
son. BÞ
Húsnæðislán
Félagsíbúðalán
á almennum markaði?
Hugmyndir um að
heimila sveitarfé-
lögum að hætta að
reka félagslegar
íbúðir til endursölu
Sveitarfélögin sitja uppi
með a.m.k. 450 óseljanleg-
ar félagslegar íbúðir. Þar
að auki á Reykjavíkurborg um
150 félagslegar kaupleiguíbúð-
ir“, sagði Haraldur L. Haralds-
son hagfræðingur sem greindi
frá úttekt á félagslega íbúða-
kerfinu og tillögum til úrbóta á
ráðstefnu Sambands ísl. sveit-
arfélaga. Vegna þessara íbúða
skuldi þau um 3,5-4 milljarða.
íbúðaverð á almennum
markaði í smærri sveitarfélög-
um er sums staðar helmingi
lægra en verð félagslegra íbúða
og greiðslubyrði þar af leiðandi
minni af íbúðum keyptum á al-
mennum markaði. Sveitarfélög-
in hafa því þurft að innleysa
óseljanlegar félagslegar íbúðir í
hundraðatali. í sumum sveitar-
félögum nema skuldir vegna
þeirra endurkaupa 250-350
þúsund kr. á hvern íbúa og allt
að helmingi allra skulda þess-
ara sveitarfélaga.
Haraldur varpaði m.a. fram
þeirri hugmynd að þeim sveit-
arfélögum sem þess æskja verði
heimilt að hætta að reka félags-
legar íbúðir til endursölu. Þess í
stað verði tekin upp sérstök fé-
lagsleg íbúðalán. Rétthafi shks
láns geti þá fundið sér íbúð á
almennum markaði, sem hann
geti síðan íjármagnað 90% með
félagslegu láni. Við endursölu
íbúðarinnar yrði hið félagslega
íbúðalán gert upp. Vegna lægra
íbúðaverðs á almenna mark-
aðnum ætti þetta bæði að lækka
greiðslubyrði kaupenda og
minnka íjárþörf Byggingarsjóðs
verkamanna.
Samhliða þessu yrði sveitar-
félögunum heimfia að selja þær
íbúðir sem þau sitja uppi með á
almennum markaði. Lán sem á
þeim hvíla verði gerð upp við
sölu þeirra miðað við núvirði
eða uppgreiðsluverð lánanna,
þar sem gert yrði ráð fyrir 5,1%
ávöxtunarkröfu. í reynd sé
Byggingarsjóður nú að greiða
hærri vexti en það, af þeim lán-
um sem hann þarf að taka og
endurlána síðan miklu lægri
vöxtum.
Við uppgreiðslu höfuðstóls
láns myndist afföll - sem nema
mismuninum á lánsupphæðinni
annars vegar og markaðsverði
íbúðarinnar hins vegar. Þessi
afföll samsvari í reynd þeim
kostnaði sem Byggingarsjóður-
inn beri í dag af því að veita lán
sem bera 1% eða 2,4% ársvexti
í t.d. 43 eða 50 ár, segir Harald-
ur. Spurningin sé einungis
hvort þessi niðurgreiðsla eigi
sér stað á áratugum eða í eitt
skipti fyrir öll.
kiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiimi^
Sjávarúlvegssjóður íslands |
Almennt hlutafjárútboð |
Útgefandi: Sjávarútvegssjóður íslands hf.
Sölutímabil: 21. nóvember 1996 til 21. maí 1997.
Nafnverð hlutabréfanna: 50.000.000 kr.
Sölugengi bréfanna er í upphafi 2,045. Á útboðs-
tímanum verður gengi sjóðsins reiknað út daglega og
munu söluaðilar veita upplýsingar um gengi hverju
sinni.
Kaupþing Norðurlands hf., Kaupþing hf., auk spari-
sjóða um allt land.
Sótt verður um skráningu hlutabréfanna og áður
útgefinna bréfa, á Verðbréfaþingi íslands þegar hlut-
hafafjöldi er orðinn 200. E
E Umsjónaraðili útboðs: Kaupþing Norðurlands hf.
Útboðs- og skráningarlýsing liggur frammi hjá söluaðilum og útgefanda.
1 IjKAUPÞING |
| NORÐURLANDS HF §
- Löggilt verðbréfafyrirtceki -
Kaupvangsstræti 4, 600 Akureyri - Sími 462-4700, fax 461-1235
.7ÍnninnniniiiminmmnnnnmiiinnnnniniiniiinimiiiinnininiinnnnnnniniininmnnninmnmnnininmiinnninrF,
Sölugengi:
Söluaðilar:
Skráning: