Dagur - Tíminn - 18.12.1996, Side 10

10- Miðvikudagur 18. desember 1996
jDagur-Œtmtrat
HANPBOLTI J KARFA > Úrvalsdeildin [ FRJÁLSAR
Oleg Titov nefbrotnaði í leik gegn
Haukum, en lék með grímu gegn
KA-mönnum. Slíkt er bannað sam-
kvæmt alþjóðareglum.
Grímur á
bannlista
Dómaranefnd HSÍ hefur sent
bréf til formanna hand-
knattleiksdeilda, þar sem það
er tekið fram að notkun andlits-
gríma verði með öllu óheimil
eftir áramót. Bann er lagt við
notkun þessa hlífðarbúnaðar í
aljþjóðlegum handknattleiks-
reglum, en því banni hefur að-
eins verið fylgt eftir í einstaka
leikjum hér á landi.
Nokkur dæmi eru um það að
menn hafa notað andlitsgrímur,
til að mynda sem vörn eftir nef-
brot en slíkt er með öllu óheim-
ilt samkvæmt alþjóða dómara-
reglum. Svo virðist sem íslensk-
ir dómarar hafl ekki kynnt sér
alþjóðareglurnar nægjanlega
vel, því dómarar hér á landi
hafa margir látið það átölu-
laust. Ein stúlka lék með and-
litsgrímu í nokkrum leikjum í
úrslitakeppni íslandsmótsins í
kvennaflokki og fyrir stuttu lék
Oleg Titov, lxnumaðurinn sterki
hjá Fram, með grímu í 1. deild-
arleik gegn KA, en hann nef-
brotnaði í leiknum á undan,
gegn Haukum.
Rökin fyrir því að banna
notkun þessa hlífðarbúnaðar
mun vera sá að hann geti vald-
ið öðrum leikmönnum hættu og
jafnframt að varnarmenn lið-
anna skirrist við að „taka á“
þessum leikmönnum.
SKAUTAR
Magnús kjörinn
Arsþing Skautasambandsins
var haldið um síðustu helgi
í Reykjavík. Töluverðar breyt-
ingar urðu á stjórn og Magnús
Finnsson frá Akureyri tók við
formennsku sambandsins af
Þormóði Sveinssyni sem ekki
gaf kost á sér til endurkjörs.
Þingið var með rólegasta móti.
Framhalds-
adalfundur
knattspyrnudeildar
Þórs verður haldinn
í Hamri föstudaginn
20. des. kl. 19.
Stjórnin.
Hrannari sagt
upp hjá Njarðvík
Ástþór Ingason
tekur við liðinu
Stjórn Körfuknattleiks-
deildar Njarðvíkur sagði
Hrannari Hólm, þjálfara
meistaraflokks karla, upp störf-
um í gærdag og búist er við því
að aðstoðarþjálfarinn, Ástþór
Ingason, taki við fiðinu, að
minnsta kosti fyrst um sinn.
Stjórn deildarinnar sendi
íjölmiðlum símbréf í gær þar
sem sagt var að Hrannar hefði
verið leystur undan störfum og
ástæður uppsagnarinnar hafi
verið þær að árangur liðsins
hefði ekki verið samkvæmt
þeim væntingum sem stjórnin
hefði gert sér í upphafi mótsins
en Njarðvíkingar eru nú í 4.-5.
sæti úrvalsdeildarinnar og hafa
hlotið 14 stig úr fyrstu ellefu
leikjum sínum.
Njarðvíkingar funduðu í gær-
kvöldi en útkoma fundarins var
ekki ljós þegar blaðið fór í
prentun. Líklegt er talið að Ást-
þór Ingason, aðstoðarmaður
Hrannars, stjórni liðinu í næstu
leikjum, sem ekki eru fyrr en í
næsta mánuði.
Þess má geta að Hrannar var
Hrannar Hólm, fyrrum þjálfari
UMFN.
með óuppsegjanlegan samning
við stjórn körfuknattleiksdeild-
arinnar til vors, en Gunnar Þor-
varðarson sem sæti á í stjórn-
inni sagði að hún mundi reyna
að komast að samkomulagi við
Hrannar um starfslok.
W'IUI AafliRC[|VDM A
Fer Guðjón til Þróttar?
Orðrómur um að Guðjón
Þórðarson, fyrrum þjálf-
ari íslands- og bikar-
meistara ÍA, verði næsti þjálfari
2. deildarliðs Þróttar verður nú
háværari með degi hverjum.
Dagur-Tíminn bar þessa
fregn undir formann Þróttar,
Tryggva Geirsson, sem hafnaði
þessari sögu alfarið. Hann við-
urkenndi þó að menn hefðu
rætt þetta innan félagsins, en
þá meira í gríni en alvöru og
það ekki innan stjórnarinnar.
Hann sagði að búið væri að
ráða þjálfara og meðan samn-
ingurinn við hann væri í gildi
kæmi ekki til að annar yrði ráð-
inn. Annar Þróttari sem blaðið
hafði samband við fannst ekk-
ert einkennilegt við það þó
Þróttur eða önnur félög reyndu
að fá Guðjón til starfa því hann
væri margbúinn að sanna sig
sem besti þjálfari landsins. gþö
Sigurður besti
skautamaðurinn
Sigurður Sveinn Sigurðsson, leikmaður í ís-
hokkí með Skautafélagi Akureyrar, var val-
inn Skautamaður ársins af Skautasambandi ís-
lands.
Sigurður hefur keppt með Skautafélagi Ak-
ureyrar frá árinu 1991 þegar fyrsta deildar-
keppnin í x'shokkí hófst og var einn af máttar-
stólpunum í liði SA á síðastliðnu keppnistíma-
bili þegar liðið vann sinn fimmta íslandsmeist-
aratitil í röð.
Sigurður Sveinn Sigurðsson.
Mynd: Norðurmynd
HANDBOLTI

Jafnasta mótið okkar
etta var okkar jafnasta
mót til þessa og það má
segja að við höfum fengið
uppreisn æru, með því að fá að
dæma úrslitaleikinn,“ sagði
Stefán Arnaldsson, milliríkja-
dómari, en hann og félagi hans
Rögnvald Erlingsson dæmdu
úrslitaleik Dana og Norðmanna
á Evrópumóti kvennalandsliða,
sem lauk um síðustu helgi, í
Danmörku. Um fimm þúsund
manns sáu dönsku stúlkurnar
tryggja sér Evrópumeistaratitl-
inn, með sigri á Norðmönnum
25:22.
Stefán og Rögnvald voru ekki
valdir til að dæma á Ólympíu-
leikunum, sem kunnugt er, en
þeir fengu góðan vitnisburð fyr-
ir dómgæsluna á EM kvenna
sem var þeirra tíunda stórmót
saman. Þeir fengu rúmlega 82
stig að meðaltali fyrir dómgæsl-
una á mótinu, sem var tæpum
sjö stigum yfir meðalskorinu og
Stefán Arnaldsson.
telja má nokkuð víst að með
frammistöðu sinni hafi þeir fet-
að í fótspor íslenska handknatt-
leikslandsliðsins og tryggt sér
þátttökurétt á HM í Japan á
næsta ári.
„Þetta mót hefur örugglega
ekki eyðilagt fyrir þeim mögu-
leika, en við erum farnir að
læra það, að það er aldrei neitt
öruggt í þessum efnum,“ sagði
Stefán, en það verður líklega
tilkynnt í kringum áramótin
hvaða fimmtán dómarapör
verða í eldlínunni í Kumamoto í
Japan.
Þeir Stefán og Rögnvald
munu hafa nóg fyrir stafni í vet-
ur og eru þegar komnir með
þrjú verkefni erlendis. Það
fyrsta verður að dæma stórleik
þýska liðsins THW Kiel gegn
Winterthur í Meistarakeppninni
19. janúar og þeir hafa fengið
boð uin að dæma í Lotto-mótinu
og viku síðar verða þeir í Nor-
egi þar sem þeir dæma leik
Drammen við franska liðið
Creteil í Borgakeppninni.
Guðrún
heiðruð
Jólagleði frjálsíþróttadeild-
ar Ármanns hófst um helg-
ina með íþróttamóti í
Laugardalshöllinni þar sem
keppt var í þremur aldurshóp-
um. Mikill uppgangur er hjá
deildinni og fjöldi félaga hefur
aukist til muna. í kaffisamsæti
sem haldið var eftir mótið veitti
félagið afreksfólki sínu viður-
kenningar fyrir frábæran ár-
angur.
Ivar Indriðason, sem er 14
ára og byrjaði að æfa fyrir að-
eins einu ári, fékk viðurkenn-
ingu sem efnilegasti unglingur
félagsins en hann er margfald-
ur íslandsmeistari innan- og
utanhúss í 100 m. og 800 m.
hlaupum. Þá fékk Geir Sverris-
son viðurkenningu fyrir árang-
ur sinn á ÓL fatlaðra en þar var
hann í fremstu röð. íþróttamað-
ur ársins hjá Ármanni varð að
sjálfsögðu hlaupadrottningin
Guðrún Arnardóttir. Hún stóð
sig best allra íslendinganna á
Ólympíuleikunum í sumar og
varð í 10. sæti í 400 m. grinda-
hlaupi. Einnig fékk Guðrún
framfarabikarinn fyrir mestu
framfarir á árinu en sá bikar
var gefinn af golflandsliðinu ár-
ið 1981. Þá hefur hún unnið
mjög gott starf við kynningu
íþróttarinnar með heimsóknum
sínum í skóla. Hún vann Fóst-
bræðrabikarinn fyrir besta af-
rekið í spretthlaupi er hún setti
íslandsmet í 200 m. hlaupi.
Guðrún hefur nú verið valin
besta frjálsíþróttakonan tvö ár í
röð.
Þegar Guðrún keppti fyrir
Athens háskólann í Georgíu í
Bandaríkjunum varð hxín þriðja
á bandaríska háskólamótinu.
Stúlkurnar í 1. og 2. sæti eru nú
heims- og Ólympíumeistarar.
Hver er þá staða þessarar ís-
lensku hlaupakonu í 400 m.
grindahlaupi í dag?
Hún er í 13. sæti í heiminum,
6. sæti í Evrópu og langbest á
Norðurlöndum. Það er því
nokkuð öruggt að hún gerir til-
kall til þess að vera valin
íþróttamaður ársins 1996.
Samkvæmt heimildum Dags-
Tímans fékk Guðrún Arnardótt-
ir aðeins 250 þúsund krónur í
styrk frá Ólympíunefndinni til
undirbúnings fyrir þessa
stærstu íþróttakeppni sem fram
fer í heiminum. Það mun vera
lægsta upphæð sem keppandi
fékk en hún náði þó besta ár-
angri íslendinganna á þessu
móti auk þess sem hún er nú
komin á meðal fremstu íþrótta-
kvenna heimsins. -gþö
Guðrún Arnardóttir.