Dagblaðið Vísir - DV - 14.12.1984, Blaðsíða 6

26
DV. FÖSTUDAGUR14. DESEMBER1984.
Hvað er á seyði um helgina Hvað er á seyði um helgina
Leiklist
Síðustu sýningar á Kirsu-
berjagarðinum
Leiklistarskóli Islands sýnir nú í síðustu
skipti Kirsuberjagarðinn eftir Tjekof, leik-
stjóri Kári HaUdór. Sýningar verða á morg-
un, sunnudag og mánudag og hefjast þær kl.
20.00. Sýnt er í félagsheimili Seltjamarness
og er aðgangur ókeypis.
Brúðubíllinn
á Lækjartorgi
Laugardaginn 15. desember heldur BrúðubUl-
ÓDÝR
KVENSTÍGVÉL
Verö kr. 2.213,-
Verökr. 1.219,-
Verð kr. 1.938,-
Póstsendum
Laugavegi 1 — Sími 1-65-84
inn tvær sýningar fyrir böm á Lækjartorgi.
Þær hefjast kl. 14 og kl. 15. Ekki er að efa að
þessari nýbreytni verður vel tekið meðal
yngstu barnanna. Þau kannast flest við hann
LUla, litla appelsínugula apann, sem ferðast
hefur um landið þvert og endilangt í Brúðu-
bUnum undanfarin ár og heillað alla með
uppátækjum sínum. Helga Steffensen hefur
skapað brúðurnar í BrúðubUnum og stjórnar
þeim ásamt Sigríði Hannesdóttur.
I þvi sambandi má geta þess að komin er út
bók um Brúöubílinn sem nefnist Afmælisdag-
urinn hans Lilla. Bókin er prýdd fjömtíu stór-
um litmyndum af brúðunum hennar Helgu og
er fyrsta bók um brúðuleikhús sem gerð er á
Islandi og ætluö er börnum.
Fundir
Kvenfélag IMeskirkju
heldur jólafund sinni nk. mánudagskvöld kl.
20.30 í safnaðarheimUi kirkjunnar.
Ferðalög
Áramótaferð Ferðafélags
íslands í Þórsmörk (4 dagar)
Brottför ki. 8 laugardag 29. desember, til
baka þriðjudag 1. janúar.
I Skagfjörðsskála, Þórsmörk, er sú besta að-
staða sem gerist í óbyggðum, svefnpláss í 4—
8 manna herbergjum, miðstöövarhitun og
rúmgóð setustofa. I góðum félagsskap, um
áramót i Þórsmörk, leiðist engum. Farmiða-
sala og allar upplýsingar á skrifstofu F.I,
Oldugotu 3.Ath„ takmarkaður sætafjöldi.
Ferðafélagið notar allt gistirými í Þórsmörk
um áramótin fyrir sina farþega.
Dagsferð sunnudag 16. desember.
Kl. 13, gönguferð á Helgafell (338 m) við
Hafnarfjörð. Stutt og létt gönguferð. Verö kr.
200. Brottför frá Umferöarmiðstöðinni,
austanmegin. Farmiðar við bíl. Frítt fyrir
börn í fylgd fuUorðinna.
Ferðafélag tslands.
Útivistarferðir
Dagsferð sunnudaginn 16. des. Kl. 13, Hraun-
tunga—Kapellan. Gamlar fjárborgir o.fl.
áhugavert að skoða. Létt ganga. Verö 250 kr„
frítt fyrir börn með fullorðnum. Brottför frá
BSI, bensínsölu (í Hafnarf. v. kirkjug.).
Áramótaferö Útivistar í Þórsmörk.
Brottför laugard. 29. des. kl. 8,4 dagar. Gist í
hinum vistlega Otivistarskála í Básum. M.a.
verða gönguferðir, kvöldvökur, áramóta-
brenna og blysför. Uppl. og farm. á skrifst.,
Lækjarg. 6a, simi 14606 (simsvari). Farmiðar
óskast sóttir í siðasta lagi 21. des. Ath„ Utivist
notar aUt gistirými í Básum um áramótin.
Sjáumst.
Utivist.
Tilkynningar
Margir þurfa á aðstoð að
halda
Mæðrastyrksnefnd Kópavogs hefur sent frá
sér tUkynningu þar sem mrnnt er á að í Kópa-
vogi eru margir sem þurfa á aðstoð félagsins
að halda, einstæðar mæður, sjúklingar, ein-
stæö gamalmenni og fleiri. Jafnframt því sem
nefndin biður Kópavogsbúa um stuðning við
starfið óskar hún eftir því að fólk hafi sam-
band við nefndarmenn viti þaö af einhverjum
bágstöddum samborgara. Gíróreikningur
Mæðrastyrksnefndar Kópavogs er 66900—8.
Nefndina skipa Svana Svanþórsdóttir,
Ingibjörg Helgadóttir, Olöf Ásgeirsdóttir og
Þóra Davíðsdóttir.
Kveikt á jólatré á Akranesi
A morgun, laugardag kl. 15, verður kveikt á
jólatrénu á Akratorgi, Akranesi. Vinabær
Akraness, Tönner í Danmörku, sendir Akur-
nesingum tréð líkt og undanfarin ár. Lúðra-
sveitin leUtur jólalög fyrir afhendinguna og
frést hefur af komu jólasveinanna sem munu
skemmta ungum sem öldnum.
Jólaskap í Kvennahúsinu við
Vallarstræti
Laugardaginn 15. desember verður boðið upp
á jólaglögg og laufabrauðsútskurð frá kl. 13—
16. AUir velkomnir.
Húshópur.
Kökubasar á Lækjartorgi
Lokaárangur hjúkrunarnema í Hjúkrunar-
skóla Islands heldur kökubasar laugardag 15.
des. og einnig 22. des. á Lækjartorgi. Mikið
úrval af kökum til jólanna á vægu verði.
Ágóði rennur tU styrktar útskriftarferðalagi
síðasta árgangs skólans. Basarinn verður
opinn á búðartíma.
Jólatréssala Kiwanisklúbbs-
ins Geysis
Kiwanisklúbburinn Geysir MosfeUssveit
heldur hina árlegu jólatréssölu nú um helgina
14.—16. desember í glerverksmiöjunni við
Eeykjaveg gegnt fuglasláturhúsinu Isfugli.
Verður selt auk jólatrjáa greinar, jólapappír
og jólakort. Jólatrén verða flutt heim fyrir þá
MosfeUinga sem þess óska endurgjaldslaust,
greiðslukort gilda.
AUur ágóði rennur til kaupa á endurhæfingar-
tækjumfyrb-Reykjalund. .
Kveikt á jólatré
í Garðabæ
Garðabæ hefur borist fallegt jólatré frá vina-
bæ bæjarins Asker, í Noregi. Kveikt verður á
trénu við Garðaskóla v/Vífilsstaðaveg sunnu-
daginn 16. desember nk. kl. 15.00.
Dröfn Farestveit, varaforseti bæjarstjóm-
ar, flytur ávarp. Barn úr hópi viðstaddra
verður beðið um að kveikja á trénu. Garða-
kórinn syngur jólalög. Jólasveinar koma og
bregða á leik og á eftir er boðið upp á smáveit-
ingar.
Norræna félagið í Garðabæ.
Jólasöfnun Hjálpræðishers-
ins laugardaginn 15. desem-
ber rennur til hjálparstarfs-
ins í Eþíópíu
Eins og vegfarendur hafa ábyggilega tekið
eftir, eru jólapottar Hjálpræðishersins komn-
ir út á götumar í Reykjavík, Akureyri og á
Isafirði. Margir hafa þegar lagt sinn skerf í
jólapottinn og má segja að söfnunin gangi
nokkuö vel miðaö við undanfarin ár.
Vegna þeirrar miklu neyðar sem rikir í
Eþíópíu hefur Hjálpræðisherjnn ákveðið að
allt það fé sem safnast í jólapotta okkar laug-
ardaginn 15. desember skuli renna óskert til
hjálparstarfs í Eþíópíu. Vegna þess að Hjálp-
ræðisherinn er ekki með starf í Eþíópíu eins
og stendur höfum við ákveðið að afhenda
Hjálparstofnun kirkjunnar það sem safnast.
Við höfum haft fregnir af því að í Noregi ætli
starfsbræður okkar einnig að safna til
Eþíópíu laugardaginn 15. desember og munu
þeir einnig láta féð renna til „Kirkens Nöd-
hjelp”.
Við treystum á að Islendingar muni sjá til
þess að það sjóði vel í jólapottum Hjálpræðis-
hersins hér á landi laugardaginn 15. desem-
ber þannig að vel muni safnast til hjálpar-
starfsinsíEþíópíu.
Jólatréssala Kiwanis-
klúbbsins Elliða
Að venju um þetta leyti árs munu félagar í
Kiwanisklúbbnum Elliða Reykjavík gangast
fyrir jólatréssölu. Þetta er í 10. skiptið sem
klúbbfélagar bjóða jólatré til sölu og er þetta
fastur liður í fjáröflun klúbbsins. Trén, sem
að þessu sinni eru flutt inn til landsins frá Hol-
landi, verða seld við Fáksheimilið, á mótum
Reykjanesbrautar og Bústaðavegar, og er
áætlað að salan standi yfir til 23.
desember, svo lengi sem birgðir endast. Opið
verður virka daga frá kl. 17—22 en um helgar
frákl. 13-22.00.
Allur ágóði af jólatréssölunni rennur til
líknarmála og er fólk hvatt til að láta sjá sig á
staðnum og styrkja gott máiefni.
Norræn jólagleði í Norræna
húsinu
Sunnudaginn 16. des. kl. 16 býður Norræna
húsið í samvinnu við vinafélög Norðurlanda
til norrænnar jólagleði í Norræna húsinu.
Þetta er skemmtun í anda norrænnar sam-
vinnu fyrir alla fjölskylduna, unga sem
gamla.
A dagskrá verður heimsókn Lúsíu, upplest-
ur, leikir og dansar og Hamrahliðarkórinn
syngur norræn jólalög undir stjórn Þorgerðar
Ingólfsdóttur.
Á boðstólum verða ókeypis veitingar, jóla-
kökur, gosdrykkir, jólaglögg (áfengislaustj
ogkaffi.
Aðgangur er ókeypis.
Norræna húsið biður þá sem eiga þjóðbún-
inga að mæta í þeim svo gera megi jóla-
gleöina ennþá hátíðlegri.
Að lokinni jólagleöinni verður sýnd dönsk
gamanmynd — Kassinn stemmir og hefst
sýningin kl. 19.
Jólavaka við kertaljós á 70
ára afmæli Hafnarfjarðar-
kirkju
3. sunnudag í aðventu, 16. desember, verður
hin árlega jólavaka við kertaljós haldin í
Hafnarfjarðarkirkju og hefst hún kl. 20.30.
Tengist hún að þessu sinni 70 ára afmæli
kirkjunnar sem vígð var 20. desember árið
1914.
Biskup Islands, herra Pétur Sigurgeirsson,
flytur hátíðarræðu. Operusöngvararnir Sieg-
linde Kahman og Sigurður Björnsson syngja.
Jónas Ingimundarson leikur einleik á píanó
(slaghörpu) og Þórhallur Birgisson einleik á
fiðlu. Auk þess sem kór Hafnarfjaröarkirkju
mun flytja valin kórverk undir stjóm organ-
ista kirkjunnar, Helga Bragasonar.
Eftir jólavökuna í kirkjunni er svo kirkju-
gestum boöið í afmælishóf í veitingahúsinu
Tess Trönuhrauni8.
Hamborgarjólatréð
A morgun, laugardaginn 15. desember, kl. 16,
veröur kveikt á Hamborgarjólatrénu sem
Reykjavíkurhöfn hefur nú, eins og mörg und-
anfarin ár, fengið sent frá Hamborg.
Tréð er gjöf frá klúbbnum Wikingerrunde
sem er félagsskapur fyrrverandi sjómanna,
blaða- og verslunarmanna í Hamborg og ná-
grenni.
Achim D. Möller, blaðamaður frá Ham-
botg, er hingað kominn ásamt konu sinni til
þess að afhenda tréð sem að venju verður
reist á hafnarbakkanum við Hafnarbúðir. Af-
hendingin fer fram á morgun kl. 16 að við-
stöddum borgarstjóranum í Reykjavik, sendi-
herra Þýska sambandslýðveldisins á Islandi
og öðrum gestum.
Gunnar B. Guðmundsson hafnarstjóri mun
veita trénumóttöku.
Lúðrablásarar munu leika við Hafnarbúðir
frákl. 15.45.
USTRÆNN
HUJTURER
geymir MINNINGAR
Gerum afsteypur fyrir þá sem þess óska af t.d. fæti
barnsins, hendi afa eða ömmu eða andlitinu af sjálfum
þér. Hringið í síma 77340 og pantið tíma. Við komum á
staðinn og tökum mót af viðkomandi og afhendum síðan
styttuna með eða án undirstöðu og í þeim lit sem óskað
er eftir.
Afgreiðslutími 2—3 dagar.
skemmtileg gjöf sem kemur á
óvart