Dagblaðið Vísir - DV - 09.06.1994, Blaðsíða 8
24
FIMMTUDAGUR 9. JÚNÍ 1994
Myndbönd
Christian Slater ásamt Patriciu Arquette sem leikur á móti honum í True Romance.
Christian Slater leikur aðalhlutverkið í True Romance:
Dagar villts líf
ernis að baki
Leikstjóri True Romance, Tony Scott, leiðbeinir Christian Slater á milli atriða.
Nýlega kom út á myndbandi True
Romance, kvikmynd sem vakið hef-
ur athygli og fengið jákvæða dóma. í
henni leikur Christian Slater ungan
mann, Clarence, sem er mikill aðdá-
andi gamalla Kung Fu mynda. Þegar
hann er við uppáhaldsiðju sína í
kvikmynmdahúsi verður á vegi
hans ung stúlka. Er um að ræða ást
við fyrstu sýn af beggja hálfu.
Stúlkan sem er vændiskona er samt
ekki einráð um gerðir sínar. Á bak
við útgerð hennar stendur illmenni
sem Clarence drepur þegar hann
ætlar að ná í eigur unnustu sinnar.
Með True Romance má segja að
nýr kafli byrji í lífí Christians
Slaters. Honum var spáö miklum
frama þegar hann var unglingur en
fór þá að drekka ótæpilega. Stans-
laus partí og sukk fóru bæði illa
með hann líkamlega og nærri eyði-
lögðu feril hans. Sjálfur segir hann
um þetta tímabil að hann hafi í
raun veriö mjög ábyrgðarlaus
gagnvart leikferli sínum og hann
aðeins gert þaö sem hann langaði að
gera og haldið að tilboö um góð hlut-
verk og frægð myndu koma af sjálfu
sér.
Það má kannski segja að á
tímabili hafi það verið rétt metið hjá
Slater að frægðin myndi koma af
sjálfu sér. Frægðin kom bara ekki á
þann veg sem hann hafði haldið.
Hann varð frægur í Hollywood fyrir
sukk og að vera tekinn og kærður
fyrir ýmsan ósóma. Það var einnig
rétt metið að leikferillinn sæi um
sig sjálfur en í stað þess að vera upp
á við eins og Slater hélt var hann
niður á við.
Var líkt við Jack
Nicholson
Christian Slater byrjaði á sviði
bam að aldri. Það kvikmynda-
hlutverk sem fyrst vakti athygli á
honum var í The Name of the Rose
þar sem hann lék á móti Sean
Connery. Tveimur árum síðar, þá
átján ára, lék hann í Heathers og sló
rækilega í gegn. Eftir frammistöðu
hans i þeirri mynd var hann efstur
á lista hjá öllum sem fjölluðu um þá
efnilegustu í Hollywood. Þótti leikur
hans í Heathers minna um margt á
Jack Nicholson og var honum spáð
álíka glæsilegum leikferli.
En það fór á annan veg, alla vega
í þetta skiptið. Frægðin steig Slater
til höfuðs og má seeia að hann hafi
farið éftir orðum Clarence Worley í
True Romance, þar sem hann segist
vilja lifa hratt, deyja ungur og skilja
eftir fallegt lík.
Slater viðurkennir nú að líf hans
hafi farið úr böndunum og hámark-
inu náði hann þegar lögreglan tók
hann drukkinn og uppdópaðan eftir
aö hann haföi reynt að stinga lög-
regluna af og keyrt á símastaur.
Æsifréttablöðin komust heldur
betur í feitt í nokkrar vikur á eftir.
Ekki urðu kvikmyndimar sem hann
lék aðalhlutverk í á þessu tímabili,
til að bjarga honum. Þrjár kvik-
myndir, The Wizard, Kuffs og
Mobsters, kolféllu allar. Tvær kvik-
myndir sem hann lék aukahlutverk
í, Young Guns H og Robin Hood:
Prince of Thives gerðu það aftur á
móti gott.
Það má því segja að Christian
Slater hafi með True Romance
byrjað nánast aftur í startholunum.
Á meðan gekk allt í haginn hjá
meöleikara hans í Heathers, Winona
Ryder, sem hefur á þessu tímabili
unnið með fyrsta flokks leikstjórum,
Martin Scorsese, Tim Burton,
Francis Coppola og Jim Jarmusch
og er í dag komin í hóp þeirra stóru
í Hollywood.
Breytti um lífsstíl
Foreldar Christians Sláters vinna
báðir í kvikmyndabransanum, faðir
hans sem er leikari er alveg horfinn
úr lífi hans, enda skildu foreldrar
hans þegar hann var krakki, en
móðir hans sem sér um aö ráða í
hlutverk hjá MGM hefur haft mikil
áhrif á feril hans og verið honum
traustur liðsmaður.
Slater hafði leikið í fáeinum
kvikmyndum áður en hann hélt til
Evrópu til að leika í The Name of
the Rose. Og það var í Róm sem
hann fyrst kynntist hinu ljúfa lífi
sem nærri eyðilagði hann. Það var
svo hann sjálfur sem sá að sér og fór
í meðferð. í dag er Christian Slater
stoltur yfir því að hafa komist yfir
erfiðleikana og segist breyttur
maður. „Áður fyrr lék ég í Tales
from the Darkside: The Movie,
eingöngu vegna þess að þar var
peninga aö fá. Nú tek ég að mér
aukahlutverk í Jimmy Hollywood
undir stjóm Barry Levinson og tek
yfir hlutverk River Phoenix í
Interview With the Vampire í
leikstjóm Neil Jordan til þess eins
að búa til góð sambönd og fá
tækifæri til að vinna með fyrsta
flokks leikstjórum. Ég geri mér
grein fyrir að þessi hlutverk muni
ekki koma til með að hafa nein áhrif
á leikferil minn peningalega en
vonast til að þau auki álit annarra á
mér sem leikara."
Fjölskylda í Brooklyn
Broadway Bound er lokahluti triólógiu Neils
Simons sem hann byggir á eigin lífi. Fyrri
myndimar eru Brighton Beach Memories og Biloxi
Blues. Allar myndimar þrjár eru gerðar eftir
leikritum sem eiga það sammmerkt að vera talin
meðal bestu verka Simons. Myndimar þijár byggja
aliar mjög nákvæmlega á leikritunum og þvi er
sögusviðið ekki stórt. Broadway Bound gerist að
mestu leyti innan dyra hjá fjölskyldu einni í
Brooklyn. Jonathan Silverman leikur Eugen
Jerome, ungan mann sem reynir fyrir sér ásamt
bróður sinum með skrifúm fyrir útvarp. Foreldrar
hans eiga i miklum hjónabandserfiðleikum og era
ekki hrifnir af frumsmíð drengja sinna en þar
koma fjölskyldumeðlimimir við sögu.
Fjölskyldupersónurnar eru mjög skýrt dregnar
ftam og eftirminnilegastur verður afinn með öll sín
vandamál, tilbúin og raunveruleg. Hume Cronyn leikur hann snilldariega.
Broadway Bound er kannski ekki alveg eins góð og tvær fyrmefhdar myndir
en er engu að síður gott dæmi um bestu eiginleika Neils Simons, sem eru
hnitmiðuð samtöl og sterk persónulýsing.
BROADWAY BOUND - Útgefandl SAM-myndbönd.
Leikstjóri: Paul Bogart.
Aðalhlutverk: Anne Bancroft, Hume Cronyn, Jonathan Silverman og Jerry Orbach.
Bandarísk, 1992. Sýningartími 100 mín. - Bönnuð bömum innan 12 ára. -HK
Mín skal hún verða
Boxing Helena er fræg kvikmynd, ekki vegna
þess hversu myndin er góð heldur vegna þess að
hún gerði Kim Basinger næstum gjaldþrota, en
hún hafði skrifað undir samning um að leika
aðalhlutverkið en rifti þeim samningi. Þessi
ákvörðun Basinger er vel skifjanleg. Boxing Helena
er einstaklega fráhrindandi kvikmynd, köld, þrátt
fyrir ástriðuhitann sem kynntur er 1 henni og
aðalpersónumar tvær ná aldrei að vekja áhuga.
Myndin ftallar um skurðlækninn Nick Cavanaugh
sem haldinn er óstjómlegri þrá eftir Helenu sem á
bágt með að þola aðdáun Nicks. Þegar Nick verður
vitni að því er Helena lendir i bílslysi fer hann
með hana heim til sín í stað þess að fara með hana
á sjúkrahús og martröð þeirra beggja byrjar.
Boxing Helena er leikstýrt af Jennifer Lynch,
dóttur David Lynch, og hefur hún lært ýmislegt af
föður sínum en hefur ekki sömu hæfileika til að gera óaðgengilegt efni að
heiilandi kvikmynd.
CliLT smil
jTlTHiNTHC.-. A MUSÍ
BOXING HELENA - Utgefandi: Skífan.
Leikstjóri: Jennifer Lynch.
Aðalhlutverk: Julian Sands, Sherilyn Fenn og Biil Paxton.
Bandarisk, 1993, sýnlngartími 101 mín. - Bönnuð bömum innan 16 ára.
-HK
I m
Á mörkum raunveruleikans
Joon er áhugaverð stúlka sem sakir geðveilu
getur ekki tungengist annað fólk eðlilega. Veikindi
hennar og skapbrestir gera það að verkum að
bróðir hennar, Benny, er ávallt í vandræðum með
ráðskonur handa henni, hún hrekur þær á brott
jafhóðum. Nokkuð óvænt tekur furðufuglinn Sam
að sér að sjá úm Joon þegar tap í spilum gerir það
að verkum að þau verða að hýsa hann. Sam, sem
varla er skrifandi en er mjög svo sérstakur
persónuleiki, hefur mikil áhrif á Joon og það hefur
góð áhrif á hana að vera í návist Sams, en hann
gerir sér aftur á móti litla grein fyrir veikindum
hennar og stendur því uppi ráðalaus þegar á
reynir. Benny & Joon er einstaklega hlý og
mannleg kvikmynd, sagan sjálf er kannski ekki
ýkja merkileg, en leikararnir þrir, Johnny Depp,
Mary Stuart Masterson og Aidan Quinn, gæða
persónumar miklu lífi og hjálpa til að gera Benny & June að eftirminnilegri
kvikmynd.
BENNY & JOON - Útgefandi: SAM-myndbönd.
Lelkstjóri: Jeremiah Chechlk.
Aðalhlutverk: Johnny Depp, Mary Stuart Masterson og Aidan Quinn.
Bandarísk, 1993, Sýningartimi 94 mín. - Bönnuð börnum innan 12 ára. -HK
Ti ‘rjsepz i i * »-v>
Hættulegar stelpur
í byrjun Bitter Harvest fylgjumst við með
ungum manni, Travis Graham, þar sem honum er /
tilkynnt að hann erfi ekkert eftir fóður sinn nema
jörðina sem þeir feðgar bjuggu á og myntsafn sem
talið er verðmætt. Seinna í myndinni er gefið í
skyn að Travis hafi verið valdur að dauða föður
síns, en eins og annað í söguþræðinum í Bitter
Harvest er erfitt aö komast niður á fast og er
myndin, þrátt fyrir spennu, raglingsleg þegar llða
tekur á, Örlagavaldar 1 lifi Travis era tvær ungar
og fagrar stúlkur sem sýna Travis mikinn áhuga.
En fljótlega fær áhorfandinn það á tilfinninguna að
þær séu ekki allar þar sem þær eru séðar og önnur
gæti verið harðsvíraöur bankaræningi og jafnvel
báðar. Þær hafa mikil áhrif á Travis og fá hann
nánast til að gera það sem þeim hentar. Bitter
Harvest er ekki merkileg kvikmynd, langdregin
erótísk atriði eru til uppfyilingar á þunnri sögu. Forvitnilegast er aö fylgjast
með því hvemig þriðji Baldwin-bróðirinn, Stephen (bróðir Alecs og Williams),
stendur sig og verður hann að gera betur ef hann á að ná jafn langt og bræöur
hans. Adam Baldwin, sem einnig leikur í Bitter Harvest, er aftur á móti ekkert
skyldur þeim.
BITTER HARVEST - Útgefandi: Myndform.
Leikstjóri: Duane Clark.
Aóalhlutverk: Patsy Kenslt, Stephen Baldwin, Jennifer Rubin og Adam Baldwin.
Bandarísk, 1993. Sýnlngartfmi 98 mín. - Bönnuó börnum innan 16 ára. -HK