Dagur - 19.01.1939, Blaðsíða 1

DAOUR
keinur út & hverjum ftmtu-
degi. Kostar kr. 6.00 &rg.
Gjaldkeri: Ársi Jóhanns-
son i Kaupfél. Eyfiréinga.
Gjalddagi fyrir 1. júlí.
Afgreiðslan
er hjá JÖNl Þ. ÞÖE, Norö-
urgötu 8. Talslmi 112. Upp-
sögn, bundin við áramót, sé
komin tii afgreiðslumanns
fyrir 1. des.
XXII. árg. \
> » * <» * # -•#
-#-4
Akureyri 1Q. janúar 1939.
LEIKHÚSIÐ.
Drengnri
Leikur þessi hefir verið sýndur
tvisvar, síðastl. laugardags- og
sunnudagskvöld, í bæði skiptin
við góða aðsókn og ágætar við-
tökur.
Leikritið er ekki mikið lista-
verk, en það er margbreytilegt og
fer vel á leiksviði. Þungamiðja
leiksins er alvarlegs efnis og
fjallar um vandamál allra tíma,
uppeldi æskulýðsins. Auðugur
faðir sér ekki sólina fyrir syni sín-
um, lætur allt eftir honum og ger-
ir hann að lærðum ónytjung með
dekri sínu og blindri föðurást. En
þessi ranga uppeldisaðferð hefnir
sín grimmilega bæði á föður og
syni. Inn í þessa raunasögu er svo
fléttað ástaræfintýrum og ýmis-
konar skoplegum atburðum, sem
lyfta leiknum og fjörga.
Útbúnaður leiksins er góður,
sérstaklega er skógarsýningin í 4.
þætti ljómandi falleg.
Jón Norðfjörð er leikstjóri og
hefir sýnilega unnið að því af
áhuga og góðum skilningi.
Nokkur orð um helztu hlut-
verkin:
Stærsta hlutverkið og vanda-
samasta er Mörup skósmíðameist-
ariA leikinn af Gimnari Magnús-
syni. Yfirleitt leysir hann hlut-
verkið mjög vel af hendi og af
góðum skilningi. Færi þó betur á,
þegar hann á í orrahríðinni við
Frank og dóttur sína, að meira
kenndi þunga en minni hávaða í
leik hans, og í 5. þætti, þegar hann
er orðinn öreigi og yfirgefinn,
mættu vera meiri blæbrigði í
rödd hans. Samt koma tilfinning-
ar hans skýrt og eðlilega í ljós,
þegar hann fær vitneskju um
dótturson sinn, sem heitinn var
eftir honum. Söngur hans er all-
staðar prýðilegur eins og vænta
mátti.
. .Bertelsen er leikinn af Þóri
Guðjónssyni. Leikandirm sómir
sér ágætlega í hlutverkinu, bæði
hvað útlit og framkomu snertir;
leikur hans er alltaf hressandi og
gustmikill eins og vera ber.
Frank skósmið sýnir Jón Norð-
fjörð. Er það létt verk fyrir jafn-
hæfan leikara, enda afbragðsvel
af hendi leyst ög þó sérstaklega
þar, sem mest alvara er á ferðinni.
Helzt mætti að leik hans finna, að
hann sé stundum fullsterkur
gagnvart meðleikendum hans.
n ai iii i n n.
Eyðslusegginn og landeyðuna
Leopold, son Mörups, sýnir Jó-
hann Guðmundsson. Verður ekki
annað sagt en honum takist það
allsæmilega. Líkt má segja um
Gísla Konráðsson í hlutverki Söll-
ings söngkennara; þess má geta,
að G. K. er utan leiksviðs hinn
snotrasti piltur, þó að hann í aug-
um leikhúsgesta geti naumast ver-
iÖ eftirsótt kvennagull þarna á
leiksviðinu.
í leiknum eru nokkur kvenhlut-
verk og sum þeirra töluvert fyrir-
ferðamikil. Emmu Bertelsen leik-
m' ungfrú Valgerður Þorsteinsd.
rösklega og fremur laglega, og
Maríu systur hennar, þessa grát-
gjörnu stúlku, sem Leopold fór
skammarlega með, sýnir Ásthild-
ur Guðlaugsdóttir. Hlutverkið er
leiðinlegt og því ekki von að byrj-
anda takizt að gera mikið úr því.
Klöru dóttur Mörups, sem gift-
ist Frank, leikur Helga Jónsdóttir.
Má einkum um leik hennar segja,
að söngur hennar er með ágætum.
Stínu vinnukonu, skemmtilegt
hlutverk, leikur Sigríðiu- Gísla-
dóttir létt og lipurt, og hefir hún
þó aldrei komið á leiksvið fyrri.
Auk þessa eru mörg smærri
hlutverk, sem að öllu samanlögðu
eru stórlýtalaust af hendi leyst.
Að líkindum á leikurinn eftir að
skemmta bæjarbúum og nær-
sveitamönnum lengi og vel.
I. O. O. F. = 1201209 == I.
Messað í Glerárþorpi næstk.
sunuudag kl. 12.
ZION. Næstkomandi sunnudag
kl. 10.30 f. h. barnasamkoma. Kl.
8.30 e. h. almenn samkoma, allir
velkomnir.
Ungmennastúkan Akurlilja nr.
2 heldur fund í Skjaldborg sunnu-
daginn 22. þ. m. kl. 8.30 síðdegis.
Sænsk kvikmjmd kemur með
„Goðafossi" og verður væntanlega
sýnd á fundinum.
Þorrablótsskemmtun heldur
Framsóknarfélag Akureyrar í
Skjaldborg næstk. laugardags-
kvöld. Þeir, sem hafa skrifað sigá
lista, sem þátttakendur, vitji að-
göngumiða á skrifstofu félagsins í
Hafnarstræti 105 á föstudaginn
kemur frá kl. 3 til 11 síðdegis, því
þeir verða ekki afhentir eða seldir
við innganginn.
| Benedikt BlöndaL |
búfræðingur og hreppstjóri á
Hallormsstað, varð úti fyrra
mánudag á Þórudalsheiði, sem
liggur á milli Reyðarfjarðar og
Skriðdals. Var hann á heimleið
frá Reyðarfirði, og fylgdi honum
maður upp á háheiðina, en sneri
þá aftur eftir fyrirsögn Benedikts.
Þegar hann ekki kom fram var
hafin leit að honum, og fannst
hann örendur í snjóskafli um
klukkutíma gang frá bæjum í
Skriðdal og skíðum hans stungið
niður hjá honum. Er talið víst að
hann hafi orðið snögglega veikur
og þess vegna sezt að.
Benedikt var rúmlega hálfsex-
tugur að aldri og hinn mætasti
maður á alla lund, gáfaður áhuga-
maður og við margvísleg og mikil-
væg störf og framfaramál riðixm
um æfina. Hann var um eitt skeið
kennari við búnaðarskólann á Eið-
um og síðan við héraðsskólann
þar og gat sér égætt orð fyrir það
starf sem önnur, er hann hafði
með höndum.
Hann var kvongaður Sigrúnu
Pálsdóttur, forstöðukonu hús-
mæðraskólans á Hallormsstað.
Einn son eiga þau á fermingar-
aldri.
Kvif lan.
Hér með kvittast fyrir grein þá,
er hr. Óskar Bender sendi mér í
„Verkamanninum“ 14. þ. m., en
annars tel eg hana ekki svars
verða. í fyrsta lagi vegna þess, að
grein þessi er augljós vottur um
það nýtízku-ofstæki, sem eg hafði
tekið til athugunar. í öðru lagi
sökum þess, að engin rök koma
þar fram, sem hnekkja athuga-
semdum mínum. í þriðja lagi af
því, að greinarhöf. virðist elcki
skilja íslenzku, eða hártogar vís-
vitandi, ef dæma skal af skýring-
um hans á niðurlagi þeirrar
greinar, sem hann er að svara.
Og í fjórða og síðasta lagi, vegna
þess, að greinarhöf. virðist lítt til
þess fallinn, að deila um málefni
heldur slær út í persónulegan
skæting, kryddaðan með óviðeig-
andi dylgjum og jafnvel hótunum
í minn garð og annara „hvítbryst-
inga“, sem hann fullyrðir, að „lifi
bílífi á kostnað stritandi alþýðu“.
Við slíka menn, sem ekki kunna
betur að halda á málum sinum, er
ekki unnt að rökræða, fremur
en hægt er að tefla skák við þá,
sem ekki kunna mannganginn.
En það læt eg jafnframt háttv.
greinarhöí. vita, að enda þótt eg
sé slíkt barn í hugsun og rit-
mennsku, sem hann vill vera láta,
mun eg halda sem leið liggui',
hvort sem honum líkar betur eða
ver. Því að börnin geta stundum
opnað augu þeirra, sem telja sig
þeim vitrari, eins og t. d. barnið,
sem kvað upp úr með sannleikann
um nýju fötin keisarans.
Akureyri 15. janúar 1939.
Björgvin Guðmundsson.
í haust var gengið frá grunni
og kjallara nýnrar kirkju á Akur-
eyri. Nýja kirkjan á að standa á
höfðanum upp af Torfunefinu.
Guðjón Samúelsson hefir gert
uppdrátt hennar. Á hún að snúa
dyrum í austur, út að firðinum,
og verður hún tvíturna.
Gert er ráð fyrir að kirkjan
kosti 160—200 þús. kr. Akureyrar-
kirkja er lénskirkja, en söfnuður-
inn hefir boðizt til að taka hana
að sér. Hefir kirkjuráð mælt með
því við ríkisstjórnina að söfnuðin-
um yrði afhent kirkjan með 30
þús. kr. tillagi úr ríkissjóði, en
söfnuðurinn hefir boðizt til að
taka hana með 50 þús. kr. álagi.
Kirkjan átti um 45 þús. kr. í sjóði,
og Akureyringar hafa safnað 15
þús. kr. til byggingarinnar. Voru
því 60 þús. kr. handbærar, þegar
byrjað var á byggingunni.
*
Akureyrarkirkja var reist árið
1862. Áður áttu Akureyrarbúar
kirkjusókn að Hrafnagili, en þá
var kirkja þar lögð niður. Þetta
kirkjubyggingarmál hafði staðið
yfir í mörg ár, áður en það komst
í framkvæmd. í því eina blaði,
sem þá kom út á Akureyri, en það
var Norðri, var mál þetta nokkuð
rætt. Þar segir m. a. svo, 30. nóv.
1859:
„Það var nú íyrir 10 árum rúm-
um, að Akureyrarmenn hófu máls
á því, að kirkja væri sett hér á
Ak., því bærinn var eins og hann
er enn, einlægt að vaxa, en sóknar-
kirkja bæjarins að Hrafnagili lá
svo að segja á hinum enda sókn-
arinnar, svo að bæjarbúar áttu
hálfrar annarar mílu veg til kirkj-
unnar og hann fremur ógreiðfær-
an, og þegar þeir vildu sækja hin-
(Franvh, á 4, síðu).