Dagur - 14.02.1973, Side 5

4
5
Skrifstofur, Hafnarstræti 90, Akureyri
Simar 1-11-G6 og 1-11-67
Ritstjóri og ábyrgðarmaður:
ERLINGUR DAVÍÐSSON
Auglýsingar og afgreiðsla:
JÓHANN K. SIGURÐSSON
Prentverk Odds Bjömssonar h.f.
Fegurð og hamingja
' _.Vv- 1
ÞEGAR forseti hins íslenzka lýð-
veldis ávarpaði þjóðina á fyrsta degi
þessa árs, lauk hann ræðu sinni með
þessum orðum:
„Starfandi og skapandi er maður-
inn fegurstur og um leið hamingju-
samastur.“
Rétt áður en forsetinn mælti þessi
orð hafði hann yfir erindi eftir
skáldið og fræðimanninn Jón Helga-
son í Kaupmannahöfn, er endar svo:
Sú gjöf mér væri gleðilegust send
að góður vinnudagur færi í hönd.
Ljóð skáldsins er lofsöngur til
vinnunnar. Spakmæli forsetans fjall-
ar um áhrif hins skapandi starfs á
manninn og líðan hans. Þetta spak-
mæli ætti að innræta hvex ju barni á
íslandi. Á slíkum bainalærdómi er
séistök þörf nú á tímum, því að víða
gerir sá meinlegi misskilningur vart
við sig, að vinnan sé böl og stai-fið ok,
sem létta þurfi af mannkyninu, að
vinnustundum þurfi að fækka, en
tómstundum að fjölga, og er þá lítt
að því hugað, hvernig tómstundum
er varið.
Það er að vísu rétt, að fyrr á tím-
um var mörgum ofboðið með vinnu,
og enn eru þess dæmi, að fólk ofbjóði
sjálfu sér til að afla sér og sínum lífs-
þæginda, sem það telur nauðsynleg,
samkvæmt gildismati vorra tíma.
Hið skapandi stail er það, sem að
jafnaði greinir manninn frá dýri.
Það starf er undirstaða menningar
og framfara, brunnur liamingju og
lífsgleði, a. m. k. fyrir alla þá, sem
geta fengið starf við sitt hæfi og liafa
heilsu til að sinna því. Jafnvel þau
störf, sem unnin eru af skyldurækni
einni saman, em manninum hollari
en iðjuleysið.
Hinar svokölluðu tómstundir
fólks eru að verða eitt af lxelztu þjóð-
félagsvandamálum nútímans. Maður
við stöi'f, er að jafnaði ekki hættu-
legur sjálfum sér eða umhverfi sínu.
En í tómstundum sínum er liann það
oft. Mest ei*u tómstundavandræðin í
sambandi við böxn og unglinga í
þéttbýli, þar sem þeim er fyrirmun-
að að njóta fullnægingar hins skap-
andi staifs. Úr þessu er í menningar-
löndum reynt að bæta með skóla-
skyldu. Fyrir sxima geta skólar komið
í stað starfs, en fyrir aðra ekki.
Víst er, að hinu fámenna íslenzka
þjóðfélagi, með fangið fullt af veik-
efnum, væri það óumræðilega mikils
virði, ef þeir sem eifa landið gætu
vaxpað frá sér ofdýrkun tómstund-
anna og fest sér í minni orð forset-
ans um fegurð og hamingju hins
starfandi og skapandi rnanns. □
Eyfirzku kýrnar afurðamiklar
Guðmimdur Steindórsson ráðunautur SNE
svarar nokkrum spurningum blaðsins
- FRA KAUPFEIAOIEYFIRÐINGA
EYFIRZKIR bændur urðu
snemma miklir samvinnumenn
og félagsmálamenn. Til félags-
málastarfa þeirra má rekja hin-
ar stórstígu framfarir á mörgum
sviðum, bæði í sveitum og sjáv-
arþorpum, en ekki sízt í höfuð-
stað Norðurlands. Ungmenna-
félög, búnaðarfélög, jarðræktar-
félög, búfjárræktarfélög og öfl-
ugt samvinnufélag eiga þarna
merka þætti, svo sem almennt
er viðurkennt. Hér verður þó
aðeins . minnzt á einn þáttinn,
nautgriparæktina, en á því sviði
munu eyfirzkir bændur vera í
fararbroddi hér á landi. Naut-
griparæktarfélögin við Eyja-
fjörð mynduðu samband fyrir
meira en fjörutíu árum og er
það kunnugt undir skammstöf-
uninni SNE. Að þessu sinni
fengum við til viðtals ráðunaut
sambandsins, Guðmund Stein-
dórsson frá Þríhyrningi, sem
tók við því starfi af Sigurjóni
Steinssyni, sem andðaist á síð-
asta ári.
Hve mörg eru nautgriparækt-
arfélögin í SNE?
Samband nautgriparæktar-
félaga Eyjafjarðar, eða SNE,
var stofnað 1929 og í því eru 12
félög, þar af tvö í Þingeyjar-
sýslu.
Helztu verkefni?
Helztu verkefni sambandsins
hafa verið leiðbeiningastörf í
nautgriparæktinni, uppgjör á
skýrslum félaganna og ein-
stakra bænda, þá kom SNE upp
sæðingarstöð árið 1946 og af-
kvæmarannsóknir hófust 1955.
En 1954 var Búfjárræktarstöðin
stofnuð, einnig stofnuð af SNE.
Á v.egum SNE er einnig stærsta
svínabú hér um slóðir, með um
70 gyltum.
Nú eru eyfirzku kýmar tald-
ar góðar?
Afurðirnar hafa aukizt mjög
mikið. Ef bornar eru saman
skýrslur fyrr og nú, kemur
þessi munur vel í ljós. Fjöldi
árskúa á sambandssvæðinu
voru 1266 árið 1930. Þá voru 3.4
árskýr til jafnaðar á bæ og
mjólkuðu þær 2695 kg yfir árið
með 3.6% fitu, Meðalársnytin
var 2583 kg. En árið 1971 var
fjöldi reiknaðra árskúa á sama
svæði 4199. Þá voru að meðal-
tali 17.9 árskýr á búi. Full-
mjólka kýr mjólkuðu að meðal-
tali 4259 kg með 4.32% fitu. En
meðalnyt árskúa var 4042 kg.
Þú hefur einnig stjómað af-
kvæmarannsóknunuin?
Já, ásamt bústjóranum, Ósk-
ari Eiríkssyni, og þær eru í því
fólgnar að rannsaka dætur
ákveðinna nauta og láta þær
segja til um eiginleika feðranna.
Ár hvert höfum við þannig haft
tvö naut í rannsókn og er nú
búið, á þennan hátt, að rann-
saka 30 kynbótanaut. Auk þess
eru svo tveir kvíguhópar á
fyrsta mjólkurskeiði nú, en feð-
ur þeirra eru Natan, sunnlenzk-
ur, og Hnokki frá Skjaldarvík.
Það að auki eru enn þrír kvígu-
hópar árinu yngri og svo enn
yngri kvígukálfar.
Og nautin reynast niisjafn-
lega?
Þau eru talsvert misjöfn og
mörgum hefur verið lógað, þeg-
ar dæturnar gefa þeim miður
góðan vitnisburð. Er þar með
útilokað að mjög léleg naut séu
notuð til undaneldis. En erfitt
er þó um allan samanburð
vegna þess, að ekki hafa verið
afkvæmaprófuð miklu fleiri
naut árlega en þetta. En aðferð
þessi þykir gefa nokkrar
ákveðnar og mikilvægar bend-
ingar um erfðaeiginleika naut-
anna. En það er bæði kostur og
galli sæðingastöðvanna, að
hvert einstakt naut hefur miklu
meiri kynbótaáhrif en áður var,
því að með sæðingunum eru
lítil takmörk fyrir fjölda ein-
staklinga undan hverju nauti.
Auk þessara tilrauna er nokkur
meiri búskapur á Búfjárræktar-
stöðinni.
Guðmundur Steindórsson.
Hvort byggist hin mikla
mjólkuraukning frcmur á kyn-
bótum en bættri fóðrun?
Hinar auknu afurðir, sem
skýrslurnar bera vott um, eru
að nokkru leyti vegna kynbót-
anna en fóðrun og öll meðferð
mjólkurkúnna mun þó vera tals
vert þyngri á metunum.
Þið rekið enn sæðingarstöð-
ina?
Já, en sú breyting er á orðin,
að við höfum ekki lengur kyn-
bótanautin, heldur eru þau öll á
einum stað, Hvanneyri. Þaðan
er sæðið flutt hingað og því
dreift hér eins og áður. Um 85%
kúnna á sambandssvæðinu eru
sæddar og nautahald í sveitum
er að mestu aflagt. Þetta hefur
gengið mjög vel og bændur hér
voru öðrum fljótari að samein-
ast um notkun sæðingarstöðv-
arinnar. Og hinn sami áhugi
kemur einnig fram gagnvart
skýrsluhaldinu, því að yfirgnæf
andi meirihluti kúnna á sam-
bandssvæðinu er á skýrslum.
Þið hafið einnig sauðfjársæð-
ingar?
Sauðfjársæðingar eru á veg-
um búnaðrasambandsins, en
hrútarnir, bæði kollóttir og
hornóttir, eru á Búfjárræktar-
stöðinni, en ráðunautar búnaðar
sambandsins sjá um þann þátt
sæðinganna, og eru aðrir mér
fróðari um þær kynbætur. Þá
má nefna að Rannsóknastofnun
landbúnaðarins fékk aðstöðu
hjá okkur við tilraunir á kálfa-
eldi. Þeim tilraunum lauk sl.
haust. Tilraunir þessar voru
miðaðar við kjötframleiðslu.
Er það rétt, að tölvur séu
notaðar við kúaskýrslurnar?
Byrjað er á því og að því
stefnt, að tölvur vinni úr þess-
um skýrslum, losi okkur að
miklum hluta við það tafsama
„handverk“, sem skýrslugerð-
irnar eru, og það gefur ráðu-
naut um leið aðstöðu til nánara
samstarfs við bændur, sem ég
tel mjög nauðsynlegt. Ég reikna
með því, að skýrslugerðir allra
nautgriparæktarfélaganna verði
mjög fljótt komnar í hinar fljót-
virku vélar.
Enn mun mega vinna mikið
að ræktun stofnsins og kunn-
áttu í meðferð?
Án efa, og er nærtækast að
benda á þá mjólkurframleiðend-
ur, sem beztum árangri hafa
náð, og að margir eiga enn nokk
uð langt í land að ná þeim. Nú
munu kýrnar orðnar álíka eðlis-
góðar á bæjunum, og er þá öðru
um að kenna, þar sem árangur
er mun minni eða lélegri. Hlýt-
ur þá mismunurinn að liggja í
fóðrun og annarri meðferð, en
þá kemur jarðrækt og heyverk-
un einnig inn í dæmið, og enn
fleiri þættir. Hins vegar held ég,
að ekki sé þörf á að flytja inn
erlend mjólkurkyn, svo gott er
okkar kúakyn til mjólkur. Hitt
er annað mál, að framleiðsla
nautakjöts er eflaust hagkvæm-
ari með því að ala holdanaut.
Að því er nú stefnt með væntan
legri stöð í Hrísey, að útvega
bændum sæði til framleiðslu á
holdanautablendingum.
Fleiri nýjungar í nautgripa-
ræktinni?
Mjólkurframleiðslubúin eru
stöðugt að stækka, enda er rækt
unin stöðugt aukin, ný og stærri
fjós byggð á hverju ári, og
framundan er tankvæðingin,
sem er dýr framkvæmd, en tal-
in vera eitt af því sem koma
skal hér, og hefur á öðrum stöð-
um gefizt vel. En mikill véla- og
tækjakostur, ásamt dýrum hús-
um, krefst mikillar framleiðslu
til að standa undir hinum mikla
kostnaði og gefa bændunum
sæmilega afkomu. Flest stefnir
því að því, að bústærð aukist
verulega á næstu árum og e.t.v.
enn hraðar en að undanförnu.
Til nýjunga má það einnig telj-
ast, að á síðustu árum og alveg
sérstaklega nú, eru flestir kálf-
ar látnir lifa til kjötframleiðslu.
Mikill heyskapur í sumar varð
til þess, að nánast er það hús-
rýmið eitt, :sem takmarkar kálfa
fjöldann nú í vetur. Þá ber að
nefna nýja mjólkurvinnslustöð,
sem manni skilst að byrjað
verði á með vorinu. En hún er
aðkallandi vegna breyttrar
vinnslu og einnig vegna þess,
að mjólkurframleiðslan heldur
áfram að aukast með ári hverju.
Nú munu margir bændur ætla
að byggja 60—80 kúa fjós, auk
kálfafjósa, og sýnir það betur en
flest annað, hve búin eru að
verða stór, segir Guðmundur
Steindórsson ráðunautur að lok
um og þakkar blaðið viðtalið.
E. D.
ÆSKAN OG ÁRAMÓTIN
EFTIRMÁLI
Undanfarin áramót hafa verið
haldnir í Gagnfræðaskóla Ak.
dansleikir fyrir nemendur skól-
ans, hafa kennarar annazt þar
alla gæzlu í þegnskylduvinnu
og án allrar ívilnunar.
Það vita allir, er hug að leiða,
að ef ekki væri séð fyrir sam-
komum handa unglingum bæj-
arins yfir áramótin, myndi
horfa til stórvandræða í bæn-
um, því nógu erfiðlega gengur
samt að halda uppi lögum og
reghi, þó ekki bættust við’ fímm-
hundruð í hóp þeirra, sem ráfa
í reiðuleysi í miðbænum fram
eftir allri nóttu, og þá stundum
í misjöfnu ásigkomulagi.
Því vaknaði uggur í hugum
margra, er það fréttist, að ekki
væri þess að vænta, að kenn-
ararnir tækju þetta starf að sér
eitt árið enn, er það raunar
varla nema von, því ekki er
hægt að ætlast til þess, að sömu
mennirnir fórni frítíma sínum
ár eftir ár án nokkurrar þókn-
unar.
Til að fyrra vandræðum og
gefa unglingunum kost á heil-
brigðri skemmtun um áramótin,
ákvað Æskulýðsráð Akureyrar
að leggja nokkuð fé af mörkum
til þess að hægt væri að greiða
þeim, sem að gæzlu vildu starfa,
þóknun í samræmi við það sem
tíðkast á þessum degi.
Jafnframt þessu hugðist
Barnaverndunarnefnd leitast
við að aðstoða þá unglinga, sem
sakir ölvunar eða einhverra
(Framhald af blaðsíðu 8)
nýju vorið 1973 með það fyrir
augum, að ný mjólkurstöð gæti
tekið til starfa að þrem til fjór-
um árum liðnum. í samræmi
við þessa samþykkt hefur verið
unnið mikið starf á síðastliðnu
ári að undirbúningi fram-
kvæmdarinnar, bæði að því er
varðar hina tæknilegu hlið máls
ins sem hina fjármálalegu.
TækniLegur undirbúningur
hinnar nýju stöðvar er það vel
á veg kominn, að hann mun
ekki standa í vegi fyrir því, að
framkvæmd geti hafizt vorið
1973, svo sem að hafði verið
stefnt. Fjármagnsútvegun er
hins vegar ennþá í athugun hjá
viðkomandi yfirvöldum í land-
inu, og er búizt við ákveðinni
afstöðu þeirra innan skamms
tíma.
Bygging hinnar nýju mjólkur
stöðvar er augljóslega lang
brýnasta verkefnið á sviði
afurðavinnslu landbúnaðarins í
annarra orsaka áttu ekki sam-
leið með fjöldanum.
Var haft samband við bind-
indissamtök hér í bæ og stóð
ekki á góðum svörum þaðan,
voru menn þar reiðubúnir til að
veita aðstoð sína á nýársnótt,
ef með þyrfti.
Einnig þótti rétt að gefa for-
eldrum og öðrum þeim bæjar-
búum, sem ekki hafði þegar
náðzt til, kost á að rétta þeim
börnum og unglingum hjálpar-
hönd, sem með þyrftu.
Var í því skyni fréttatilkynn-
ing og aðstoðarbeiðni í blöðum
bæjarins, árangur þessara
skrifa varð eins og margir höfðu
fyrirfram spáð, hörmulega lé-
legur, einungis tveir Akureyr-
ingar bættust í hópinn, en þess
má jafnframt geta, að bóndi
austan úr Þingeyjarsýslu bauðst
til að skjótast í bæinn og hjálpa
til.
Tilhögun hjálparstarfsins var
þannig háttað, að frá klukkan
22.00 á gamlárskvöld til 06.00 á
nýársdagsmorgun var föst vakt-
þjónusta í Æskulýðsheimilinu
Lóni.
Þar var á boðstólum heitur
drykkur ásamt tertum og öðru
meðlæti, einnig var þarna að-
staða til dægrastyttingar, svo
sem spil og töfl auk hljómlistar,
hljóðvarps og sjónvarps.
Þangað voru færðir þeir ungl-
ingar, sem að lögreglan hafði
afskipti af og taldir voru það
meðfærilegir, að ekki þyrfti að
koma til líkamlegra átaka sakir
ölæðis, einnig var kennurum
Gagnfræðaskólans veitt aðstoð
í þeirra erfiða starfi.
Reynt var að ná sambandi við
forráðamenn þeirra unglinga,
sem afskipti voru höfð af, og
þar sem það tókst var brugðið
skjótt við og barnið sótt, annars
var mönnum gefin hressing og
þeir látnir jafna sig, áður en
þeim var ekið heim til föður-
húsa.
Þess má geta, að almennur
drykkjuskapur unglinga virðist
hafa verið minni þessi áramót
en endranær, telja má það víst,
að ef ekki hefði til komið starf-
semin í Lóni og Gagnfræðaskól-
anum, hefði málið snúið á ann-
an veg.
Ein undantekning var þó á
þessu, og var það í Alþýðuhús-
inu, virðist jafnvel hafa verið
stefnt að því með settu marki,
því að á auglýsingum um sam-
komuna voru slagorð eða yfir-
Eyjafirði í dag, þar eð gamla
mjólkurstöðin er orðin allsendis
ófullnægjandi til þess að fást
við hið mikla mjólkurmagn,
sem var á síðasta ári ca. 21
milljón ltr., en mjólkurmagnið
var aðeins 3—4 millj. ltr. árið
1939, þegar gamla stöðin tók til
starfa.
Hótel KEA.
Nýlega er lokið athugun á
nýtingu gistirýmis Hótel KEA
árið 1972. Þar kemur í ljós, að
gistinætur voru alls 9141 á móti
9045 árið 1971. Herbergjanýting
1972 var 63.3% en 61.1% árið
1971. Meðaltal herbergjanýting-
ar árin 1967—70 var 57.6%,
þannig að veruleg aukning hef-
ir orðið hin síðari ár. Fjöldi út-
lendinga, sem gistu Hótel KEA
árið 1972 var 1503 og íslendinga
4243, eða samtals 5746 gestir. í
hópi útlendinganna eru 407
Bandaríkjamenn, 372 Englend-
ingar, 103 Þjóðverjar og 279
lýsingar, eins og þessi: „Ekki
Æskulýðsráð", mun þar hafa
verið höfðað til þeirrar tilraun-
ar Æskulýðsráðs og Barna-
verndunarnefndar að stemma
stigu við drykkjuskap unglinga,
annað er varla hægt að lesa út
úr slíkum yfirlýsingum, enda
varð allur bragur samkomunnar
á þann veg, en of seint var að
loka húsinu eftir að uppvíst var
orðið hvers kyns var, en betri
gát mun höfð á næst, þegar
samkoma verður þarna.
Að síðustu viljum við þakka
þeim, sem lögðu hönd á plóginn
í þágu unglinga bæjarins.
F. h. Barnaverndunar-
nefndar Akureyrar,
Vilhjálmur Ingi.
- Vetraríþróttamiðst.
(Framhald af blaðsíðu 1)
ferð úr bænum kl. 13.30, kennt
á skíðum mánudag, miðvikudag
og föstudag frá kl. 14—15.30 og
16—17.30. Námskeiðsgjald er
1.000 kr, innifalið ferðir til og
frá Skíðahótelinu, kennsla, síð-
degiskaffi og lyftugjöld.
Þá verða tvö almenn skíða-
námskeið. Annað eftir hádegi
og hitt á kvöldin. Á dagnám-
skeiðið er ferð úr bænum kl.
13.30, kennt á skíðum frá kl.
14—16 og farið í bæinn kl. 16.30.
Á kvöldnámskeiðið er ferð úr
bænum kl. 19.30. Kennt á skíð-
um frá kl. 20—22 og ferð í bæ-
inn kl. 22.30.
Námskeiðsgjald á þessi al-
mennu námskeið eru 750,00 kr.,
innifalið ferðir, kaffi, kennsla
og lyftugjöld.
Innritun og nánari upplýsing-
ar eru veittar í Skíðahótelinu,
sími 12930.
Kennarar verða nokkrir af
kunnari skíðamönnum Akur-
eyrar. Skíðasnjór er mjög góður
í Hlíðarfjalli um þessar mundir
og leitast verður við að véltroða
brekkurnar með snjóketti Bald-
urs Sigurðssonar.
Á þessari fyrirhuguðu „skíða-
viku“ gefst almenningi mjög
gott tækifæri til að hressa upp á
skíðakunnáttuna undir leiðsögn
ágætra kennara.
Sérstök ástæða er til að
hvetja Akureyringa til að not-
færa sér þá ágætu aðstöðu til
skíðaíþrótta og útilífs, sem er í
Hlíðarfjalli.
(Fréttatilkynning)
Skandinavar, en alls hafa menn
af 29 þjóðernum gist Hótel KEA
árið 1972.
Ráðstefna um samvinnu-
hreyfinguna.
Viðskiptafræðinemar við Há-
skóla íslands munu efna til ráð-
stefnu á Akureyri laugardaginn
10. marz og sunnudaginn 11.
marz, ásamt nokkrum prófessor
um deildarinnar og gestum.
Þessi ráðstefna mun fjalla um
samvinnuhreyfinguna og vinna
nú um 40 viðskiptafræðinemar
að gagnasöfnun og öðrum undir
búningi. Þeir koma til Akur-
eyrar að morgni föstudagsins 9.
marz og munu þann dag fara í
skoðunar- og kynnisferðir um
nokkur fyrirtæki samvinnu-
manna hér í bænum.
Áhugasömum samvinnumönn
um er heimilt að sitja ráðstefn-
una. Þeir KEA-starfsmenn, sem
það hyggðust gera, hafi vinsam
legast samband við Gunnlaug
P. Kristinsson hið fyrsta.
KEA kaupir síldarverksmiðjuna
á Dalvík.
Er síldin hvarf frá Norður- og
Austurlandi fyrir nokkrum ár-
um varð Síldarverksmiðjan h.f.
á Dalvík að leggja niður starf-
semi sína, en fyrirtækið hafði
þá nýlega byggt nýja síldarverk
smiðju. í samræmi við mjög ein
dregnar óskir félagsmanna KEA
á Dalvík, svo og í samræmi við
tilmæli sveitarstjórnarinnar,
hefur það orðið að ráði, að KEA
keypti umrædda síldarverk-
smiðju af Fiskveiðisjóði íslands,
sem hafði eignazt verksmiðjuna
eftir að Síldarbræðslan h.f.
hætti störfum. Gengið var frá
umræddum kaupum í síðastliðn
um mánuði og greiðir KEA sam
tals fyrir verksmiðjuna og til-
heyrandi búnað kr. 12.250.000,
eða þar um bil. Hús verksmiðj-
unnar er stálgrindahús 830 fer-
metrar eða 4600 rúmmetrar að
stærð, en vélasamstæðan er
framleidd af Atlas a/s í Dan-
mörku og er af mjög fullkom-
inni gerð. Ennfremur fylgir í
kaupunum ýmis tilheyrandi
búnaður, svo sem lýsis- og hrá-
efnistankar, færibönd og gufu-
ketill.
Verksmiðjan verður rekin
sem beinamjölsverksmiðja í
tengslum við frystihús KEA á
staðnum og er stefnt að því, að
eðlilegur rekstrargrundvöllur
fyrir verksmiðjuna megi nást
með þeirri auknu karfavinnslu,
sem reikna má með, er nýr skut
togari bætist í flota Dalvíkinga
í lok ársins. (KEA-fregnir)
Frá Ungmennafélagi
r
Islands
UNGMENNAFÉLAG íslands
lýsir yfir samúð sinni með Vest
mannaeyingum vegna þeirra vá
legu atburða sem átt hafa sér
stað í heimabyggð þeirra. Jafn-
framt hvetur UMFÍ æskufólk
úr Vestmannaeyjum hvar sem
það er í landinu til þess að snúa
sér til ungmennafélaganna þar
sem þeim mun standa til boða
öll sú félags- og íþróttaaðstaða
sem ungmennafélögin geta
veitt.
Nokkur ungmennafélög hafa
þegar riðið á vaðið með að efna
til skemmtisamkoma til fjáröfl-
unar handa Vestmannaeying-
um. Stjórn UMFl fagnar því
framtaki og hvetur aðildarfélög
sín til þess að veita Vestmanna-
eyingum alla þá félagslegu fyrir
greiðslu sem þau geta.
(Fréttatilkynning)
Kýr á beit á Lundstúninu.
Oddur Krisfjánsson frá Glæsibæ
NÍUTÍU ÁRA 14. FEBRÚAR
ODDUR Kristjánsson frá Glæsi
bæ, Hríseyjargötu 15 á Akur-
eyri, fæddist inn í kaldan heim
fyrir 90 árum. Þá voru Isa- og
harðindaár, undanfari mestu
þjóðflutninga íslendinga, er 15
þúsund landar okkar fluttu vést
ur um haf og námu þar land á
næstu árum.
En níræðisafmæji Odds er í
dag, 14. febrúar. Hann ólst ekki
upp við krappari kjör en al-
mennt gerðist á þeim tíma,
nema síður væri, því að heimil-
ið var bjargálna. Og hann átti
því láni að fagna, að vera alinn
upp í fjölþættum skóla lífsins
frá blautu barnsbeini, við öll
venjuleg störf á sjó og landi, við
innanverðan Eyjafjörð. Hann
var áhorfandi og einnig þátt-
takandi í hinu mikla síldarævin
týri Norðmanna hér við fjörð-
inn, bæði fyrir og eftir síðustu
aldamót, en á þeim árum lærðu
íslendingar að veiða síld, fyrst
í nótabrúk en síðan í lagnet.
Formaður á fjórrónum árabát
föður síns varð Oddur fimmtán
vetra og farnaðist vel, varð
einnig kunn selaskytta, en síðar
nokkur ár ferjumaður um þver-
an fjörðinn, frá Svalbarðseyri
til Akureyrar dag hvern með
mjólk bændanna, sem koma
þurfti til vinnslu og dreifingar
í kaupstaðnum.
Ungur gekk Oddur í Möðru-
vallaskóla og útskrifaðist þaðan
litlu áður en bruninn mikli batt
enda á skólahald þar og skólinn
var fluttur til Akureyrar. Mun
Oddur einn af fáum hinna
gömlu Möðruvellinga, er enn
mega frá segja.
Oddur Kristjánsson fetaði
ekki í spor hinna mörgu skóla-
bræðra sinna, sem tóku að sér
forystu á ýmsum sviðum þjóð-
lífsins, og má það þó merkilegt
heita um svo greindan mann og
félagslyndan. En hann hafði
engan tíma til þess eða áhuga á
því, því að ymur lífs og lysti-
semda, og hin mörgu og áhuga-
verðu störf, kölluðu á hann úr
öllum áttum. Hann var maður
söngsins og gleðinnar, dáði fjör-
mikla fáka og fagrar konur.
Söngmaður var hann í meira en
sjö áratugi, hafði tenórrödd
framan af ævi en síðan bassa.
Hann var einsöngvari fyrir
mannsaldri síðan. Hann og þeir
feðgar frá Glæsibæ sungu vetr-
ardrungann úr bænum og þeir
sungu sig inn í hug og hjörtu
fólksins í nálægum byggðum.
Enn er hinn níræði öldungur
hress á líkama og sál og nýtur
þess að hlusta á útvarp, horfa á
sjónvarp, lesa meira og minna
dag hvern, blanda geði við góða
vini og orna sér við minningar
liðinna daga. Hógvær er hann
í orðræðum, en stundum glað-
beittur á svip, maðurinn, sem
forsjónin gaf svo langt líf og
mikla hreysti, að maður gæti
haldið hann þrjátíu árum yngri
en hann er. Megi hann enn
njóta heilsu og góðrar elli. E. D.
VILJA EKKI
Á NÝHÖLDNUM aðalfúndi
kvenfélagsins Hvatar á Árskógs
strönd var borin upp og sam-
þykkt með öllum atkvæðum
eftirfarandi tillaga:
Aðalfundur kvenfélagsins
Hvatar á Árskógsströnd, hald-
inn í Árskógi 4. febrúar 1973,
lýsir stuðningi sínum við tillögu
Samtaka skólastjóra í Reykja-
vík þess efnis að hætt verði við
ÞJÓÐHÁTlD
undirbúning þjóðhátíðar 1974
og fellst í öllum atriðum á rök-
stuðning þeirra. Jafnframt skor
ar fundurinn á öll kvenfélög í
landinu að taka þessi mál til
athugunar, bæði vegna þess
ástands sem skapazt hefur
vegna eldgoss í Vestmannaeyj-
um og reynslu þjóðarinnar af
þjóðhátíðarhöldum 17. júní und-
anfarin ár.
( Fréttatilkynning )
Lára Thorarensen
Fædd 28. desember 1917. — Dáiix 24. janúar 1973.
Kveðja frá eiginmanni og börnum.
Skyndilega ert þú liéðan liorfin.
Við hugsum margt
og minnumst þess að oft var inni hjá þér
svo undra bjart.
Við liugsum til þín, liorfnar stundir lifa
í hug og sál.
I þagnarkyrrð til þín við okkar sendum
þakkarmál.
Á kveðjustund við þökkum þér af hjarta
þú varst okkur skjól.
Þú leiddir okkur, ljúft var þá að eiga
ljós frá kærleikssól.
Umliyggja þín yfir okkur vakti
alla þína tíð,
og umhyggjan, liún gaf þér sjálfri gleði
í gegn um lífsins stríð.
Við þökkum allar ljúfar, Iiðnar stundir
við ljós frá þér.
Þess verður okkur lengi ljúft að minnast,
sem liðið er.