Dagur - 28.11.1973, Blaðsíða 4

4

Skriístofur, Hafnarstræti 90, Akureyri
Símar 1-11-66 og 1-11-67
Ritstjóri og ábyrgðarmaður:
ERLINGUR DAVÍÐSSON
Auglýsingar og afgreiðsla:
JÓHANN K. SIGURÐSSON
Prcntverk Odds Bjömssonar h.f.
Sfórvirkjun nyrðra
! NÁGRANNALÖNDUM okkar
eru fallvötn um það bil fullnýtt til
virkjunar, en liér á landi er aðeins
búið að virkja 7—8% af virkjanlegu
vatnsafli. Hér á Norðurlandi eystra
er nýbúið að tak’a í notkun 6.5 mega-
vatta virkjun við Laxá og fullnægir
sú virkjun raforkuþörfinni á Laxár-
veitusvæðinu að mestu, ásamt fyrri
virkjunum við Laxá, díselstöðvum
og gufuvirkjun, sem fyrir voru. En
engin norðlenzk virkju er í byggingu
nú, til að mæta hinni ört vaxandi
raforkuþörf í þessum landshluta og
stefna í raforkumálum yfirleitt
nokkuð á reyki að öðm leyti en því,
að samtenging orkuvera er ákveðin.
Steingrímur Hermannsson og
þingmenn Framsóknarflokksins í
þessu kjördæmi hafa flutt á Alþingi
tillögu til þingsályktunar um undir-
búning næstu stórvirkjunar. Segir í
tillögunni að stefnt skuli að því að
næsta stórvirkjun landsmanna, eftir
Sigölduvirkjun, verði utan Þjórsár-
svæðisins, t. d. á Norðurlandi, og
verði ríkisstjórninni falið að haga
virkjunarrannsóknum og öðmm
undirbúningi þannig, að svo geti
orðið.
í greinargerð benda flutnings-
menn á, að þegar ráðist var í Búr-
fellsvirkjun, hefði verið fullyrt, að
næsta stórvirkjun yrði á Norður-
landi, en þetta hafi reynzt orðin tóm.
Rannsóknir utan Þjórsársvæðisins
hafi ekki einu sinni einkennzt af því
markmiði og þess vegna sé nú aðeins
tiltækur virkjunarstaður á Þjórsár-
svæðinu, við Sigöldu. Ennfremur
segja flutningsmenn: Líklega hefur
mestu f jármagni verið varið til rann-
sókna á flutningi Jökulsár á Fjöll-
um og Jökulsár á Brú yfir í Fljóts-
dalhérað. Þessar hugmyndir hafa
verið óljósar, ekki sízt með tilliti til
þess, að aldrei hefur þeirri spurn-
ingu verið svarað, hvernig ætti að
nýta þau 1000 megawött, sem þann-
ig fengjust. Þó hefur verið litið á
aðra virkjunarmöguleika. Af þeim
virðast álitlegastir annars vegar virkj
un Dettifoss og hins vegar virkjun
Blöndu. Þó er einnig rætt um virkj-
anir í Skagafirði og stóra jarðhita-
virkjun á Kröflusvæðinu. Að öllum
líkindum em allir þessir valkostir
álitlegir, og e. t. v. skiptir ekki höfuð
máli, í hvaða röð þeir eru valdir.
Því virðist aúðvelt að einbeita rann-
sóknum að einum ákveðnum stað,
sem yrði valinn með tilliti til hæfi-
legrar stærðar.
Þótt ekki sé það ætlun flutnings-
manna, að Alþingi ákveði, hvar
(Framhald á blaðsíðu 5)
HEIMIR HANNESSON, LÖGFRÆÐINGUR:
í framkvæmd
NÝYRÐIÐ lagmeti er samheiti
á hverjum þeim matvælum,
sjávarafurðum eða landbúnaðar
vörum er annað hvort eru soðin
niður eða niðurlögð. Eru þetta
tvær mismunandi aðferðir til
geymslu matvæla. Eins og á
ýmsum öðrum sviðum hafa
Norðlendingar haft hér nokkra
forystu bæði á Siglufirði og
Akureyri og kom norsk reynsla
þar að góðu haldi. Þó að fyrstu
lagmetisiðjurnar væru settar á
stofn nokkru eftir aldamótin,
var framleiðsla á lagmeti hverf-
andi lítil í áratugi og orsakir
margar, sem ekki skulu skýrðar
hér. Borið saman við aðrar
greinar fiskiðnaðarins hefur
hluti lagmetis verið mjög lítill
eða aðeins 0.1% árið 1965. Sem
betur fer verður ekki annað séð
en að þessa mánuðina sé að
hefjast nýtt tímabil í þróunar-
sögu íslenzkrar lagmetisfram-
leiðslu, sem nánar verður vikið
að hér á eftir. Og þessi nýja
þróun gæti skipt sköpum fyrir
atvinnumálaþróun Norðurlands
og þessa kjördæmis, ef rétt er
á málum haldið. Og að sjálf-
sögðu fyrir landið í heild.
Hver hefði þróunin orðið?
Áður en vikið er að nútíman-
um ér afar fróðlegt að velta
þeirri spurningu fyrir sér, hvort
ekki hefði verið hægt að hefja
það framfaraskeið, sem nú virð-
ist vera á næsta leiti, töluvert
fyrr — jafnvel árum eða ára-
tugum. Nefna mætti þrjú dæmi.
Þróun íslenzkra flugmála hófst
fyrst með ötulu framtaki og
óvenjulegri framsýni norð-
lenzkra áhugamanna um flug-
mál með stofnun Flugfélags
Akureyrar. Þetta heillaspor var
það fyrsta í ævintýralegri þró-
un okkar samgöngukerfis, sem
síðan hefur með samstilltu átaki
og stuðningi allrar þjóðarinnar
tengt í senn hina ýmsu lands-
hluta og haldið uppi íslenzkum
samgöngum við útlönd. Forystu
samvinnumanna í iðnaðarmál-
um þarf ekki að rekja. Svo aug-
ljós eru öll þau sannindi nú
orðið, þó að þar hafi ekki alltaf
verið öllum ljóst. Þar fóru ann-
ars vegar saman hagsmunir
bændastéttarinnar að skapa að-
stöðu til fullvinnslu landbún-
aðarafurða og hins vegar skiln-
ingur og framsýni forystu-
manna samvinnuhreyfingarinn-
ar að skapa nýja atvinnuvegi —
iðnað bæði fyrir innanlands-
markað og útflutnings. í þriðja
lagi má minna á hinn ævintýra-
lega árangur í framleiðslu- og
markaðsmálum frystihúsanna.
Þar er staðan slík, að eftir braut
ryðjendastarf fárra manna á
erlendum mörkuðum er íslenzki
fiskurinn álitin ein mesta gæða
vara sem fáanleg er og verðlag
síhækkandi. Þegar vel gengur
hættir mönnum til að taka hluti
sem sjálfsagða, en það er um-
hugsunarefni í dag, hvernig
högum landsmanna væri háttað
— og raunverulegu sjálfstæði —
ef ekki hefði til tekizt eins og
tókst .í umræddum samgöngu-
málum, iðnaðarmálum og sölu-
málum frystihúsanna. Og það
er jafnframt skemmtilegt íhug-
unarefni hvernig til hefði tek-
izt um málefni lagmetisfram-
leiðslunnar hefðu þau verið tek
in svipuðum tökum. í grund-
vallar atriðum hefðu gilt þar
sömu lögmál og í frystiiðnaðin-
um og aðildin sjálfsagt eðlileg
bæði á sviði einkarekstrar og á
vegum samvinnufélaganna. En
látum þetta nægja um söguna
og fortíðina — þetta er liðin tíð.
Matvælakistan mikla.
Það hefur orðið mönnum ljós-
ari með hverju árinu, að við ís-
lendingar erum svo gæfusamir
að eiga matvælakistu sem ein-
stök er. Hún er fyrst og fremst
í landgrunnshafinu, en einnig í
ám og vötnum. Landhelgisstefn
an sýnir, að við erum staðráðn-
ir í því að varðveita þessi auð-
æfi, enda framtíð okkar á því
byggð. Möguleikar lagmetis-
framleiðslu felast fyrst og
fremst í gæðum okkar hráefnis
samhliða vaxandi vöntun á mat-
vælum í heiminum. í hinum
svokallaða þriðja heimi og þró-
unarlöndunum fer bæði saman
almennur matvælaskortur og
skortur á nauðsynlegum efnum
eins og eggjahvítu. Erfiðleikar
þessara ríkja eru m. a. þeir, að
þau skortir fjármagn til að fæða
þjóðir sínar. Okkar vandamál
hefur einkum verið fólgið í því,
að skipulögð sölustarfsemi lag-
metis á erlendum mörkuðum
hefur ekki verið fyrir hendi.
Það litla fjármagn er lánastofn-
anir hafa lagt til atvinnugrein-
arinnar hefur ekki nýtzt sem
skyldi og til skamms tíma skort
skipulögð vinnubrögð í fram-
leiðslu, hráefnisöflun og mark-
aðsmálum. Sölumöguleikarnir
hafa einkum verið tvíhliða. Ann
ars vegar gæðavara til sölu á
hinum þróuðu mörkuðum Vest-
urlanda þar sem innihald, um-
búðir og önnur viðskiptaleg
atriði hefðu í fullu tré við hina
sterku keppinauta okkar á
þessu sviði eins og t. d. Norð-
menn, Dani og Portúgala. Hins
vegar ódýrari magnframleiðsla
með eggjahvíturíkri fæðu til
sölu í þróunarlöndunum og t. d.
til skóla, sjúkrahúsa, mötu-
neyta og sambærilegra aðila um
allan heim. Að sjálfsögðu er
margt til þarna á milli, en hér
eru tvö mikilvægustu sviðin.
Virðingarverð tilraun.
Fyrir nokkrum árum hófu
framsýnir menn í lagmetisiðn-
aði mikla baráttu til að hefja
atvinnugrein þessa til vegs og
virðignar. Leitað var til alþjóð-
legrar fjármálastofnunar og
voru málin könnuð þar af mik-
illi alvöru. Kom þar fram mjög
jákvæður skilningur á gildi
þess fyrir íslendinga, að við
hæfumst handa í þessum efn-
um, en bent á ýmislegt er leið-
rétta þyrfti. Hinar miklu við-
ræður við hina alþjóðlegu aðila
hófust fyrst og fremst vegna
þess, að afstaða innlendra stjórn
valda á þeim tíma, að meðtöldu
lánastofnanakerfinu, gagnvart
málefnum lagmetisiðnaðarins,
mótaðist af óskiljanlegu sinnu-
leysi og af vantrú á þróunar-
möguleikum hans. Og að lokum
fór svo, að hin neikvæða afstaða
og- skriffinnskubáknið heima og
erlendis stöðvaði þetta merki-
lega framtak um sinn. Er mér
ljúft að skýra frá því hér, að
þetta var eitt af þeim stórverk-
efnum, er Vilhjálmur Þór beitti
sér fyrir og um það er mér
persónulega kunnugt, að það
voru honum mikil vonbrigði, að
ekki skyldi takast á þeim tíma
að hrinda þessu áfram og var
hann ekki einn um það.
Ný stefna.
Á því leikur enginn vafi, að
sú alvarlega hreyfing, sem
komst á þessi mál þessi árin
varð m. a. til þess, að núverandi
ríkisstjórn tók myndarlega á
þessu máli skömmu eftir að hún
hóf störf. Með lögum um Sölu-
stofnun lagmetis viðurkenndi
hið opinbera nauðsyn að leggja
fjármagn til markaðsmála þess-
arar atvinnugreinar um leið og
skv. lögunum var gert ráð fyrir
Heimir Ilannesson.
samræmdum átökum í öllum
þáttum hennar. Nú eftir rúma
árs reynslu er hægt að segja
þau ánægjulegu tíðindi, að svo
virðist sem þegar hafi náðzt
myndarlegur árangur og enn
meiri árangurs að vænta. Að
vísu má segja, að heildarútflutn
ingurir.n fyrir þetta ár verði
ekki verulega miklu meiri en
árið 1972 (Líkl. heildarsala 300
millj. kr.), en þar veldur mestu
verulegur samdráttur á kaup-
um Sovétríkjanna á lagmeti, en
á sama tíma hefur sala á hinum
frjálsu mörkuðum aukizt — og
það sem e. t. v. skiptir mestu
máli, að með miklu starfi hefur
álitlegur grundvöllur skapazt
fyrir framtíðarviðskiptum. Jafn
framt hefur samstarf skapazt
við erlenda aðila og aðra sér-
fræðinga um gæðaeftirlit, nýjar
framleiðsluvörur, umbúðir og
hönnun á umbúðum og þar
mætti lengi telja. Eru þegar
stigin fyrstu sporin til að skapa
íslenzku lagmeti þann sess á
erlendum mörkuðum, að á það
sé litið sem eftirsótta gæðavöru.
Markvisst er unnið að þróun
nýrra vörutegunda, en fram að
þessu eru framleiðsluvörurnar
einkum hrogn, lifur, síld, rækja,
sjólax og loðna. Hráefnin og
samsetning þeirra geta að sjálf-
sögðu verið með hinu margvís-
legasta móti, en með hverjum
mánuðinum skapast hinni nýju
sölustofnun hin dýrmætasta
reynsla — og samstarf hennar
við framleiðendur hefur al-
mennt .tekizt með ágætum.
Þessi markaðsmál eru ein efni
í margar greinar, en út í það
skal ekki farið. Þegar hafa skap
azt viðskiptatengsl í fjarlægum
löndum, m. a. Japan og hinn
stóri Bandaríkjamarkaður er í
stöðugri athugun, en árangur
á þeim vettvangi ekki enn kom-
inn í ljós að ráði, en munar
væntanlega um, ef vel tekst til
á þeim mikla markaði. Að lok-
um vil ég víkja nokkrum orðum
um nokkuð af þeim viðfangs-
efnum er blasa við á Norður-
landi og verður þeim vissulega
engin tæmandi skil gerð.
Viðhorfin á Norðurlandi.
Niðursuðuverksmiðja Krist-
jáns Jónssonar á Akureyri og
hans fjölskyldu hefur um langt
árabil rekið myndarlega starf-
semi og m. a. haft forystu um
framleiðslu og útflutning síldar
sardína. Öryggisleysi í hráefnis-
öflun og hin venjulegu markaðs
vandamál háfa á stundum skap
að þar mikla erfiðleika. í þess-
um rekstri er því mjög fljótlega
þörf nýrrar fjárfestingar, sem
tryggði stöðugri framleiðslu og
þar með atvinnu og rekjur til
bæjarfélagsins. Slík fjárfesting
væri bæði í tengslum við
geymslu síldarhráefnis og ekki
síður til að skapa möguleika á
fleiri framleiðslutegundum. Hér
þarf að hugsa stórt og vafalaust
í töluvert mörgum milljónum.
Samvinnuhreyfingin rekur full-
komna niðursuðu samhliða kjöt
iðnaðarstöð, en til þessa ein-
göngu fyrir innanlandsmarkað.
Ef möguleikar skapast á útflutn
ingi niðursoðins kjötmetis, t. d.
léttreykts lambakjöts, sem alls
ekki er óhugsandi, stendur
Kjötiðnaðarstöð KEA vel að
vígi með tækniþekkingu. í hrá-
efnismálum þyrfti vafalaust að
gera sérstakar ráðstafanir. Þessi
þáttur er með öllu ókannaður,
en væri þess virði. Markaður
finnst yfirleitt ekki fyrr en að
honum er leitað.
Oð nú er það ánægjulega að
Dalvíkingar hugsa sér til hreyf-
ings og hafa þar haldið skyn-
samlega.á málum. Söltunárfélag
Dalvíkur undirbýr í fullri
alvöru stofnun lagmetisiðju,
sem ætlað er að vera í rekstri
árið um kring. Lifur yrði unnin
fyrri hluta árs til vors, kavíar á
sumrin og loðna 3 síðustu mán-
uði ársins. Heildarstofnkostnað
ur er áætlaður um 25 millj. kr.
og miðað við söluhorfur í dag
verður ekki annað séð en
rekstrargrundvöllur sé fyrir
hendi. Sölustofnunin hefur lagt
máli Dalvíkinga lið og fer allur
frekari gangur málsins eftir því
hvernig til tekst með lánsfjár-
útvegun, ef framleiðsla á að
geta hafizt ekki síðan en haustið
1974. Lánsfjárþörf til þess tíma
er um 19 millj. kr.
Nýir möguleikar.
Marga fleiri þætti mætti
drepa á. Grásleppuhrognin, sem
til þessa hafa farið í of ríkum
mæli óunnin til vinnslu hjá er-
lendum keppinautum okkar og
er að miklu leyti aflað í þessum
landshluta þurfum við að vinna
sjálfir og hagnaðurinn á að
koma þeim til góða er afla
þerira og vinna þau. Hér er
um stórmál að ræða, sem taka
þarf föstum tökum. Rannsaka
þarf betur en gert hefur verið
hugsanleg rækjumið fyrir Norð
urlandi. Nú þegar eru fyrir
hendi í Bandaríkjunum miklir
sölumöguleikar á niðursoðinni
rækju — mun meiri en við höf-
um til þessa getað annað. Ýmis
konar skelfiskur bíður enn
ónotaður í fjörum og hafi, t. d.
kræklingur og þar er heims-
markaðssalan vaxandi. Með
auknu fiskeldi í ám og vötnum
væri hægt að margfalda hrá-
efnismöguleika, t. d. á silungi,
en hér er þörf mikilla rann-
sókna og öflunar reynslu er-
lendis frá. Hér er að auki um
að ræða svið, sem er nátengt
öðrum málum, m. a. þróun
ferðamála og stefnumörkun
þeirra.
iiiiiiiiiiiliiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiilliiiiiiiiiiiiiiiiiiiiiiliiiiiiiiiiiiiiiiiiiiiiiiiiiiiiiiiinir
| Ætlunin er, að Heimir Hannesson, lögfræðingur, riti nokkra |
= þætti hér í blaðið um ýmis framfaramál, einkum á sviði I
| atvinnumála, samgöngumála og menningarmála og birtist =
| sá fyrsti í dag. Heimir er varaþingmaður Framsóknarflokks- §
I ins í Norðurlandskjördæmi eystra og situr nú á Alþingi.
111111111111111111111111111111111111111111111111111111111111111111111111111111111111111111111111111111111111111111111111111111111111111111111
Byggðastefna í framkvæmd.
Það hvarflar ekki að mér á
þessu stigi málsins að koma
fram með einhverjar tillögur
um staðarval hugsanlegra nýrra
lagmetisiðja á Norðurlandi og
möguleika þeirra. Til þess er
málið of stórt og óundirbúið. Þó
er fullvíst, að sá vísir að lag-
metisvinnslu, sem kominn er á
Húsavík þarf að efla. Um hitt
er ég sannfærður, að hér er um
að ræða hið mikilvægasta hags-
munamál fyrir bæi og sjávar-
þorp á Norðurlandi, ekki sízt
þá er þarfnast atvinnuskapandi
rekstrar árið um kring og um
alla gildir það, að vinna þarf að
aukinni farsæld og velmegun
þess fólks er þar starfar. Hér er
því virkt byggðamál, sem lík-
legra er til árangurs en margt
annað. Ef ekki tekst að styrkja
og viðhalda blómlegum atvinnu
rekstri í hinum dreifðu byggð-
um geta menn sparað sér öll
orðin um jafnvægið. Skipuleg
þróun lagmetisframleiðslu er
því ein líklegasta leiðin til nýrr-
ar sóknar í þessum málum og
hér er bæði verkefni fyrir sam-
vinnusamtökin og einkarekstur-
inn. Hér þarf að fara saman
framkvæmd byggðastefnu og
raunsætt mat á viðskiptalögmál
um framleiðslu og sölu. Um
þetta stórmál hefur verið undar
lega hljótt. Fyrir landsbyggðina
— og raunar þjóðina í heild,
skiptir þróun þess meiri sköp-
um en lokun Austurstrætis eða
hvort óreist hús í miðbæ
Reykjavíkur muni verða í sjón-
máli næsta fjalls, þó að annað
mætti halda eftir opinberum
umræðum að dæma. □
Húsnæði
Herbergi óskast til leigu.
Uppl. í síma 2-10-94.
Óska að taka herbergi á
leigu strax.
Uppl. í síma 1-10-55
milli kl. 4—10 e. h.
íbúð óskast til leigu
strax.
Fyrirframgreiðsla ef ósk-
að er.
Uppl. í síma 3-21-14.
Ungt par með lítið barn
óskar eftir að leigja íbúð
ca. 2—3 mán. frá áramót-
um. Fyrirframgreiðsla ef
óskað er.
Sími 1-25-62 kl. 1-4 e.h.
Vil kaupa 3—4 herbergja
íbúð.
Sími 2-22-15.
- Öflugt starf ...
(Framhald af blaðsíðu 1)
arfélags Akureyrar voru kosnir
í Fulltrúaráð Framsóknarfélag-
anna á Akureyri:
Aðalgeir Pálsson, Ari Frið-
finnsson, Auður Þórhallsdóttir,
Baldur Halldórsson, Björn Guð
mundsson, Eiríkur Sigurðsson,
Guðmundur Blöndal, Guðmund
ur Magnússon, Hákon Eiríks-
son, Hallgrímur Skaptason, Har
aldur M. Sigurðsson, Haukur
Árnason, Hjörtur Eiríksson,
Ingimar Eydal, Ingimar Frið-
finnsson, Ingvar Gíslason, Jón
Aspar, Jón Kristinsson, Jónína
Steinþórsdóttir, Kristín Aðal-
steinsdóttir, Pétur Gunnlaugs-
son, Sigmundur Björnsson, Sig-
urður Oli Brynjólfsson, Sigurð-
ur Jóhannesson, Sólveig Gunn-
arsdóttir, Stefán Reykjalín,
Svavar Ottesen, Valur Arn-
þórsson, Þóroddur Jóhannsson.
Sala
Til sölu notuð RAFHA
eldavél.
Uppl. í Grundarg. 5b.
Til sölu er barnakerra.
Uppl. í síma 1-18-45.
Til sölu Necchi sauma-
vél í skáp með mótor.
Hagstætt 'verð.
Uppl. í síma 2-18-79.
SÓFASETT til sölu.
Uppl. í síma 1-22-37.
Til sölu er RAFHA
eldavél í góðu lagi.
Verð kr. 6.000,00.
Karl Þorleifsson,
Hóli, Dalvík.
Nýleg, vel með farin
barnakena til sölu.
Uppl. í síma 2-12-48.
Til sölu 4ra sæta sófa-
sett.
Uppl. í síma 1-16-66
milli kl. 5—8 á kvöldin.
LOFTDÆLA óskast til
kaups.
Uppl. í síma 2-15-08
eftir kl. 6,30 e. h.
FRÆSARI fyrir tré,
óskast keyptur.
Uppl. í síma 1-18-54 og á
Skóverksmiðjunni
Iðunn..
AntilópumjóEk
gegn magasári
í NÝKOMNU fréttabréfi APN
er frá því sagt, að eitt það merk
asta í þjóðgarði einum í
Ukraníu sé kanna-antilópubú-
garðurinn. Þar eru 10 kanna-
antilópur og gefur hver þeirra
af sér 7 lítra mjólkur á dag. Sú
mjólk er þrisvar sinnum feitari
en kúamjólk eða með um 12%
fitu og inniheldur tvisvar sinn-
um meiri eggjahvítu. Antílópu-
mjólkin er mjög góð við maga-
sári. □
- Stórvirkjun nyrðra
(Framhald af blaðsíðu 4)
virkjað skuli utan Þjórsár-
svæðisins, t. d. á Norður-
landi, eða hvernig sú virkj-
un verði tengd við Suðvestur
landið, virðist flutnings-
mönnum, að það ætti að
vera auðvelt. Ekkert virðist
því til fyrirstöðu, að sú
ákvörðun verði nú þegar
tekin af sérfræðingum í sam-
ráði við ríkisstjórn og heima-
menn. Þá ætti að vera unnt
að ljúka nauðsynlegum rann
sóknum þannig, að næsta
stórvirkjun eftir Sigöldu
verði á Norðurlandi og stór-
iðja, ef ákveðin verður í því
sambandi. □
Leiðrétfing
I TILEFNI af fréttum úr Amar-
neshreppi í síðasta blaði hefur
séra Þórhallur Höskuldsson
beðið fyrir eftirfarandi:
Barnaheimilið á Hjalteyri
miðar að því að taka börn, sem
vegna félagslegra erfiðleika eða
vandamála foreldranna eða
heimilanna þarfnast slíkrar
hjálpar, en ekki „börn sem ekki
hafa samlagazt sínu umhverfi.“
Varðandi Hjalteyrarskólann er
einnig rétt að það komi fram,
að „frjáls“ unglingadeild var
lengst af starfrækt við Hjalt-
eyrarskóla áður en tveggja
vetra unglinganám var tekið
þar upp síðustu árin, samkvæmt
núgildandi fræðslulöggjöf, þar
til skólahverfið sameinaðist
Þelamerkurskóla um unglinga-
fræðslu.
Leiðréttist þetta hér með. □
mmiiitim
UMSJON: EINRR HELGRSON
ÞÓR er með 3 sfig effir 3 leiki
ÍÞROTTAFÉLAGIÐ ÞOR lék
þriðja leik sinn í íslandsmótinu
sl. fimmtudag. Leikurinn fór
fram í íþróttahúsinu í Hafnar-
firði og var við Hauka. Lengst
af virtist, sem heimamenn ætl-
uðu að ganga með sigur af
hólmi, eftir að þeir höfðu náð
umtalsverðu forskoti í ÍXSÍLÍ
hálfleik, sem lauk með 12 mörk-
um gegn 8. Upphaf seinni hálf-
leiks virtist staðfesta þetta fyrir
heit. En Þórsarar létu engah
bilbug á sér finna, og smátt og
smátt tókst þeim að færa leik
sinn til betri vegar og náðu að
jafna. Endanleg úrslit leiksins
urðu 22—22. Þessi árangur Þórs
er liðinu mikill styrkur og koll-
varpar hrakspám þeirra, sem
sagt hafa að liðið inni engin stig
á útivelli. Að sögn sjónarvotta
áttu Sigtryggur, Þorbjörn og
Tryggvi ágætan leik, sem sjá
má m. a. af því, að tveir þeir
fyrstnefndu skora hvorki meira
né minna en 15 mörk saman-
lagt. Þorbjörn olli nokkrum von
brigðum eftir leikinn við Ár-
mann á dögunum, en nú virðist
þessi skotharða kempa vera að
finna sig. Þór átti að leika
heimaleik við FH á laugardag-
inn var, en af þeim leik varð
ekki að sinni vegna samgöngu-
örðugleika.
□

fflir
k*ts,a?Ji atf
Munið okkar vinsælu JÓLAKORT
PEDROMYNDIR
HAFNARSTRÆTI 85
AKUREYRI
HÉRAÐSMÓT HJÁ U.N.Þ. 1973
KARLAR: 100 metra hlaup. sek. Hástökk. Gréta Ólafsdóttir m. 1.41
Ólafur Friðriksson 400 metra hlaup. 12.1 sek. Langstökk. Ingunn Árnadóttir m. 4.74
Ólafur Friðriksson 56.8 Kúluvarp. m.
1500 metra hlaup. Björg Dagbjartsdóttir 7.74
mín.
Björn Halldórsson 4:44.3 Kringlukast. m.
3000 metra hlaup. mín. Jósefína Arnbjömsdóttir 25.38
Björn Halldórsson 4x100 metra boðhlaup. 9:47.0 sek. Spjótkast. Gréta Ólafsdóttir m. 27.70
Sveit Austra 50.6 Mótið- var haldið í Ásbyrgi
Hástökk. m. dagana 28. og 29. júlí. Kepp-
Sigurður Árnason 1.65 endur voru 52, frá öllum félög- um UNÞ. 15 aðkomumenn
Langstökk. ' m.’ kepptu sem gestir á mótinu,
Gunnar Árnason .5.74 sem fram fór undir stjórn Hall-
Þrístökk. Öíi iv*.t m. dórs Gunnarssonar.
Ólafur Friðriksson : 12:30 Stigahæstu einstaklingar
Stangarstökk. m. urðu: Stig
Auðunn Benediktsson Kúluvarp. Karl S. Björnsson 3.05 • m. 11.39 Ólafur Friðriksson, UMF Núpsveitunga Gunnar Árnason, 20.75
UMF Núpsveitunga 20.75
Kringlukast. m. Gréta Ólafsdóttir,
Karl S. Björnsson 32.75 ' UMF Öxnfirðinga 15.25
Spjótkast. Gunnar Árnason m. 45.23 UMF Núpsveitunga sigraði í stigakeppni félaga, hlaut 94 stig.
KONUR: Körfuknattleikur, 1 | 1
100 metra hlaup. sek. 1
Guðrún Stefánsdóttir 14.2 II. deild
400 metra hlaup. sek. í VIKUNNI sem leið léku Þór
Oddný Árnadóttir 69.5 og ÍMA leik í 2. deild íslands-
4x100 metra boðhlaup. sek. mótsins í körfubolta. Þór vann
Umf. Öxnfirðinga 59.7 tiltölulega auðveldan sigur,
- Fréttir frá Kaupfélagi Eyfirðinga
(Framhald af blaðsíðu 8)
1) Póstur og sími, 2) Loft-
leiðir h.f. (erl. starfsmenn með-
taldir), 3) Eimskipafélag ís-
lands h.f., 4) Samband ísl. sam-
vinnufélaga, 5) Kaupfélag Ey-
firðinga, 6) Vegagerð ríkisins,
7) íslenzka álfélagið h.f., 8)
Landsbanki íslands, 9) Slátur-
félag Suðurlands og 10) Flug-
félag íslands h.f. (erl. starfs-
menn meðtaldir).
Þess skal getið, að Verksmiðj
ur SÍS á Akureyri eru hér tald-
ar sérstaklega, þótt venjan sé
að telja hiná 6—700 starfsmenn
þeirra meðal starfsfólks Sam-
bandsins. Hefði það og verið
gert hér mundu Sambandið og
Póstur og sími hafa verið í
tveim efstu sætunum.
Kaupfélögin eru dreifð um
allar byggðir landsins og á flest
um stöðunum reka þau stærstu
fyrirtæki byggðarlagsins, víða
þau einu. Þegar svo mikið er
talað um „jafnvægi í byggð
landsins‘“, er það mjög ánægju-
legt og hvetjandi fyrir sam-
vinnumenn á Norðurlandi að
vita, að meðal þeirra starfar eitt
af stærstu fyrirtækjmn lands-
ins, kaupfélag, sem hefir að
meginmarki að veita sem bezta
þjónustu félagsfólki sínu, íbú-
um Eyjafjarðar og nærsveita.
Vörur með 10% afslætti.
Vert er að vekja athygli fé-
lagsmanna á því, að Birgðastöð
KEA hefur, síðan 24. október,
selt nokkrar tegundir matar- og
hreinlætisvara með 10% af-
slætti, í „heilum pakkningum“.
Þessar vörur eru afgreiddar
beint frá aðalinngangi Birgða-
stöðvar við Gilsbakkaveg kl.
2—5 mánudaga og föstudaga
gegn staðgreiðslu. Forsendan
fyrir þessari verðlækkun er sú,
að með því leggst enginn flutn-
ings- eða dreifingarkostnðaur á
vöruna. Nýir félagsmenn, sem
ganga vilja í félagið, njóta strax
þessara réttinda. □
65—58. Bæði þessi lið mega
muna sinn fífil fegri, einkum
og sér í lagi Þór, sem áður fyrr
átti lið skipað bráð-tekniskum
leikmönnum. Rafn Haraldsson
er nánast sá eini í liðinu, sem
hefur leikni í boltameðferð og
auga fyrir afgerandi samleik.
Það er enginn vandi að leika
hálfgerðan fæðingaleik með
boltann, en það er hins vegar
ekki á allra færi að leika þann-
ig, að sendingar séu ekki öllum
augljósar, jafnvel ■ löngu áður
en knöttur er sendur. Gaman
væri að sjá Rafn 10—20 kílóum
léttari, þá væri hann til alls vís.
DOMARANAMSKEIÐ '
í BLAKI '
BLAKSAMBAND ÍSLANDS
gengst fyrir dómaranámskeiði í
blaki 1. og 2. desember n. k.
Námskeiðið hefst báða dagana
kl. 14.00 og verður haldið í húsa
kynnum Menntaskólans á Akur
eyri. Öllum blakunnendum er
velkomið að taka þátt í nám-
skeiðinu. Q,