Dagur - 20.04.1978, Side 5
Útgefandi: ÚTGÁFUFÉLAG DAGS
Skrifstofur Tryggvabraut 12, Akureyri
Ritstjómarsímar: 11166 og 23207
Sími auglýsinga og afgreiðslu: 11167
Ritstjóri (ábm.): ERLINGUR DAVÉBSSON
Blaðamaður: ÁSKELL ÞÓRISSON
Augl. og afgr.: JÓHANN KARL SIGURÐSSON
Prentun: Prentverk Odds Bjömssonar hf.
SUMARKOMA
Hvort sem sumarið heilsar með
blíðu eða stríðu, fögnum við því af
heilum huga. Við það binda flestir
miklar vonir og áætlanir, sem
hverjum og einum eru mikilvægar.
Gróðurinn vaknar, jörðin angar og
loftið ómar. Hver sem augu hefur
að sjá og eyru að heyra, nýtur vors
og sumars, hins mikla ævintýris
hinnar eilífu hringrásar, þar sem
munur árstíða er mikill, eins og á
okkar norðlægu slóðum.
Á þessu vori er þess lítt getið, að
íslendingar búa við atvinnuöryggi
og markaðsgóðæri svo sjaldan
eða aldrei hefur fólk almennt haft
eins miklar rauntekjur handa á
milli. En hinir sístækkandi öfga-
hópar í þjóðfélaginu magna
óánægju þjóðarinnar, svo að lík-
iegt er, að margir sjái aðeins og
mikli fyrir sér þau samfélagslegu
viðfangsefni, sem nú og ætíð eru á
dagskrá.
í þjóðfélagsumræðum deila
stjórnarandstæðingar og bölsýn-
ismenn á stjórnvöld landsins fyrir
skuldasöfnun erlendis, reikna út
hve mikil skuld komi í hlut hvers
og eins ef deilt er niður, og nefna
myllustein um háls borinna og
óborinna sem ógæfan láti fæðast í
þennan heim undir vondri stjórn.
Ef þessi sorgaróður kemur tárun-
um út á einhverjum auðtrúa sál-
um, þykir vel að verki staðið.
Ekki er hér lítið gert úr vanda
efnahagsmála eða annarra mála,
sem nú og ætíð eru á dagskrá. En
ekki er síður ástæða til að gera ser
Ijóst, og ætti það að vera auðvelt
við sumarkomu að það eru mikii
forréttindi að fæðast íslendingur,
því hann hefur með aldri og
þroska næstum ótæmandi tæki-
færi til að velja sér starf við hæfi
og lifa hamingjusömu lífi. ísland
er enn ekki hálfnumið land, á
meðan aðrar þjóðir eru að kafna af
þrengslum og mengun. Aðeins
brot af stórkostlegum auðlindum
okkar lands, er enn nýtt. Umhverf-
is landið eru ein auðugustu fiski-
mið í heimi og þjóðartekjur á
mann eru með þeim hæstu, sem
þekkjast. Lýðræði, með frelsi og
jafnrétti, mikil samfélagsaðstoð,
örar framkvæmdir um land allt,
full atvinna og margþættir mögu-
leikar í hálfnumdu landi, er fagn-
aðarefni. Ef einhverju þarf að
sökkva á sextugt djúp og binda
stein við, er það böisýnin og böl
sundurlyndis.
Gleðilegí sumar.
Indriði Indriðason rithöf.
Við merk tímamót ævinnar nem-
um við staðar og lítum yfir farinn
veg. Indriði Indriðason rithöf-
undur varð sjötugur um þessar
mundir og verður þess minnst hér
með nokkrum orðum.
Indriði er þingeyingur að ætt
og uppruna. Hann er fæddur 17.
apríl 1908 að Ytra-Fjalli í Aðal-
dal. Foreldrar hans voru hjónin
Indriði Þórkelsson, bóndi og
skáld, og kona hans Kristín S.
Friðlaugsdóttir. En faðir hans var
þjóðkunnur maður sem skáld og
rithöfundur.
Hann ólst upp á merku menn-
ingarheimili við algeng sveita-
störf, en var við nám í unglinga-
skóla á Breiðumýri 1924-25. Ekki
hélt þó þessi námfúsi og gáfaði
unglingur lengur áfram á skóla-
braut hér en sökum fjölskyldu-
tengsla hleypti hann heimdrag-
anum og fór til Bandaríkjanna og
var þar við nám og störf í 4 ár,
1926-30. Kom hann þá heim og
settist að í heimabyggð sinni. Árið
eftir gekk hann að eiga ágæta
konu, Sólveigu Jónsdóttur, þing-
eyskrar ættar. Hófu þau búskap
og bjuggu í Aðaldal til 1935 að
þau fluttu til Reykjavíkur og hafa
átt þar heima síðan. Þau eiga þrjú
efnileg, uppkomin börn Indriða,
Ljótunni og Sólveigu.
Indriði hefur starfað margt um
dagana en lengt hjá Skattstofu
Reykjavíkur frá 1944 en hætti þar
fyrir tveimur árum vegna anna
við ritstörf. En í frístundum sín-
um hefur hann unnið mikið að
félagsmálum og ritstörfum.
Hann var í fyrstu stjórn Félags
ungra framsóknarmanna og
haslaði sér völl í þeirri fylkingu
sem vann á þjóðlegum grundvelli
að framfaramálum þjóðarinnar.
Þá hefur hann og aðhyllst sam-
vinnustefnuna. Hann hefur verið
í stjóm Félags íslenskra rithöf-
unda og Rithöfundasambands
íslands. Hefur hann því komið
talsvert við sögu íslenskra rithöf-
unda. Hann hefur lengi verið í
framkvæmdanefnd Stórstúku ís-
lands af I.O.G.T. og er nú stór-
SJÖTUGUR
templar (formaður Reglunnar á
fslandi). Hann hefur verið virkur
og áhugasamur félagi Góðtempl-
arareglunnar um tugi ára og leið-
andi maður í stúku sinni Andvara
nr. 265. Þá hefur hann átt sæti í
stjórn Þjóðræknisfélags íslend-
inga og verið í stjórn Reglu
musterisriddara frá stofnun 1949.
f mörgum öðrum félögum hefur
hann einnig verið og jafnan val-
inn í forustusveit.
Indriði hafði snemma gaman
af að halda á penna eins og hann
átti ætt til. Fyrsta bók hans Örlög,
smásögur, kom út 1930. Búast
hefði mátt við því að hann héldi
áfram á þeirri braut, þar sem
sögur hans lofuðu góðu, en svo
varð þó eigi. Sneri hann sér í stað
þess stað síðar að sögulegri ritun
og hefur áhugi hans hnigið æ
ákveðnara í þá átt. Munu hér
nefndar þær helstu bækur sem
hann hefur ritað eða haft umsjón
með, þó að smærri ritum hans
verði sleppt.
Indriði hefur ritað bókina
Dagur er liðinn (ævisaga Guð-
laugs frá Rauðbarðaholti). Einnig
Góðtemplarareglan á íslandi 75
ára. Þá hefur hann búið til prent-
unar tvær bækur eftir Indriða
skáld á Fjalli föður sinn. Bauga-
brot, ljóðmæli og Milli hafs og
heiða, Þjóðfræðaþætti. Einnig
ritaði hann og bjó til prentunar:
Jón Árnason, áttræður. Margt
fleira liggur eftir hann í rituðu
máli, frumsamið og þýtt, þótt því
sé sleppt hér.
Er þá komið að mesta ritverki
Indriða: Ættum Þingeyinga.
Starfar hann nú að því verki og
hefur gert undanfarin ár. Út eru
komin 2 bindi en þau munu alls
verða 5 eða 6. Það er aðeins á
valdi mikilla ættfræðinga að rita
slíkt verk. Vinnur Indriði þar
merkilegt starf fyrir ættbyggð
sína. Ég vona að honum endist líf
og heilsa til að ljúka þessu merka
ritverki.
Indriði er enn léttur á fæti og
hefur Elli kerling enn ekki náð
neitt til hans. Vona ég að svo fari
fram sem lengst. Hann dvelur nú
undir suðrænum himni ásamt
konu sinni og verður þar á af-
mælisdaginn.
Ég hef kynnst Indriða í Góð-
templarareglunni og hefur hann
reynst þar frábærlega starfshæfur
maður. Bindindishugsjónin er
honum líka hjartfólgin og telur
hann ekki eftir sér sporin fyrir
þetta hugðarmál sitt. Honum er
ljóst að áfengisvandamálið er eitt
mesta böl þessarar þjóðar. Af-
mælisrit Reglunnar er hann ritaði
er ágæt bók í alla staði.
Og þó Indriði sé búsettur í
Reykjavík hefur hann haft náið
samband við G.t. regluna á Ak-
ureyri á undanförnum árum. Þá
kemur hann oft til að finna
frændur og vini í ættbyggð sinni
og stundum vegna þeirra ritstarfa
er hann vinnur að.
Þessar fáu línur eiga að vera
afmæliskveðja frá okkur reglu-
systkinum hans hér fyrir norðan á
þessum tímamótum í ævi hans.
Einnig vil ég flytja honum þakkir
fyrir störf hans í I.O.G.T. undan-
fama áratugi.
Ég óska honum allra heilla í
framtíðinni og þakka samstarf og
ágæt kynni.
Eiríkur Sigurðsson.
-----1 Búnaðarsamband Eyjafjarðar |-
Komið verði á kvótakerfi
Aðalfundur Búnaðarsambands
Eyjafjarðar var haldinn að HótL1
KEA 21. og 22. marz s.l. Rétt til setu
á fundinum hafa 28 fulltrúar hinna
einstöku búnaðarfélaga á sam-
bandssvæðinu. Voru Tulltrúar
mættir frá öllum félögunum, nema
einu.
I stjórn sambandsins eru nú
þessir menn.
Formaður Sveinn Jónsson Ytra
Kálfskinni.
Varaformaður Birgir Þórðarson
Öngulsstöðum.
Ritari Arnsteinn Stefánsson
Stóra Dunhaga.
Meðstjómendur Sigurgeir Garð-
arsson Staðarhóli, Haukur Hall-
dórsson Sveinbjamargerði.
Fram kom í skýrslum stjórnar og
starfsmanna ýmis atriði um starf-
semina á liðnu ári.
Samkvæmt niðurstöðum á
mjólkurskýrslum eru skýrslufærðar
kýr á sambandssvæðinu 5584 og er
það um 86% af öllum kúm á svæð-
inu.
Meðalnyt fullmjólka kúa var ár-
ið 1977, 4085 kg.
Mest innlegg eftir árskú hafði
Kristinn Sigmundsson bóndi Arn-
arhóli Öngulsstaðahreppi, 5256 kg.
Skýrslur héldu 180 bú. 633 kýr á
svæðinu mjólkuðu yfir 5000 kg.
í sauðfjárræktarfélögunum eru
nú 109 félagsmenn með 11327
skýrslufærðar ær, meðalafurðir
eftir ána var 24,8 kg af kjöti og
lömb til nytja urðu 158 eftir 100 ær.
Mestar afurðir eftir ána hafði
Árni Magnússon Akureyri 24.1 kg
en af þeim sem voru með 100 ær á
skýrslu hafði Hreinn Kristjánsson
Hríshóli Saurbæjarhreppi mestar
afurðir eftir ána eða 32 kg.
Framkvæmdir hjá bændum
varðandi byggingar og ræktun voru
svipaðar og á árinu 1976. Mest
ræktun hjá einstökum bónda var
hjá Jóni Stefánssyni Munkaþverá
öngulsstaðahreppi, 10.3 ha.
Á fundinum voru mörg mál
rædd og tillögur samþykktar sem
varða ýmsa þætti landbúnaðar.
Verður hér getið nokkurra þeirra.
Miklar umræður urðu um kjara
Neytendasamtökin 25 ára
Hinn 23. marz, voru liðin 25 ár frá
stofnun Neytendasamtakanna
hér á landi.
Þau Sveinn Ásgeirsson hag-
fræðingur, Jónína Guðmunds-
dóttir og Jóhann Sæmundsson
prófessor áttu forgöngu að því að
undirbúningsnefnd að stofnun
samtakanna var komið á lagg-
imar. Var bráðabirgðastjórn kos-
in 26. jan. 1953 og áttu sæti í henni
Sveinn Ásgeirsson, Helga Sig-
urðardóttir skólastjóri, Eiríkur
Ásgeirsson forstjóri, Páll S. Páls-
son lögfr. og frú Margrét Jóns-
dóttir.
Neytendasamtökin voru form-
lega stofnuð þann 23. marz 1953
og var fyrsti formaður kjörinn
Sveinn Ásgeirsson, en alls skip-
uðu 25 manns stjórnina. í stjórn
Neytendasamtakanna eiga nú
sæti á þessu afmælisári: Reynir
Ármannsson, formaður, Jónas
Bjarnason, varaformaður, Rafn
Jónsson, ritari, Sigríður Friðriks-
dóttir, gjaldkeri. og meðstjórn-
endur Árni B. Eiríksson. Gunn-
laugur Pálsson. Guðntundur
F.inarsson. Steinunn Jónsdóttir.
Varastjórn 'skipa: Dröfn Far-
estveit. Gunnar Gunnarsson. Ið-
unn Gísladóttir, Stefán Skarp-
héðinsson, Aðalheiður Bjam-
freðsdóttir, Sigurður Kristjánsson
og Björn Hermannsson.
Markmið samtakanna er skil-
greint þannig 1 3 gr. laga þeirra:
„Að gæta hagsmuna neytenda í
þjóðfélaginu. Tilgangi sínum
hyggjast samtökin ná m.a. með
því:
a) að vaka yfir því að sjónarmið
neytenda almennt séu virt, þegar
ákvaðanir eru teknar eða reglur
settar, er varða hagsmuni neyt-
enda.
b) að reka útgáfu- og fræðslu-
starfsemi til aukningar á verð- og
vöruþekkingu neytenda og til
skilningsauka á málum, er varða
hagsmuni þeirra.
c) að veita félagsmönnum sín-
um leiðbeiningar og fyrirgreiðslu,
ef ef þeir verða fyrir tjóni vegna
kaupa á vörum og þjónustu."
Neytendasamtökin gerðust
þegar í upphafi aðili að Alþjóða-
sambandi neytendafélaga, Inter-
national Organization of Con-
sumers Unions, og eru samtökin
háð lögum þess. Samtökin hafa
gefið út Neytendablaðið, en út-
gáfa þess hefur gengið erfiðlega
þar sem félagar 1 samtökunum
eru í rauninni alltof fáir til að
standa undir kostnaði af reglu-
legri blaðaútgáfu og öðrum
rekstrargjöldum samtakanna. Má
einnig benda á, að skv. lögum
Alþjóðasambandsins er óheimilt
að birta auglýsingar 1 málgagni
samtakanna. Félagsmenn eru nú
á þessum tímamótum 3004, en en
þyrftu að vera um 10 þúsund
talsins ef reka ætti hliðstæða
starfsemi og t.d. í Belgíu, en þar
eru neytendasamtökin mjögöflug
og óháð ríkisvaldinu, en njóta
hins vegar styrkja frá verkalýðs-
hreyfingunni. Á Norðurlöndum
eru neytendasamttökin hins veg-
ar 1 höndum ríkisvaldsins. Hér á
landi hefur verið talið óheppilegt
að hafa þann hátt á, með hliðsjón
af því hve ríkið er umsvifamikið á
sviði vörusölu og þjónustu, og
myndu því ríkisrekin neytenda-
samtök óhjákvæmilega fá til
meðferðar mörg mál, þar sem
ríkisfyrirtæki ættu hlut að máli.
Mjög umsvifamikill þáttur í
starfi Neytendasamtakanna er
kvörtunarþjónusta þeirra og að
ýmsuíleyti sá mikilvægasti. Berast
skrifstofunni mörg mál til úr-
lausnar, mörg torleyst, en skrif-
stofan leitast við að miðla málum
og ná sáttum svo að báðir aðilar
megi vel við una. f mörgum til-
vikum veita samtökin lögfræði-
lega aðstoð ef þurfa þykir, og er
trúnaðarlögfræðingur í þjónustu
þeirra. Flestar kvartanir berast
vegna rafmagnstækja og vefnað-
arvöru, en einnig vegna hús-
gagna, gólfteppa og glerísetning-
ar. Á árinu 1977 bárust 403 kvart-
anir og 750 fyrirspurnir.
Á afmælisárinu og ef litið er til
framtíðarinnar eru meginverk-
efni Neytendasamtakanna þessi:
Fjölgun félagsmanna. Aukinn
stuðningur hins opinbera við
lausn verkefna samtakanna.
Skipaðir verði fulltrúar samtak-
anna sem víðast á landsbyggð-
inni, einkum í þéttbýli. Stofnaðar
verði matsnefndir og aukið sam-
starf innflytjenda og framleið-
enda annars vegar og Neytenda-
samtakanna hins vegar og stofn-
aður neytendadómstóll svo sem
tíðkast víða erlendis. Unnið verði
markvisst að neytendafræðslu i
skólum.
og framleiðslumál stéttarinnar. Var
þar samþykkt ályktun í nokkrum
liðum þar sem lagt er til að eftir-
farandi ráðstafanir verði gerðar.
Hér fer úrdráttur úr þeim tillög-
um:
1. Komið verði á kvótakerfi sem
stjórntæki á framleiðslu. Yrði þar
lagt til grundvallar lögbýlisjarðir og
kvóti miðaður við framleiðslu
þriggja undanfarinna ár.
2. 10% útflutningskvóti verði
áfram í gildi. Komi til verulegs
samdráttar í framleiðslu af völdum
harðæris verði það fjármagn einnig
hún gefi bændum kost á garðá-
burði með efnamagninu 11-18-18.
Verði þessi nýja tegund á pöntun-
arlista næsta haust.“
„Fundurinn beinir því til Fram-
leiðsluráðs, að það sjái til þess, að
öll framleiðsla á íslenskri ull sé
merkt og uppgefið í prósentum,
hve mikið sé í vörunni af öðrum
efnum (erlendri ull, gerfiefni
o.s.frv.) Einnig bendir fundurinn á
þá hættu, sem nú er til staðar af
samkeppni frá erlendum verk-
smiðjum, er kaupa lopa og gam
til ráðstöfunar þó svo að ekki þurfi
að nýta það til greiðslu á útfluttum
landbúnaðarafurðum.
3. Styrkir og lán til landbúnaðar
verði einnig notað til þess að hafa
áhrif á framleiðslu stefnur í land-
búnaði.
Verði þar um misjöfn lán og
styrki að ræða eftir því sem talið
væri hagkvæmt í framleiðslu land-
búnaðarafurða. Þá* verði einnig
tekið til athugunar hvort ekki væri
hagkvæmt að greiða hluta fram-
leiðslutekna bóndans sem beina
greiðslu, óháð framkvæmdum.
4. Verðtrygging landbúnaðar-
vara nái aðeins til framleiðslu á
lögbýlum.
5. Unnið verði að lækkun fram-
leiðslukostnaðar á frumstigi fram-
leiðslunnar.
Reiknaður verði út verðlags-
grundvöllur fyrir hverja búgrein
fyrir sig.
7. Samfara kvótakerfi verði síðan
unnið að framleiðsluskipulagi fyrir
einstök héruð og landið í heild.
Þá voru einnig eftirfarandi til-
lögur samþykktar.
„Aðalfundur Búnaðarsambands
Eyjafjarðar 1978, fagnar nýlega
gerðri samþykkt Búnaðarþings um
eflingu skjólbeltaræktunar í land-
inu. Felur fundurinn stjórn og
ráðunautum sambandsins að vinna
ötullega að því að glæða og efla
áhuga bænda á skjólbeltaræktun í
héraðinu. Fundurinn telur að
skjólbelti hafi bæði hagfræðilegt og
menningarlegt gildi, auk þess sem
telja verður mannúðlegt að auka
skjól fyrir búpening.“
„Aðalfundur B.S.E. 1978 skorar á
Byggingastofnun landbúnaðarins
að sjaa til þess, að matsverð land-
búnaðarbygginga til lántöku verði
sem næst kostnaðarverði hverju
sinni, en þar hefur skort verulega á
undanfarandi ár.'
‘Aðalfundur B.S.E. 1978 ítrekar
tilmæli sín frá aðalfundi 1977. til
Áburðarverksmiðju rikisins, um að
héðan. Þessi þróun getur orðið
mjög alvarleg fyrir iðnaðarvörur úr
íslenskri ull. Þess vegna er full
ástæða til að kanna það, hvort ekki
er ástæða til að banna útflutning á
óunninni ull.‘
„Aðalfundur B.S.E. 1978 lítur
mjög alvarlegum augum útbreiðslu
fjárkláða 1 Húnavatnssýslum og
álítur það ekki sæmandi bænda-
stéttinni að láta fjárkláða ná út-
breiðslu hér á landi á ný. Því skorar
fundurinn á bændasamtök og yfir-
dýralækni að taka föstum tökum
framkvæmd og eftirlit með sauð-
fjárböðunum svo að takast megi að
útrýma kláðanum til fulls.“
„Aðalfundur B.S.E., haldinn á
Akureyri 21. og 22. marz 1978, vítir
harðlega þann seinagang og tregðu
sem orðið hefur hjá Véladeild S.I.S.
varðandi útvegun nauðsynlegs við-
bótarbúnaðar í mölunar- og hey-
kögglavél þá, sem B.S.E. hefur
staðið fyrir tilraunum með. Það
verður að teljast mjög ámælisvert,
ef tilraunir til aukningar á notkun
innlends fóðurs stranda á vanefnd-
um og áhugaleysi innflutningsfyr-
irtækja.“
„Aðalfundur B.S.E., haldinn á
Akureyri 21. og 22. marz 1978,
ítrekar fyrri samþykktir B.S.E. frá
aðalfundum 1976 og 1977 um
breytingar á samþykktum Stéttar-
sambands bænda. Fundurinn telur,
að sú þróun máia, sem varð á s.l.
ári, sýni þörf breytinga á tengslum
bænda við Stéttarsambandið og á
starfsháttum Stéttarsambands-
funda. Einnig vill fundurinn benda
á nauðsyn þess, að Stéttarsamband
bænda og Búnaðarfélag íslands
móti sameiginlega stefnu í skipu-
lags- og framleiðslumálum land-
búnaðarins og geri ráðunautaþjón-
ustuna virka i framkvæmd þeirrar
samræmdu stefnu. Til að tryggja
eðlilega endurskoðun og aðlögun
stefnunnar að breytingum á mark-
aðsskilyrðum. verði komið, á
skipulegu samstarfi bændasamtak-
anna til umræðu og endurskoðunar
stefnúnnar."
Glæsilegur arangur
Þórsara íkörfu
Nú er það endanlega Ijóst að
fyrstu deildar lið Þórs í körfu-
knattleik karla leikur í úrvals-
deildinni á næsta ári. Þeir léku
síðari leik sinn við Snæfell um
síðustu helgi og sigruðu með
79 stigum gegn 73. Árangur
liðsins á þessu keppnistíma-
biii verður að teljast frábær.
Þeir sigruðu í fyrra aðra deild-
ina, og svo strax á fyrsta ári
sínu í fyrstu deild skutu þeir
tveimur Reykjavíkurfél ögum
aftur fyrir sig, og sendu þau
einni deild neðar í íþróttinni.
Stærsta þáttinn í þessari vel-
gengni Þórs á tvímælalaust
Bandaríkjamaðurinn Mark
Cristiansen.
Hann þjálfaði og lék
með meistaraflokki og þjálfaði
síðan alla yngri flokka félagsins.
Þá þjálfaði hann einnig unga
körfuknattleiksmenn hjá KA.
Mark virðist mjög góður þjálfari
svo og er hann frábær leikmaður
og sennilega sá besti sem sést
hefur í liði hérlendis.
Hann er atvinnumaður 1
íþróttinni, og æfir og leikur fyrir
peningagreiðslur. Þó hefur heyrst
að laun hans hér séu þó nokkuð
Mark Crlstiansen, besti kðrfu-
knattlelksmaður sem lelklð
hefur með íslensku liðl.
knattspyrnuþjálfarar fá fyrir að-
eins nokkurra mánaða starf, og
þá aðeins við þjálfun eins flokks.
Félagar Marks segja hann
mjög góðan kunningja og vin og
reglusemi hans er þó nokkuð
meiri en Akureyringar eiga að
venjast með aðfluttar íþrótta-
stjömur. Guðmundur Hagalín
formaður körfuknattleiksdeildar
Þórs sagði í viðtali að búið væri að
biðja Mark að vera hér næsta
vetur og hann mundi gefa um það
ákveðið svar síðast í júní.
Hann kvað Mark vera á förum
til meginlands eEvrópu og þar
færi hann í keppnisferðalag
ásamt hinum Bandaríkjamönn-
unum sem léku á íslandi i vetur
og á heimleiðinni vestur um haf
myndi hann koma hér við, og þá
væntanlega gefa Þórsurum end-
anlegt svar um veru sína hér
næsta vetur. Þá sagði Guðmund-
ur að ef hann yrði hér í vetur
myndu margir Reykvískir körfu-
knattleiksmenn hafa áhuga á að
leika með honum í Þórsbúningi.
Þess má því vænta að lið Þórs
verði sterkt á komándi keppnis-
timabili og vonandi með Mark í
fararbroddi.
Leiknir vann í fallbaráttu
S.l. laugardag léku Þór og
Leiknir ffyrri leik sinn í keppn-
inni um það hver hljótl næst
neðsta sæti annarrar deildar í
handbolta. Jafnframt verður
það lið sem það sæti hlýtur, að
leika aukaleiki við næst efsta
lið þriðju deildar sem er að
þessu sinni Breiðabllk, um til-
verurétt sinn í deildlnni. Lein-
ismenn virtust taka þennan
leik mjög létt því þeir mættu
aðeins níu, það að segja að-
eins tveir innáskiptingamenn
og enginn liðstjóri eða þjálfari.
Til að byrja með gekk báðum
liðum erfiðlega að finna leiðina
að markinu, en fyrsta markið
kom ekki fyrr en á 6. mín, og þá
skoraði Sigtryggur fyrir Þór úr
víti.
Hafliði Pétursson jafnaði síðan
fyrir Leikni nokkrum mínútum
síðar, en Hafliði átti eftir að verða
þeim Þórsurum erfiður. Þórsarar
komust síðan í þrjú gygn einu, en
Leiknismenn ná að jafna og
komast yfir og eftir það tókst
Þórsurum aldrei að klekkja á
andstæðingum sínum. I hálfleik
var staðan 10 gegn 9 fyrir Leikni,
en þeir höfðu þá rétt áður komist í
þriggja marka forskot. Fyrstu
fjögur mörkin í síðari hálfleik
gerðu Leiknismenn, og komust
þá í fimm marka mun, og
skömmu síðar komust þeir sex
mörkum yfir.
Síðustu 15 mínútur leiksins
gerðu Þórsarar 9 mörk en
Leiknismenn 6, og það nægði
þeim til sigurs, skoruðu 24 mörk
gegn 21 hjá Þór. Markahæsturhjá
Þór var eins og vanalega Sig-
tryggur með 7 mörk (6 úr víti), en
hann var tekin úr umferð allan
leikinn eins og venjulega en hann
hefur vart fengið að leika óáreitt-
ur í allan vetur, ávalt settur á
hann yfirfrakki eins og það er
kallað á handboltamáli. Jón Sig.
skoraði 5, Einar 5, og aðrir leik-
menn færri. Hafliði Pétursson var
markhæstur Leiknismanna með
11 mörk, en hann er langbestur
þeirra. Hörður Sigmarsson sem
áður lék með ísl. landsliðinu er nú
ekki svipur hjá sjón, þegar hann
var upp á sitt besta og markhæst-
ur manna í fyrstu deildinni. Hann
virkar æfingarlítill og þungur.
Staða Þórs er nú sem fyrr mjög
slæm. Þeir eiga eftir að leika erf-
iða og kostnaðarsama leiki til að
tryggja setu sína í deildinni, og í
þeim leikjum fylgja þeim árnað-
aróskir íþróttasíðunnar.
f tilefni af hækkandi sól, og komandi knattspyrnuvertíð, þykir vel tll fundlð að blrta 10 ára
gamla mynd af knattspyrnuliði IBA.
4.DAGUR
DAGUR.5