Dagur - 22.03.1979, Blaðsíða 5

Útgefandi: ÚTGÁFUFÉLAG DAGS
Skrifstofur Tryggvabraut 12, Akureyri
Ritstjórnarsímar: 24166 og 23207
Sími auglýsinga og afgreiöslu: 24167
Ritstjóri (ábm.): ERLINGUR DAVÍÐSSON
Blaöamaöur: ÁSKELL ÞÓRISSON
Augl. og afgr JÓHANN KARL SIGURÐSSON
Prentun: Prentverk Odds Björnssonar hf.
I rétta átt
Mörg eru þau skýin, sem hrannast
hafa upp á himni stjórnmálanna
undanfarnar vikur og ýmsar blikur
hafa verið á lofti. En hvernig sem
spáð er í ský og blikur og það gera
menn á margan hátt, hver eftir
sinni getu og hugmyndaflugi,
virðist flestum sá kjarni bæði skýr
og traustur, sem tengdur er nú-
verandi forsætisráðherra og að sá
kjarni sé kjölfesta þjóðfélagsins í
ókyrrð stjórnmáianna. Hann nýtur
fyllsta trausts samstarfsflokka
sinna og virðingar andstæðing-
anna. Þess vegna verður ekki
gengið fram hjá efnahagsmála-
frumvarpi hans og samstarfs-
flokkarnir munu styðja það þegar
á reynir.
Á elleftu stundu reis stjórnarand-
staðan upp í allri sinni stærð og
bar fram tillögu um þingrof og
nýjar kosningar. Sjálfstæðismenn
urðu með einhverjum hætti að
minna á, að stjórnarandstaða væri
þó til í landinu, en hvernig þeir
hafa hugsað, þá hugsun til enda,
að hefja kosningabaráttu, ef til
kæmi nú, er mönnum mikil ráð-
gáta. En sjálfstæðismenn fengu
þó aftur að spreyta sig í útvarps-
umræðum um frumvarp forsætis-
ráðherra og koma á þann hátt við
sögu. Þí miður urðu þeim á þau
mistök, að senda þá menn í um-
ræður, sem notuðu tíma sinn
verulega til máiflutnings af því
tagi, sem venjulegt fólk hefur
andúð á. Og þeir leyfa sér meðal
annars að halda því opinberlega
fram, að landið sé stjórnlaust og
því alveg nauðsynlegt að efna til
kosninga, í þeirri von að fá nýja
ríkisstjórn.
Sjálfstæðismönnum hefur
gleymst í hita umræðnanna, hve
fyrri ríkisstjórn var úrræðalítil í
efnahagsmálum og uppgafst við
það meginviðfangsefni sitt að
hafa hemil á verðbólgunni, og er
háttalag þeirra í umræðum nokk-
uð athyglisvert. Þá hefur það vak-
ið verðskuldaða athygli, að aðal-
málgagn Sjálfstæðisflokksins,
Morgunblaðið, er nú farið að tala
um kauprán, eins og Alþýðu-
bandalagið fyrir síðustu alþingis-
kosningar. Kannski er það orðið
skoðun sjálfstæðismanna, að
verðbólgan, sem nú er reynt að
minnka, og þar með sjálfvirkan
skrúfgang verðbólgunnar, sé
launþegum hagkvæmari en við-
námið.
Kjarni hinnar nýju efnahags-
stefnu forsætisráðherra er at-
vinnuöryggi, ásamt hjöðnun verð-
bólgu í áföngum. Hún er ennfrem-
ur við það miðuð, að kaupmáttur
launa getí haldist eins mikill og á
síðasta ári, eða vel það. Ljóst er,
að í þessu felst veruleg stefnu-
breyting, sem allir hafa a.m.k. í
orði, talið í rétta átt.
Sigurður G. Jóhannesson,
kennarí og María Ágústsdóttir
kona hans búa í Þingvallastræti
6 á Akureyri. Hann er nú að láta
af störfum sakir aldurs og í til-
efni af því og sérstæðu tóm-
stundastarfi hans, hitti blaðið
hann nýlega að máli.
Ætt og uppruni, Sigurður?
Foreldrar mínir bjuggu í
Stóra-Dunhaga í Hörgárdal, Jó-
hannes Bjamason og Bergrós
Jóhannesdóttir og þar fæddist ég
22. mai 1912 og urðum við syst-
kinin þrettán að tölu. En hjá for-
eldrum mínum var ég aðeins fimm
fyrstu ár ævinnar, því ég var þá
tekinn i fóstur. Ég heiti eftir föð-
urbróður minum, Sigurði Bjama-
syni og hann andaðist 1913, en
hafði þá lagt svo fyrir við sitt fólk,
að ég yrði tekinn í fóstur og það var
gert. Föðurbróðir minn var bóndi í
Syðra-Dalsgerði og þar bjó ekkjan
áfram, Guðbjörg Jósefsdóttir, en
hjá henni ólst ég upp og hennar
sonur stóð fyrir búi með henni.
Eins og þá tíðkaðist hugsaði ég
mér að verða bóndi og vildi verða
það. En það atvikaðist þó svo, að
mig langaði einnig til að fara í
skóla. Fór ég í Gagnfræðaskólann
hér á Akureyri, sem þá var í
Lundargötunni, þar sem Fíladelfía
er nú. Sigfús Halldórsson var
skólastjóri og með honum ágætir
kennarar. 1 þessum skóla var ég tvo
vetur.
Varð framhald á skólagöngunni?
Ekki í bráð því fjárhagurinn
leyfði það ekki. En tveir skóla-
bræður mínir, þeir Ámi Kristjáns-
son, síðar menntaskólakennari og
Jón Gunnlaugsson læknir í
Reykjavík héldu áfram námi og
famaðist vel við nám og störf. En
haustið 1934 opnaðist mér sá
möguleiki að fara í Kennaraskól-
ann. Þar var þriggja vetra nám en
ég komst í annan bekk. Sumarið
áður var ég í brúarvinnu og var
unnið í ellefu klukkustundir á dag,
en á kvöldin las ég og bjó mig
undir próf upp í annan bekk um
haustið og tókst það. Árið 1936
lauk ég svo kennaraprófi og þar
með hófst svo starfsferill minn við
kennsluna og hef ég stundað hana
síðan með nokkurra ára undan-
tekningu þó.
Þá rœttist búskapardraumur
þinn?
Já, loksins rættist hann. Ég bjó á
Hrafnagili árin 1949-1954 og hafði
ég mjög gaman af því. En heilsa
mín bilaði vegna of erfiðrar vinnu
og hóf ég þá kennslustörf á ný, og
hef ég nú í vor verið kennari í fjóra
áratugi. Fyrst var ég farkennari,
byrjaði vestur í Hjaltadal, síðan í
Svarfaðardal, þá í Hrafnagils-
hreppi í Saurbæjarhreppi 1954—
1957 og víðar.
Síðan 1957 hef ég kennt við
Oddeyrarskólann, hafði raunar
kennt einn vetur þar áður en ég hóf
búskapinn á Hrafnagili. Og ég hef
alltaf haft gaman að kennslustörf-
um. Þau em fjölbreytt og við margt
að glíma.
En þú hefur um langa tíð haft
sérstök áhugamál, utan kennslunn-
ar?
Já, þar muntu eiga við ættfræði-
grúsk mitt. Margir misskilja það og
álíta, að um sé að ræða nöfn og
ártöl og lítið annað. En því fer víðs
fjarri og til dæmis um það, verða
menn að setja sig inn í aðstæður
fyrri tíma, sem voru svo gjörólíkar
okkar.
Nokkurt skemmtilegt atvik í
sambandi við þessi cettfrœðistörf?
Já, ekki laust við það. Eitt vil ég
t.d. nefna. Til mín kom svissneskur
læknir 1976, einkennilegra erinda.
Hann og þó einkum systir hans,
voru að leita fyrir sér um ætt sína,
er rekja mátti til Islands. Þessi
Svisslendingur var á læknaþingi í
Reykjavík og systir hans, hafði
beðið hann að nota ferðina til að fá
upplýsingar um þeirra íslenska
ættarmeið. Hann heimsótti Amts-
bókasafnið á Akureyri og af ein-
Dauðadæmdur
BBHi Æm
Eyfiroingur
varð kynsæll
í Danaveldi
Samtal við Sigurð G.
Jóhannesson kennara
hverjum ástæðum leitaði hann svo
til mín, sennilega vegna einhverra
upplýsinga, sem hann hefir fengið í
höfuðborginni um ættfræðihobbý
mitt.
Var forfaðir systkinanna e.t.v.
héðan frá Akureyri?
Hann var frá Skógum á Þela-
mörk en var myrtur hér á Akureyri
1825 og læknissystirin svissneska,
hafði grafið það upp í Danmörku.
Hér í þessu þorpu á norðurströnd
íslands, væri nánari vitneskju að
finna um mál þetta og því var það,
að bróðirinn lagði leið sína hingað.
Það vildi nú svo til, við ættfræði-
lega athugun, að ég og þessi sviss-
nesku systkini vorum af sjötta og
sjöunda. Hann heitir Harold
Weisswage.
Segðu mér frá cettföðurnum?
Hann hét Þorvaldur Þorvaldsson
og var frá Skógum á Þelamörk,
hagur maður eflaust, því hann bjó
til svo vel gerðan peningaseðil, að
kaupmaðurinn glæptist á honum.
En fölsunin komst upp og Þor-
valdur var dæmdur til dauða 1782.
Hann kannaðist við verknað sinn,
hafði lagt seðilinn inn á reikning
móður sinnar, sem orðin var ekkja.
En dómarinn, var ekki mildur. Jón
Jakobsson las yfir honum dauða-
dóm að réttarhöldum loknum. En
hann var þó ekki líflátinn, því góð
hegðun mildaði yfirvaldið og
breytti hann dómi sínum í ævi-
Sigurður G. Jóhannessou.
langa þrælkunarvinnu í Dan-
mörku, en eftir átta ár var hann
náðaður, eflaust fyrir góða hegðun,
sem bjargað hafði.
Þorvaldur Þorvaldsson var tvít-
ugur piltur og sök hans var sú, að
falsa eins dals ríkisbankaseðil og
framvísa honum í verslun á Akur-
eyri. Hann var frá barnæsku
áfjáður í að teikna og mála og
komst upp á lag með að búa til liti,
sem hann notaði við teikningar
sínar.
Kaupmaðurinn Friðrik Lynge
tók við seðlinum, en þótti hann
grunsamlegur. Leiddi peningafals-
ið þegar til handtöku.
Sveitungar piltsins allir báru
Þorvaldi hið besta orð.
Frjáls maður gekk nú Þorvaldur
að eiga danska konu, dóttur bók-
sala eins. Þau áttu einn son Peter
að nafni. Þorvaldur missti fljótlega
konu sína og kom þá heim til ís-
lands og nefndi sig þá Þorvald
Skógalin en sonurinn ólst upp hjá
móðurföður sínum og komst til
góðs þroska. Hans sonur varð
konunglegur hirðmálari og virðist
dráttlist og litagleði hafa gengið í
erfðir. Málverk eru til eftir hann í
dönskum söfnum. Annar sonur
Peters varð danskur ráðherra og
mikils metinn. Samkvæmt ættar-
skrá hefur Þorvaldur orðið kynsæll
maður, þótt hann ætti ekki nema
þennan eina son þar og er margt
kunnra manna út af honum komið,
áhrifa og valdamenn, sem sæmdir
voru æðstu heiðursmerkjum
ýmissa þjóða.
Nú er frá Þorvaldi að segja, að
hann leitaði æskustöðva hér við
Eyjafjörð og giftist konu frá Gili í
Hrafnagilshreppi Lilju Jónsdóttur
að nafni og fluttu þau til Akureyrar
eða að Naustum við Akureyri. En
nú er að segja frá Vigfúsi nokkrum,
geðbiluðum manni, sem var sonur
amtmannshjónanna á Möðruvöll-
um. Þegar amtmaður andaðist varð
Þorvaldur einhverskonar umráða-
maður Vigfúsar eða eftirlitsmaður,
ef af líkum má ráða, eða leit til
Færri slys
Ég var staddur á fundi Samvinnu-
trygginga um öruggan akstur. Þar
var veitt gott kaffi og meðlæti og
tætt um hvað tryggingar myndu
kosta á komandi vori ásamt fleiru.
Það finnst mér merkilegt við trygg-
ingamál, að þar er sjaidan rætt um
hvernig megi fækka slysum. Það er
ekki nóg að fá medalíu og kaffi
með rjómapönnukökum og tertum.
Ég hef gengið með flugu í höfð-
inu í nokkur ár og aðeins opnað
fyrir henni við einstaka mann en
aldrei opinberlega.
Nú kemst ég ekki hjá að opna
fyrir þessari fiugu, hún er orðin svo
áleitin.
Hún er sú að tryggingarfélögin
noti 10% af sínum tekjum til áróð-
urs svipað og við hægrihandar um-
ferðina.
Gæti ekki skeð að tjón minkaði
um 20% eða meira og fækkaði þar
með slysum, örkumlum og dauða,
ásamt ótrúlegustu upphæðum í
peningum, vinnutapi, sorg og alls-
konar erfiðleikum.
Það hefir verið svo undanfarna
áratugi að allt hefir hækkað og
hækkað án þess að verulega hafi
verið spyrnt við fótum og megnið
af þessu er blekking ein.
Mér dettur í hug það sem sgat
var forðum „Upp upp dordingull".
Nú er mál að taka þettað föstum
tökum og láta hendur standa frarn
úr ermum bæði vegna þjóðfélags
og einstaklings.
Akureyri 12/3 1979
Ingólfur Gunnarsson
Ánægðir
Útsýnarfarþegar
Oft vill það fara svo að penninn er
gripinn í flýti ef eitthvað þarf að
kvarta, en gleymist að geta þess
sem vel er gert. Við hjónin vorum í
Útsýnarferð í Júgóslavíu á hinu
fallega hóteli Metrapol í Portórós í
Júlí á síðasta ári. Þar var meiningin
að vera í þrjár vikur. Umhverfið
undufagurt sól og hiti og blóma-
ilman í lofti. En fyrsta dag dvalar
okkar þar fékk ég skeyti að minn
nánasti ættingi væri látinn, og
þurfti ég að komast hið bráðasta
heim. Fyrir mig var allt gert til að
svo gæti orðið. Fyrirgreiðsla farar-
stjóranna sem bæði eru héðan frá
Akureyri var til fyrirmyndar.
Á flugvellinum í Feneyjum hitti
ég forstjóra Utsýnar, Ingólf Guð-
brandsson, og hann tjáði mér að
allt yrði gert fyrir mig svo ég kæm-
ist aftur til manns mins sem fór ekki
með heim og það voru sannarlega
orð að sönnu. Sjálf gat ég ekki haft
samband við skrifstofuna þar sem
ég flaug nokkrum tímum eftir
lendingu í Keflavík til ísafjarðar.
Er ég kom svo aftur vestan, viku
síðar á skrifstofu Utsýnar í Austur-
stræti var búið að útbúa farseðil
fyrir mig. Oft hef ég hugsað um
hversu vel mér var tekið af starfs-
fólkinu og kann því mikla þökk
fyrir, því það gat ekki betra verið.
Vegna umræðna sem orðið hafa
um Utsýnarkvöld í Sjálfstæðishús-
inu vildum við vekja athygli á
þeirri góðu þjónustu er við nutum
lijá Utsýn og við vitum að þeirri
ferðaskrifstofu er hægt að treysta.
Sendum forstjóra hennar og öllu
starfsfólki bestu kveðjur með þökk
fyrir frábæra fyrirgreiðslu.
Bryndís og Gerhard Meyer.
4.DAGUR
með Vigfúsi þessum á einhvern
hátt. En Vigfúsi þótti Þorvaldur
fastheldinn á peninga, enda mun
hann hafa þurft fjárráð til vín-
kaupa og þá endast fjármunir illa.
Kvöld eitt fór Vigfús þessi upp
að Naustum og gerði boð fyrir
Þorvald. Þorvaldur bauð Vigfúsi
inn til sín og þar stakk Vigfús hann
með hnífi, sem leiddi til dauða.
Þetta er í sem stystu máli saga
Þorvaldar, sem þó mun lítt rann-
sökuð. En mörg stórmenni Dana
eru út af honum komnir, svo ljóst
virðist vera, að mikið hafi verið í
manninn spunnið. Erlendis, bæði í
Danmörku, Sviss og víðar eru
búnir að lifa og starfa fimm ættliðir
frá Þorvaldi frá Skógum.
Vissir eiginleikar fylgja œttun-
um?
Já, og það er mjög áhugavert að
fylgjast með því, samkvæmt um-
sögn gamalla kirkjubóka og fleiri
heimilda, hvemig hinir ýmsu eig-
inleikar koma fram aftur og aftur í
sömu ættunum og get ég minnst á
mörg dæmi því til sönnunar. Þá
hafa læknisvísindin mikinn áhuga
á ættfræðinni, einkum af heilsu-
farslegum ástæðum. Erfðafræðin
lætur ekki að sér hæða, hún og
ættfræðin eiga mikla samleið.
Hve lengi hefur þú unnið að œtt-
frœðirannsóknum?
Frá 1962. Lengi fyrst vann ég við
uppskriftir úr kirkjubókum og var
það mikið verk. Nú er ég að yfir-
fara þetta allt saman og þetta safn
gæti e.t.v. orðið einhverjum til
gagns við síðari rannsóknir. En
hvergi er þurrausið og verður seint.
Ég er búinn að raða upp Mikla-
Sigtryggur
sýnir í Háhóli
Sigtryggur Júlíusson rakari
opnar málverkasýningu í
Gallerí Háhól á laugardag-
inn og stendur hún til
sunnudagsins 1. apríl. Ásýn-
ingunni verða 60 vatnslita-
myndir, bæði nýjar og gaml-
ar og verða þær allar til sölu.
Þetta er fyrsta einkasýning
Sigtryggs, en áður hefur
hann lítilsháttar tekið þátt í
samsýningum.
Sýningin verður opin dag-
lega frá 20-22, en um helgar
frá 15,00-22,00.
garðssókn i Eyjafirði og geri ég þar
grein fyrir öllum bændum frá 1703.
En þessi sókn er aðeins ein af 20
hér í sýslunni.
Þú varst lengi í brúarvinnu á
sumrin?
Já, það var líka hobbý, svo sem
eins og laxveiði eða frímerkjasöfn-
un. Ég hafði ákaflega gaman af að
dvelja á hinum ýmsu stöðum og
kynnast fjölda fólks. Við fórum úr
einni sveit í aðra til að byggja brýr
og þannig gekk þetta í tíu ár. Ég sá
um reiknishald og innkaup, hafði
því frjálsari hendur en flestir aðrir
og naut þess ríkulega, til að kynn-
ast fólki.
Þú nýtur samrœðnanna?
Þær eru ekki aðeins skemmti-
legar heldur einnig oft mjög fróð-
legar. Til gamans má geta þess, að
ég vann í einn mánuð á tjaldstæð-
um bæjarins og hafði verulega
gaman af. Einn daginn átti ég þess
kost að ræða við mann frá Nýja-
Sjálandi, annan frá Kanada, og
þann þriðja frá Ungverjalandi og
hann gaf mér pening til minja,
einnig vegna þess að hann komst
að því, að ég safnaði mynt. Þá
kynntist ég einnig „puttafólkinu“
og hafði af því hina bestu reynslu.
Ég ætla, að þetta merkilega ferða-
fólk sé flest hið ágætasta.
Hvað tekur nú við, að loknu
kennslustarfi?
Þá eldist maður og guð ræður.
Nægileg tómstundastörf bíða mín
og ættfræðin sleppir mér líklega
ekki alveg strax, ef að líkum lætur.
segir Sigurður G. Jóhannesson að
lokum og þakkar blaðið svör hans.
Thule-keppni
Bridgefélags
Akureyrar hafin
Þriðjudagskvöldið 20. mars var
spiluð fyrsta umferð í Thule-tví-
menningskeppninni Bridgefélags
Akureyrar. Spilað er í tveim 16
para riðlum, sem er góð þátttaka.
Röð efstu spilara er þessi: stig
1. Pétur Guðjónsson —
Stefán Ragnarsson 262
2. Baldur Árnason —
Sveinbjörn Jónsson 261
3. Öm Einarsson —
Einar Sveinbjömsson 256
4. Grettir Frímannsson —
Ólafur Ágústsson 252
5. Gunnar Sólnes —
Ragnar Steinbergsson 247
6. Alfreð Pálsson —
Mikael Jónsson 246
7. Þorbjörg Snorradóttir —
Þómnn Bergsdóttir 237
8. Magnús Aðalbjörnsson —
Gunnl. Guðmundsson 235
9. Sigurður Víglundsson —
Viðar Valdimarsson 231
10. Hörður Steinbergsson —
Jón Stefánsson 228
11. Rafn Kjartansson —
Sigurður Sigmarsson 227
Meðalárangur er 210 stig — önnur
um ferð verður spiluð n.k. þriðju-
dagskvöld 27. mars kl. 8
Gáfu tæki til F.S.A.
Nýlega afhenti Kvennasamband Akureyrar Fæðingadeild F.S.A. „Fetal
Monitor“, en það er tæki til að auðvelda eftirlit og auka öryggi kvenna við
fæðingar. Verðmæti þessa tækis er rúmlega 3 millj. án innflutningsgjalda og
söluskatts. Fæðingardeildin þakkar af alhug þessa höfðinglegu gjöf. Stjórn
Kvcnnasambandsins skipa: Formaður: Júdit Sveinsdóttir, Ritari: Sigrún
Lámsdóttir, Gjaldkcri: Margrét Kröyer, Varaform: Svanhildur Þorsteins-
dóttir, Meðstjórnandi: Marta Jónsdóttir, Meðfylgjandi mynd var tekin við
afhendingu gjafarinnar.
Þórhallur Hjartarson var fslands meistari f léttasta flokki.
íslandsmót í lyftingum
Á íslandsnótinu í lyftingum sem
haldið var í Reykjavík um síð-
ustu helgi náðist mjög góður
árangur í mörgum greinum og
mörg íslandsmet voru sett. Ak-
ureyringar eignuðust tvo Is-
landsmeistara. I flokki 52 kg.
sigraði komungur Akureyring-
ur, Þórhallur Hjartarson, en
hann er einnig islandsmeistari
unglinga. Þá varð Kári Elísson
íslandsmeistari í 67.5 kg flokki.
Alls fengu Akureyringar 2 gull-
verðlaun, 5 silfurverðlaun og 3
bronsverðlaun.
UMSJÓN:
ÓLAFUR ÁSGEIRSS0N
Markmaðurinn
skoraði úrslita-
markið fyrir Þór
Á þriðjudagskvöldið léku Þór
og Ármann í 16 liða úrslitum
bikarkeppni HSl. Áður hafði
Stjaman úr Garðabæ unnið KA
í sömu keppni. Leikurinn var
frá upphafi mjög spennandi og í
hálfleik varstaðan jöfn 12 mörk
gegn 12. Sami spenningur hélst í
síðari hálfleik og skilda yfirleitt
ekki nema eitt mark liðin sem
vom til skiptis yfir. Þegar 7 sek.
voru eftir var staðan jöfn 23
gegn 23 og Ármann með boltan
í aukakasti. Boltinn barst þá til
Tryggva í marki Þórs sem sendi
hann umsvifalaust yfir völlin og
í mark andstæðingana, en
markmaður Ármanns hafði
hætt sér of langt út á völlinn í
spennu leiksins. Um leið og
boltinn fór í mark Ármenninga
gall flauta tímavarðar sem sagði
leiktíma búinn.
Ármenningar mótmæltu því
að markið væri löglega skorað,
þar er þeir töldu að boltinn
hefði ekki verið kominn í
markið þegar flaustað var.
Dómarar leiksins þeir Birgir
Bjömsson og Guðmundur Lár-
usson voru hins vegar ekki á
sama máli og dæmdu markið
gilt.
Flest mörk Þórs gerði Sig-
urður 7, Sigtryggur gerði 6, Jón
Sig 3, Guðm. Skarp. og Ragnar
Sv. 2 hvor og Amar, Gunnar,
Valur og Tryggvi markmaður
eitt hver. Pétur Ingólfsson var
markhæstur Ármenninga með 9
mörk og Friðrik gerði 8 og aðrir
færri.
Með þessum sigri eru Þórsar-
ar komnir í 8 liða úrslit og leika
næst gegn ÍR, og ættu því að
hafa töluverða möguleika á að
komast í 4 liða úrslitin.
Fer Freyr
í einvígi?
Eins og sjónvarpsáhorfendur
hafa séð í íþróttaþættinum á
mánudagskvöldið var mikið
einvígi á milli Þorsteins Leifs-
sonar úr KR og Freys Aðal-
steinssonar frá Akureyri í 75 kg
flokki lyftingarmanna. Þeir
kepptust við að setja íslandsmet
og var keppnin á milli þeirra
mjög jöfn og spennandi, en að
síðustu vann Þorsteinn með að-
eins tveimur kílóa mun. Nú
hefur þess verið farið leit við þá
að þeir heyi einvígi í sjónvarps-
sal nú á næstunni, og vonandi fá
sjónvarpsáhorfendur að sjá þá
aftur á skjánum.
Þeir fara á lyftingarmótið f Finnlandi. Talið frá vinstri Viðar Edvarðsson, Haraldur Ólafsson, Sigmar Knútsson
og Bernharð Haraldsson fararstjóri.
Lyftingamenn til Finnlands
Um páskana fara nokkrir akur-
eyrskir lyftingarmenn til Finn-
lands og keppa þar á móti í
Lathi, sem er vinabær Akureyr-
ar.
Mót þetta er haldið í tilefni af
10 ára afmæli lyftingarfélagsins
í Lathi og verða keppendur, auk
heimamanna og Akureyring-
anna, frá Rússlandi og Svíþjóð.
Fararstjóri þeirra verður Bern-
harð Haraldsson kennari en
hann er hálfgerður faðir lyft-
ingarmanna á Akureyri. Mót
þetta verður mjög sterkt þannig
að búast má við að Akureyr-
ingarnir nái toppárangri.
Næstu
leikir
Á föstudagskvöldið leika Þörs-
arar við Þrótt í Reykjavik í ann-
arri deild f handbolta og daginn
eftir leika þeir við KR. Á laugar-
daginn leika KA og Stjarnan í
fþróttaskemmunni á Akureyri.
Allt eru þetta algjörir úrslita-
leikir. KR, Þór og KA berjast í
toppbaráttunni er Þróttur er i
fallbaráttunni. Vonandi liggja
fyrir úrslit f deildinni eftir helg-
ina, en sennilega þarf cinhverja
aukaleiki, til að hrein úrslit fáist
um það, hverjir leika í fyrstu
deild á næsta ári, og cinnig
hverjir falla í þriðju deild.
DAGUR.5