Dagur - 30.09.1985, Blaðsíða 2
2 - DAGUR - 30. september 1985
_viðtal dagsins.
ÚTGEFANDI: ÚTGAFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 300 Á MÁNUÐI
LAUSASÖLUVERÐ 35 KR.
Það tók aldarþriðjung
að gera Dag að dagblaði
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GlSLI SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, INGIBJÖRG MAGNÚSDÓTTIR (Húsavík),
YNGVI KJARTANSSON, KRISTJÁN G. ARNGRlMSSON,
KRISTJÁN KRISTJÁNSSON, MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Jeiðari________________________
Byggðastofnun
noiður
Oft hef\ir verið um það fjallað í ræðu og riti
hvílíkt óhagræði það er fyrir íbúa lands-
byggðarinnar að allar mikilvægustu stjórn-
sýslustofnanir ríkisvaldsins eru staðsettir í
Reykjavík.
Barátta manna fyrir því að reyna að
minnka þetta misvægi milli landshluta hef-
ur oft verið nefnd byggðastefna. Röskun í
byggð landsins er alltaf að aukast. Fólk
flyst úr dreifbýlinu, úr undirstöðugreinum
atvinnulífsins, í þéttbýlið og þjónustu-
greinarnar. Þessa þróun verður að stöðva.
Menn hafa lengi velt því fyrir sér til
hvaða ráða megi grípa. Mikið hefur verið
spjallað, en ákvarðanirnar láta bíða eftir
sér. Akureyri hefur komið til tals sem væn-
legasta staðsetning ríkisstofnana utan
höfuðborgarinnar. Það nýjasta í þeirri um-
ræðu er tillaga um að Byggðastofnun verði
á Akureyri.
Byggðastofnun er nýtt fyrirtæki sem
kemur í stað Framkvæmdastofnunar.
Framundan er allsherjar stefnumótun fyrir
þessa nýju byggðastofnun og því betra
tækifæri en nokkru sinni fyrr að flytja bú-
ferlum norður. Það er auðveldara að byrja
frá grunni á nýjum stað heldur en að flytja
fyrirtæki á milli landshluta eftir að starf-
semi er hafin. Það er því næsta víst að ef
Byggðastofnun flyst ekki strax til Akureyr-
ar eru hverfandi líkur á flutningi síðar.
Reyndar má segja að það hafi verið mistök
hjá stjórn stofnunarinnar að setja ekki
fyrirvara um hugsanlegan flutning til Ak-
ureyrar, inn í ráðningarsamninga
starfsfólks. Það hefði auðveldað ákvörð-
unatöku til muna.
En ákvörðunin um staðsetningu Byggða-
stofnunar er aðeins einn angi stærra máls.
Það er ein þjóð sem byggir þetta land og
nauðsyn þess að hún standi saman er
brýn. Óþarfa misskipting í stjórnsýslunni
veldur hagsmunaárekstri milli landshluta
sem skapar úlfúð og innbyrðis togstreitu.
Það er því öllum landsmönnum til góðs
að á þessu rnáli verði tekið með festu en
sanngirni og því komið í farsæla höfn á
skynsamlegan máta. BB.
„Mér líkar vel að sjá mitt gamla
blað sem dagblað. Málið hefur
haft langan aðdraganda og á
mörgum undanförnum árum hafa
skrefm verið stigin í þá átt. Það má
e.t.v. orða það svo, að það hafi
tekið langan tíma að vinna blaðið
upp og því miður hefur það orðið
á kostnað annarra blaða hér á Ak-
uryri, sem voru gefin út reglulega á
árum áður, fjögur bæjarblöð og
stundum nokkuð hressileg.“
Það er Erlingur Davíðsson, sem
hefur orðið í samtali við Dag. Erling-
ur var ritstjóri blaðsins í 25 ár og
áður en hann tók við ritstjórninni
hafði hann verið afgreiðslumaður um
árabil. Erlingur var spurður, hvort
það hafi einhverju sinni komið til
umræðu í hans ritstjórnartíð, að gera
Dag að dagblaði.
„Já, við Haukur Snorrason vorum
stundum að reyna að leggja það mál
niður fyrir okkur að gera Dag að
dagblaði, því fyrsta utan Reykjavík-
ur. Þessa hugmynd reifaði ég síðar á
blaðamannafundi í Reykjavík og var
þess getið þá í Morgunblaðinu, ef
rétt er munað. Síðan er nú liðinn
u.þ.b. aldarþriðjungur og það tók
jafn langan tíma að hrinda hugmynd-
inni í framkvæmd.11
- Hvernig líst þér á fyrsta tölu-
blaðið?
„Umbrot fyrstu og öftustu síðu
blaðsins er hressilegt og rúmt og stórt
letur ekki sparað. „Andlit blaðsins"
lofar góðu, en framtíðin á eftir að
sýna lesendum sínum hve vel tekst
að láta það halda þessu andliti. Þetta
fyrsta tölublað hins nýja dagblaðs á
Akureyri er fréttablað í betri röð.
Það flytur einnig viðtal við Bjarna
Einarsson minjavörð á Akureyri,
grein Steindórs Steindórssonar um
150 ára afmæli Matthíasar Jochums-
sonar, myndir af öllu starfsfólki
Dags, íþróttaþátt og ýmislegt fleira,
auk auglýsinganna."
- Til hvers ætlast þú af Degi?
„Til þess fyrst og fremst að þjóna
daglegum samskiptum fólks í bæ og
næstu héruðum. Hann á einnig að
vera sverð og skjöldur norðlenskra
framfara- og menningarmála, vett-
vangur skoðanaskipta, nýrra hug-
mynda, styðja þá sem minnimáttar
eru og efla samtök fólks og samvinnu
til allra góðra hluta. Ég ætlast einnig
til að blaðið sé skrifað á góðu máli og
efnisval sé ekki orðin tóm. Um Dag
gildir hið sama og önnur blöð, að
hann á ekki að flytja lesendum sínum
hvaða vitleysu sem er og ekkert efni
í smekklausum tötrum máls og stíls.
En hér er auðvitað hægara um að
ræða en í að komast og ætti mér að
vera það vel ljóst.
Dagur hefur frá upphafi stutt
Framsóknarflokkinn og málstað
fólks í hinum dreifðu byggðum og
þætti mér miður ef hann Jétist vilja
eitthvað annað, án þess að farið sé
fram á pólitíska bókstafstrú af
nokkru tagi og þaðan af síður for-
ingjadýrkun, sem margt ágætt fólk er
enn haldið af í okkar ágæta þjóðfé-
lagi.“
- Einhvern tíma mun Halldór
Laxnes. hafa látið lofsamleg ummæli
falla um Dag í ritstjórnartíð þinni?
„Já, hann mun hafa tekið blaða-
menn syðra á kné sér einhverju sinni,
fundið að málfari þeirra og þá sagt,
að þeir þyrftu að fara norður á Akur-
eyri og læra íslenskt mál á skrifstof-
um Dags.
Síðar birti hann lofsamleg ummæli
sín um Dag í einni af bókum sínum,
taldi hann best skrifaða blaðið á
landinu. Þau ummæli glöddu mig
mjög. Hann minntist einu sinni á
þetta þegar fundum okkar bar saman
á skrifstofukompu Dags í Hafnar-
stræti og man ég að hann taldi það
höfuðkost í rituðu máli mínu, að þar
fyndust ekki þau áhrif erlendra mála,
sem væru að skemma íslenskuna,
- Rætt við
Erling Davíðsson,
rithöfund og
fyrrum ritstjóra Dags
bæði talmál og ritmál og hann nefndi
nokkur dæmi um.“
- Nú hefur orðið ör þróun í blaða-
mennsku á síðustu árum. Hvað
finnst þér um þær breytingar, sem
orðnar eru?
„Breytingar í sjálfri blaðamennsk-
unni hafa ekki orðið stórkostlegar og
í þeirri stétt eru nú margir mjög vel
menntaðir og hæfir menn sem fyrr,
bæði konur og karlar. Hins vegar
hefur orðið bylting í prenttækni og
ýmsum öðrum þáttum í útgáfu blaða
og bóka. Blöðin njóta þeirrar tækni
og framfara á margan hátt.“
- Saknar þú blaðamennskunnar?
„Já, ég sakna margs frá blaða-
mannsárum mínum. Ég þekki ekkert
starf, sem ekki er saknaðarefni er því
lýkur, hafi það verið rækt af áhuga.
Dagleg samskipti við margt fólk í
hinum ýmsu greinum atvinnu- og
menningarlífs eru gefandi þáttur
blaðamennskunnar og fréttaþjónust-
an færir mann nærri slagæðum hins
margþætta lífs á mörgum sviðum. En
hins pólitíska þáttar sakna ég ekki.
Hitt er annað mál, að ég hef verið
svo gæfusamur á síðustu árum, að
hafa næg verkefni, eftir að blaða-
mannsferli lauk. Öll ritstörf, hverju
nafni sem nefnast, þarf að vinna í
einrúmi, samkvæmt eðli starfsins. Ég
vandist á að einbeita mér þótt næðis-
stundir væru oftar en hitt af skornum
skammti á skrifstofum Dags. Nú hef
ég tíma ti! að hugsa og næði til að
skrifa og það er í raun og veru
dásamlegt."
- Hvað ertu að fást við þessa dag-
ana?
„Ég rembist við að lesa prófarkir
tveggja bóka, sem út eiga að koma
síðar á árinu. Það eru bækurnar,
„Aldnir hafa orðið“, fjórtánda bókin
í þeim bókarflokki og „Með reistan
makka“, fimmta bókin í þeim bókar-
flokki, sem Skjaldborg á Akureyri
gefur út. Samtals eru bækur þessar á
sjöunda hundrað blaðsíður og það
tefur fyrir einum að safna í þær efni
og færa í letur.“
- Að síðustu?
„Hamingjuóskir til Dags, fyrsta
dagblaðsins utan höfuðborgarinnar.
Blaðið er vel sett við Strar.dgötuna á
Akureyri, starfsaðstaða er hin ákjós-
anlegasta og í ungu og álitlegu starfs-
fólki búa hæfileikar og dugnaður í
ríkum mæli. Vandinn er mestur í því
að marka grundvallarstefnu í megin-
málum og virkja hina margþættu
hæfileika starfsfólksins. Á þessum
sviðum sem öðrum vona ég að rit-
stjórinn, Hermann Sveinbjörnsson,
vaxi með fjölþættum störfum og auk-
inni ábyrgð.“