Dagur - 14.04.1987, Blaðsíða 15

14. apríl 1987 - DAGUR - 15
að því að byggð væri upp hafnar-
aðstaða á Hauganesi og einnig á
Sandinum. Með þeim málum
fylgdist amma mín af miklum
áhuga og eldmóði og hugur henn-
ar var alltaf bundinn sjónum og
bátunum, sem á sjóinn sækja og
margar ferðir var búið að ganga
út að glugganum til að líta eftir
hvort eiginmaðurinn á bátnum
sínum, og síðar synir og tengda-
synir væru að nálgast bryggju. En
áhugi hennar hélst fram á síðasta
dag. Ég minnist þess hve glöð
amma mín varð, þegar tveir
ömmudrengirnir hennar skírðu
trilluna sína í höfuðið á afa, og
amma lifði það einnig að bátur
gerður út af hennar niðjum frá
Hauganesi ber hennar nafn.
Hún hafði einnig mikinn áhuga
á öryggismálum þeirra er á sjóinn
sækja og var nrjög virk í slysa-
varnafélaginu á staðnum og vann
því vel. Hún var ljúf kona í allri
umgengni og bæði menn og dýr
hændust að henni. Þau afi og
amma voru með búskap með
útgerðinni og var sérlega gaman
að sjá hversu mikla natni þau
sýndu þar sem annars staðar og
mér sem ungum dreng er afskap-
lega minnisstætt hvernig kindurn-
ar þeirra löðuðust að þeim, ef-
laust fundið ljúfmennskuna og
notalegheitin sem frá þeim
streymdi.
Ég sem þessar línur rita ber
nöfnin þeirra beggja, ömmu og
afa. í Garði fannst mér gott að
vera og eftir að við fluttum í
bæinn sem ég reyndar aldrei
vildi, fannst mér alltaf eins og að
koma heim, að koma til þeira.
Oft var farið í heimsókn í Garð
um helgar og stundum gekk þá
erfiðlega að fá mig heim aftur.
Ég minnist þess sérstaklega eitt
sunnudagskvöld þegar leggja átti
af stað í bæinn að þá fannst strák-
urinn hvergi, hvernig sem leitað
var og kallað. Farið var án mín
og um leið og bíllinn var kominn
í hvarf birtist snáðinn og var
reyndar seinna verðlaunaður af
afa, sem kunni vel að meta
óþægð af þessu tagi.
Ég minnist þess einnig hve
hlýtt var á milli afa og ömmu í
Garði og pabba míns Kristjáns
H. Jenssonar sem var tengdason-
ur þeirra. Ég held að hann hafi
verið þeim mikið meira en
tengdasonur, hann var jafnframt
vinur þeirra og félagi og því var
það þeim, eins og okkur öllum,
mikið áfall þegar faðir minn féll
frá á besta aldri.
Vonandi hef ég síðar komið að
einhverju leyti í hans stað sem
félagi og vinur þeirra ömmu og
afa en ég fluttist aftur til þeirra
1973 og hef átt lögheimili í Garði
síðan. Þó að ég hafi stundum
dvalið langdvölum að heiman
höfðum við amma alltaf samband
t.d. gegnum síma og reyndar
meira eftir að afi dó, enda var
hún þá ein í Garði ef ég var ekki
heima.
Amma mín, mig langar með
þessum fátæklegu línurn að
þakka þér árin öll, þakka alla
umhyggjuna og ástúðina, sem þú
sýndir mér, bæði sem barni og
fullorðnum manni, þakka þér allt
sem þú gerðir fyrir mig. Nú eruð
þið afi aftur saman. Hann þarf
ekki að bíða lengur.
Blessuð sé minning ykkar
beggja.
Gunnar Helgi Kristjánsson.
Minning:
t Helga Jónsdóttir
Fædd 1. júlí 1907 - Dáin 31. mars 1987
Ó amma, ó amma, ó ansaðu mér
því ég er að gráta og leita að þér.
Fórstu út úr bænum eða fórstu út á
hlað?
Fórstu til Jesú í sælunnar stað?
Þetta er eitt af þeim mörgu fal-
legu versum sem hún amma mín
kenndi mér og söng við mig þeg-
ar ég lítill hnokki var að nema
mín fyrstu ljóð og syngja mína
fyrstu söngva. Það er yndislegt að
geta rifjað upp að það var einmitt
í Garði hjá afa og ömmu sem ég
steig mín fyrstu spor, því þar
dvaldi ég fram til rúmlega þriggja
ára aldurs, en þá fluttum við fjöl-
skyldan í bæinn eins og það var
kallað. Og nú er hún amma farin
í sælunnar stað til Jesú.
Helga Jónsdóttir, amma mín,
Garði, Hauganesi lést á þriðju-
dagsmorguninn 31. mars sl. á átt-
ugasta aldursári. Hún var fædd 1.
júlí 1907 á Baldursheimi í Arn-
arneshreppi og var dóttir hjón-
anna Maríu Þorsteinsdóttur og
Jóns Júlíusar Jónssonar smiðs.
Þau eignuðust 8 börn en eitt
þeirra dó skömmu eftir fæðingu
og tvö fórust í rokinu mikla alda-
mótaárið, þegar Rauðvíkurhúsið
fauk af grunni. Nú er aðeins eitt
þessara systkina ofar moldu, en
það er Petrea, komin á níræð-
isaldur.
Þegar Helga Jónsdóttir var
tveggja ára lá leið hennar fyrst út
á Arskógsströnd sem æ síðar var
hennar heimasveit og henni
afskaplega kær, en þá fluttist fjöl-
skyldan út í Stærri-Árskóg, þar
sem þau áttu heima í nokkur ár
og þaðan lá leiðin í Vallholt.
1. des. 1926 giftist amma mín
Gunnari Níelssyni, afa mínum en
hann lést 1980. Þau Gunnar og
Helga byrjuðu sinn búskap í
Vallholti, en 1928 keyptu þau
Brimnesbæinn og stofnuðu þar
sitt heinrili. Þar hóf afi útgerð á
eigin báti en 1938 fluttust þau
amma og afi til Hauganess, þar
sem þau reistu sér hús sem þau
kölluðu Garð og var í mínum
augum ætíð sami unaðsreiturinn.
Börn þeirra eru 6. Þau eru,
Níels, skipstjóri og útgerðarmað-
ur Hauganesi kvæntur Rósu Stef-
ánsdóttur, Petrea, gift Jóhanni
Antonssyni á Hauganesi,
Halldór, sjómaður og útgerðar-
maður á Hauganesi kvæntur
Ástu Hannesdóttur, Valborg í
sambúð með Sigtryggi Valdi-
marssyni vörubílstjóra á Akur-
eyri, Helga gift Ellert Kárasyni
skrifstofumanni á Akureyri og
Gunnborg yngst, gift Pétri Sig-
urðssyni múrara á Akureyri.
Barnabörnin eru nú orðin 18 og
barnabarnabörnin einnig 18.
Geta má nærri að nóg hefur
verið að starfa hjá húsmóðurinni
ungu meðan verið var að koma
börnunum á legg, byggja upp
heimilið og jafnframt að leggja
gjörva hönd að verkun sjávarafl-
ans, sem afi flutti að landi með
sinni alkunnu útsjónarsemi, afla-
sæld og dugnaði. En fjölskyldan
varð snemma samhent og allir
lögðu sitt af mörkum til að nýta
sem best það hráefni, sem að
landi barst. í Garði reistu þau
amma og afi sér og börnunum
fagurt og hlýlegt heimili, þar sem
rausn og myndarskapur sátu ætíð
í fyrirrúmi, enda sambúð þeirra
og samheldni slík að þar bar
aldrei skugga á. í Garði var jafn-
an mannmargt, börnin mörg og
oft mikill gestagangur enda hjón-
in vinsæl og vinamörg og afi mjög
virkur í sveitarstjórnarmálum.
Hann var í hreppsnefnd í 35 ár og
vann manna mest og ötullegast
Vinningstölurnar 11. apríl 1987
Heildarvinningsupphæð 4.730.273.-
1. vinningur 2.368.647.-
Aðeins einn þátttakandi var með 5 réttar tölur
2. vinningur kr. 710.108.-
Skiptist á milli 196 vinningshafa kr. 3.623,- á mann.
3. vinningur.
Skiptist á milli 7.902 vinningshafa sem fá kr. 209.- hver.
Upplýsingasími
91-685111.
Afsöl og
sölutilkynningar
Afsöl og sölutilkynningar vegna bílaviðskipta
__________a atgreiðslu Dags._____
í íþróttaskemmunnni á Akureyri fimmtudaginn 16. apríl kl. 15.30
Skipulagðar ferðir frá: Þórshöfn Mývatnssveit
Kópaskeri Ólafsfirði
Húsavík Dalvík
Hafið samband við kosningaskrifstofur B-listans.
Sjáumst hress - Frambjóðendur