Dagur - 15.11.1988, Qupperneq 13
Sauðárkrókur:
Nýr ritstjóri Einheqa
- blaðið kemur út á ný eftir sumarfrí
Einherji, blað framsóknar-
manna á Norðurlandi vestra,
mun koma út upp úr miðjum
þessum mánuði eftir langt
sumarfrí. Útgefandi Einherja
er Kjördæmissamband fram-
sóknarmanna á Norðurlandi
vestra og hefur nýr ritstjóri ver-
ið ráðinn við blaðið. Það er Öm
Þórarinsson frá Ökrum í Fljót-
um sem tekur við ritstjórn af
Arna Gunnarssyni, sem rit-
stýrði blaðinu frá endurskipu-
lagningu þess í fyrrahaust.
Einherji kom fyrst út í febrúar
1932 á Siglufirði og var þá í eigu
þeirra Kristjáns f>. Jakobssonar
og Sigurðar Björgúlfssonar sem
einnig ritstýrðu blaðinu. Fyrstu 9
tölublöðin komu út undir þeirra
stjórn en þá keypti Hannes Jón-
asson hlut Kristjáns og ritstýrðu
þeir Sigurður Einherja til 1934.
Þá seldi Sigurður sinn hlut og
Hannes rak blaðið einn í tvö ár,
eða til ’36. Þá keypti Framsókn-
arfélag Siglufjarðar blaðið og
Valdimar Hólm ritstýrði því fyrst
um sinn. Fram til 1960 voru
nokkrir aðilar ritstjórar og
ábyrgðarmenn Einherja, Ragnar
Jóhannesson þeirra lengst, eða í
12 ár. Aðrir voru á þessum tíma
Þorsteinn Hannesson, Haraldur
Hjálmarsson og Jóhann Þor-
valdsson. Við ritstjórn af Ragnari
1960 tekur síðan Jóhann Þor-
valdsson aftur og þá var Ein-
herji gefinn út sem kjördæmis-
blað og í eigu framsóknarfélag-
anna á Norðurlandi vestra. Jó-
hann var ritstjóri og ábyrgðar-
maður alveg fram til 1974. Þá tók
Bogi Sigurbjörnsson við og rit-
stýrði blaðinu fram til haustsins
Örn Þórarinsson, nýr ritstjóri Ein-
herja, blaðs framsóknarmanna á
Norðurlandi vestra, á skrifstofu
blaðsins í Framsóknarhúsinu á
Sauðárkróki.
’87, er aðsetur Einherja var fært
til Sauðárkróks og blaðið endur-
skipulagt.
Eins og fyrr greinir tók Arni
Gunnarsson þá við blaðinu og
kom það út mánaðarlega frá des-
ember ’87 til og með maí ’88. Þá
fór blaðið í sumarfrí og stefnt var
að því að koma næsta blaði út í
ágúst. Eitthvað tafðist það en nú
á að byrja á ný og er Örn Þórar-
insson byrjaður á fullu að undir-
búa næsta blað.
Blaðamaður Dags hitti Örn að
máli á dögunum að Suðurgötu 3.
Skrifstofa Einherja lætur ekki
mikið yfir sér en Örn sagði að
hún dygði fyrir einn, þótt lítil væri.
Örn Þórarinsson er enginn ný-
græðingur í fréttaskrifum. Hann
hefur verið fréttaritari Tímans í
Skagafirði frá 1984, fyrst að vísu
fyrir NT í eitt og hálft ár, en færð-
ist síðan sjálfkrafa á Tímann.
Örn mun áfram vera fréttaritari
Tímans. Þá var hann í hlutastarfi
sem blaðamaður á Feyki fyrir
austurhluta Skagafjarðar og
Siglufjörð frá febrúar ’87 fram í
maí á þessu ári. Örn býr á Ökr-
um í Fljótum og hóf búskap þar
1973.
Aðspurður sagði Örn að nýja
starfið legðist vel í sig. Auk rit-
stjórnar á Einherja innir Örn
ýmis störf af hendi í þágu kjör-
dæmissamtakanna og hans fyrsta
verk var að skipuleggja og undir-
búa kjördæmisþingið á Blöndu-
ósi fyrir skömmu. „Rekstur Ein-
herja gekk vel í fyrra, en blaðið
byggir afkomu sína á auglýs-
ingum, því er dreift ókeypis í öll
hús í kjördæminu og upplagið er
3600 eintök. Það verður áfram
tekið við greinum frá hinum og
þessum, auk þess sem fréttir
verða af Alþingi og ýmsu öðru,
t.d. frá sveitarfélögunum. Það
var alltaf ákveðið í upphafi að
gefa Einherja ekki út á sumrin,
heldur þegar mikið er um að vera
á Alþingi og miða útgáfu við
það,“ sagði Örn.
Einherji er prentaður á Sauð-
árkróki, hjá prentsmiðjunni Sást
sf. Blaðið hefur verið 8-12 síður,
en reiknað er með að jólablað
verði stærra. Aðsetur blaðsins er
sem fyrr segir í Framsóknarhús-
inu, Suðurgötu 3 á Sauðárkróki.
-bjb
Kópaskerskonur:
Spila blak í sláturhúsinu
- frá fyrstu blakæfmgu vetrarins
Konur á Kópaskeri eru miklar
áhugakonur um blakíþróttina.
Þær mættu galvaskar til fyrstu
æfingarinnar einmitt daginn sem
blaðamenn gistu Kópasker. Þær
Kópaskerskonur blaka í slátur-
hússalnum og hefur hann þar
með fengið heldur betur annað
hlutverk. Mikil tilþrif voru sýnd í
leiknum og heyra mátti hvatning-
arópin langar leiðir. „Nú stopp-
um við þær,“ sögðu stúlkurnar í
„tapliðinu“. og voru hvergi
bangnar þrátt fyrir að staðan væri
5:14. Þær létu ekki deigan síga
fyrir það. Enda tókst þeim að
jafna hlutföllin ögn betur sér í vil
áður en yfir lauk. Mikill áhugi er
fyrir blaki á Kópaskeri og æfa
jafnt karlar sem konur. Einkum
eru þó æfingarnar stundaðar með
skemmtanagildi í huga, en
keppnisandinn hefur þó komið
upp í blakkonum og þær heim-
sótt nágrannabyggðarlögin með
blakboltann undir hendinni. Að
lokinni fyrstu æfingu sagði Fríða
þjálfari að markmiðið eftir
æfingu væri það að allar konurn-
ar tólf vöknuðu upp með strengi
næsta dag. mþþ
Hinar galvösku Kópaskcrsstúlkur að lokinni fyrstu blakæfingu vetrarins. í efri röð eru þær sem sigruðu. Frá vinstri:
Eyrún, Ingunn St., Fríða þjálfari, Erla, María og Ingunn Á. Þær sem sitja töpuðu leiknum en hyggja væntanlega
á hefndir síðar. Frá vinstri: Inga, Addý, Sirra, Guðmunda, Erla Sólveig og Kristbjörg. Mynd: tlv
1 SSfvJ988.;-DAGUR13 .
Nýiar
Bœkurnar sem beðið er eftir
Fóst í bókabúöum og
blaösölum um allt land
SNORRAHÚS
Strandgötu 31 • Akureyri • Sími 96-24222
iiil FRAMSÓKNARMENN llll
AKUREYRI
Skrifstofa
Framsóknarflokksins
er að Hafnarstræti 90, Akureyri.
Opin mánudaga, miðvikudaga og fimmtudaga frá kl. 16-
18. Sími 21180. Starfsmenn verða Kolbrún Þormóðsdóttir
og Úlfhildur Rögnvaldsdóttir.