Dagur - 15.11.1988, Side 15

15. nóvember 1988 - DAGUR -15
Sauðárkrókur:
Fóðurstöð Melrakka
vígð með athöfii
Hin nýja og glæsilega fóður-
stöð Melrakka hf. á Sauðár-
króki var vígð fyrir skömmu.
Mun fóðurstöðin, sem hingað
til. sjá loðdýrabúum á
Norðurlandi vestra fyrir fóðri,
alls rúmlega 50 loðdýrabúum.
Fjölmenni var á vígslunni og
meðal gesta voru alþingis-
menn, loðdýrabændur, starfs-
menn Melrakka og ýmsir fleiri
er tengjast Melrakka á einn
eða annan hátt. Fluttar voru
margar ræðar og á boðstólum
voru dýrindis veitingar. Það
var Úlfar Sveinsson stjórnar-
formaður Melrakka sem vígði
stöðina formlega í ræðu sinni.
Bygging fóðurstöðvar Mel-
rakka hófst í júnímánuði ’86 og
byggingarverktaki var Trésmiðj-
an Borg hf. Hönnuður hússins er
Sigtryggur Stefánsson bygginga-
fulltrúi í Eyjafirði og hönnuður
vélabúnaðar er fyrirtækið Vista í
Reykjavík. Húsið er stálgrindar-
hús og gólfflötur er um 1000 fer-
metrar og frystiklefi fóðurstöðv-
arinnar er 3200 rúmmetrar að
stærð. Frystiklefinn var tekinn í
notkun í lok októbermánaðar ’86
og ’87 var klárað að innrétta
húsið. Vélabúnaði var síðan
komið upp í sumar og hófst fram-
leiðsla 17. október sl. Áður hafði
fóður verið framleitt við þröngar
aðstæður í fóðurstöð loðdýrabús
Loðfeldar hf., sem staðsett er
stutt frá Melrakka.
Fóðurstöð Melrakka á að geta
framleitt um 15000 tonn af fóðri á
ári en áætluð framleiðsla þessa
Fjölmennt var við vígslu fóðurstöðvarinnar og gátu vígslugestir gætt sér á dýrindis veitingum af löngu hlaðborði.
Vígslugestir hlýða á ræðu Úlfars Sveinssonar stjórnarformanns Melrakka hf.
og í lok ræðu sinnar lýsti hann yfir að stöðin væri formlega tekin í notkun.
árs er um 4500 tonn. Um 80%
þess eru framleidd á tímabilinu
júlí-nóvember, einmitt þegar
verst gengur að afla fiskúrgangs
til hráefnis, en fiskur er um 60%
af fóðrinu. Ekki hefur fengist
fiskúrgangur í haust frá Sauðár-
króki og hefur þurft að keyra
úrgangi frá Siglufirði að mestum
hluta, auk þess sem eitthvaö hef-
ur fengist frá Akureyri. Af slátur-
afurðum hefur hins vegar fengist
nægur úrgangur frá sláturhúsun-
um á Sauðárkróki.
Á eftir Úlfari töluðu á vígsl-
unni Forsteinn Birgisson fram-
kvæmdastjóri, alþingismennirnir
Pálmi Jónsson og Stefán Guð-
mundsson. Pví næst talaði Einar
Gíslason loðdýrabóndi og ráðu-
nautur frá Syðra-Skörðugili og
flutti hann langa og yfirgrips-
mikla ræðu um stöðu loðdýra-
ræktarinnar í dag. Þá tóku einnig
til máls loðdýrabændurnir Reynir
Barðdal frá Loðfeldi hf. og Svav-
ar Jóhannsson frá Litladal í A,-
Húnavatnssýslu. Dagskrá vígsl-
unnar stjórnaði af mikilli rögg-
semi Sigurður Hansen loðdýra-
bóndi frá Kringlumýri í Blöndu-
hlíð.
Að sögn forráðamanna Mel-
rakka hefur vélabúnaður reynst
vel, það sem af er, og hefur fram-
leiðslan verið um 200 tonn á
viku, mest um 55 tonn á dag.
Pegar best lætur geta þeir hjá
Melrakka framleitt 10 tonn á
klukkutíma í nýju stöðinni, sem
er margfalt meiri afkastageta en
frá því í gömlu fóðurstöðinni.
-bjb
Hólar í Hjaltadal: I
Fiskteljari kynntur fyrir fisk-
eldismönnum af Norðurlandi
Fyrir skömmu fór fram í
fiskeldisstöð Hólalax hf. á
Hólum kynning á Bioscanner-
fiskteljaranum. Fiskteljarinn
er háþróað rafeindatæki til
þess að telja lifandi fisk og far-
ið er að nota hann í nokkrum
fiskeldisstöðvum hér á landi og
víða erlendis. Framleiðandi á
teljaranum er Vaki hf. í
Reykjavík og hann hefur verið
þróaður á síðustu misserum af
þróunarfélaginu Birtingi hf.
Söluaðili er Istess hf. Akureyri
og um kynninguna á Hólum sá
Pétur Bjarnason markaðs-
stjóri, auk Hermanns Krist-
jánssonar frá Vaka hf. Á kynn-
inguna voru boðaðir fiskeldis-
menn af Norðurlandi, auk
nemenda við fiskeldisbraut
Bændaskólans á Hólum.
Bioscanner-fiskteljarinn er
algjörlega íslensk framleiðsla og
tiltölulega nýr á markaðinum,
byrjað var að þróa tækið fyrir um
þrem árum. Hann var fyrst
kynntur fyrir sunnlenskum fisk-
eldismönnum í Fiskalóni Ölfusi
30. september sl. Þá hefur teljar-
inn verið sýndur á fiskeldissýn-
ingum í Inverness í Skotlandi og
Vancouver í Kanada og vakið
mikla athygli og góð ummæli
þeirra er reynt hafa. Alls eru 25
tæki komin í notkun, þar af 4
erlendis. Viðbrögð þaðan hafa
verið mjög góð og í bígerð er að
markaðssetja teljarann. Búast
menn við góðri sölu erlendis á
næstu árum.
Fiskteljarinn skiptist í þrjá
hluta, stjórnstöð, skynjara og
rennu, en skynjarinn er settur
undir endann á rennunni og
tengdur í stjórnstöðina, sem síð-
an telur fiskinn. Helstu kostir
teljarans eru mikil afköst, en
hann getur flokkað allt að 6000-
8000 fiska á klukkustund á hvern
skynjara, allt eftir stærð fiskanna
og kröfu um nákvæmni. Einn
maður getur hæglega annast taln-
inguna þannig að um töluverðan
vinnusparnað er að ræða. Við
eðlilegan talningarhraða næst 98-
99% nákvæmni og hægt er að
mæla með sama teljaranum fiska
allt frá 10-40 cm að lengd, þannig
að hann hefur mikla talninga-
breidd. Með notkun á teljaranum
er hægt á auðveldan hátt að fá
vitneskju um fjölda seiða í hverju
keri. Slík vitneskja er góður
grundvöllur fyrir réttri fóðrun,
réttri lyfjanotkun, ef á þarf að
halda, og til ákvörðunar trygg-
ingagjalda.
Pá er hægt að tengja teljarann
við flokkara og önnur tæki, og
við hverja stjórnstöð er hægt að
tengja fjóra skynjara og fjórar
rennur. Kostnaður við að koma
sér upp teljara og þeim tækjum
sem þurfa að fylgja, getur numið
frá 280-500 þúsund krónum, allt
eftir því hvað fiskeldisstöðin er
stór í sniðum. -bjb
Nemendur við fiskeldisbraut Bændaskólans á Hólum fylgjast grannt með1
kynningu Hermanns á fiskteljaranum.
Hermann Kristjánsson frá Vaka hf. sem framleiðir teljarann og Pétur
Bjarnason markaðsstjóri ístess hf. á Akureyri, sem er söluaðili, við Bio-
scanner-fiskteljarann. Á gólfinu fyrir framan þá er stjórnstöðin, Hermann
heldur á einum skynjara og fyrir aftan þá er rennan. Þetta eru þrír hlutar
fiskteljarans.
Bioscanner-fiskteljarinn kynntur fyrir fiskeldisbændum af Norðurlandi, sem
sýndu tækinu mikinn áliuga.