Dagur - 05.10.1990, Qupperneq 6

6 - DAGUR - Föstudagur 5. október 1990
Þessa dagana eru óvenjulega miklir
ijárflutningar milli landsvæða:
Tæp níu þúsund líflömb flutt frá
ósýktum svæðum á fjárlausa bæi
\ Dagsljósinu
Á þessu hausti eru óvenjulega
margir bæir sem taka sauðfé á
nýjan leik eftir að hafa verið
fjáriausir í tvö ár eða lengur
vegna riðuniðurskurðar. Á
Norðurlandi verður tekið fé á
59 bæjum, tæpur helmingur
þeirra er í Svarfaðardal.
Skipting bæjanna er annars á
þá leið að í Húnaþingi er tekið fé
á 7 bæjum; 4 í Vatnsdal og 3 í
Svínavatnshreppi. í Skagafirði er
tekið fé á 22 bæjum; 1 í Bólstað-
arhlíðarhreppi, 2 í Engihlíðar-
hreppi, 1 í Vindhælishreppi, 5 í
Lýtingsstaðahreppi, 6 í Seylu-
hreppi, 1 í Staðarhreppi, 1 í
Hofshreppi og 5 í Fljótahreppi. í
Eyjafirði er um að ræða tvö sveit-
arfélög, 7 bæir tilheyra Dalvík og
26 í Svarfaðardalshreppi. I
Kelduhverfi er síðan tekið fé á 4
bæjum. í það heila fá 116 bæir
eða staðir í 32 sveitarfélögum
nýjan fjárstofn á þessu hausti.
I það heila verða flutt 8.920
lömb frá svæðum, sem ósýkt eru
af riðuveiki, til svæða í landinu
þar sem skorið hefur verið niður
á undanförnum árum. Ósýktu
svæðin sem féð er flutt frá eru
Strandasýsla milli Bitrufjarðar og
Steingrímsfjarðar, auk Árnes-
hrepps, Þistilfjörður, Suðursveit
vestanverð, Oræfi og Hörgs-
landshreppur austanverður. Flest
líflömb koma úr Þistilfirði, eða
1865. Öræfin eru í öðru sæti með
1494 lömb, 1139 lömb úr Fljóts-
hverfi, 971 lamb úr Kirkjubóls-
hreppi, 938 lömb úr Árnes-
hreppi, 608 lömb úr Hólmavíkur-
hreppi, 522 úr Óspakseyrar-
hreppi og 460 lömb úr Suður-
sveit.
Við fjárskipti sem þessi er fylgt
mjög ströngum reglum sein
Sauðfjárveikivarnir hafa sett. Þar
kemur fram að enginn megi láta
kind til lífs yfir varnarlínu án
samþykkis Sauðfjársjúkdóma-
nefndar. Fulltrúi Sauðfjárveiki-
varna á sölusvæðinu fær lista yfir
þá sem mega kaupa fé. í reglun-
um segir að fulltrúi seljenda skuli
gæta þess að sem mestur jöfnuð-
ur ríki við úthlutun bæja eða fjár
fyrir kaupendur þannig að engum
einstökum kaupanda líðist að
velja betra fé en öðrum. Seljend-
um ber að velja lömbin af kost-
gæfni með tilliti til afurðasemi og
frjósemi mæðra og annarra æski-
legra kosta og halda eftir fyrir
kaupendur a.m.k. 10% fleiri
gimbrum og 50% fleiri lambhrút-
um en pantanir segja til um. Við
vigtun lambanna skulu þau vera
eðlilega haldin, ekki blaut og þau
má ekki taka til vigtunar beint af
beit.
Sauðfjárveikivarnir greiða
90% flutningskostnaðar, en
kaupendur annað þ. á m. kostn-
að við fjárkaup og vörslu. í
nefndum reglum segir orðrétt:
„Flutningstæki skulu að öllu leyti
uppfylla tilskildar kröfur og vera

AKUREYRI
Okkar
vinsælu
tjölskyldupakkar
3 manna kr. 1695 - 4 manna kr. 2260 - 5 manna kr. 2825
1,5 I gos fylgir með.
Ath. öll börn innan 6 ára aldurs í fylgd með foreldrum
fá frían mat, hamborgara, franskar og gos
eða 1 kjúklingabita, franskar og gos,
ef borðað er á staðnum.
u CR0WN J
* CHICKEN *d
AKUREYRI
- Skipagötu 12
Akureyri - Simi 21464
IKortúð við ocj cjerið ykkur dacjamun
skoðuð af réttum yfirvöldum
með tilliti flutningsins. Bílstjórar
skulu vera vel hæfir til slíkra
flutninga. Þeir skulu aka með
sérstakri gát, en þó með sem
minnstum töfum. Æskilegast er
að flutningstækin séu af svæðinu
sem selur lömbin. Bílarnir skulu
vera hreinir. Sótthreinsunarvott-
orð dýralæknis fylgi bíl sem fer til
að sækja líflömb á ósýkt svæði.
Vottorðið skal sýna fulltrúa Sauð-
fjárveikivarna á svæðinu. Fjár-
kaupamenn og flutningamenn
skulu klæðast hreinum skóm og
hlífðarfötum.“
Ströng ákvæði gilda um með-
ferð á fjárskiptafénu. Þannig seg-
ir að fjárhús skuli vera tilbúin til
móttöku lambanna áður en þau
séu sótt og skulu þau sett beint
inn í húsin, að öðrum kosti í sam-
þykkta fjárhelda girðingu.
Skylda er að merkja lömbin af
kostgæfni, þannig að ekki fari á
milli mála að um fjárskiptafé sé
að ræða. Þá eru um það skýr
ákvæði að fyrstu fimm árin eftir
fjárskipti megi ekki láta fé frá
viðkomandi bæ. Komi til þess
þarf sérstakt leyfi Sauðfjársjúk-
dómanefndar. Bannað er að hýsa
með hinum nýja fjárstofni eða
taka til lífs inn í hjörðina kindur
af öðrum bæjum á svæðinu.
Tekið er fram að fylgjast skuli
vel með heilsufari nýja stofnsins,
halda skrá um öll vanhöld og
veikindi í samráði við héraðs-
dýralækni og láta hann athuga
allar kindur sem sýna grunsamleg
einkenni. Dýralæknakostnaður
og rannsókn sýna eru greidd af
opinberu fé. óþh
Ein af mörgum útgáfum af Hljómsveit Ingimars Eydal.
„Ég var bamið í bandinu“
- stutt spjall við Ingimar Eydal, hljómlistarmann og kennara
„Ég hóf feril minn í dans-
hljómsveitum 13 ára gamall,
árið 1949, á Hótei Norðurlandi
á Akureyri. Þeir sem spiluðu
með mér þá, voru Karl Adólfs-
son, Sigurður Jónsson (Siggi
Valli) og Níels Sveinsson.
Þessir ágætu félagar eru allir á
lífi og hættir opinberum hljóð-
færaleik. Já, ég var barnið í
bandinu. Eitt sinn var ég rek-
inn heim af dansstað frá spila-
mennsku, því ég var í Iopa-
sokkum og engum skóm,“
sagði Ingimar Eydal, dans-
hljómsveitarstjóri og kennari á
Akureyri.
í Hljómsveit Ingimars Eydal í
dag eru: Inga Eydal, Grímur Sig-
urðsson, Brynleifur Hallsson,
Þorleifur Jóhannsson og Snorri
Guðvarðsson.
Rúm fjörutíu ár eru liðin síðan
Ingimar hóf hljóðfæraleik í dans-
hljómsveit og enn er verið að, en
lengst af hefur Ingimar stjórnað
sinni eigin hljómsveit við miklar
vinsældir landsmanna. Á árum
áður þegar Sjallinn gamli á Akur-
eyri var upp á sitt besta, og Ingi-
mar og hljómsveit hans spiluðu
þar, streymdu aðdáendur hljóm-
sveitarinnar til Akureyrar aðeins
til að njóta kvöldstundar með
hljómsveitinni. Sjallinn var
Mekka unga fólksins, þar var
fjörið og besta hljómsveitin.
Nú er öldin önnur. Sjalla-
stemmingin gamla er ekki til
staðar, enda spilar hljómsveit
Ingimars Eydal þar ekki að stað-
aldri.
„Starfsvettvangur okkar er
orðinn að mestu á Reykjavíkur-
svæðinu, en öll búum við á Akur-
eyri, sem störfum í Hljómsveit
Ingimars Eydal. Að vísu lékum
við fyrir dansi um síðustu helgi á
afmælisfagnaði Þórs í Sjallanum
og við leikum fyrir dansi þrjár
helgar fram að áramótum á Hótel
KEA, en Hótel KEA er starfs-
vettvangur okkar á Akureyri. Síð-
an erum við flogin á vit stórborg-
arinnar og Suðurlands, en þar
leikum við um helgar fram að
jólum. Verkefnin eru sum hver
stór. Árshátíð mikil á Selfossi.
Afmælisfagnaður Toyota í
Reykjavík á Loftleiðahótelinu og
í nóvember á stórdansleik í
Laugardalshöll fyrir ísland-
banka, en þar ætlar bankinn að
hrista liðið saman.
Eftir áramótin er á dagskrá að
fara til útlanda til hljóðfæraleiks,
en það hefur hljómsveitin gert ár
hvert. í fyrra fórum við í 15. ferð-
ina til útlanda og þá til Noregs, til
að skemmta löndum okkar þar.
Beiðni hefur borist frá Kaup-
mannahöfn og Lux og nú er verið
að athuga það mál allt.
Árshátíðir og þorrablót hefjast
eftir áramót, í mars og apríl, og
mikið er nú þegar bókað. Ef
félög og starfshópar á Norður-
landi hafa áhuga á að fá okkur til
að spila, ættu þau að hafa sam-
band strax, eftirspurnin er það
mikil.
Já, hljómsveitin spilar mun
minna á Akureyri, en hún kærir
sig um. Reykjavík er starfsvett-
vangurinn og við lútum þessu
lögmáli, að allt sogast til Reykja-
víkur. Atgervisflóttinn af lands-
byggðinni er mikill jafnt í spila-
mennskunni sem og á öðrum
sviðum.
Nei, ekki er á dagskrá annað
en að vera Akureyringur og
dreifbýlismaður og mér finnst að
við dreifbýlismenn þyrftum að
fara að hugsa hvað er til ráða.
Við okkur blasa nauðungarflutn-
ingar suður á mölina. Spurningin
er: Stöndum við ekki á tímamót-
um, verðum við ekki að taka
afstöðu? Ætlum við að brosa
framan í þingmennina okkar enn
á ný eða segja: Nú er fullreynt,
ykkur verður ekki lengur treyst.
Þið hafið fengið ykkar tækifæri
nú er þessu lokið,“ sagði Ingimar
Eydal, hljómsveitarstjóri á Akur-
eyri. ój