Dagblaðið Vísir - DV - 26.08.1994, Síða 6

22
FÖSTUDAGUR 26. ÁGÚST 1994
Arnold Schwarzenegger og Jamie Lee Curtis fara með aöalhlutverk í myndinni True Lies.
Sambíóin, Háskólabíó og Borgarbíó Akureyri frumsýna:
Truelies
í kvöld taka Sambíóin, Háskólabíó
og Borgarbíó á Akureyri til sýningar
spennu- og grínmyndina True Lies.
Myndin fjallar um njósnarann Harry
Tasker sem talar sex tungumál reip-
rennandi og er sérþjálfaöur í gagn-
njósnun. Harry þarf hins vegar aö
halda öllum þessum hæfileikum
leyndum, jafnvel fyrir eiginkonu
sinni, Helen, þar sem um þjóðarör-
yggi er að ræða. Hann lýgur því að
henni að hann sé sölumaður og fáist
við tölvur.
En smám saman fær Helen leið á
eiginmanni sínum og loks fer svo að
Harry horfist í augu við það að þurfa
nýta alla sína hæfileika, sem bjargað
hafa föðurlandinu margoft úr klípu,
til þess bjarga sínu eigin hjónabandi.
Með aðalhlutverk fara Arnold
Schwarzenegger, Jamie Lee Curtis,
Tom Arnold og Bill Paxton. Leik-
stjóri er James Cameron.
Eva ásamt apanum Dodger.
Laugarásbíó frumsýnir:
Monkey Trouble
Á næstunni mun Laugarásbíó taka
til sýningar gamanmyndina Monkey
Trouble. Myndin fjallar um Azro sem
er sígauni og smákrimmi. Hann lifir
á því að láta apann sinn stela fyrir
sig. Apinn er orðinn fær í listinni og
hnuplar veskjum og skartgripum af
saklausum aðdáendum sínum.
Nú er svo komið að félagar Azros
vilja nota fingralanga apann til að
vinna stærra verk fyrir sig svo þeir
geti farið að græða almennilega. En
apinn strýkur áður en þessi áætlun
nær fram að ganga og svo heppilega
vill til að Eva hittir hann á fömum
vegi og tekur hann upp á arma sína.
Apinn, sem fær nafnið Dodger, og
Eva verða mestu mátar. Eva hefur
ekki hugmynd um leyndardóminn
sem fylgir Dodger en kemst síðan að
honum þegar hún lendir í klóm Az-
ros.
Með aðalhlutverk fara Thora
Birch, Mimi Roger, Christopher
McDonald og Harvey Keitel. Leik-
stjóri er Franco Amurri.
Háskólabíó:
Blóraböggullinn
Háskólabíó hefur tekið til sýningar
grínmyndina Blóraböggulinn eða
The Hudsucker Proxy. Myndin segir
frá ungum manni, Norville Barnes,
sem er nýútskrifaður úr viðskipta-
fræði og hefur störf í Hudsucker fyr-
irtækinu. Um svipað leyti og hann
hefur störf þar ákveður stofnandi
fyrirtækisins, Waring Hudsucker, að
stökkva út um glugga á fertugustu
og fjórðu hæð og enda líf sitt snögg-
lega á gangstéttinni fyrir neðan.
Þar sem Waring lét ekki eftir sig
erföaskrá grípur um sig mikil skelf-
ing í fyrirtækinu enda mun það
væntanlega hverfa úr höndum
stjómarmanna. Aðeins einn maður
heldur ró sinni, Stanley J. Mussburg-
er, hægri hönd Warings. Hann leggur
á þau ráð að gera fyrirtækið ákaflega
óeftirsóknarvert til kaups og einn
liður í því er að ráða einhvern vit-
leysing til að taka við forstjórastarf-
inu, einhvern sem getur gert fyrir-
tækið mjög fráhrindandi á aðeins 30
dögum. Fyrir valinu verður Norville
Barnes sem er ekki alveg eins og fólk
er flest en er með miklar áætlanir
um nýja framleiðsluvöru. í fyrstu
virðist allt ætla að fara til helvítis en
svo gerist það að hugmynd Norvilles,
húlla-hopp gjörðin, veldur æði um
öll Bandaríkin og hlutabréf taka að
hækka á ný. En Stanley á enn nokkra
ása í erminni.
Með aðalhlutverk fer Paul New-
man og Tim Robbins en leikstjóri er
Joel Coen.
Tim Robbins i hlutverki sínu sem Norville.
Kvikmyndir
BÍÓBORGIN
tími 11384
g elska hasar ★★★
Bráðskemmtileg rómaritísk gaman- og
spennumynd um baráttuna milli kynjanna
þarsemalltfervelaðlokum. -GB
Blákaldur raunveruleiki ★★'/\
Hugguleg lítil og gamansöm mynd um
unga Bandaríkjamenn í tilvistarkreppu.
-GB
Maverick ★★★
Vestrar eru yfirleitt grafalvarlegar myndir
þar sem mönnum stekkur sjaldan bros.
Ekki hér. Gamanið er i fyrirrúmi og það í
stórum skömmtum. -GB
BÍÓHÖLLIN
Sími 78900
D2 - The Mighty Ducks: ★'/2
Skemmtileg skautaatriði bjarga þessari
amerísku þjóðrembu þar sem íslendingar
eru vondu karlarnir frá algjörri fallein-
kunn. -GB
Steinaldarmennirnir ★'/2
Fred og Barney eru ekki svipur hjá sjón
í þessari misheppnuðu útfærslu á ævin-
týrumteiknimyndahetjanna. -GB
SAGA-BÍÓ
Sími 78900
Hold og blóð ★l/2
Daufleg og klúðursleg mynd um ungan
mann sem þarf að gera upp við agalega
fortíðsína. -GB
HÁSKÓLABÍÓ
Sími 22140
Kika ★★
Þrátt fyrir litríkai persónur og skemmtilega
spretti er nýjasta kvikmynd Almodovars
samanbarningur af hlutum sem hann
hefur gert áður og betur. Veronica Forque
erathyglisverðítitilhlutverkinu. -GE
Fjögur brúðkaup ★★★
Breskur húmor eins og hann getur bestur
orðið í bráðskemmtilegri kvikmynd með
rómatísku yfirbragði. Kvikmynd sem kem-
uröllum ígottskap. -HK
Löggan í Beverly Hills ★,/2
Engin hefur ofreynt sig við gerð hennar
og útkoman enn einn mínusinn fyrir aum-
ingja Eddie Murphy. -GE
Steinaldarmennirnir ★ ,/2
Fred og Barney eru ekki svipur hjá sjón
í þessari misheppnuðu útfærslu á ævin-
týrum teiknimyndahetjanna.
-GB
Veröld Waynes 2 ★★
Þokkalega fyndið framhald af góðri gam-
anmynd. Wayne og Garth eru ennþá
þægilega lúðalegir sakleysingjar en sagan
hefði að ósekju mátt gefa þeim lausari
tauminn. -GE
Brúðkaupsveislan ★★★
Mjög sniðuglega gerð og skemmtileg
mynd um sviðsett hjónaband og áhrif
þess á alla aðila málsins. Forðast farsa-
læti og sjónvarpshúmor og gerir persón-
urnar mun raunverulegri en ætla mætti.
-GE
LAUGARÁSBÍÓ
Sími 32075
A Bronx Tale ★★★ ‘/2
Frábær byrjun á leikstjórnarferli Roberts
De Niros þar sem sögð er þroskasaga
drengsásjöundaáratugnum. -GE
Krákan ★★'/2
Myrk myndasaga er orðin að hefðbundn-
ari formúluhasar en nógu dökk til að vera
töff og virkilegasmartgerð. -GE
Serial Mom ★★★
Kolsvartur og geggjaður húmor. John
Waters og leikarar hans í miklu stuði.
-GB
REGNBOGINN
Sími 19000
Flóttinn ★★'/2
Spennumynd frá áttunda áratugnum,
uppfærð á máta þess tíunda með góðum
árangri. Gott dæmi um þá breytingu sem
orðið hefur í frásagnartækni kvikmynd-
anna. -GE
Svínin þagna 0
Einhver ófyndnasta gamanmynd sem sést
hefur. I alla staði misheppnuð eftirlíking
á myndumZAZ-gengisins. * -GB
Gestirnir ★★★
Franskur tímaflakksfarsi af bestu gerð þar
sem fornir riddarar glíma við hversdags-
hluti ársins 1992.
-GB
Kryddlegin hjörtu ★★★
Heillandi frásagnarmáti í bragðmikilli og
dramatískri mynd þar sem ýkjukennd
sagnahefð nýtur sín vel. Athyglisverð og
vel leikin kvikmynd í háum gæðaflokki.
-HK
Píanó ★★★ /2
Píanó er einstaklega vel heppnuð kvik-
mynd, falleg, heillandi og frumleg. Þrátt
fyrir að rauði þráðurinn sé erótik með öll-
um sínum öfgum er myndin aldrei yfir-
þyrmandi dramatísk. -HK
STJÖRNUBÍÓ
Simi 16500
Bíódagar ***
Friðrik Þór hefur gert skemmtilega og
mannlega kvikmynd um æskuár ungs
drengs i Reykjavik og í sveit. Sviðsmynd
einstaklegavel heppnuð. -HK
Stúlkan mín 2 *★
Stúlkan mín er þremur árum eldri, þrosk-
aðri og farin að fá áhuga á strákum. Al-
veg eins og búast mátti við, þægileg,
gamansöm og rómantísk kvikmynd sem
allirgetasættsigvið. -HK