Dagblaðið Vísir - DV - 30.09.1994, Blaðsíða 6

Bíóhöllin:
Fjölskyldumynd -
in Skýjahöllin
Ný íslensk fjölskyldumynd, Skýja-
höllin, var frumsýnd í Bíóhöllinni í
gær. Aðalpersóna Skýjahallarinnar
er hinn átta ára Emii sem á sér þann
draum heitastan að eignast hund.
Foreldrar hans standa í byggingu
einbýlishúss og eiga í stöðugu stríði
við víxla og gjalddaga. í fyrstu neita
þau Emil um að eignast hund á þeim
forsendum að hundur kosti of mikið.
Að lokum veita þau honum með sem-
ingi leyfi til að kaup sér hund, geti
hann safnað fyrir honum sjálfur. Þau
lifa í þeirri trú að það geti drengurinn
ekki.
Fullur atorku ræðst Emil í það
mikla verk að eignast peninga fyrir
hundi. Hann selur blöð af miklum
móð og handlangar fyrir húsgagna-
smið og að lokum á hann nægilega
Kári Gunnarsson i hlutverki Emils.
Hundurinn Skundi.
fjármuni fyrir hvolpi. Þá kemur babb
í bátinn. Pabbi hans er ekki alveg á
þeim buxunum að standa við gefið
loforö.
Emil grípur til örþrifaráða til þess
að halda hundinum og hristir með
aðgerðum sínum svo um munar upp
í nánasta umhverfi sínu.
Þorsteinn Jónsson leikstýrir
Skýjahöllinni ásamt því að semja
handritið. Kvikmyndin er gerð eftir
bók Guðmundar Olafssonar um Emil
og Skunda. í aðalhlutverki er Kári
Gunnarsson sem er ellefu ára nemi
við Víöistaðaskóla í Hafnarfirði.
Guðrún Gísladóttir og Hjalti Rögn-
valdsson leika foreldra Emils, Ólafía
Hrönn Jónsdóttir leikur huldukonu
og Sigurður Siguijónsson leikur álf.
Háskólabíó:
Jói tannstöngull
Háskólabíó sýnir nú kvikmyndina
Jóa tannstöngul, Johnny Stecchino,
sem er hugarfóstur ítalska háðfugls-
ins Robertos Benigni. Myndin er vin-
sælasta mynd sem sýnd hefur verið
á Ítalíu og ein af örfáum ítölskum
myndum sem fengið hafa víðtæka
alþjóðlega dreifingu.
Myndin segir frá hinum ólánsama
Dante sem ekur skólabíl og er hafður
að spotti, jafnt af körlum sem konum.
Einu manneskjumar sem virða hann
eru vangefnu krakkarnir sem hann
ekur í skólann. Kona mafíósans Jóa
tannstönguls rekst á Dante og kemst
að því að þeir eru tvífarar. Hún
ákveður að plata Dante með sér suð-
ur á Sikiley þar sem eiginmaður
hennar mafíósinn er á flótta undan
laganna vörðum og óvinum sínum í
mafíunni. Markmiðið er að tekinn
verði feill á Dante og Jóa og Dante
komið fyrir kattarnef og Jói cg eigin-
konan geti lifað hamingjusamlega í
laumi eftír það.
Áð sjálfsögðu fer allt úrskeiðis í
þessari farsakenndu gamanmynd.
Leikstjórinn og aðalleikarinn, Ro-
berto Benigni, hefur stundum verið
kallaður Chaplin Ítalíu sökum
gúmmíandlitsins og ankannalegra
hreyfinga. Hann er þó kannski
þekktastur fyrir hæfileika sína í að
halda uppi yfirgengilegu málæði eins
og þeir sem séð hafa myndir Jims
Jarmusch kannast við en í Night on
Earth lék Benigni leigubflstjórcmn
mál- og kynóða í Róm. Benigni átti
kostulega misheppnaða frumraun í
Hollywood sem sonur Bleika pard-
ussins en hefur nú snúið aftur heim
tíl Ítalíu aö þvi sem hann er bestur
í; hreinræktuðum suðrænum ærsla-
leik.

Dante er tvifari mafiósans og er notaður sem beita fyrir óvini hans.
Roberto Benigni ieikur son Bleika
pardussins.
Sambíóin:
Sonur Bleika pardussins
Sambíóin hafa tekið til sýninga
grínmyndina Son of the Pink Pant-
her eða Sonur bleika pardussins.
Myndin tekur upp þráðinn þar sem
síðasta myndin um Bleika pardusinn
skildi viö. Nú er það sonur hins
fræga Bleika parduss sem er í aðal-
hlutverkinu en sem fyrr koma Dreyf-
us, Cato og dr. Balls mikið við sögu.
í byijun myndar er Yasmin prins-
essu rænt og Dreyfus er fenginn til
að hafa upp á henni. Hann fær nýjan
aðstoöarmann og ekki líður á löngu
þar til hann fer að kannast við ýmsa
takta hjá þessum unga lögreglu-
manni. Hlutir eins og bjagaður fram-
burður, ótrúleg hollusta og hug-
rekki, óheppni og nafnið Jacques
gerir Dreyfus mjög óöruggan. Jacqu-
es kynnir Dreyfus fyrir móður sinni
og hún staðfestir það sem Dreyfus
óttaðist mest að Jacques sé óskilget-
inn sonur Bleika pardussins. Eftír tiu
ára fjarveru hefur bleiki pai'dusinn
snúið aftur! Ekki sá eini sanni en
sonur hans sem þefur erft marga af
fyndnustu töktum foður síns. Hann
er kunnuglegyr en þó allt öðruvísi.
Aðalhlutverkið leikur hinn þekkti
ítalski gamanleikari, Roberto Ben-
igni, en sem fyrr er það Blake Edw-
ards sem leikstýrir Bleika pardusn-
um og hans óborganlegu ævintýrum.
Háskólabíó:
Loftsteinamaðurinn
Loftsteinamaðurinn er hin upp-
runalega og raunverulega ofurhetja,
segir aðalleikarinn, leiksljórinn og
handritshöfundurinn Robert Towns-
end. Hann er heija níunda áratugar-
ins, hann er maður úr næsta ná-
grenni, hann er bandarískur negri. í
raun er hann eini bandaríski hetj-
unegrinn í kvikmyndasögunni.
Jefferson Reed (Robert Townsend)
er kennari í rólegu hverfi enda sjálf-
ur með afbrigðum rólegur að eðlis-
fari og litið fyrir að láta bera á sér.
Meira að segja hundinum hans þykir
nóg um þetta lítillæti húsbónda síns
og hvetur hann til að trana sér fram
í hvelli. Það verður því heldur en
ekki breyting á lifi Jefferssons og
hundsins þegar loftsteinn lendir á
honum með þeim afleiðingum að líf
hans tekur algerum stakkaskiptum,
svo vægt sé til orða tekið.Loftsteinn
þessi ber nefnilega með sér töframátt
og súperkraft sem snarlega umlykur
hetju okkar og er því ofúrhetjan
mikla, loftsteinamaðurinn, mættur í
öllu sínu veldi. Þegar breytingar
verða á lífi fólks er ekki óalgengt að
smábyijunarörðugleikar komi upp.
Jefferson þjáist af ólæknandi loft-
hræðslu og þar af leiðandi getur
hann aðeins flogið einn metra yfir
jörðinni, allavega til að byrja með.
Hinn feimni og óframfæmi kennari
er skyndilega neyddur, mestmegnis
vegna þrábeiðni fjölskyldu sinnar,
að hundkvikindinu meðtöldu, til að
vera hetja og hjálpa fólki til að hjálpa
sér sjálft.
Það eru engin smánöfn sem Robert
Townsend hefur fengið í lið með sér
til að gera myndina sem skemmtileg-
asta. Fyrstan skal nefna Bill Cosby,
James Earl Jones og Robert Guii-
laume.
Lottsteinamaöurinn er ærslafull
gamanmynd, full af gríni og
skemmtilegheitum.
FÖSTUDAGUR 30. SEPTEMBER 1994
Kvikmyndir
BÍÓBORGIN
Simi 11384
Speed ★★
Ógnarhraðskreiö mynd um fifldjarfa
löggu i baráttu viö geðbilaðan
sprengjufíkil. Ágæt skemmtun.
-GB
Umbjóðandinn ★★★
Góð spennumynd eftir skáldsögu
Johns Grishams. Aldrei þessu vant er
myndin betri en bókin. Susan Saran-
don og Tommy Lee Jones sýna bæði
stórleik.
-HK
BÍÓHÖLLIN
Sími 78900
Sannar lygar ^k'A
Risa-mynd frá Cameron og Co sem
stenst ekki samanburð við fyrri myndir
hans vegna ómerkilegrar sögu. Er samt
ágætis skemmtun með mikilfengleg-
um hasaratriðum og góðum húmor inn
á milli. Einnig sýnd i Háskólabiói. -GE
Maverick ★★★
Vestrar eru yfirleitt grafalvarlegar
myndir þar sem mönnum stekkur sjald-
an bros. Ekki hér. Gamanið er i fyrir-
rúmi og það i stórum skömmtum. -GB
Steinaldarmennirnir ★!4
Fred og Barney eru ekki svipur hjá sjón
i þessari misheppnuðu útfærslu á æv-
intýrumteiknimyndahetjanna. -GB
SAGA-BÍÓ
Sími 78900
HÁSKÓLABÍÓ
Sími 22140
Kúrekar i New York ★'A
Einstaka góð atriði með Woody Harrel-
son megna ekki að draga mynd þessa
upp úrmeðalmennskunni. -GB
Blaðið ★★
Sólarhringur á æsifréttablaði í New
York, hraðinn mikill í mynd sem æðir
út um viðan völl með yfirgengilegum
kjaftavaðli. Leikarar góðir.
-HK
Fjögur brúðkaup ★★★
Breskur húmor eins og hann getur
bestur orðið í bráðskemmtilegri kvik-
mynd með rómatísku yfirbragði. Kvik-
mynd sem kemur öllum i gott skap.-HK
LAUGARÁSBÍÓ
Sími 32075
Endurreisnarmaðurinn -k'/i
Einstaklega heimskuleg saga sem
hefði getað gengið upp ef aðstand-
endur hefðu ekki farið að taka hana
alvarlega. Penny Marshall og Danny
deVitohafabæðigertbetur. -HK
Apaspil ★★
Sniðug barnamynd um þjófóttan apa-
kött. Sagan er sáraeinföld en myndin
er gerð af áhuga og sæmilegum krafti.
-GE
REGNBOGINN
Sími 19000
Ástriðufiskurinn ★★★
Sagan er ekki frumleg en fínleg (og
óskarstilnefnt) handrit Sayles og
geysisterk persónusköpun leikkvenn-
anna tveggja bæta það margfalt upp.
-GE
Allir heimsins morgnar ★★★
Heillandi, dramatísk kvikmynd um
sannan tónlistarmann, sorg hans,
sköpunargleði og skapbresti sem láta
engan ósnortinn. Mynd sem sameinar
áhugaátónlistogkvikmyndum. -HK
Flóttinn ★★'/2
Spennumynd frá áttunda áratugnum,
uppfærð á máta þess tíunda með góð-
um árangri. Gott dæmi um þá breyt-
ingu sem orðið hefur í frásagnartækni
kvikmyndanna. -GE
Gestirnir ★★★
Franskur tímaflakksfarsi af bestu gerð
þar sem fornir riddarar glíma við hvers-
dagshluti ársins 1992.
-GB
Kryddlegin hjörtu ★★★
Heillandi frásagnarmáti i bragðmikilli
og dramatískri mynd þar sem ýkju-
kennd sagnahefð nýtur sín vel. Athygl-
isverð og vel leikin kvikmynd i háum
gæðaflokki. -HK
STJÖRNUBÍÓ
Simi16500
Úlfur ★★'A
Vel gerð og leikin mynd um forleggj-
ara sem breytist í úlf en herslumuninn
vantar.
-GB
Gullæðið ★ '/2
Heldur bragðdauft framhald ævintýra
borgarabúanna úti i auðnum Ameriku
í leit að gulli, bæði ekta og í sjálfum
sér. -GB
Biódagar ★★★
Friðrik Þór hefur gert skemmtilega og
mannlega kvikmynd um æskuár ungs
drengs í Reykjavik og í sveit. Sviðs-
mynd einstaklega vel heppnuð. -HK