Þjóðviljinn - 31.12.1966, Blaðsíða 4
4 SlÐA — ÞJÓÐVILJINN — Laugardagur 31. desember 1966.
Otgelandi: SameinlngarfloKltur alþýðoi — Sósíalistaflokk-
urinn.
Ritstjórar: Ivar H. Jónsson (áb). Magnús Kjartansson,
Sigurður Suömundsson.
Fréttaritstjóri: Siguröur V. Friðþjófsson.
Auglýsingastj.: Þorvaldur Jóhannesson.
Sími 17-500 (5 línur). Áskriftarverð kr. 105.00 á mánuði. Lausa-
söluverð kr. 7.00.
Að horía fram
JJm þessi áramót hefur Þjóðviljinn eins og jafnan
fyrr sérstaka ástæðu til þess að þakka lesendum
sínum og stuðningsmönnum samvinnuna á liðnu
ári. Undir árslok var leitað til lesenda blaðsins með
happdrætti og þeir brugðust myndarlega við að
vanda, en árið allt voru stuðningsmennirnir raun-
ar beðnir um mikla og margvíslega aðstoð. Án
þessa stuðnings hefði útgáfa blaðsins ekki getað
haldið áfram; um leið og Þjóðviljinu þakkar
styrktarmönnum sínum samskiptin á liðnu ári er
hann að þakka tilveru sína.
^umum kann að virðast það furðulegt verkefni
að gefa út blað af hugsjón, starfrækja fyrirtæki
sem vitað er að muni verða rekið með reiknings-
legum halla, leggja á sig þungar byrðar til þess að
jafna þau met. Ekkert er fjær anda neyzluþjóðfé-
lags og lífsþægindagræðgi, því viðhorfi að meta
allt til fjár, telja svokallaðan gróða algildan mæli-
kvarða. Mörgum hættir einnig við því á tímum
þegar búksorgir eru ekki eins nærgöngular og
endranær að týna niður félagslegum viðhorfum
og hefja eftirsókn eftir vindi. En einstaklingar
sem sökkva sér niður í þvílíka síngirni fá að sanna
þá fornkveðnu speki að það stoðar lítið að eign-
ast heiminn ef menn fyrirgera sálu sinni. Hverj-
um einstaklingi sem vill lifa heilu og frjóu lífi
er nauðsynlegt að eiga markmið, hugsjónir, utan
þrengstu einkahaga sinna, og leggja nokkuð í söl-
urnar fyrir þær — að öðrum kosti deyja menn
andlega langt fyrir aldur fram. Á sama hátt er
hverju þjóðfélagi sem ekki vill staðna nauðsynlegt
að eiga harðsnúið lið þvílíkra vökumanna; annars
getur tímabundin velsæld snúizt í hnignun á
skömmum tíma.
jþjóðviljinn tekur vissulega fullan þátt í dægur-
baráttunni, en hann er jafnframt málgagn
framtíðarinnar; hann bendir á verðmæti sem ýms-
um kunna að virðast utan seilingar eins og nú
standa sakir en eru þjóðfélagi okkar lífsnauðsyn
ef það vill taka þátt í þróun þessarar aldar; hann
boðar þjóðfélag samvirkra félagshátta, þekkingar
og vísinda, samhjálpar og samvinnu. Hugsjónin
um sósíalisma og hugsjónin um framtíð sjálfstæðs
þjóðríkis á íslandi eru einnig nátengdar; hið litla
samfélag okkar mun aldrei halda velli nema það
hagnýti sér þjóðfélagsvísindi nútímans, nema sam-
vinna og skipulag taki við af skammsýnni og sér-
góðri gróðahyggju. Þjóðviljinn hvetur menn til
að horfa fram á veginn og er jafnframt tæki til
að ryðja þær brautir; hann boðar nýja þekkingu,
og tilvera hans er sönnun þess að enn skilja nægi-
lega margir að þekking kemur þá fyrst að gagni
að henni fylgi vilji.
jyýtt ár er að hefjast og enn sem fyrr á Þjóðvilj-
inn tilveru sína undir þrótti stuðningsmanna
sinna; blaðið býr yfir því einu afli sem samherj-
arnir leggja því til. Því sendir Þjóðviljinn lesend-
um sínum sérstakar baráttukveðjur á þessum
tímamótum og árnar jafnframt landsmönnum öll-
um heilla á nýju ári. — m.
Valsmenn sigruðu Frumura
óvænt, 16:13, í fyrrakvöld
□ Með óvæntum sigri sínum yfir Fram 1
fyrrakvöld tókst Valsmönnum að skjótast upp
í fyrsta sætið ásamt FH í fyrstu deildarkeppn-
inni í handknattfeik...
Leikur Vals og Fram var
mjög skemmtilegur, spennandi
og vel leikinn lengst af, bezti
leikur Islandsmótsins til þes,sa.
Yfirvegaður leikur Vals-
manna.
Valsmenn nádu þegar í -upp-'
hafi góðum tökum á leiknum,
léku yfirvegað og reyndu ekki
marksskot nema í góðu .fseri.
Tókst þeim að ná þegar á
fýrstu 8-10 mínútum leiksins
góðu forskoti, skoruðu fjögur
mörk áður en fyrsta mark
Framara sá dagsins ljós. Þessu
drjúga forskoti héldu þeir á-
fram og juku það reyndar; í
leikhléi var staðan átta mörk
gegn fjórum Val í vil.
1 byrjun síðari hálfleiks voru
Framarar mjög virkir í sínum
leik, ákveðnir og öruggir og
skoruöu hvert markið af öðru.
Var markastaðan orðin jöfn,
8-8, þegar um tíu mínútur
voru liðnar af hálfleiknum og
munu víst flestir áhorfendanna
hafa búizt við að Framarar
myndu síga fram úr og sigra.
En á þýðingarmiklu augnabliki
varði markvörður Vals víta-
kast Gunnlaugs Hjálmarssonar.
svo að það voru ekki Framarar
heldur Valsmenn sem skoruðu
níunda markið og náðu aftur
forystunni. Valsmennirnir léku
síðan af mikilli fyrirhyggju það
sem eftir var leiksins, en að
sama skapi vildi fátt eitt heppn-
ast af sóknaraðgerðum Fram-
ara og los myndaðist æ ofan í
æ í vöm þeirra. V'alur jók
því forskotið og þegar fjórar
mínútur voru eftir af leiktíma
og staðan 15—11 Val í vil voru
úrslit leiksins ráðin. Framarar
léku „maður gegn manni“ sið-'
ustu mínútumar og söxuðu þá
eilítið á f'orskot Vals; úrslit
leiksins urðu 16 mörk gegn 13,
en knötturinn var á leið í
Valsmarkið þegar lúðurinn gaf
til kynna að leiktíma væri lok-
ið,
Dýrmæt stig Víkinga.
Síðari leikurinn í fyrrakvöld,
milli Víkings og Hauka í
Hafnarfirði, var jafn. Vikingar
skoruðu fynsta markið, en síð-
an skiptust liðin lengst af að
skora- 1 leikhléinu var staðan
átta mörk gegn sex Haufcum í
vil.
í síðari hálfleik reyndust
Víkingar sterkari aðilinn, skor-
uðu 11 mörk gegn 5 mörkum
Hauka. Þannig lauk leiknum
með 17-14 sigri Víkinga, — og
þeir hafa hlotið tvö dýrmæt
stig í 1- deild.
Staðan í 1. deild er nú þann-
ig:
FH 2 2 0 0 4 51:26
Valur 2 2 0 0 4 42:31
Fram 2 1 0 1 2 39:30
Vík- 2 1 0 1 2 30:35
Hauk. 2 0 0 2 0 28:43
Árm. 2 0 0 2 0 31:66
Skákþáttur
Paul Keres
Eistneski stórmeistarinn Paul
Keres fæddist í borginni Párnu
í Eistlandi árið 1916. Hann
fékk srtemma áhuga. á skák en
■ hafði 'þó fyrst í stað fáa til
að tefla við aðra en bróður
i sinn. Það var ekki fyrr en árið
1928 að hann sá í fyrsta skipti
skákmeislara og var það landi
hans Mikenas, sem þá var á
'Skákferðalagi um Eistland og
tefldi m.a. fjöltefli í Párnu.
Keres, sem ])á var aðeins tólf
ára, var fyrsti maður á vett-
vang og öllum á óvart tókst
hinum unga pilti að leggja
meistarann að velli. Aðeins ári
seinna kom hann aftur mjög á
óvart, er hann sigraði á skák-
þingi Párnu og árið 1930 varð
hann sigurvegari á „Skóla-
meistaramóti" Eistlands. Keres
taldi sig sem skiljanlegt er ekki
hafa nægileg tækifæri til þess
að tefla við sterka andstæð-
inga í heimaborg sinni og hóf
því að tefla bréfskákir af
miklu kappi. Við skulum nú
líta á eina bréfskák hans frá
árunum 1932—33 en hún sýnir
að hann ræður þá þegar yfir
allmiklum styrkleika.
HVÍTT: A. KARU.
SVART: P. KERES.
Albins-bragð.
1. d4 d5
2. c4 e5
3. Rc3
(Betra er hið venjulega dxe5).
3. — exd4
4. Dxd4 Rc6
5. Dxd5 Be6
6. Db5
(Bezt, eftir t.d. DxD, HxD ynni
svartur peðið á c4 aftur vegna
hótananna Rd4 og Rb6).
6. — a6
7. Da4
(Eftir t.d. Dxb7 — Rd4, 8.
De4 — Rf6 yrði svarta sóknin
of hættuleg).
7. — Bb4
8. Bd2(?)
(Betra var hér e3).
8. — Bxc4
9. a3 b5!
(Þar með er frumkvæðið
tryggilega í höndum svarts).
10. Dc2 Rd4
11. De4f Be7
12. Rf3(?)
(Hér var síðasta tækifæri
hvíts til að leika e3. Eftir t.d.
Rb3 Hdl — Bxf3 bjargar hann
manpinum með Bcl).
12. — c5!
13. Hcl Rf6
14. Dbl Dd6
15. Rxd4 cxd4
16. Re4 Rxe4
17. Dxe4 0—0!
(Ef nú 18. Bb4, þá Dh6, 19.
Bd2 — Bg5).
18. Bf4 Dd8
19. Hdl ■ Bf6
20. Df3 He8
21. b3 d3!
(Ef nú bxc4 þá 22. •— bxc4 t.d.
23. e4 '— Bc3, 24. 3d2 — BxB,
25. Hxd2 — c3, 26. Hxd3 — c2
og svartur vinnur).
22. e4 Bc3t
23. Bd2 Dd4!
24. Bxc3. Dxc3t
25. Hd2 Hxe4t!
26. Gefið.
(Ef 26. Dxe4 þá Dcl, 27. Hdl
— d2 mát).
Næstu ár voru ár mikils og
glæsts frama á alþjóðavett-
vangi. Þetta glæsilega tímabil
hófst með Olympíumótinu í
Varsjá órið 1935; þar tefldi
Keres í fyrsta skipti á alþjóða-
vettvangi og vakti mikla og
verðskuldaða athygli, hlaut 12
vinninga af 19. Næsti stórár-
angur var sigurinn í Bad Nau-
heim 1936, ósamt dr. Aljechin
fyrir ofan m.a. Bogoljubow,
Stáhlberg og dr. Vidmar.
Á Olympíuskókmótinu í
Munchen 1936 hlaut Keres
efsta sæti 1. borðsmanna og
15% vinning af 20 mögulegum.
Árið 1937 hófst með sigri í'
Margate, þá sigur í Prag og
loks glæsilegur sigur í hinu
mikla alþjóðamóti i Semering
Baden fyrir ofan Fine, Capa-
blanca, Reshevsky, Flohr, Elis-
kasses, Ragosin og Petrow. Auk
þessara móta tók hann þátt í
allmörgum smærri mótum á
þessu óri og var jafnan í efstu
sætum. Fyrir hinn glæsilega
sigur í Semering Baden hlaut
Keres stórmeistaratitil og
næsta stórátak var hið mikla
AVRO-mót í Hollandi, en þar
sigraði Keres ásamt ameríska
stórmeistaranum R. Fine fyrir
ofan m.a. Aljechin, Capablanca,
Euwe og Botwinnik, og það sem
meira var, hann hlaut nú rétt-
indi til að skora á Aljechin í
einvígi um heimsmeistaratitil-
inn. Það fór þó ekki svo að
það ætti fyrir Keres að liggja
að fá að tefla um þennan eft-
irsótta titil. — Heimsstyrjöld'
in síðari skall á.
Á stríðsárunum tefldi Keres
á allmörgum mótum víðsvegar
um Evrópu og jafnan var hann
í fararbroddi. Auk þess sigraði
hann dr. Euwe og sænska
meistarann Folke Ekstrom í
einvígum.
Keres
Við skulum nú líta á eina
fallega skák frá þessu tíma-
bili, skákina við dr. Aljechin
í Margate 1937.
Hvítt: P. KERES
Svart: Dr. A. A. ALJECHIN.
Spænskur leikur.
1. e4 e5
2. Rf3 Rc6
3. Bb5 a6
4. Ba4 d6
5. c4 Bd7
6. Rc3 g6
(Önnur _leið fer hér 6. — Bg4
og síðan Rg8 — f6 — d7 —
c5).
7. d4 Bg7
(Hér er einnig leikið: 7. — exd,
8. Rxd—Bg7, 9. Rxc6—bxc6, 10.
0—0 Rf6 og svartur stendur
allvel, sbr. Unzicker—Keres
Hastings 1954—55).
8. Be3 Rf6
(Ónákvæmur leikur, betra var
Rge7, eins og fljótlega kemur í
ljós).
Spasskí
9. dxe5! dxe5
(Betra var Rxe5, þótt hvítur
haldi að vísu öllu betra tafli).
10. Bc5!
(Með þessum leik kemur hvít-
ur í veg fyrir að svartur geti
stutthrókað).
10. — RÍ6-h5
11. Rd5
(Svartur reiknaði hér með 11.
g3—b6, 12. Ba3—Rd4, þar sem
hann stendur mjög vel; texta-
leikurinn kemur í veg fyrir
þessa áætlun, því að léki
svartur nú b6 þá 12. Ba3—Rd4,
13. Rxd4—exd4, 14. g4).
11. — Rf4
12. Rxf4 exf4
13. e5!? g5?
(Slæmur leikur, betra var að
þiggja peðið, þótt hvítur fái
vissulega sterka sóknarmögu-
leika fyrir það).
14. Dd5!
(Aljechin hafði algjörlega yf-
irsézt þessi leikur, léki hann
nú g4 þá 15. e6 — t.d. Bxe6,
Framhald á 9. síðu.
Tilkynning
til innflytjenda. 23/1966.
Vegna framkvæmda hinna nýju verðstöðvunarlaga
er hérmeð lagt fyrir innflytjendur að gefa fram-
vegis á verðútreikningi skýrar upplýsingar um
eftirgreind atriði:
1. Hvort kostnaðarverð vörunnar og álagning sé
óbreytt, miðað við síðasta innflutning sömu
vöru fyrir 15. nóvember 1966.
2. Hafi viðkomandi vara ekki verið flutt inn
áður, þá við hvað álagning sé miðuð.
Upplýsingar þessar skulu undirritaðar af innflytj-
anda eða ábyrgum starfsmanni hans
Jafnframt eru innflytjendur áminntir um að verð-
útreikningum yfir allar innfluttar vörur ber að
skila til skrifstofu verðlagsstjóra innan 10 daga
frá tollafgreiðslu, og er óheimilt að hefja sölu á
vörunni fyrr en verðútreikningi hefur verið skilað.
Reykjavík, 29. desember 1966
Verðlagsstjórinn.