Þjóðviljinn - 31.01.1984, Blaðsíða 1

DJÚÐVIUINN
Helgi Ólafsson
skrifar um al-
þjóðlega skák-
mótið
janúar 1984
þriðjudagur
49. árgangur
25. tölublað
„Ég mun beita mérgegn þvíaÖ há-
launamennirnir í Straumsvík brjóti
ísinnu sagði talsmaður ríkisstjórnar-
innarígœr
Sverrir Hermannsson
iðnaðarráðherra
Vildi
spilla
Reiðþrunginn ráðherrann veifaði ákaft framan í þingheim Þjóðvilja frá því í desember þarsem haft er eftir talsmanni
Straumsvíkurmanna að þeir séu að brjóta ísinn fyrir launafólk í landinu. (Þjóðviljamynd á þingi í gser - Atli).
- Ummæli mín í útvarpinu um daginn hafa svo sannarlega
náð tilgangi sínum ef þau hafa spillt fyrir samningum há-
launamannanna í Straumsvík sem nú eru að heimta meira,
sagði Sverrir Hcrmannssun iðnaðarráðherra við utandag-
skrárumræður á Alþingi í gær.
Það var Guðmundur Einarsson þingmaður Bandalags
jafnaðarmanna sem hóf umræðurnar og gerði að umtalsefni
ummæli ráðherranna í ríkisstjórn Steingríms Hermanns-
sonar um að koma yrði í veg fyrir að starfsmenn álverksmiðj-
unnar í Straumsvík næðu fram kröfum sínum. Taldi Guð-
mundur að þau bæru vott um gróft brot á stefnu stjórnvalda
hingað til að skipta sér ekki af frjálsum kjarasamningum.
- Ætlast einhver til þess að ég komi öðruvísi til dyranna en
ég er klæddur? Nei, ég hef ekki skap til þess. Ég mun beita
mér gegn því að hálaunamennirnir í Straumsvík brjóti ísinn
og nái samningum sem sprengja þann ramma sem ríkis-
stjórnin hefur sett sér í launamálum, sagði Sverrir Her-
mannsson ennfremur og veifaði framan í þingheim eintaki af
Þjóðviljanum frá í desember sl. þarsem haft var eftir starfs-
manni Verkamannafélagsins Hlífar í Hafnarfirði að starfs-
menn álversins væru að brjóta ísinn fyrir verkalýðshreyfing-
una í heild. Staðhæfði Sverrir Hermannsson á Alþingi í gær
að frétt Þjóðviljans hefði verið samin fyrir forgöngu Alþýðu-
bandalagsins sem vildu með því eyðileggja stefnu ríkis-
stjórnarinnar í launamálum og koma ríkisstjórninni á knéi
Fleiri tóku þátt í umræðunum, m.a. Svavar Gestsson og
Guðmundur J. Guðmundsson. Svavar ræddi einkum þá ósk
ríkisstjórnarinnar að ísal gengi í Vinnuveitendasambandið.
Sú stefna væri þvert á þau viðhorf sem uppi voru þegar
samningurinn um álverið var samþykktur á Alþingi árið
1966. Guðmundur J. Guðmundsson líkti Sverri Hermanns-
syni við fíl í glervörubúð sem með yfirlæti sínu, hroka og
jafnvel beinni valdníðslu hefði kallað á verkfall starfsmann-
anna í Straumsvík.
- v.
Sjá viðtöl við Straumsvíkurmenn á bls. 2, leiðara á bls.
4, frásagnir af þingi í gær og ummæli leiðtoga
stjórnmálaflokkanna í álumræðunum á þingi í apríl
1966 á bls. 5.
ASÍ og VSÍ: ~~
Viðræður
halda áfram
Eins og skýrt var frá í Þjóðviljanum í síðustu
viku fóru fram viðræður milli forystumanna ASÍ
og VSI, um nýja kjarasamninga fyrir rúmri viku.
Eftir að skýrt var frá þessum viðræðum opinber-
lega voru haldnir fundir í miðstjórn ASÍ og
framkvæmdastjórn VSÍ og ákveðið að halda við-
ræðum áfram.
í gær hittust þeir aftur Ásmundur Stefánsson
og Magnús Gunnarsson til viðræðna en hvað
útúr þeim kom hefur Þjóðviljinn ekki spurnir af.
Þá mun Þorsteinn Pálsson, fyrrverandi fram-
kvæmdastjóri VSÍ og núverandi formaður Sjálf-
stæðisflokksins, hafa haft einhver afskipti af
þessu máli síðan miðstjórn og íramkvæmda-
stjórn sambandanna ákváðu að halda viðræðun-
um áfram. - S.dór.
Guðmimdur J. Guðmundsson segir
sig úr formannanefndinni
Ég vil hafa
frjálsar
hendur í
komandí
samningum
Sjónarmið ASÍ annars vegar og
Verkamannasambandsins og
Dagsbrúnar hins vegar stangast
á, segir Guðmundur J. Guð-
mundsson formaður VMSI
„Mér þykir þetta nú engin frétt en það er rétt að ég sagði mig úr formanna-
nefnd Alþýðusambands Islands fyrir helgi. Ástæðan fyrir því er sú að mér
þykja sjónarmið ASÍ annars vegar og Verkamannasambandsins og Dags-
brúnar hinsvegar stangast á og því vil ég hafa frjálsar hendur í komandi
kjarasamningum“ sagði Guðmundur J. Guðmundsson formaður Verka-
mannasambandsins og Verkamannafélagsins Dagsbrúnar í samtali við Þjóð-
viljann í gær.
Að öðru leyti vildi Guðmundur ekki tjá sig um málið á þessari stundu né
þeir menn úr forystusveit ASÍ sem Þjóðviljinn náði tali af í gær.
- S.dór.