Þjóðviljinn - 24.05.1987, Page 12

OPA$^
® Tilboð
óskast í eftirtaldar bifreiðar og tæki sem verða til sýnis þriðjudaginn
26. maí 1987 k. 13-16 í porti bak við skrifstofu vora að Borgartúni 7,
Reykjavík og víðar.
Tegund 1 stk. Mazda 929 Station bensín Árg. 1982
1 stk. Volvo 244 DL fólksbifr. 1979
1 stk. Volvo 244 DL fólksbifr. 1977
1 stk. Susuki Alto fólksbifr. 1984
1 stk. Subaru 1800 station 4x4 1983
1 stk. Subaru 1800 station 4x4 1982
1 stk. Lada station 1981
1 stk. Mazda 323 station 1980
1 stk. Toyota Hi-lux Picup m/húsi 4x4 1983
1 stk. Scout picup 4x4 1980
1 stk. Scout 4x4 1980
1 stk. Ford F150 Picup m/húsi 4x4 1979
1 stk. Chevrolet Suberban 4x4 1979
1 stk. Lada Sport 4x4 1984
1 stk. Lada Sport 4x4 1979
1 stk. Ford Econoline sendibifr. 1983
1 stk. Toyota Hi Ace sendibifr. 1983
1 stk. Volksw. Tansp. sendibif. 1980
1 stk. Mitsubishi L 300 sendibifr. 1980
1 stk. Chevrolet Van sendibifr. 1977
1 stk. Volvo fólks/vörubifr. 10 farþ. diesel 1966
Til sýnist hjá Pósti og síma Jörfa:
1 stk. Subaru 1800 DL station 4x4 (skemmdur e. umf.óh.) 1985
1 stk. Fiat Panorama 8skemmdur e.umf.óh). 1985
Til sýnis hjá Vegagerð ríkisins á Akureyri:
1 stk. Volvo Lapplander 4x4 bensín 1981
1 stk. Toyota Hi-lux Picup 4x4 “ 1980
1 stk. Lada Sport 4x4 “ 1984
Til sýnis hjá Vegagerð ríkisins, Véladeild Sætúni 6 Rvík.:
1 stk. Caterpillar D-333 dieselmótor uppg. 115 h.ö. SAE
1 stk. Leyland AU-600 dieselmótor upg. 163 h.ö. SAE
Tilboðin verða opnuð sama dag kl. 16.30 aö viðstöddum bjóðend-
um.
Réttur er áskilinn að hafna tilboðum sem ekki teljast viðunandi.
INNKAUPASTOFNUN RIKISINS
Borgartúni 7, sími 26844
Bóklegt FLUGMÁLASTJÓRN
atvinnuflugnám
Skipulag atvinnuflugnáms er nú í gagngerðri
endurskoðun og þess vegna var um sinn frestað
fyrri önn hinnar bóklegu kennslu í Fjölbrautaskól-
akerfinu.
Fyrirhugað er að kenna enn einum árgangi eftir
gamla kerfinu, áður en hið endurskoðaða kerfi
tekur við. Þá er miðað við, að fyrri önnin hefjist í
haust og hin síðari verði eftir áramótin.
Inntökuskilyrðin verða óbreytt, sem þau eru að
viðkomandi hafi lokið a.m.k.:
• Bóklegu prófi einkaflugmanns,
• tveggja ára almennu námi að loknum grunn-
skóla og
• þremur einingum í hverri eftirtaldra greina:
ensku, stærðfræði og eðlisfræði.
Þeir sem hafa áhuga á að stunda þetta nám og
munu uppfylla áðurnefnd inntökuskilyrði hinn 1.
september n.k., geta sent skriflegar umsóknir
sínar, ásamt staðfestum gögnum til skírteina-
deildar loftferðaeftirlits Flugmálastjórnar eða
Fjölbrautaskóla Suðurnesja fyrir 1. júlí n.k.
Flugmálastjórn
Fjölbrautaskóli Suðurnesja
Faðir minn
Þórður Sturlaugsson
er látinn
Jarðarförin verður auglýst síðar.
Ólafur Sturla
Útför bróður míns og mágs
Óskars Jóns Guðjónssonar
sem lést 17. maí s.l. fer fram frá Litlu kapellunni í Fossvogi
mánudaginn 25. maí kl. 10.30 f.h.
Þeim sem vildu minnast hans er vinsamlega bent á líknar-
stofnanir
Fyrir hönd systkina
Guðríður Guðjónsdóttir
Helgi Gunnarsson
Tríóið Warren Beatty, Dustin Hoffman og Isabelle Adjani í átökum í eyðimörkinni.
Hlátur á einn
og hálfan milljarð
Árið 1942 gerðu þeir Bing
Crosby og Bob Hope kvik-
myndina Vegurinn til Mar-
okkó. Rúmum fjörtíu árum
seinna ákváðu tvær af stjörn-
um nútímans að endurtaka
leikinn og útkoman varð Is-
htar. Kostnaðurinn við þá
kvikmynd var fjörtíu sinnum
meiri en við kvikmynd þeirra
Crosby og Hope. Menn efast
hinsvegar um að útkoman
verði fertugfaldur hlátur.
Það eru leikararnir Warren
Beatty og Dustin Hoffman sem í
samvinnu við leikstjórann Elanie
May, standa fyrir gerð þessarar
kvikmyndar. Utkoman er ágætis
farsi sem kitlar hláturtaugar
áhorfenda. Eða einsog það er
orðaðí Newsweek: „...kvikmynd
sem kitlar hláturtaugarnar og þú
yfirgefur kvikmyndahúsið með
það í huga að þarna hafi verið um
ágætis gamanmynd að ræða, sem
kostaði 200 milljón krónur að
framleiða."
Ishtar kostaði hinsvegar einn
og hálfan milljarð í framleiðslu,
auk þess sem um 400 milljónum á
að eyða í kynningu á henni.
Mönnum reiknast til að kvik-
myndin þurfi að hala inn litla 3,8
milljarða króna til að einhver
hagnaður sé af henni.
Kvikmyndin segir frá þriðja
flokks lagahöfundum, þeim Ro-
ger og Clarke, sem þeir Beatty og
Hoffman leika. Þeir semja og
flytja vellulega ástarsöngva og
þykja ekki eftirsóttir skemmti-
kraftar. Umboðsmanni þeirra
tekst að útvega þeim samning í
Marókkó í tíu vikur. Þangað
komnir lenda þeir félagar í mikl-
um ævintýrum í eyðimörkinni og
er CIA, KGB, arabískir byltinga-
sinnar og forkunnarfagur skæru-
liði, sem Isabelle Adjani leikur,
viðriðin þá flækju, sem vitaskuld
gefur stefnt friðinum í hættu og
valdið trúarbragðastyrjöld á
svæðinu.
Bæði Warren Beatty og Dustin
Hoffman fá góða dóma fyrir leik
sinn og fyrsti hálftími kvikmynd-
arinnar, sem gerist í New York
þykir frábær, enda er leikstjórinn
og handritahöfundurinn Elanie
May á heimavígvelli þar.
Hver á að ráða?
Það er Columbia sem stendur á
bakvið gerð myndarinnar. Þeir
vildu að eyðimerkuratriðin yrðu
tekin upp f Bandaríkjunum en
bæði leikstjóri og leikarar
heimtuðu að fá að fara til Afríku
og þau höfðu vilja sinn í gegn.
Ástæðan fyrir því að Columbia
vildi að upptökurnar yrðu gerðar
heimafyrir var ekki bara pening-
aspursmál. Vissulega óttuðust
þeir að kostnaðurinn færi langt
fram úr áætlunum þarsem bæði
leikstjórinn og aðalleikararnir
eru þekkt fyrir að horfa aldrei í
kostnaðinn. Þá óaði mönnum
mjög við því að bæði Hoffman og
Beatty hafa fengist við leikstjórn
og óttuðust að þeir myndu kaf-
sigla Elaine May. Var haft á orði
að öll þrjú myndu eiga lokaorðið
og fá að ráða síðustu klippingu
(final cut). Kæmust þau ekki að
samkomulagi færi fram lýðræðis-
leg kosning þar sem meirihlutinn
réði. I þriðja lagi þótti ekki ráð-
legt að þetta tríó, sem tilheyrir
dýrasta og eftirsóttasta vinnu-
kraftinum í Hollywood væri á
flakki einhversstaðar í Sahara-
eyðimörkinni. Hvað ef eitthvað
kæmi fyrir?
Stjörnurnar fengu samt vilja
sínum framgengt og mun þar hafa
ráðið mestu að þær höfðu í hót-
unum við Columbiu að snúa sér
til samkeppnisaðila þeirra ef þau
fengju ekki að gera kvikmyndina
eftir eigin höfði.Tökur á mynd-
inni hófust í Marrakesh í október
1985. Sama dag gerði her ísrael
loftárás á Túnis. Þá streymdi kalt
vatn milli skinns og hörunds pen-
ingamannanna í Hollywood en
kvikmyndahópurinn var aldrei í
neinni hættu, enda gætti hinn
konunglegi lífvörður hans.
Hárin áttu þó eftir að rísa á
höfði þeirra sem unnu við kvik-
myndina í Afríku. Svæðið sem
upptökurnar fóru fram á hafði
ekki alls fyrir löngu verið vígvöll-
ur átaka milli hers Marokkó og
Polisaro skæruliða. Skyndilega
birtist marókanskur hershöfðingi
og hrópaði til hópsins: „Haldið
kyrru fyrir þar til svæðið hefur
verið hreinsað, það eru jarð-
sprengjur út um allt hér.“ Þá
fölnuðu ofurhugarnir enda höfðu
þau spásserað fram og aftur um
svæðið í þrjá daga.
Þegar myndin var loksins tilbú-
in til sýningar og blaðamönnum
hafði verið boðið til forsýningar
þá ræddi enginn um ágæti hennar
né heldur gallana. Það eina sem
komst að var kostnaðurinn.
Þrátt fyrir það er Ishtar langt
því frá að vera dýrasta kvikmynd
sem framleidd hefur verið en hún
er hinsvegar dýrasta grínmyndin.
Það hefur viljað loða við grín-
myndir að þær eiga að kosta sem
minnst þó svo að oft á tíðum sé
aðsóknin einna mest að þeim.
Menn spyrja sig þeirrar spurn-
ingar hvort kostnaðurinn skipti
áhorfandann einhverju máli.
Væri hann eitthvað ánægðari að
sýningu lokinni ef myndin hefði
verið ódýrari? Nægir honum ekki
að geta hlegið upphátt nokkrum
sinnum í bíósalnum?
Er það kannski svo að allt megi
kosta nema hláturinn? Gagnrýn-
endur eru að minnsta kosti sam-
mála um að samleikur þeirra
Dustin Hoffmans og Warren Be-
attys sé vel bíómiðans virði; að
sjá Hoffman syngja „Stranger in
the night“ og gera misheppnaða
tilraun til að líkja eftir hreyfing-
um Frank Sinatra sé vel auranna
virði; að sjá Warren Beatty sem
aumkunarverðan, uppblásinn,
misheppnaðan kvennabósa í næt-
urlífi New York sé ekki að kasta
peningum á glæ.
-Sáf/American film,
Newsweek, Time
12 SÍÐA - ÞJÓÐVILJINN Sunnudagur 24. maí 1987