Þjóðviljinn - 31.12.1987, Blaðsíða 12
Úlfar Jónsson náði glæsilegum ár-
angri á árinu og er tvímælalaust besti
golfmaður íslands þrátt fyrir ungan
aldur. Hann er með lægstu forgjöf
sem Islendingurhefurnáð. Hann
sigraði á landsmótinu í golfi á Akur-
eyri um Verslunarmannahelgina og
var í landsliði Islands sem hafnaði í
14. sæti á Evrópumeistaramótinu í
Austurríki. Með því náði ísland því að
verða B-þjóð að nýju eftir sex ár sem
C-þjóð. Mynd:K.E.
Haukur Gunnarsson setti heimsmet
á árinu í 100 metra hlaupi í flokki
spastiskra, hljóp á 12.8 sekúndum.
Haukur vann til þrigja gullverðlauna á
Evrópumeistaramóti félagsliða og
var kjörinn íþróttamaður ársins úr
röðum fatlaðra. Mynd.E.ÓI.
OL-lið Islands náði frábærum árangri
í undankeppni Olympíuleikanna í
knattspyrnu. Þeir töpuðu fyrir ítalíu 0-
2 og Portúgal 1 -2 á útivelli, en sigruðu
A-Þjóðverja 2-0 og gerðu jafntefli
gegn Hollendingum 2-2. Á myndinni
sést Guðmundur Torfason skora
annað mark íslands í leiknum, en
hann skoraði þau bæði úr vítaspyrnu.
Mynd:E.ÓI.
Njarðvíkingar höfðu mikla yfirburði í
körfuboltanum og sigruðu þrefalt.
Þeir sigruðu Val í úrslitum Bikar-
keppninnarog í úrslitaleiknum um ís-
landsmeistaratitilinn. Valur Ingi-
mundarson átti stóran þátt í þessu,
en hann lék mjög vel, auk þess að
þjálfa liðið. KR sigraði í 1. deild
kvenna og í bikarkeppni meistara-
flokks kvenna. Mynd:E.ÓI.
Víkingar tryggðu sér Islandsmeist-
aratitilinn í handknattleik þegar þrjár
umferðir voru eftir af íslandsmótinu.
Á myndinni hampar Guðmundur
Guðmundsson, fyrirliði Víkings, is-
landsbikarnum. Haukar og Ármann
féllu í 2. deild, en |R og Þór komu í
þeirra stað. Víkingar náðu einnig
mjög góðum árangri í Evrópukeppni.
Komust f 8-liða úrslit, en töpuðu fyrir
Gdansk, eftir að hafa gert jafntefli í
fyrri leiknum. Þeir eru nú komnir í 8-
liða úrslit að nýju og mæta CSKA-
Moskva f febrúar. Mynd:E.ÓI.
Alfreð Gíslason varð v-þýskur
meistari með liði sínu Essen. Hann er
talinn einn af bestu leikmönnum
Bundesligunnar og lykilmaður í liði
Essen. Hann er á heimleið og mun
leika með KR næsta keppnistímabil.
Á þessari mynd skorar Alfreð með
íslenska landsliðinu, en þar lék hann
stórt hlutverk. Kristján Arason stóð
sig einnig mjög vel með liði sínu
Gummersbach og er talinn meðal
bestu leikmanna heims. Stórskyttan
frá Suður-Kóreu, Kang, telur Kristján
vera bestu vinstrihandarskyttu í
heiminum. Mynd:E.ÓI.
Við sendum starfsfólki okkar, viðskiptavinum
og landsmönnum öilum óskirum farsælt komandi
ár með þökk fyrir samstarfið á iiðnum árum.
EIMSKIP