Þjóðviljinn - 30.01.1990, Blaðsíða 7
VIÐHORF
Heill og sæll Ólafur Ragnar
Grímsson.
Mig langar að biðja Þjóðvilj-
ann fyrir bréf til þín, nú á nýj u ári,
ef hann vill svo vel gera. Hug-
myndin að þessum bréfaskriftum
kviknaði við það, að ég fór að
glugga í Heimskringlu Snorra
gamla hér á dögunum. Rakst ég
þá meðal annars á hina bráð-
skemmtilegu og lærdómsríku frá-
sögn af því er Sighvatur skáld
Þórðarson frá Apavatni þrumaði
sínar Bersöglisvísur yfir hausa-
mótunum á Magnúsi Ólafssyni
Noregskóngi, sem urðu til þess
að kóngur sá tók bersögli Sig-
hvatar til greina, í stað þess að
láta höggva hann á staðnum,
breytti stjórnarháttum sínum til
hins betra, og hlaut af því
auknefnið hinn góði, sem hann
ber enn í sögunni. Kom mér í hug
hvort sumir smákóngar nútímans
hefðu ekki gott af bersögli frá til
dæmis einum sinna þegna. Og því
skrifa ég þér þetta bréf. Þú ert
nýkominn til valda í Alþýðu-
bandalaginu. Þú ert einsog stend-
ur minn kóngur. Gildir hér einu
þótt ríki þitt sé öllu fámennara en
ríki Magnúsar góða, og eins að ég
sé enginn snillingur á borð við
Sighvat Þórðarson, enda flyt ég
ekki mína bersögli í dýrt kveðinni
drápu, heldur ósköp hversdags-
legu sendibréfsformi.
Þá er fyrst til að taka, að eigi
hafðir þú lengi að völdum setið er
þér barst tilboð um að þú og þínir
menn gengju inn í nýja ríkisstjórn
á íslandi sem tveir smákóngar
hugðust stofna í snatri. Einn var
galli á ráðagerð þessara kónga,
að þriðja aðila þurftu þeir að fá í
kompaníið. Að öðru leyti var allt
til reiðu og í föstum skorðum,
stefnumörkun og þessháttar, þar
fengir þú engu um breytt. Og að
auki: frestur til að svara þessu til-
boði var þér og þínum mönnum
nær enginn gefinn af smákóngum
þessum. Helst var á þeim að
skilja að ef fyrirætlun þeirra næði
ekki þegar að ganga fram færi allt
til helvítis í þessu landi að morgni
næsta dags. Það vakta undrun
okkar, þegna þinna, hversu ákaft
þú sóttir það við þína menn, að
svara tilboði þeirra játandi með
þessum skilmálum. Óg þú hafðir
Bersögli
Starri í Garði skrifar opið bréf til Ólafs Ragnars
þitt fram. Þá varð þegar nokkur
kurr í liði bænda, þ.e. liðsmanna
Alþýðubandalagsins. Og maður
spurði mann: Erhann ekki helstil
skjótráður, hinn nýi konungur
vor? En ákafi þinn í þessu máli
átti eftir að skýrast nokkuð innan
tíðar.
Að baki jólum, um það leyti
sem jólasveinar voru snúnir til
síns heima, labbaðir þú þig á
Vesturgötuna til fundar við fóst-
bróður þinn, Jón Baldvin Hanni-
balsson. Svo virðist sem þið
svarabræður, sem báðir töldust
kóngar yfir sínu ríki, telduð að
þið ættuð þegna ykkar með húð
og hári, svo sem títt var um forn-
kónga hér áður. Og þar sem þið
voruð, fóstbræður, sammála í
einu og öllu er að stjórnvisku
laut, ákváðuð þið að rugla saman
reitunum, öllu þessu eignagóssi,
og mundu þá engir fá rönd við
reist ykkar valdi í íslenskri pó-
litík. Þetta fagnaðarerindi þurfti
að kunngera öllum lýðnum hið
bráðasta.
Og nú lögðuð þið í jafnvel lífs-
hættuleg ferðalög vítt og breitt
um Iandið til fundahalda, og var
ekkert til sparað í auglýsingum.
Nú tókuð þið við af jólasveinun-
um, með þeirri breytingu þó, að
koma ykkar var ætluð fullorðn-
um en ekki börnum. Svo virðist
sem fundir þessir hafi mest líkst
sirkussýningum og þótt allgóð
skemmtun. í það minnsta var
hlegið að ykkur um allt land.
Ekki minnkaði kurr í liði bænda
þinna, nema síður væri. Þegnun-
um fellur það aldrei vel að kóng-
ur þeirra geri sig hlægilegan.
Næst er að minnast ræðu
þeirrar stórfurðulegrar er þú
fluttir við eldhúsdagsumræður á
Alþingi. Aldrei höfum við heyrt
jafti hástemmdan ástaróð, lof-
gjörð og þakkaróð, sem þú þá
fluttir samráðherrum þínum og
þeirra flokkum. Maður fór helst
að halda að hér væri um að ræða
hóp heilagra manna. Svo guð-
dómlegir menn hlutu að vera fær-
ir til þess að leiða þjóðina til fyrir-
heitna landsins. Þá varð mér
óglatta, Ólafur, og er mér þó ekki
klígjugjarnt. Svo fór fleirum, að
þeim sló fyrir brjóst. Hvað hyggst
kóngur vor nú fyrir? spurðu
bændur.
Margoft lýstir þú því yfir með
sterkum orðum í ræðu og riti, að
með tilkomu þessarar ríkisstjórn-
ar væru orðin gagnger þáttaskil í
íslensku stjórnarfari. Hvað áttir
þú við? Var þegar búið að ganga
af frjálshyggjupólitík íhaldsins
endanlega dauðri? Var verið að
brjóta niður það kapítalíska
kerfi, sem íhaldið var að byggja
upp á Viðreisnarárunum með
dyggri aðstoð kratanna í tólf ár?
Var sósíalísk bylting að skella yfir
okkur? Ónei, enginn hefir orðið
þess var. Ef íhaldið tæki við
stjórnartaumunum á morgun
gæti það gengið að kerfi sínu og
kratanna óskemmdu. Núverandi
krata-Jónar sjá til þess að það
verði ekki fyrir meiðingum.
Næst er þá að staldra við lands-
fund Alþýðubandalagsins í nóv-
ember. Þar kom strax í ljós að þú
ætlaðir að knýja fram fullgildingu
á jólasveinaboðskap ykkar fóst-
bfæðra, sem fælist í inngöngu
flokks okkar í alþjóðabandalag
krata. Annað álíka ósvífið var að
flökkurinn dragi lokur frá hurð-
um í stóriðjumálunum. Það var
auðvitað að kröfu þeirra krata-
Jóna, annars gat jólasveinaboð-
skapurinn ekki orðið að veru-
leika. Þetta tókst þér að nokkru,
illu heilli, og var þar með troðið á
þeirri stefnumörkun flokksins,
studdri gildum rökum, sem er í
fullu gildi enn í dag. Þessi stefnu-
mörkun var tekin áður en þú fórst
að kalla til ríkis yfir okkur, Al-
þýðubandalagsmönnum, ég held
helst þú hafir verið kenndur við
Möðruvelli þegar það skeði,
kannski telst hún ógild af þeim
sökum. Nú var mörgum nóg boð-
ið og var mikill kurr í liði bænda á
þeim fundi.
Svo komu áramót. Boðskapur
þinn í Þjóðviljanum af því tilefni
var aldeilis dæmalaus. Miklir at-
burðir höfðu gerst í Austur-
Evrópu um þessar mundir. Þeir
virtust hafa haft þau áhrif á þig,
að þú tylltir ekki svo mikið sem tá
á jörðina. Lenínisminn er búinn
að vera! Kommúnisminn endan-
lega liðinn undir lok! Lýðræðið
hefir sigrað! Styrjaldarhætta
endanlega úr sögunni! Sósíalismi
skal héreftir vera bannorð! Og
svona áfram endalausar upp-
hrópanir og staðhæfingar. Ekki
var nú beðið eftir því að púður-
reyk þessara atburða svifaði ögn
frá, svo ratljóst yrði, betur hægt
að ná áttum á hver þróunin kynni
að verða að loknum fyrsta þætti
þessara atburða. Æ, nei, það lá
svo mikið á.
Eftir að allt þetta sem þú taldir
;heyra sögunni til, ja, þá var ekk-
■ert eftir nema blessuð jafnaðar-
stefnan, kratisminn. Og það sem
mikilsverðast var, þið fóstbræð-
ur, þú og Jón Baldvin, voruð sig-
urvegarar, hetjur dagsins! Nú er
öllum hindrunum úr vegi rutt, nú
látum við fóstbræður ríki okkar
renna saman í eitt! Þetta var nú
eiginlega inntakið í nýársboð-
skap þínum. Síðan koma stað-
hæfingar um að enginn stefnu-
munur sé á milli sósíalisma og
kratisma og hafi aldrei verið, allt
misskilningur. Báðira stefni að
sama marki, jöfnuði meðal jarð-
arbúa o.s.frv. Látum svo gott
■ heita.
■ Sósíalistar töldu frumskilyrði
þess að svo mætti verða, að kapít-
alismanum, auðvaldsskipulaginu
væri komið fyrir kattarnef. Að-
!eins þannig yrði markinu náð.
:Kratar hinsvegar, jafnaðarmenn
einsog þið fóstbræður viljið kalla
ykkur, hafa fyrir löngu sæst við
auðvaldið, lofað því að hafa
lyklavöldin í grundvallaratriðum
og það þótt kratisminn hefði
meirihluta á þjóðþingum, mynd-
uðu einir ríkisstjórn. Jöfnuður-
inn hefir þá orðið eftir því, í
skötulíki. Þetta er nú í stórum
dráttum sá grundvallarstefnu-
munur, sem er á milli A-
flokkanna íslensku. Það breytir
, engu um það þótt þeir í austrinu
hafi klúðrað hörmulega sínum
sósíalisma. Merkið stendur þótt
maðurinn falli. Þetta veistu nú
auðvitað allt, Ólafur, enda ertu
ekki prófessor í stjórnvísindum
út á ekki neitt. Samt talar þú
svona. Það sæmir þér ekki, kon-
ungur, mundi Sighvatur sagt
hafa.
Ég enda svo mína bersögli eins
og Sighvatur forðum, með því að
vara þig við. Nú er slíkur kurr í
liði bænda, að allt stefnir til sam-
blásturs gegn konungi. Haldir þú
uppteknum hætti gerist annað
tveggja: Að þú verðir afhrópaður
sem kóngur, eða að ríki þitt liðist
í sundur. Eitt er víst: Þú kemst
aldrei með ríki þitt í heilu lagi inn
í kompaní ykkar fóstbræðra. Nú
er bara að sjá hvort þú bregst við
bersöglinni á sama hátt og Magn-
;. ús hinn góði, og hlytur þá að
launum auknefnið Ólafur hinn
góði, eða Ólafur helgi.
Það mun sýna sig á þessu nýja
ári.
: Kveð þig svo að sinni,
17. jan. 1990
Starri í Garði
„Eitt er víst: Þú kemst
aldrei með ríki þittí ■ x ' '•Jrjj
heilu lagi inn í kom- Wt 1 - Pjm
paní ykkarfóst-
bræðra“ H§ ;jM
¥ — Æ
ER1. FEBRÚAR
INNI í MYNDINNI
HJÁÞÉR?
Nœsti gjalddagi húsnœðislána er 1. febrúar.
Gerðu ráð fyrir honum í tœka tíð.
16. febrúar leggjast dráttarvextir á lán með lánskjaravfsitötu.
1. mars leggjast dráttarvextir á lán með bygginganfísitölu.
Gjalddagar húsnœðislána eru:
1. febrúar- 1. maí - 7. ágúst- 7. nóvember.
Sum lán hafa fjóra gjalddaga á ári, önnur aðeins einn.
SPARAÐU ÞÉR ÓÞARFA ÚTGJÖLD AF DRÁTTARVÖXTUM
OG HAFÐU ALLTAF NÆSTU GJALDDAGA INNI í MYNDINNI.
Æ HÚSNÆÐISSTOFNUN RÍKISINS
LJ SUÐURLANDSBRAUT 24 • 108 REYKJAVÍK • SÍMI 696900