Þjóðviljinn - 24.07.1990, Side 12
Árni Páll Einarsson,
sölumaður:
Já, með öðrum mat, en ekki ein-
tómt.
■SPURNINGIN-
Boröarðu grænmeti?
Þröstur Ingvason,
sjómaður:
Einstaka sinnum en ég hef aldrei
talið það hollt.
Þórir Björnsson,
sjómaður:
Já, svona í flestum tilfellum með
öðrum mat.
Björn Jónsson,
barþjónn:
Nei, ég er úr sveit og þar sem að
beljur borða grænmeti borða ég
það ekki. Menn eiga ekki að
borða það sama og dýr. Menn
eiga að borða dýr.
Kristjana Stefánsdóttir,
söngnemi:
Jahá, á hverjum degi því það er
svo gott fyrir meltinguna. Þeir
sem eru með meltingartruflanir
ættu að éta grænmeti.
Alþingi samþykkti í fyrra fimm ára áætlun um uppbyggingu Bessastaða. Nú hyllir undir að framkvæmdum við Bessastaðastofu Ijúki.
Myndir: Jim Smart. r-.ii,
Endurbœtur
Bessastaðastofa sem ný
Guðmundur Jónsson: Endurbyggingin hefurgengið vel. Stefntaðþví
að Ijúka viðgerðum í haust
h að er styfnt að því að embætti
* forseta Islands fái Bessastaða-
stofu til afnota í nóvember. Fram-
kvæmdir hér hafa gengið vel,
sagði Guðmundur Jónsson verk-
stjóri hjá ístak en hann hefur haft
umsjón með endurbyggingu
Bessastaðastofu frá því fram-
kvæmdir hófust í september i
fyrra.
- Húsið var í raun miklu verr
farið en ráðmenn höfðu gert ráð
fyrir. Það má segja að við höfum
endurbyggt húsið að miklu leyti.
Burðarvirkið, eins og sperrur í
þaki hússins, var gersamlega
ónýtt vegna fúa og í raun var það
orðið spurning hvenær þakið
myndi hrynja. Það sama má segja
um veggi hússins sem hlaðnir
voru úr grágrýti og límdir með
kalki. Þessir veggir voru allir
meira og minna sprungnir vegna
raka sem hefur komist í þá.
Við alla endurgerð hússins hef-
ur verið reynt að fylgja uppruna-
legri gerð þess. Þannig var kvist-
ur á framhliðinni nú endurgerður
úr sama efni og sjálft húsið. Einn-
ig var stór kvistur, sem sneri út í
húsagarðinn, fjarlægðurogminni
kvistir settir í staðinn, sagði Guð-
mundur, og bætti við að þeir
endurnýttu allt það timbur sem
hægt var úr húsinu. Það sem þurf-
ti til viðbótar var pantað frá
Þýskalandi úr sama skógi og
timbur í Bessastaðstofu kom
upphaflega frá.
Einn nýju kvistanna sem settur hefur verið á Bessastaðastofu.
Guðmundur sagði að gerð
hefði verið rannsókn á öðrum
húsakosti á Bessastöðum með
hliðsjón af hvort rífa ætti þau hús
eða endurgera. Hann sagði að
líklegast yrð húsin, sem stæðu
austan og vestan megin við
Bessastaðastofu, rifin þar sem
skoðun á þeim hefði leitt í ljós að
þau væru það illa farin að ekki
tæki því að endurgera þau.
Alþingi samþykkti í fyrra
fimm ára áætlun um endurreisn
Bessastaða, bæði hvað varðar
jörð og húsakynni. Guðmundur
sagði að forsætisráðuneytið ætti
eftir að taka ákvörðun um fram-
haldið. Nú þegar er tilbúin áætl-
un um byggingu í beinu framhaldi
af móttökusal sem reisur var við
Bessastaðastofu árið 1941. í þess-
ari nýju byggingu er fyrirhugað
aðsetja upp borðstofu, gamla
borðstofan sem er á staðnum rú-
maði aðeins nítján manns í mat.
Varðandi aðrar byggingar-
framkvæmdir er gert ráð fyrir að
reist verið þjónustuhús sem á að
hýsa eldhús og aðstöðu fyrir
starfsfólk. Einnig væri á áætlun
að norðan megin við húsagarðinn
verði reist hús fyrir forsetann, en
samkvæmt lögum um embætti
forseta íslands er gert ráð fyrir að
hann búi á Bessastöðum, en að
sögn Guðmundar hefur Vigdís
ekki búið þar undanfarin ár
vegna slæms ástands húsakynn-
anna á þessum sögufræga stað.
-*g