Dagblaðið Vísir - DV - 31.01.1996, Blaðsíða 9

MIÐVIKUDAGUR 31. JANÚAR 1996
23
Skattar
Kaup og sala eigna:
Söluhagnaður og sölutap
Þeir sem hafa keypt eða selt eign-
ir á árinu verða að fylla út eyðu-
blaðið Kaup og sala eigna. Seljandi
verður að sýna útreikning sölu-
hagnaðar eða sölutaps. Hann verður
einnig að gera grein fyrir skatta-
legri meðferð söluhagnaðar eða
taps. Hann getur borið fram ósk um
frestun skattlagningar eða dreifingu
söluhagnaðar.
Ef seljandi fær hluta söluverðs
greitt í skuldabréfum til að minnsta
kosti þriggja ára er leyfilegt að
dreifa jafnstórum hluta af söluhagn-
aði eftir afborgunartíma skuldabréf-
anna á framtöl næstu gjaldára þó að
hámarki í sjö ár. Söluhagnaðurinn
er þá framreiknaður samkvæmt
verðbreytingarstuðli frá söluári til
þess árs þegar hann er tekjufærður
hverju sinni.
Skattskyldur
söluhagnaður
Söluhagnaður eigna er yfirleitt
skattskyldur án tillits til þess
hversu lengi seljandi hefur átt eign-
ina. Hagnaður af sölu íbúðarhús-
næðis er mismunur á söluverði og
stofnverði. Frá söluverði má draga
sölukostnaðinn og stofnverð er
framreiknað með verðbreytingar-
stuðli. Þrennt getur haft áhrif til
lækkunar stofnverðs; áður fenginn
söluhagnaður, innlausn af húsnæð-
issparnaðarreikningi og skattfrjáls
eigin vinna.
Hagnaður af sölu íbúðarhúsnæðis
er skattfrjáls hafi eigandi átt eign-
ina í fimm ár eða lengur. Ef seljandi
hefur átt íbúðina skemur en í fimm
ár er söluhagnaður skattskyldur. Þó
er hægt að komast hjá skattlagn-
ingu með því að láta söluhagnaðinn
ganga til lækkunar á stofnverði á
nýju íbúðarhúsnæði. Til þess þarf
að kaupa eða hefja byggingu í sið-
asta lagi á öðru ári eftir sölu. Sé
verð nýja húsnæðisins lægra en
söluhagnaðurinn færist mismunur-
inn til tekna á kaupári nýrrar eign-
ar.
Lausafá
og hlutabráf
Nokkrar undantekningar eru þó á
skattskyldu söluhagnaðar. Hagnaður af
sölu lausafjár, sem ekki er notað í at-
vinnurekstri, er skattfrjáls hafi éigandi
ekki aflað eignanna til þess að selja þær
með hagnaði.
Hagnaður af sölu hlutabréfa getur
verið -skattfrjáls að ákveðnu marki. Fé-
lagið sem hlutabréfin voru keypt í verð-
ur að vera staðfest hjá ríkisskattstjóra,
hlutabréfin verða að vera keypt árið
1990 eða síðar og hafa verið í eigu selj-
anda í fjögur ár.
-em
Verktakagreiðslur:
Skýr munur á
launum og
rekstrartekjum
Ekki er alltaf jafn einfalt að gera
skattaskýrluna fyrir alla. Algengt er
orðið í þjóðfélaginu að fólk sé ekki
fastráðið á vinnustöðum heldur séu
svokallaðir verktakar eða rekstrar-
aðilar. Þá þarf fólk sjálft að sjá úm
að borga skatta sína. DV hafði sam-
band við endurskoðandann Ólaf
Nilsson hjá endurskoðendaskrifstof-
unni KPMG til þess að spyrja hvað
verktakar þyrftu að hafa í huga við
útfyllingu framtalsins.
„Verktakar þurfa að gera rekstr-
arreikning því þeir eru rekstrarað-
ilar. Greinarmunur er gerður á
launum og atvinnurekstrartekjum.
Launamenn teija fram sín laun og fá
ekki frádrátt á móti nema lífeyris-
sjóðsgjöldin sem eru komin aftur.
Verktakarnir eru rekstraraðilar og
sá rekstrarkostnaður sem sannan-
lega gengur til öflunar tekna þeirra
ætti að vera frádráttarbær til
skatts,“ segir Ólafur.
Að sögn Ólafs er talsverður mun-
ur á skattframtölum almennra
launamanna annars vegar og
rekstraraðila hins vegar. Rekstrar-
aðilar verða að gera sér grein fyrir
að þeir þurfa að hafa gögn um það
sem á skýrsluna fer, bæði tekjur og
gjöld. Endurskoðendaskrifstofan
KPMG hefur aðstoðað bæði einstak-
linga og fyrirtæki við gerð framtals-
ins og að sögn Ólafs vefjast vaxta-
gjöldin oftast mest fyrir fólki.
körfuna. Þannig getur þú betur varið eignir þínar gegn verðbólgu, vaxtabreytingum og gengis-
fellingum. Skynsamleg eignadreifmg veitir sparifé þínu traustari vernd og eykur ávöxtunarvon.
Landsbréf hf. bjóða mikið úrval fjárfestingakosta og við veitum þér ráðgjöf og aðstoð við að
finna þá eignasamsetningu sem hentar þér best.
Dœmi um trausta eignadreifingu sem veitir góða vernd og ávöxtunarvon:
1/3 Spariskírteini - traust kjölfesta sparnaðar til 5 ára, verðtryggð
1/3 Ondvegisbréf- 7,7% raunávöxtun á ári síðastliðin 5 ár, alltaf innleysanleg
1/3 Myntbréf- góð vörn gegn gengisfellingum, alltaf innleysanleg
100% ríkistryggt 100% eignaskattsfrjálst
Þú getur innleyst oggert tilboð i ný spariskirteini hjá okkur
Leitaðu til ráðgjafa Landsbréfa og umboðsmanna í öllum útibúum Landsbanka Islands
ogfáðu upplýsingar um hvemig eignadreifing getur aukið vemd og ávöxtun fjárfestinga þinna.

V
fl
4;atta#v^
, LANDSBRÉF HF.
SUÐURLANDSBRAUT 2 4, 1 1 8 REYKJAVÍK, S 1 M 1 5 8 8 9 2 0 0
1
-em