Dagblaðið Vísir - DV - 23.09.1999, Blaðsíða 4
22
FIMMTUDAGUR 23. SEPTEMBER 1999
Sport
Blcmd í noka
Enska B-deildar liðió Sheffield
United vill fá Georgiumanninn Ge-
* orgi Kinkladze til liðs við sig.
Kinkladze lék með Manchester City
áður en hann gekk i raðir Ajax í
Hollandi. Þar hefur honum ekki tek-
ist að komast í liðið og forráðamenn
Sheffield hafa sett sig i samband við
kollega sína hjá Ajax með það fyrir
augum að fá hann að láni út leiktíð-
ina.
ítalska A-deildar liðið Bari hefur
mikinn áhuga á að fá Norðmanninn
Tore André Dahlum til liðs við sig.
Leikmaöurinn hefur mikinn áhuga á
þvi að fara en forráðamenn Rosen-
borgar hafa ekki tekið vel í það.
Tottenham hyggst gera aöra tilraun
til að krækja í
Norðmanninn
Ole Gunnar Sol-
skjcer hjá Man;
chester United. f
fyrra hafnaði
Solskjær sjálfur
að fara til Tott-
enham og bauð
þá Lundúnafé-
lagið 5,5 milljónir punda í leikmann-
inn. Þaö er aldrei að vita hvemig
Norömaðurinn myndi taka öðru til-
boöi núna.
Þœr gleóifréttir berast frá Anfield
Road að Dietmar Hamann sé búinn
að ná sér af meiðslum og leiki líklega
gegn Everton á mánudaginn kemur.
Hann meiddist í fyrsta leiknum í
deildinni.
Derby og Watford berjast um Brasil-
íumanninn Marcelo hjá Sheffield
United en hann átti í viðræðum við
bæði félögin í gær sem vantar tilflnn-
anlega sóknarmann.
Þaðfer senn aö líða að þvi að David
Seaman, markvörður Arsenal, verði
klár í slaginn á nýjan leik. Seaman
lék með varaliðinu gegn Crystal
Palace í fyrrakvöld og komst vel frá
sínu. Seaman meiddist gegn franska
liðinu Monaco á undirbúningstíma-
bilinu.
Frakkinn
Nicolas Anelka
meiddist á hné í
leik Real Madrid
og Molde í fyrra-
kvöld og verður
hann frá i 2 vik-
ur. Anelka hefur
ekki gengiö sem
skyldi á Spáni og á enn eftir að skora
mark fyrir Madridarliðið.
Afturelding og FH mætast i meist-
arakeppni HSI að Varmá í kvöld
klukkan 20. Afturelding varð íslands-
og bikarmeistari á síðustu leiktíð eft-
ir aö vinna FH-inga i úrslitaleik á
báðum vígstöðvum. Þessi sömu félög
eigast svo við í 1. umferð fslands-
mótsins sem hefst á miðvikudaginn í
náestu viku.
Manchester United vill ásamt
ítalska liðinu Parma krækja í ítalska
táninginn Enzo Maresca sem leikur
með WBA. Forráðamenn WBA hafa
hingað til ekki ljáð máls á því að selja
Maresca en í fyrra hafnaði félagið 280
milljóna króna tilboði ,frá Lazio.
United bauð ieikmanninum að koma
til Old Trafford siðastliðið sumar en
hann valdi frekar að fara til WBA til
að öðlast reynslu og fá að spila.
Sigurbjörn Hreiöarsson og Krist-
inn Lárusson deildu með sér titlin-
um leikmaður ársins hjá úrvalsdeild-
arliði Vals í knattspymu. Hjörvar
Hafliðason markvörður var valinn
efnilegasti leikmaður liðsins.
Everton féll óvænt út úr enska
deildabikarnum í knattspyrnu í gær
með 0-1 tapi gegn C-deildar liði Ox-
ford á heimavelli. Coventry er einnig
úr leik, vann reyndar Tranmere, 3-1,
en réð ekki við 1-5 forskot B-deildar
liðsins úr fyrri leiknum.
Úrslit i deildabikarnum í gærkvöld,
samanlögð úrslit í svigum:
Blackburn - Portsmouth .. 3-1 (6-1)
Bristol City - Nottingham F. 0-0 (1-2)
Coventry - Tranmere.....3-1 (4-6)
Derby - Swansea..........3-1 (3-1)
Everton - Oxford.........0-1 (1-2)
Leicester - Cr. Palace..4-2 (7-5)
Reading - Bradford ......2-2 (3-3)
(Bradford áfram á útimörkum)
Sheffield Wed. - Stoke .... 3-1 (3-1)
Enskum stuðningsmönnum Her-
manns Hreióarssonar og Brentford
sem ætla á leik Frakklands og íslands
í París í næsta mánuði fjölgar enn.
Samkvæmt fréttum frá forsprakka
ferðarinnar hafa nú yftr 50 manns
bókað sig í ferðina og þeir hafa feng-
ið vilyrði fyrir því að hitta Hermann
eftir leikinn.
-JKS/GH/VS
I>V
Styttist í það að Eyjólfur Sverrisson verði klár í slaginn:
férð uppi í stúkunni
- árangur Herthu Berlín í meistaradeildinni mun betri en menn þorðu að vona
Nú þegar tveimur umferðum er
lokið i meistaradeild Evrópu í
knattspymu hefur framganga Hert-
hu Berlín vakið hvað mesta athygli.
í fyrrakvöld lagði liðið Chelsea á
ólympíuleikvanginum í Berlín og
gefur það nokkuð góða mynd af
styrk liðsins. Á sama tíma og allt
leikur í lyndi í evrópsku deildinni
hefur liðinu ekki gengið sem skyldi
í deildinni heima fyrir en þar hefur
því ekki tekist að sýna almennilega
hvað í því býr.
Maður hefur komið í manns
stað
Oft er sagt að maður komi í
manns stað og það á vel við Herthu
Berlín þessa dagana en mikil
meiðsli hafa hrjáð leikmenn, alls 11
leikmenn eru á sjúkralista liðsins.
Þrátt fyrir þennan langa lista er lið-
ið að leika mjög góða knattspyrnu.
Eyjólfur Sverrisson er einn þeirra
sem gengið hefur í gegnum meiðsli
en hann gekkst fyrir um þremur
vikum undir aðgerð á liðþófa í hné.
Eyjólfur leikur stórt hlutverk í
vöminni hjá Herthu Berlín og sagði
þjálfari liðsins að hans yrði sárt
saknað þegar ljóst varð að aögerðin
varð ekki umflúin.
Eyjólfur sagði í spjalli við DV það
mun erfiðara hlutverk að horfa á
leikina úr stúkunni heldur en að
vera inni á vellinum sjálfum.
„Þetta kom berlega í ljós í leikn-
um gegn Chelsea en þá var hjartað
á fullri ferð allan tímann, spenning-
urinn var slíkur.
„Það verður að segjast eins og er
að árangur liðsins í meistaradeild
Evrópu er mun betri en menn þorðu
að vona fyrirfram og eins þegar
höfð era í huga meiðsli á leikmönn-
um. Viðureignin gegn Chelsea var
geysilega erfið og það var ekki auð-
velt að ljúka þeim leik fyrir mann-
skapinn. Það ríkir að vonum mikil
gleði innan félagsins með árang-
urinn til þessa. Menn eru í raun
hissa þegar þeir sjá að liðið er í
efsta sæti í riðlinum," sagði Eyjólf-
ur.
- Hvað með sjálfan þig. Hvenær
getur þú byrjað að leika á nýjan
leik?
„Ég er allur að koma til en byrj-
aði að hlaupa 1 upphafi vikunnar og
nú er bara spurning hvernig hnéð
bregst við. Það hefur ekki bólgnað
og það er bara vonandi að þetta sé
aílt saman á réttri leið. Læknirinn,
sem skar mig upp, sagði brýnt að ég
færi í þessa aðgerð. Hnéð var búið
að valda mér vandræðum í nokkra
mánuði og ég held að aðgerðin hafi
tekist vel. Ég veit ekki hvenær ég
byrja að leika á ný en það er aldrei
að vita nema maður verði á bekkn-
um þegar við mætum AC Milan á
San Siro-leikvanginum á miðviku-
daginn kemur. Tíminn einn á eftir
að leiða það í ljós.
Verður Eyjólfur klár fyrir
Frakka-leikinn?
íslenska landsliðið mætir heims-
meisturum Frakka í lokaleik und-
ankeppni Evrópumóts landsliða í
París 9. október. Eyjólfur var fjarri
góðu gamni í leikjunum gegn And-
orra og Úkraínu en nú er bara að
vona að landsliðið fái að njóta
krafta hans í París. Það er autvitað
háð því að hann verði búinn að ná
sér af meiðslunum.
Andrúmsloftið innan liðsins
er frábært
- Nú hefur liðið ekki verið að
leika með sama hætti í þýsku deild-
inni. Hvað veldur því, að þínu mati?
„Jú, það er alveg rétt að liðið hef-
ur ekki leikið nógu vel í deildinni
en fyrir því eru eflaust nokkrar
skýringar. Álagið er mikið á leik-
mönnum, leikið er i deildinni heima
á laugardögum og svo taka við
ferðalög í útileikina í meistaradeild-
inni eftir helgamar og leikið síðan á
miðvikudögum. Þetta er krefjandi
og álagið geysilegt þessar vikumar.
í næstu viku horfir þetta allt til bóta
en þá stækkar leikmannahópurinn
þegar menn koma til baka úr
meiðslum. Ég er viss um að við eig-
um eftir að bita frá okkur i deild-
inni heima þegar fram í sækir. And-
rúmsloftið innan liðsins sem utan
þess er frábært og einhugur er
meöal leikmanna liösins," sagði
Eyjólfur Sverrissön. -JKS
■
Eyjólfur Sverrisson í sögulegum leik gegn Frökkum í Reykjavík fyrir rúmu
ári. Það er vonandi að hann verði búinn að ná sér af meiðslum fyrir síðari
leikinn í París þann 9. október.
Todd tók pokann sinn
- Phil Brown tekur tímabundið við stjórn Bolton-liðsins
Colin Todd, knattspyrnustjóri
enska B-deildar liðsins Bolton
Wanderes, sagði upp störfum hjá fé-
laginu í gær að því er talið er í kjöl-
far sölunnar á Dananum Per Frand-
sen til Blackburn Rovers. Um nokk-
urt skeið hafa nokkur lið verið á
höttunum eftir Frandsen en Todd
hefur ætíð staðið gegn þeim áform-
um og talið Frandsen mikilvægan
félaginu.
Þakkaði samstarfið
Það var á morgunæfíngu í gær
sem Todd kallaði leikmenn á sinn
fund og tjáöi þeim að hann væri bú-
inn að segja upp störfum hjá félag-
inu. Þar þakkaði hann leikmönnum
samstarfið og óskaði
þeim góðs gengis í
framtiðinni.
Colin Todd var um
fjögurra ára skeið
knattspymustjóri
Bolton. Liðið var
hársbreidd frá því aö
tryggja sér sæti í
efstu deild á sl. vori
en varð undir í bar-
áttunni gegn Watford.
Það sem af er þessari
leiktíð hefm- gengi
liðsins ekki verið sem
skyldi og sem stendur
er það í fmimta
neðsta sæti. Todd
hafði verið undir
pressu og margir hverj-
ir kröfðust þess að
hann yrði rekinn.
Féiagið skuldsett
„Hann hefur sjálfsagt
verið undir einhverri
pressu. Hann var ekk-
ert hafður með í ráðum
í sölunni á Frandsen en
gengið var frá henni í
fyrrakvöld. Félagið er
skuldsett og það hefur
eflaust verið ein af
ástæðum þess að Dan-
inn var seldur. Gamla
æfingasvæði félagsins
hefur lengi verið til sölu og það var
ekki fyrr en í fyrradag sem það seld-
ist,“ sagði Eiður Smári Guðjohnsen,
leikmaður Bolton, í samtali við DV í
gær.
- Staða liðsins hlýtur að vera óá-
sættanleg?
„Við höfum verið að leika ágæt-
lega en ekki náð að knýja fram úr-
slit í samræmi við það. Við erum
með eitt best spilandi lið deildarinn-
ar en því miður ekki náð að smella
nógu vel saman. Viö eigum heima-
leik gegn Nottingham Forest um
næstu helgi og það er alveg ljóst að
sá leikur verður að vinnast ætlurp
við okkur að verða með í baráttunni
í vetur,“ sagði Eiður Smári. -JKS