Dagblaðið - 23.05.1979, Blaðsíða 28
Kratar káfuðu frum-
varpi Steingríms
—sem gaf sig ásamt Lúðvík seint í gærkvöldi eftir upplausn á þingi
Alþýðuflokksmenn knúðu seint i
gærkvöldi fram, að hið umdeilda
frumvarp Steingrims Hermannssonar
landbúnaðarráðherra um Fram-
leiðsluráð landbúnaðarins og lán
vegna útflutningsuppbóta var tekið
út af dagskrá og verður ekki afgreitt..
á þessu þingi, að sögn alþýðuflokks-
þingmanna i gærkvöldi. Tíndust al-
þýðuflokksmenn þá aftur inn í sal
neðri deildar, en þeir höfðu gengið út
flestir ásamt þorra sjálfstæðismanna
til að mótmæla aðferðum forseta
deildarinnar, Ingvars Gislasonar (F),
við atkvæðagrciðslur, í einu mesta
upphlaupi þingsögunnar.
Samþykkt hafði verið breytingar-
tillaga frá Sighvati Björgvinssyni (A),
almennt orðuð um, að Sexmanna-
nefnd kynnti sér fjárhagslegan vanda
bænda og gerði tillögur til ríkis-
stjórnarinnar, „svo timanlega að
færi gefist á að taka afstöðu til hugs-
anlégrar fjárhagslegrar fyrirgreiðslu”
við afgreiðslu næstu fjárlaga. Þessi
tillaga var samþykkt með 18 at-
kvæðum gegn 15, 3 sátu hjá og 4
voru fjarstaddir. Tillaga Sighvats var
um orðalag á _,,ákvæði til bráða-
birgða” í frumvarpinu. Þá lá fyrir til-
laga frá landbúnaðarnefnd, sem
hófst svo: „Við ákvæði til bráða-
birgða. Aftan viö ákvæðið bætist ný
málsgrein.” Þar var lagt til, að heim-
ild yrði veitt til að taka 3ja milljarða
lán fyrir útflutningsuppbætur. Þorri
alþýðuflokks- og sjálfstæðismanna
var andvígur lántökunni og taldi, að
þessi tillaga væri úr leik, þar sem
orðalag ákvæða til bráðabirgða hefði
verið endanlega ákveðið með sam-
þykkt á tillögu Sighvats.
Garðar og Eðvarð
skiluðu sér
Forsetinn, Ingvar Gislason, bar til-
lögu nefndarinnar samt upp, og var
hún samþykkt með 18 atkvæðum
gegn 17, einn sat hjá og 4 voru fjar-
staddir. Alþýðubandalagsmennirnir'
Eðvarð Sigurðsson og Garðar Sig-
urðsson greiddu atkvæði með tillög-
unni eins og flokksbræður þeirra og
framsóknarmenn, en þeir höfðu setið
hjá við atkvæðagreiðslu um 3,5 millj-
arða lán við 2. umræðu, og vógu at-
kvæði þeirra þungt, eins og DB
greindi frá i gær. Alþýðuflokks- og
sjálfstæðismenn greiddu atkvæði
gegn þessu nema Finnur Torft Stef-
ánsson (A), Eggert Haukdal (S) og
Friðjón Þórðarson (S), sem voru
með, og Gunnlaugur Stefánsson (A),
sem var á móti. Hvert atkvæði hafði
að sjálfsögðu úrslitagildi.
Bar forseti þá upp ákvæði til
bráðabirgða i heild þannig orðað, og
var það samþykkt með 17 atkvæðum
gegn 16, 3 sátu hjá, Gunnar Thor-
oddsen (S), Friðjón Þórðarson (S) og
Gunnlaugur Stefánsson (A), 4 voru
fjarstaddir. Gekk þorri alþýðu-
flokks- og sjálfstæðismanna þá úr
þingsal við hávær mótmæli. Ingvar
reyndi að gera frumvarpið upp til
lokaafgreiðslu í deildinni, en þá voru
ekki nógu margir þingmenn mættir,
til að lögmæt atkvæðagreiðsla gæti
farið fram. Rúmur helmingur þarf að
taka þátt í atkvæðagreiðslu.
Gerðust nú tíðindi í bakherbergj-
um þings, og fór svo, að kratar
knúðu sitt fram.
-HH
Hefnd
Framsóknar
— stöðvaði eftir-
launafrumvarpið
í hefndarskyni fyrir, að kratar stöðv
uðu frumvarpið um Framleiðsluráð
hafa framsóknarmenn nú stöðvað
framgang frumvarps Magnúsar H
Magnússonar um eftirlaun aldraðra
Frumvarpið kemur ekki á dagskrá í dág
samkvæmt þeirri prentuðu dagskrá
sem fyrir liggur, og kemst því ekki
gegn. Framsóknarmenn standa einnig
fyrir þófi í Laxalónsmálinu. - HH
Vestfirðir ígær:
Fjórtánmanns
ogfjögur
smábörn f öst
íkafaldsbyl
Fjórtán manns og fjögur smábörn
urðu að halda kyrru fyrir í bílum sínum
í stórhrið á Kletthálsi, milli Kolla-
fjarðar vestri og Skálmarfjarðar, er
skall þar á skömmu eftir hádegi í gær.
Fólkið var á leið til Patreksfjarðar og
ísafjarðar og losnaði ekki úr prísund-
inni fyrr en um miðnætti í nótt.
Að sögn Braga Thoroddsen, vega-
verkstjóra á Patreksfirði, var tal-
stöðvarbíll með„l þessara fimm og var
því hægt að hafa samband við fólkið.
Leið því eftir atvikum vel, frost var
lítiðsem ekkert, en kafaldsbylur.
Þá voru tveir bílar fastir á Dynj-
andisheiði, en þeir komust leiðar sinnar
eftir stutta töf. Að sögn Braga hafa
heiðar allar á Vestfjörðum verið
mokaðar nánast daglega og sagði hann
kostnaðinn vera orðinn gífurlegan.
Betra veður var komið á þessum
slóðurn í dag og vonast Vestfirðingar til
þess að vera sloppnir í bili a.m.k.
- HP
BLAÐIÐ
Móttaka
smá-
auglýsinga
Móttaka smáauglýsinga DB
verður opin í dag til kl. 18. Á,
morgun verður opið kl. 18—22]
fyrir auglýsingar, sem eiga að
koma í næsta blaði — á föstudag-
inn 25. maí.
ur.
Galsi hljóp I ýmsa sem ferðuðust I gær á öðru en bilum. Eftir sem áður er svo rikt i mönnum að koma við á
einn hestamannanna tölti inn á benslnstöð til að láta kanna hvort oliu vantaði á klárana.
Dræm þátttaka í mótmælaaðgerðum FÍB í gær:
Þó mesta samstaða til þessa
Talsvert meiri fólksflutningar voru
með strætisvögnum á borgarsvæðinu í
gær, mótmæladag FÍB við bensínverð-
jnu, en venjulega daga. Þó skapaðist
hvergi það ástand að ástæða væri til að
skjóta inn aukavögnum. (
Umferð einkabUa var nokkru minni,
en sem kunnugt er hafði FÍB hvatt bíl-
eigendur til að skUja þá eftir heima og
koma sér til vinnu með öðrum hætti.
Hryssingslegt veður mun vafalítið
hafa átt sinn þátt í að þátttaka í mót-
mælaaðgerðunum varð svo dræm, en
hvað um það gripu margir til strætis-
vagnanna, reiðhjóla og jafnvel hesta,
fyrir utan þá sem gengu til tilbreyt-
ingar.
Eftir atvikum eru forráðamenn FÍB
þó ánægðir með útkomuna enda hafa
bíleigendur aldrei sýnt samstöðu sem
þessa hingaðtil. -GS
Jfi
Tómafbúðin:
m'i'Klsas:**
„Það var ekkert athugavert við at-
hæfi leigusala íbúðarinnar við Vita-
stíg," sagði tengdasonur eiganda
íbúðarinnar í morgun, en DB skýrði
frá því í gær að ungur Rcykvikingur
hefði komið að ibúð sinni tóntri er
hann kom úrleyft.
„Með þcssari frétt er aðeins verið
áð gera éigendur íbúðarinnar tor-
aryggilega. En ióhann iósefsson
liafði alls ekki verið leigjandi íbúðar-
innar og hafði engan leigusamning.
Málavextir voru þeb. að ung kona
hafði leigt ibúðina, en hún fór til
útlanda fyrir ári. Þá var óljóst hve
hún yrði lengi. Hún fór fram á það
við eigendur að fá að geyma búslóð
sina 1 ibúðinni gegn sama leigugjaldi
ogvar þaðsamþykkt.-
Stúlkunni var gerð grein fyrir þvi
að cf eigendur þyrftu að nota
Sbúðina, yrði hún að rýma hana.
Síðar gerist það að ættingjar stúlk-
unnar koma aö máti við cigendur og
spyrja hvort Jóhann megi dvelja í
íbúðinni og var gefið munnlegt sam-
þýkki fyrir því. Jóhanh notaöi búslóð
stúlkunnar. Jóhanni var einnig gerð
grein fyrir því að hann yrði að fara ef
eigendur þyrftu að nota íbúðina.
Jóhanni var siðan tilkynnt um síð-
ustu mánaðamót þegar greitt var að
hann yrði að fara. Þaö voru siðan
ættingjar'stúlkunnar sem fjarlægðu
búslóð hennar. Engir hlutir Jóhanns
hafa „gufað upp”, eins og látið er
liggja að.”
- JH
frýálst, úháð dagblað
MIÐVIKUDAGUR 23. MAÍ1979.
Kappsigling
niöur Laxá
í Aðaldal
Niður flúðir, foss og ýmsar torfær-
ur, munu væntanlegir keppendur í
fyrirhugaðri siglingakeppni niður Laxá
í Aðaldal, þurfa að sigla laugardaginn
2. júní, ef snjóa hefur þá leyst sæmi-
lega við ána.
Það er nýstofnuð Hjálparsveit skáta
í Aðaldal, sem stendur fyrir keppninni í
fjáröflunarskyni og er fyrirhugað að
hún verði árleg, ef vel tekst til nú, að
sögn Péturs Skúlasonar, eins sveitar-
manna.
Keppt verður í fimm flokkum, eins
og tveggja manna kajaka, eins og
tveggja manna gúmmíbáta og pramma-
flokki. Keppt verður eftir alþjóðaregl-
um. Þátttöku þarf að tilkynna í sima
43562 eða 43573, með svæðisnúmerinu
96, í dagogá morgun.
Viðri ekki til keppni á tilsettum tíma
verður í lengsta lagi hægt að fresta
henni til 9. júní, vegna veiðiskaparins í
ánni.
- GS
Útvarpið:
Páli Heiðari
sagtupp
Páli Heiðari Jónssyni, öðrum um-
sjónarmanni þáttarins Morgunpóstur-
inn í útvarpi hefur verið sagt upp störf-
um frá og með 1. nóvember nk.
Mun uppsögn hans vera „formsat-
riði” þar eð samningur hans við Ríkis-
útvarpið endurnýjast sjálfkrafa verði
honum ekki sagt upp nú, með sex mán-
aða fyrirvara. Páll Heiðar vildi í morg-
un ekki tjá sig um hvers vegna honum
væri sagt upp störfum nú, en hinn um-
sjónarmaður þáttarins, Sigmar B.
Hauksson, er lausráðinn starfsmaður
við Ríkisútvarpið. Heyrzt hefur, að
Páll Heiðar sé ómyrkur í máli um gæði
dagskrár og vinnuaðstöðu í útvarpinu
og það m.a. eigi þátt í væntanlegri
breytingu á hans högum þar.
- HP
ísbjörn á Ströndum?
Svipumst um
þegar veðri
slotar
„Ætli við svipumst ekki um eftir
birninum um leið og veðri slotar eitt-
hvað — sem stendur gefur ekki til þess,
enda blindbylur,” sagði Sævar Guð-
mundsson, 17 ára bóndasonur í Mun-
aðarnesi í Árneshreppi á Ströndum, i
samtali við DB í gær.
Nærri bænum Seljanesi á Ströndum
fannst um helgina skítur úr bjarndýri
ogsporeftir „eigandann”. Rifjaðist þá
upp fyrir heimilisfólki í Munaðarnesi,
að í vetur taldi það sig hafa heyrt í ís-
birni á ísnum á Ingólfsfirði.
„Það hefur ekkert sézt til bjarnar-.
ins,” sagði Sævar í samtalinu við DB,
,,en það er líklegt að hann sé hér ein-
hvers staðar að flækjast. Ingólfs-
fjörður er hálffullur af ís, svo hann
gæti verið þar úti einhvers staðar.”
-ÓV