Dagblaðið - 04.07.1980, Side 3

DAGBLAÐIÐ. FÖSTUDAGUR 4. JÚLÍ 1980.
3
Kona í biskupsembættið
Bréfntari vill fá konu i biskupsembætti og telur það mundi undirstrika jafnrétti kynjanna.
Kristinn skrifar:
Nú höfum við fengið konu í æðsta
embætti þjóðarinnar. Það verður
lengi i minnum haft að við íslendingar
höfðum forystu i þvi að verða til þess
að undirstrika það jafnrétti sem í þvi
felst að hafa konu við stjómvöl í svo
virtu embætti.
Nú mun standa fyrir dyrum
kosning um æðsta embætti innan
þjóðkirkjunnar, biskupsembættið.
Þvi skyldu nú ekki prestar hefja upp
merkið innan kirkjunnar og kjósa að
þessu sinni konu til æðsta embættis-
insinnan hennar?
Það yrði þó heldur betur eftir
slíku tekið um heim allan. Við eigum
ágæta konu sem er vel starfi sínu vax-
in innan þjóðkirkjunnar og gegnir
prestsstörfum á sama hátt og aðrir
kirkjunnar þjónar.
Frú Auður Eir Vilhjálmsdóttir
myndi sóma sér vel sem biskup yfir
islenzku þjóðkirkjunni.
Prestar okkar ættu nú að sam-
einast um að kjósa frú Auði Eir i
biskupsembættið, og virðing þeirra
myndi vaxa að miklum mun ef þeir
skoruðu á hana allir sem einn að gefa
kost á sér i það embætti.
Þegar hafa tveir kennimenn gefið
kost á sér í embættið og enn kunna
fleiri að bætast við. Þá mun líka
koma upp hin hvimleiða barátta, sem
alls staðar verður til þ'egar kosning
er annars vegar.
Ekki trúi ég öðru en prestar geti
sameinazt um konu í biskupsembætti
og það ætti að vera þeim ljúft að
losna við þann mannjöfnuð sem
óhjákvæmilega fylgir kosningum
innan kirkjunnar.
Prestar, standið nú saman um.
þetta tímanna tákn, konu i virðing-
armestu embætti þjóðarinnar.
Raddir
lesenda
Þær vilja verða fáar krónur mánaðarlaunamannsins i veskinu i lok hvers mán-
aðar.
VIKULAUN FREMUR
EN MÁNAÐARLAUN
Mánaðarlaunamaður skrifar:
Nú standa yfir þær viðamestu við-
ræður og lengstu sem um getur um
launamál. Allt situr þar fast og
minnstu mistök geta leitt til falls
ríkisstjómar og langrar stjórnar-
kreppu enn einu sinni.
Allt snýst um hærri laun, að því er
virðist. Enginn hugar að þvi hvemig
þau laun, sem nú em greidd, endast
hinum almennu launþegum.
Einn stór agnúi er sá að fólk sem
fær greitt mánaðarlega er miklum
mun verr sett en þeir sem fá greidd
laun sín vikulega eða hálfsmánaðar-
lega.
Engir vikukaupsmenn myndu vilja
skipta við þá, sem greitt fá mánaðar-
lega, enda miklu óhagkvæmara fyrir
launþega.
Hefur verið reiknað út hve miklum
vöxtum menn tapa við það að fá
greidd laun mánaðarlega? Er það
alfarið óhagstætt atvinnurekendum
að greiða út vikulega — eða hálfs-
mánaðarlega? Ég held ekki.
Allir launagreiðendur, a.m.k. hinir
stærri, eru með vikulaunakerfi,
hálfsmánaðarkerfi og mánaðarlauna-
kerfi í greiðslum sinum. Ef þeir nota
mánaðarlegar greiðslur þurfa þeir
gifurlegar fúlgur fjármuna til að
stand straum af launagreiðslum um
hver mánaðamót. Sennilega kæmi
þeim betur minni fjárhæðir vikulega
til greiðslu launa.
Þar sem öll kerfin þrjú eru við lýði
hjá launagreiðendum ætti ekkert að
vera til fyrirstöðu að nota eitt kerfið
fyrir alla, þ.e. vikulaunakerfið.
Sá máti tiðkast hvað mest i
nálægum löndum svo og i Bandarikj-
unum. Gæti þetta ekki orðið til hags-
bóta hér til þess að dreifa viðskiptum
og verzlun jafnar yfir mánuðinn, i
stað þess sem nú er, að allt er i suðu-
marki örfáa daga kringum mánaða-
mót! Þetta ætti að vera liður i þeim
samningaumleitunum sem nú fara,
fram.

)

Isinn
á Skalla
frískar
ALLSKONAR IS.GAMALDAGS IS, SHAKE OG
BANANA-SPLIT.SÆLG/ETI, ÖLOG GOSDRYKKIR.
(——----S'
Spurning
dagsins
Hvað ætlarðu að
gera í sumarleyfinu?
Guðmundur Ragnarsson: Ég býst ekki
við að taka neitt sumarleyfi núna. Verð
bara að vinna.
Þorsteinn Steingrimsson: Ég fer i
Munaðarnes nú um helgina. Siðan nota
égleyfið til að dytta að ýmsu heima.
Skúli Óskarsson: Ég fer til Rimini á
Ítalíu með ferðaskrifstofu.
Eyrún Óskarsdóttir: Ég kem til með að
dvelja i sumarbústað i eina viku. Það
verður eina sumarleyfið mitt þetta árið.
Hallgrimur Guðmundsson: Eg fer i
sumarbústað og dvelsl þar í vikutima.
Dóra Bjarnadótlir: Sumarleyfinu eyði
ég í sumarbústað á Egilsstöðum i einn
og hálfan mánuð.