Dagblaðið - 18.07.1980, Blaðsíða 4
18
DAGBLAÐIÐ. FÖSTUDAGUR 18. JÚLÍ1980.
Ætlarðu að leggja land undir fót um helgina?
DB-mynd R.Th.
Hringferð um öræfi
Fyrir þá sem skoða ætla Snæfells-
nesið og Vestfirði geta Dalirnir verið
nokkurs konar miðpunktur sem hægt
er að ferðast út frá. En ekki má þá
gleyma aö skoða hina undurfögru
Dali sjálfa. Fyrir þá sem það vilja
gera er tilvalið að gista á sumarhótel-
inu að Laugum í Sælingsdal. Þar er
rekið hótel í húsnæði sem annars er
skóli.
Tveggja manna herbergi að
Laugum kostar 12.500 og eins manns
herbergi 9.500. Svefnpokapláss í al-
menningi kostar 1 þúsund krónur og
verður fólk þá að hafa með sér
dýnur. Hins vegar er hægt að fá koj-
ur í 4 manna herbergi og kosta þær
þá 2 þúsund ef 4 eru saman en 3 þús-
únd vilji t.d. hjón fá herbergið út af
fyrirsig.
Matur á Laugum kostar á milli
2.900 og 6.500. Sérréttir staðarins eru
nautafondue og kjúklingaréttur.
Annars er hægt að fá allan almennan
mat og lögð áherzla á sjávarrétti.
Morgunverður er á hlaðborði og
kostar hann 2.300.
Að Laugum er sundlaug og kostar
500 krónur fyrir fullorðna og 250
fyrir börn að steypa sér í hana. Þar er
einnig fótbolta- og handboltavöllur
og er hægt að fá bolta lánaðan fyrir
ekki neitt. Borðtennisborð er innan
dyra og eru einnig lánaðir spaðar og
kúlur endurgjaldslaust.
Byggðasafn Dalamanna er í húsinu
og kostar 300 krónur að skoða það.
DS.
I gosleiðangur f
Mývatnssveit
Haldi gos við Kröflu áfram um
helgina munu ugglaust margir leggja
leið sína norður og skoða þetta mjög
svo fagra gos. Til þess eru margar
leiðir færar. Þrjú flugfélög í Reykja-
vík að minnsta kosti hafa verið með
leiguflug yfir gosstöðvarnar og svo er
hægt að taka rútu á Akureyri til Mý-
vatns og skoða sig um á eigin vegum.
Með Arnarflugi kostar útsýnis-
flugið 60 þúsund krónur á mann. Þá
er farið þegar vélin er full af fólki,
flogið norður og hringsólað yfir gos-
stöðvunum. Alls tekur ferðin 3—4
klukkutíma.
■ Fyrir sama verð er svo hægt að
fljúga noröur með félaginu, taka þar
rútu með leiðsögumanni og skoða
gosstöðvarnar á 1—2 klukkutímum.
Síðan er flogiö aftur í bæinn.
Flugleiðir bjóða útsýnisflug á
62.500. Þá er flogið norður og lent
þar og ferðast um gosstöðvarnar í 6
klukkutíma með leiðsögumanni.
Síðan er flogið aftur í bæinn. Á
morgun er farið í eina slíka ferð
klukkan 12.30 og þá lent í Aðaldaln-
um á Húsavíkurflugvelli og rútan
tekin þaðan.
Flugleiga Sverris Þóroddssonar er
svo með 8 manna vélar sem fljúga
norður. Kostar far með þeim 60
þúsund krónur. Ef 8 manna hópur
slær sér saman og leigir vélina er þó
hægt að komast norður fyrir 43.800
krónur á mann. I þessum ferðum
Sverris tekur hvor leið 50 mínútur og
hringsólað er yfir gosstöðvunum í 25
mínútur.
Sverrir er einnig með 5 farþega vél
staðsetta í Reynihlíð í Mývatnssveit
og kostar 20 þúsund að fljúga með
henni yfir gosstöðvarnar.
Sverrir hefur sett sér að fljúga
norður að minnsta kosti tvisvar á
dag, kl. 2 og kl. 20—21. Veður og
eftirspurn eftir ferðunum ræður þar
þó nokkru um.
Frá Akureyri er svo hægt að fara
með hópferðabíl norður að Mývatni
og dvelja þar eins lengi og hver vill.
Venjuleg áætlunarferð norður kostar
8 þúsund krónur. Lagt er af stað dag-
lega frá Akureyri klukkan 8.15 og frá
Mývatni klukkan 16.30. Komið er til
Akureyrar um klukkan hálf sjö
þannig að Reykvíkingar ná áætlunar-
vélinni suður. A leiðinni til Mývatns
stöðvar rútan við Goðafoss.
Þegar komiö er að Mývatni hefur
það verið venja íslendinga að fara út
en útlendingar aftur eru áfram í rút-
unni og i hana bætist leiðsögumaður.
Rútan fer svo um nágrenni Mývatns,
í Dimmuborgir, Námaskarð og upp
að Bjarnarflagi. Með þessum auka-
krók kostar ferðin 25 dali, því ekki
hefur verið talin þörf á því að setja
verðið upp í íslenzkum krónum þar
eð lslendingar nota sér ferðina ekki.'
Það er Ferðaskrifstofa Akureyrar
sem skipuleggur þessar ferðir.
Að lokum er rétt að hvetja alla þá
sem fara norður að skoða gosið á
jörðu niðri að gæta fullrar varúðar.
Víða er nýrunnið hraun með harðri
skán sem lítur út fyrir að vera fært en
sé út á það stigið brestur skánin og
fólk sekkur niður í logandi heitt
hraunið. Hraunið hefur fram að
þessu runnið það hratt fram að
hlaupandi maður hefur ekki undan
því. Því er ástæða til þess að vara
fólk við að fara of nálægt eld-.
stöðvunum. DS.
„Ekta túristagos” hefur gosið 1 Gjástykki verið kallað vegna fegurðar sinnar.
Norðurleið er á sumrin með hring-
ferð um hið fallega hálendi íslands.
Er þá farið norður Sprengisand og
suður Kjöl.
Lagt er af stað norður Sprengisand
á sunnudögum og miðvikudögum
klukkan 8 að morgni frá Umferðar-
miðstöðinni. Frá Akureyri er svo
farið á þriðjudögum og fimmtu-
dögum suður Kjöl klukkan hálfníu.
Stöðvað er þrisvar á leiðinni til að
neyta matar og svo eftir því sem
veður býður upp á. Stöðvað er þar'
sem fegurst er og menn geta tekið
myndir og andað að sér hreinu fjalla-
lofti.
Ferðin aðra leiðina kostar 35 þús-
und krónur en sé keypt ferð báðar,
leiðir fer verðið niður í 66.500
krónur. Vilji menn spara enn frekar
geta þeir farið aðra leiðina um byggð
með venjulegri áætlunarferð og kost-
ar þá ferðin báðar leiðir 47.400. Ætli
menn hins vegar að sjá fegurð ís-
lenzkra jökla og háfjalla er það sýnu
lakari kostur. DS.
Gamla sæluhúsið á Hveravöllum á Kili býður menn velkomna er þeir koma þar á
ferð um hálendið.
FEGURSTUR
STAÐA Á ÍSLANDI
- ÞINGVELLIR
Þingvellir eru oft taldir með feg-
urstu stöðum á íslandi. Þó smekkur
manna sé misjafn er varla hægt að
deila um þessa skoðun. Enda sjá þeir
sem bregða sér út fyrir bæinn á
sunnudögum óslitna bílalest frá
Reykjavík til Þingvalla. Fólk á
öðrum landshornum hefur minna
gert að því að fara á Þingvöll. En
með því að gistiaðstaða í Hótel Val-
höll hefur nú verið bætt til muna ætti
1 að vera tilvalið fyrir fólk úr öllum
sveitum landsins að skoða þessa perlu
Islands.
Hótel Valhöll býður virka daga
upp á gistingu með kvöldverði,
morgunverði og hádegisverði fyrir 39
þúsund krónur i tveggja manna her-
bergjum. Matur kostar þar á verðbil-
inu 6.800 krónur og upp 1 14.600. Á
fimmtudagskvöldum er auk þess
haldin mikil grillveizla úti undir
berum himni. Gestir geta þá grillað
eigin mat að vild. Matur með rauð-
víni kostar þá 9.800. í því verði er
innifalin skemmtun. Þeir Halli og
Laddi koma fram, Hljómsveitin
Brimkló leikur og fleira er sér til gam-
ans gert.
Aðra daga ættu menn að geta
notið náttúrunnar sjálfrar. Hægt er
að róa á báti úti á vatninu og reika
um í Almannagjá og víðar. Þá er
hægt að hafa veiðistöngina með og
renna fyrir silung í vatninu.
Fyrir þá sem ekki geta lifað án
menningarlegri skemmtana er þarna
myndsegulband, gufubað, mini-golf
með sólbaðsaðstöðu og hestaleiga
svo eitthvað sé nefnt.
DS.
„Ah, Þingvellir,” segja útlendingar gjarnan þegar fólk segist vera frá tslandi.
Fregnir af fegurð staðarins hafa borizt viða út fyrir landsteinana.
DB-mynd R.Th.
Viða I Dölunum er gullfallegt. Þessa
mynd úr Reykjadal tók Þorsteinn
Jósefsson og er hún úr Árbók Ferða-
félagsins frá árinu 1947.
ILEIT AÐ DALAK0F-
ANUM HENNAR DÍSU