Dagblaðið - 05.06.1981, Blaðsíða 6
6
DAGBLAÐIÐ. FÖSTUDAGUR 5. JÚNÍ1981.
70. skoðanakönnun Dagblaðsins: Hvort telur þú að næst berí að færa byggð í Reykjavík út til
Rauðavatnssvæðisins eða Keldnalands?
Sóð yfir svæðið sem meirihluti
aðspurðra i skoðanakönnun DB
kýs hekfur undir aukna byggð
Heykjavikur.
DB mynd Einar Olason.
Meiríhlutinn kýs Keldnaland
Meirihluti Reykvikinga og íbúa á
Stór-Reykjavikursvæðinu vill heldur
að byggðin verði færð út til Keldna-
lands en svæðisins nálægt Rauðavatni.
Þetta kemur i ljós i skoðanakönnun
sem Dagblaðiö gerði fyrir skömmu.
Spurt var: „Hvort telur þú að næst
beri að færa byggö í Reykjavik út til
Rauöavatnssvæöisins eða Keldna-
lands?”
300 manns á Stór-Reykjavíkursvæð-
inu, helmingur af hvoru kyni, voru
spurðir þessarar spurningar og siðan
sérstaklega athugað hvernig hlutföllin
voru i borginni sjálfri. Af heildinni
völdu rúm 39 prósent Keldnaland en
rúm 30 prósent Rauðavatnssvæöið. 24
prósent voru óákveðnir og tæp 6%
vildu ekki svara spurningunni.
Hlutföllin eru svipuð þessu ef íbúar i
borginni sjálfri eru teknir út sérstak-
lega. Af þeim völdu tæp 39 prósent
Keldnalandssvæðið, tæp 32 prósent
Rauöavatnssvæðið. Um 24 prósent
voru óákveðnir og tæp 6% vildu ekki
svara.
Ef aöeins eru teknir þeir sem tóku
afstöðu hefur Keldnaland vinninginn i
hlutfallinu 55:45 i borginni sjálfri og í
hlutfallinu 56,5:43,5 á Stór-Reykja-
vikursvæðinu öliu.
-HH.
Ummæli fólks í könnuninni
-Upp í ísaldarhóla”
„Keldnaland frekar. Ég þekki vel til
ófærðarinnar i Árbæ á veturna. Ekki
verður ástandiö betra nær Rauöa-
vatni,” sagði karl nokkur þegar hann
svaraði spurningunni i skoðanakönn-
uninni. „Keldnaland er í beinu fram-
haldi af fyrri byggö,” sagði annar.
„Rauöavatnssvæðið er mjög snjóþungt
á veturna og frekar kuldalegt þar.
Auk þess eru margir sem stunda þar
sport svo að mér lfzt betur á Keldna-
landssvæðið,” sagöi einn. „Mér finnst
nú mun fallegra á Keldnalandssvæðinu
heldur en við Rauðavatnið. Svo voru
lfka börn að setja niður tré við Rauða-
vatnið, svo að jíar getur einhvern tima
risið skógur,” sagöi kona nokkur.
„Af þessu tvennu vil ég heldur
Rauðavatnssvæðiö. Hins vegar finnst
mér að þétta ætti byggðina til Garöa-
bæjar, til dæmis á svæðinu milli Kópa-
vogs og Garðabæjar og þar innúr,”
sagði karl nokkur.” Rauöavatnsbyggö
mundi efla Árbæinn. Strætisvagna-
samgöngur þar mundu batna og það er
hægara fyrir skólabörn að sækja frá
Rauðavatni en Keldum. Þá mundi
Rauöavatnsbyggð efla kirkjusókn í
Árbæ,” sagði karl nokkur. „Þaö er
fallegra við Keldur en hagkvæmara að
byggja við Rauðavatn svo að ég held að
hið síðarnefnda sé réttara,” sagði karl-
maður. „Fallegt á báöum stöðum en
hallast að Rauðavatni,” sagði karl
einn.
„Burt með
flugvöllinn"
Aðrir möguleikar voru nefndir.
„Aðalatriöið er aö þétta byggðina i
borginni en ana ekki út um fjöll og móa
fyrst. Burt með flugvöllinn og byggjum
þar,” sagði karl. „Er ekki ódýrast aö
þétta byggðina?” sagði annar. „Báöir
möguleikar jafnvitlausir meðan stór
svæði i Reykjavik eru auð,” sagði einn.
„Mér finnst það eigi að byggja ibúöar-
hverfi meöfram sjávarströndum en
ekki verksmiðjur eins og gert var á
Ártúnshöfða. Þær hefðu átt að vera
þar sem Hraunbærinn er,” sagði kona.
„Helzt vil ég flytja flugvöllinn og
byggja þar,” sagði karl. „Ég vil byggja
meðfram sjónum suður til Keflavíkur.
Það er rétt við allar hafnir, góðar sam-
göngur, lftill hitakostnaöur og ekki
þarf nema að fara með ýtur í hraunin
til að fá góða húsgrunna. Það er ekkert
vit i að þenja byggð upp i ísaldarhóla
eða þeytast upp á Kjalarnes,” sagði
karl nokkur. „Það ætti að þétta byggð-
ina meira því aö útivistarsvæðin eru
hvort eð er lítið notuö,” sagði kona.
„Mér finnst að það ætti að vera al-
menn atkvæðagreiðsla um borgar-
skipulagið en ekki að láta einhverja
karla ráða því hvar fólk byggir,” sagði
kona.
-HH.
Davíð Oddsson, leiðtogi Sjálfstæðisflokksins f borgarstjóm:
Hefði átt von á enn
— með byggð meðf ram ströndinni í stað Rauðavatnssvæðisins
þarna er talaö um Keldnaland en þaö
má hártoga þar sem Keldnalandið, 130
hektarar, er eina landið þama sem
borgin á ekki af um 1400 hektara
svæði.
Það eru ekki sambærilegir kostir að
neinu leyti að byggja meðfram strönd-
inni eða á Rauöavatnssvæðinu.
Skoðanakönnunin sýnir að þrátt fyrir
það að sagt sé að lítið sé fylgzt með
sveitarstjórnarmálum þá hafa okkar
sjónarmið komizt til skila.
Að sjálfsögðu verður aldrei byggt á
Rauðavatnssvæðinu ef Sjálfstæðis-
flokkurinn kemst aftur I meirihluta í
borgarstjórnarkosningunum næsta
vor. Ég á heldur ekki von á þvi þó
þessi meirihluti hangi með harmkvæl-
um að hann byggi þarna. Slíkt hefur
stórkostlegan kostnaðarauka i för með
sér.
Ég tel víst aö þeir sem telja Rauða-
vatnssvæðið heppilegra séu pólitfskt
„óríenteraöir”, þ.e. harðir fylgismenn
meirihlutaflokkanna, þvf það eru ekki
nokkur rök sem mæla með Rauða-
vatnssvæðinu.” -JH.
„Ég hefði átt von á því að fylgi með
byggð meðfram ströndinni væri enn
meira afgerandi,” sagði Davíð Odds-
son, leiðtogi Sjálfstæðisflokksins í
borgarstjórn Reykjavikur. „En þaö
kann að hafa ruglað fólk nokkuð aö
Davíð Oddsson: „Okkar sjónarmið hafa komi/.t til skila.”
Keldnaland......
Rauðavatnssvæöi
Óákveðnir.......
Vilja ekki svara ..
118 eða 39,3%
... 91 eða 30,3%
... 74 eða 24,7%
... 17eða 5,7%
Ef aðeins eru teknir þeir sem tóku afstöðu verða niðurstöðurn-
arþessar:
Keldnaland ........................................56,5%
Rauðavatnssvæði....................................43,5%
Keldnaland .........................................38,7%
Rauðavatnssvæði.....................................31,7%
Óákveðnir...........................................23,6%
Vilja ekki svara ................................... 5,9%
Ef aðeins eru teknir þeir borgarbúar sem tóku afstöðu, verða
niðurstöðurnar þessar:
Keldnaland............................................55%
Rauðavatnssvæði ......................................45%
Sigurjón Pétursson, forseti borgarstjómar:
Höfum ekki komið
sjónarmiðum okkar
nógu vel á f ramfærí
Rauðavatnssvæðið heldur byggðinni betur saman
en bæði svæðin verða byggingarsvæði íframtíðinni
„Skoöanakönnunin sýnir að við
höfum ekki komiö sjónarmiðum okkar
nægilega vel á framfæri,” sagði Sigur-
Sigurjón Pétursson: Óskynsamlegt að
mynda sérstakan byggflakjama i
Korpúlfsstaðalandl, án tengingar við
aðra byggð.
jón Pétursson, forseti borgarstjórnar
Reykjavikur, i gær. „Bæði þessi svæöi
verða byggingarsvæði i framtiðinni en
núverandi meirihluti hefur valið
Rauðavatnssvæðið til þess að halda
byggðinni betur saman. Rauðavatns-
svæðið hefur þegar verið samþykkt
sem byggingarsvæði í borgarstjórn.
Hefði verið byggt i Korpúlfsstaða-
landi hefði myndazt þar sérstakur
byggðarkjarni. Það væri óskynsam-
legt, sérstaklega ef litið er til áætlana
um íbúafjölda í Reykjavík á næstu
ámm. Þá er lengra fyrir fólk að sækja
ýmsa þjónustu þaðan en frá Rauða-
vatnssvæðinu.
Sé borinn saman kostnaður Reykja-
vikurborgar á þessum tveimur svæðum
liggur fyrir að gatnagerð og holræsa-
lögn á Rauðavatnssvæðinu er nokkru
dýrari. En þetta má ekki taka eingöngu
með f dæmið. Ríkiö hefur eignarhald á
Keldnalandi og hefur ekki fengizt til
þess að selja það borginni, þrátt fyrir
áralangar tilraunir.
Þó Rauðavatnssvæðið verði nokkru
dýrara fyrir borgina sem slíka þá
verður það ódýrara fyrir þá sem þar
koma til meö að byggja og búa. Það
tengist þéttbýlinu betur. Þar er nægi-
legt rými fyrir byggingar næstu 20 ára
ef miöað er við fjölgun íbúöa.”
-JH.