Dagblaðið - 24.09.1981, Side 11
DAGBLAÐIÐ. FIMMTUDAGUR 24. SEPTEMBER 1981.
11
ótel...
■ ■■ á besta staö í bænum.
Þægileg vel búin herbergi.
Lipur þjónusta.
Salur..
II■ leigður út til funda og
skemmtanahalds. Heitt eöa
RAUÐARÁRSTÍGUR 18
SÍMI28866
kalt borö, kökur, snittur og
kaffi.
Frekari rannsókn
á orobronze ytra
—til að sannreyna niðurstöður rannsókna hérlendis
„Ráðuneytið sendi mann út til
Danmerkur með þetta efni til frekari
rannsókna. Efnið var rannsakað hjá
rannsóknarstofu Háskólans en menn
voru ekki vissir um hvort sú niður-
staða væri rétt þannig að betra þótti
að senda prufu til Danmerkur,”
sagði Jón Ingimarsson skrifstofu-
stjóri í heilbrigðis- og trygginga-
ráðuneytinu, er hann var inntur eftir
hvað liði rannsóknum á „brúnkupill-
unum” orobronze. DB skýrði frá i
byrjun þessa mánaðar athugunum á
orobronze eftir veikindi stúlku sem
tekið hafði þessar pillur inn. Stúlkan
fékk miklar sjóntruflanir, heilabjúg
og of mikið A-vítamín myndaðist í
blóði. í framhaldi af þessu fór yfir-
læknir taugadeildar Landspítalans
fram á rannsókn á orobronze svo og
landlæknisembættið.
„Það sem reynt verður að finna í
þessari rannsókn er hvort samsetn-
ingar á efni eru eins og gefið er upp.
Hvort þetta efni sem er hér á markaði
sé samskonar og rannsakað hefur
verið erlendis. Ef slíkt kemur 1 ljós
gilda þær sannprófanir. Ef það hins
vegar kemur í ljós að skaðleg efni
finnast, er engin ástæða til að leyfa
sölu efnisins hér á landi,” sagði Jón
ennfremur.
Þá sagði hann að sala á þessari
vöru hefði verið leyfð eftir að ráðu-
neytið hefði leitað upplýsinga frá eit
urefnanefnd ogyfirlækni húðsjúk-
dómadeildar Landspítalans. „Þessir
aðilar skoðuðu öll gögn sem fylgdu
með vörunni og þeirra álit var að
ekkert benti til að skaðleg efni væru í
orobronzinu, Þegar það hins vegar
kemur upp að hækkandi A-vítamin
finnst í blóði manneskju sem neytt
hefur þessa efnis þá verður ráðuneyt-
ið að kanna það nánar,” sagði Jón
Ingimarsson.
Sendimaður ráðuneytisins er vænt-
anlegur heim um helgina en ekki vissi
Jón hvort niðurstöður kæmu nteð
honum. Þó reiknaði hann með að
þær ættu að vera til um miðja næstu
viku. -ELA.
Kaffistofan ■ ■. er
allan daginn. Heitur matur,
brauö, kaffi og kökur. Vistlegt
umhverfi.
Brimið rýkur yfir bryggjukant í Bol-
ungarvik i óveðrinu um siðustu heigi.
DB-mynd: Kristján Friðþjófsson.
Óveðríð
á Vestfjörðum:
Rafstreng-
urinn slitn-
aðiog
sjónvarpið
skrftið
síðan
— 44 íknattspymu
meðtvoknetti
Mikið óveður gerði í Bolungarvík
sem og víða annars staðar á Vest-,
fjörðum um helgina. Kyngdi niður snjó
á laugardaginn og á sunnudaginn var
hífandi rok. Þá gerði báturinn Hugrún
hvorki fleiri né færri en fjórar tilraunir
til þess að komast inn í höfnina en gekk
ekki fyrr en í þeirri síðustu vegna
brims.
Vegir lokuðust eða tepptust og raf-
strengurinn á milli Bolungarvíkur og
ísafjarðar slitnaði. Var rafmagnslaust
á Bolungarvik i 5 klukkustundir. Við
vonda veðrið versnuðu móttökuskil-
yrði sjónvarps til muna og voru þau þó
ekki góð fyrir. Höfðu menn það á orði
að í íþróttaþættinum á mánudag hefðu
ekki verið 22 leikmenn í fótboltanum
heldur 44 og oft með tvo til þrjá knetti.
Var leikurinn auðvitað mun meira
spennandi fyrir bragðið.
-DS/KF, Bolungarvík.
Mannfæð í Landsbankanum?
„ Veit ekki betur en fullmannað sé hér”
— segir starfsmannastjórinn, Ari Guðmundsson
,,Það kemur mér alveg á óvart ef
konan hefur ekki fundið neinn gjald-
kera til að afgreiða sig,” sagði Ari
Guðmundsson, starfsmannastjóri
Landsbankans, er blm. bar undir
hann hvort skortur á starfsfólki herj-
aði á aðalútibú bankans í Austur-
stræti 11. Kona ein hafði samband
við blaðið í gær og fannst harla fá-
mennt í höfuðstöðvum bankans.
Hefði starfsfólk borið því við að
vinnan væri illa greidd og erfiðlega
gengi að fá fólk í stöðurnar.
,,Ég veit ekki betur en fullmannað
hafi verið hjá okkur í dag eins og
aðra daga og mér finnst þetta nú
skjóta dálítið skökku við því alltaf er
verið að hamra á því að bankarnir
séu ofmannaðir fólki ef nokkuð er,”
sagði Ari. ,,Það má sosum vel vera
að einhver umgangspest hafi gripið
um sig í hádeginu, en svo mikið er
víst að allt var með felldu í morgun.”
-SSv.
Thomas J. Kilcline, varaaðmíráll og yfirmaður flughers flota NATO á Atlantshafl,
skrúfar frá rennsli heita vatnsins. Kilcline nýtur aðstoðar Marshalls Brement, nýskip-
aðs sendiherra Bandaríkjanna á íslandi við verkið, en lengst til vinstri er Eiríkur
Alexandersson, stjórnarformaður Hitaveitu Suðurnesja. DB-mynd: Bj.Bj.
Hitaveita Keflavíkurflugvallar
formlega tekin f notkun:
Orkuf rekari en öll
önnur sveitar-
félög á Reykjanesi
— heildarkostnaður við hitaveituna
áætlaður um 380 milljónir króna
Hitaveita Keflavíkurflugvallar var
tekin í notkun við hátiðlega athöfn í
gærdag, en hitaveitan fær vatn frá
Hitaveitu Suðurnesja í Svartsengi. Þótt
hitaveitan sé formlega tekin í notkun
nú er lagningu hennar ekki enn full-
komlega lokið, en 1. júlí sl. var búið að
leggja 48% af dreifikerfinu á Kefla-
vikurflugvelli. Hitaveitan verðuf svo
fullbúin um mitt næsta ár.
Hitaveita þessi er mjög orkufrek og
fær meira vatn frá Svartsengi en öll
önnur byggðarlög sem heitt vatn fá frá
Hitaveitu Suðurnesja. í þeim byggðar-
lögum búa samtals um 12.000 manns.
Má nefna í því sambandi að jafnmikið
heitt vatn þarf til að hita upp stórt flug-
skýli og þarf til að hita upp öll hús í
Sandgerði. í Sandgerði búa þó um þús-
und manns.
Samkvæmt samningi varnarliðsins á
Keflavíkurflugvelli og Hitaveitu Suður-
nesja mun varnarliðið greiða um 416
milljónir króna fyrir heita vatnið næstu
10 árin. Þá greiddi varnarliðið hitaveit-
unni um 150 milljónir króna fyrir
dreifikerfið og dælustöðina sem því
fylgdi. Að auki munu íslenzkir aðai-
verktakar taka að sér að hætahitunar-
búnað húsa á Keflavíkurflugvelli og er
áætlað að það verk muni kosta varnar-
liðið um 120 milljónir króna. Loks
mun varnarliðið eyða um 110 millj-
ónum króna i að bæta og lagfæra
dreifikerfið á næsta ári.
Við að nota heitt vatn til húsahitunar
mun varnarliðið árlega spara um 166
þúsund tunnur af olíu. Að sögn Eiríks
Alexanderssonar, bæjarstjóra í
Grindavík og stjórnarformanns Hita-
veitu Suðumesja, er rúmlega helmingi
ódýrara fyrir sveitarfélögin á Reykja-
nesi að nota heitt vatn frá hitaveitunni
til húsahitunar, en að nota oliu. Án
þess að nefna nokkrar tölur, sagði
Eiríkur að sparnaður varnarliðsins yrði
örugglega einnig mikill.
Þá sagaði Eiríkur að varnarliðið
hefði að nokkru greitt fyrir heita vatnið
fyrirfram, því það hefði borgað kostn-
aðinn við að leggja dreifikerfið á Kefia-
vikurflugvöll. Sagði Eiríkur að það
hefði komið sér mjög vel fyrir Hita-
veitu Suðurnesja því þá hefði hitaveit-
an ekki þurft að taka lán fyrir þeim
framkvæmdum. Að síðustu sagði
Eiríkur að vatnsverðið til varnarliðsins
væri tengt oliuverði, þannig að það
hækkaði í samræmi við oliuverð á
hverjum tíma.
-SA.