Veðráttan - 01.08.1958, Blaðsíða 1

VEBRATTAN 1958
MÁNADARYFIIILIT SAMIll A VEDIJRSTOFIIJílVI
TíÖarfar var hagstætt til heyskapar sunnan lands og um meginhluta Vesturlands, en
há spratt þar illa vegna þurrka. Um norðanvert landið var óþurrkatíð. Þrálát bræla var á
síldarmiðum og veiði lítil. Sums staðar var sæmilegur handfæraafli, og humarveiði við
Suðvesturland var góð.
Fyrstu fimm daga mánaðarins var kalt í veðri. Þ. 3. var hiti 3° undir meðallagi, og
varð það kaldasti dagur mánaðarins miðað við meðallag. Hina dagana var 2° kaldara en
venja er til. Vindur var norðlægur og úrkoma um allt norðanvert landið. Allvíða snjóaði
í fjöll. Þ. 3.—5. var allmikil úrkoma á Vestfjörðum, og nokkuð rigndi þá um meginhluta
Vesturlands. Sunnan lands var að mestu þurrt, þó gerði þar sums staðar snarpar skúrir
í innsveitum. Hæð var yfir Grænlandi, en lægð djúpt suðaustur í hafi. Vindur var hægur
og yfirleitt norðlægur eða norðaustlægur.
Dagana 6.—9. var víðast þurrt veður, nema á Norðausturlandi tvo fyrri dagana, og
dálitlar skúrir voru einnig um suðaustanvert landið. Vindur var norðlægur þ. 6., en síðan
var yfirleitt hæg, breytileg átt. Hæð var norðanvert við landið. Hiti var 1° undir meðal-
lagi þessa fjóra daga.
Vindur snerist til austurs með úrkomu um allt land þ. 10., og hélzt rigningarveður
næstu tvo daga. Á Austurlandi sunnanverðu var þó yfirleitt ekki teljandi úrkoma, en um
miðbik Suðurlands rigndi allmikið. Hiti var í meðallagi þessa þrjá daga. Lægð kom sunn-
an úr hafi og þokaðist norður með austurströndinni.
Dagana 13.—20. var lengst af hæg norðaustlæg átt. Um suðvestanvert landið og norður
yfir Breiðafjörð var að mestu þurrt, en um allt norðanvert landið var úrkomusamt, og á
Suðausturlandi var oft skúraveður. Hiti var 1°—2° undir meðallagi til jafnaðar á öllu
landinu. Norðan lands var 1°—4° kaldara en I meðalári, en sunnan lands var hitinn
lengst af frá meðallagi að 1° yfir því. Hæð var yfir Grænlandi og hafinu milli Islands
og Grænlands, en lægðir austur og suður í hafi.
Lægð nálgaðist suðausturströndina þ. 21. og 22. Vindur varð allhvass af norðri og
norðaustri, og stórrigning var víða norðan lands. Þ. 23. og 24. dró mjög úr úrkomunni,
en þokusúld var við norðurströndina. Um sunnanvert landið rigndi einnig þessa fjóra daga,
en úrkoman var mun minni. Norðan lands var 2°—3° kaldara en í meðalári þ. 21. og
22., en um landið sunnanvert var hiti frá 1° undir meðallagi að 3° yfir því. Siðari tvo
dagana var hiti um meðallag á öllu landinu. Hæð var yfir Grænlandi.
Síðustu viku mánaðarins fór veður hlýnandi. Dagana 25.—29. var hiti frá meðallagi
að 1° yfir því, en tvo síðustu daga mánaðarins var 2° hlýrra en í meðalári, og urðu það
hlýjustu dagar mánaðarins miðað við meðallag. Þ. 25. og 2G. var vindur yfirleitt hægur.
þokusúld á Norður- og Austurlandi, en að mestu þurrt og víða bjart sunnan lands og
vestan. Næstu daga komu tvær lægðir inn yfir landið úr suðri og ollu talsverðri rigningu
víða um land. Þ. 27. rigndi sums staðar mjög mikið á Austurlandi og um norðanverða
Vestfirði. Einnig rigndi mikið austan lands þ. 30., en þ. 31. birti upp austan og norð-
austan til á landinu.
Loftvægi var 1.0 mb undir meðallagi, frá 1.4 mb yfir meðallagi á Galtarvita að 2.6 mb
undir því í Vestmannaeyjum. Hæst stóð loftvog á Hornbjargsvita þ. 1. kl. 23, 1022.2 mb,
en lægst á Reykjanesvita, 986.9 mb þ. 28. kl. 19.
(57)