Veðráttan - 01.04.1989, Page 1
ISSN 0258-3836
VEÐRÁTTAN 1989
MÁNAÐARYFIRLIT SAMIÐ Á VEÐ U RSTOFUNNI
Apríl
Tíðarfar var þokkalegt, en mikill snjór á jörðu um allt vestan og norðanvert landið,og
óvenju mikill snjór var talinn á hálendi. Varla vottaði fyrir gróðri. Úrkoma var óvenju mikil á
sumum verðurathugunarstöðvum.
Smálægð hreyfðist austur eftir landinu aðfaranótt þ.l. og úrkomusvæði var yfir því austan-
verðu þ.l.- 3. Norðanlands snjóaði en á Austur og Suðausturlandi var rigning eða slydda.
Úrkoman var mest um suðaustanvert landið. Á Suður- og Vesturlandi mældist víða mikil
úrkoma að morgni þ.l., en síðan var þar að mestu þurrt, þar til að hitaskil nálguðust úr
suðvestri að kvöldi þ.3. Hitaskilunum fylgdi hvöss suðaustan og sunnanátt og mikil rigning
sunnanlands. Pau fóru norður yfir land um nóttina,og daginn eftir fóru kuldaskil austur yfir
það. Þ. 1.-3. var hiti frá meðallagi að l°yfir því, en þ.4. var 4° hlýrra en í meðalári, og var það
hlýjasti dagur mánaðarins að tiltölu.
Þ.5.- 10. var hiti frá meðallagi að 2° yfir því. Grunn lægð var á Grænlandshafi þ.5,- 8. og
úrkomusvæði yfir landinu tvo fyrstu dagana. Þá daga var úrkoman mest á Suðausturlandi.
Þ.7.- 8. var þurrt að mestu, nema á Suðurlandi. Þ.9. var smálægð við suðurströndina og skil
fóru vestur yfir landið. Vestast á landinu var allhvöss norðanátt á undan þeim, en síðan gekk
vindur til suðurs. Lægðin fór norður með vesturströndinni og eyddist þar næsta dag. Vindur
var suðlægur og þó nokkur úrkoma sunnanlands,en lítil norðanlands. Daginn eftir var vindur
austanstæður og víða slydda eða rigning,mest á Austfjörðum og Suðurlandi.
Þ.ll. kom lægð úr suðri inn yfir Austurland, og daginn eftir var lægðardrag yfir landinu.
Veður var heldur kólnandi, og snjókoma eða slydda norðan til á landinu báða dagana, en
skúrir eða él sunnanlands. Vestanlands var norðlæg átt þ.ll. en annars var vindur hægur
þ. 11 .-14. Lægð var vestan við land þ. 13. og 14., suðlæg átt og él á Suður og Vesturlandi, en
hæg breytileg átt norðanlands. Hiti var frá meðallagi að 1° undir því þessa 4 daga.
Þ.15. nálgaðist lægð Austurland, og þar og á Norðausturlandi gekk í allhvassa norðanátt
með snjókomu. Lægðin var út af Norðausturlandi þ. 16. og norðanlands var hvöss norðan og
vestanátt með snjókomu um morguninn, en birti síðan. Suðvestanlands voru él síðdegis af
völdum lægðar suðvestan við land. Hiti var l°-2° undir meðallagi.
Þ.17,- 20. var hiti frá 1° yfir meðallagi að 1° undir því. Lægð fór norður með Vesturlandi
þ. 17. og úrkomusvæði norður yfir land. Daginn eftir rigndi mikið sunnanlands, en þá nálguð-
ust skil úr suðaustri. Skilin voru yfir landinu þ,19.,norðan þeirra var norðanátt og hvasst
vestast á landinu. Norðanlands var snjókoma, en rigning syðra. Þ.20 þokuðust skilin suður af
landinu* Þá var vaxandi hæð norðan við land og yfir því.
Þ. 21-29 var kalt í veðri. Kaldast varð að tiltölu í mánuðinum þ.24. og 25., hiti 6° undir
meðallagi. Aðra daga þessa tímabils var 2°-5° kaldara en í meðalári. Úrkomulaust var að
mestu nema norðaustantil á landinu,og lengst af stillt veður um mest allt landið. Þ.22. og 26.
var þó norðanstrengur yfir austanverðu landinu, og þ.23. náði norðanátt sér upp sums staðar
sunnanlands. Lægð suðvestur í hafi olli suðaustanátt suðvestanlands þ.29.,og síðdegis byrjaði
að rigna sunnanlands.
Síðasta dag mánaðarins var hæg austan átt með rigningu á Austfjörðum og hiti 1° yfir
meðallagi.
Loftvœgi var0.3mb yfir meðallagi, fráO.lmb undir meðallagi í Keflavík að l.Omb yfir því á
Galtarvita. Hæst stóð loftvog 1044.9mb á Hornbjargsvita þ.21. kl. 18-24, en lægst í Grímsey
967.Omb þ.ll kl. 16.
Vindáttir milli suðurs og vesturs voru fátíðari en á árunum 1971-1980, en aðrar áttir tíðari.
Veðurhæð náði hvergi 11 vindstigum í mánuðinum.
Þrumur heyrðust á Nesjavöllum þ.7. og í Hjarðarnesi og Grindavík þ.8.
(25)