Veðráttan - 01.03.1993, Side 1
ISSN 0258-3836
VEÐRÁTTAN 1993
MÁNAÐARYFIRLIT SAMIÐ Á VEÐURSTOFU ÍSLANDS
Mars
Tíð var víðast talin góð á Norðaustur- og Austurlandi og skapleg vestanlands þrátt fyrir mikla
umhleypinga.
Mánuðurinn hófst með sunnanátt. Mikil hæð var yfir Skandinavíu, en djúp lægð á
Grænlandshafi. Sá 1. varð hlýjasti dagur mánaðarins að tiltölu. Rigning eða súld var á Suður- og
Vesturlandi, en þurrt norðan- og austanlands. Kuldaskil fóru yfir síðdegis og þá snerist vindur til
suðvesturs með slydduéljum vestanlands, en næsta dag var áttin vestlægari og úrkomulítil. Víða
fraus.
Ný lægð kom að landinu 3., olli fyrst suðaustanátt og snjókomu á Suður- og Vesturlandi, en
síðan rigndi. Allskarpt lægðardrag var yfir landinu 4. og 5. með suðvestanátt, rigningu og hlýindum
syðra, en breytilegri átt og slyddu eða snjó nyrðra. Eystra var úrkoma víðast lítil. Myndarleg lægð
var fyrir vestan land 6. og um kvöldið komu kuldaskil inn á landið úr vestri. Þá kólnaði og gerði él
á Suður- og Vesturlandi, en eystra létti til.
Næstu daga, eða firam á dag 9. var firemur hæg vestlæg átt með éljum vestanlands en oftast
björtu veðri eystra. Þ. 9. snerist vindur í suður og gerði góða hláku næstu vikuna. Úrkoma jókst er
á leið en var lengst af lítil norðaustanlands. Áttin var eindregið við suður firam á 13. með hæð yfir
Evrópu en lægðasvæði vestur undan. Þ. 13. kom lægðardrag inn á norðurströndina og norðan þess
var austan- og norðaustanátt með snjókomu. Lægð fór norðaustur yfir landið 14. Þá voru smáél í
breytilegri átt um mikinn hluta landsins, en 15. var áttin suðvestlæg með éljum suðvestanlands, en
norðaustanlands var þurrt. Djúp lægð kom að Suðvesturlandi 16. Þá var fyrst suðaustanátt, en síðan
snerist vindur í hæga sunnanátt. Úrkoma var lítil norðaustanlands en annars rigndi eða snjóaði.
Næstu daga eða firam til 24. var firemur kalt og urðu 22. og 23. köldustu dagar mánaðarins að
tiltölu. Lægð fór yfir landið 16. og 17. Vindátt var breytileg, en oftast vestlæg og víða él. Óvenju
snarpur éljabakki gekk yfir Suðvesturland að moigni 17. Þ. 18. snerist vindur til norðurs með
éljum fyrir norðan, en sunnanlands var var skýjað. Aðfaranótt 19. var djúp lægð á Grænlandshafi
og olli fyrst suðaustanátt á landinu en fyrir miðjan dag var áttin orðin breytileg eða vestlæg. É1 voru
um mikinn hluta landsins. Næstu daga þokaðist lægðasvæðið austur fyrir land og vindur snerist
smám saman í norður. Víða voru él. Vestanlands var norðanáttin gengin niður 23., en þá var
norðvestan hvassviðri og snjókoma við norðausturströndina og lægði ekki fyrr en að morgni 24.
Síðdegis 24. gerði eindregna sunnanátt sem stóð fram á miðjan dag 25. með rigningu á Suður-
og Vesturlandi. Skil fóru þá yfir landið og varð áttin suðvestlæg. Lægðabylgjur úr suðri gengu þá
norður Austurland svo skilin voru ekki komin þar yfir fyrr en að kvöldi 26.
Þ. 27. varð áttin suðaustlæg er lægð nálgaðist úr suðvestri. Næstu daga, 28. - 30., sám lægðir
skammt fyrir sunnan land og vindátt var austlæg. Rigning var með köflum, einkum þó á Suður- og
Suðausturlandi. Síðasta dag mánaðarins var lægðasvæðið yfir landinu, vindátt var mjög breytileg
og víða voru skúrir eða él.
Loftvægi var 11,5 mb undir meðallagi áranna 1931 - 1960, frá 8,9 mb undir í Vm að 13,4 mb
undir á Hbv. Hæst stóð loftvog í Vm þ.2. kl.24, 1027,8 mb, en lægst í Sth þ.16. kl.15, 967,2 mb.
(17)