Veðráttan

Árgangur

Veðráttan - 01.07.1993, Blaðsíða 1

Veðráttan - 01.07.1993, Blaðsíða 1
ISSN 0258-3836 VEÐRATTAN 1993 MÁNAÐARYFIRLIT SAMQ) Á VEÐURSTOFU ÍSLANDS Júlí Tíðarfarið var slæmt á norðan- og austanverðu landinu. Þar var úrkomusamt og kalt. Á sunnan- og vestanverðu landinu var þurrt, fremur sólríkt, en svalt og háðu þurrkar grassprettu. Þ. 1. - 4. var víðáttumikið lágþrýstisvæði fyrir austan Iand. Norðlæg átt var á landinu, víðast kaldi, og þokusúld eða rigning norðantil. Síðdegis þ. 4. gekk norðanáttin niður þegar lægð nálgaðist landið úr suðvestri og fór að rigna við suðvesturströndina undir miðnættið með hægri suðaustanátt. Skil þokuðust yfir landið þ. 5. og rigndi í öllum landshlutum. í kjölfarið fylgdi hæg vestlæg átt og smáskúrir voru vestantil en úrkomulítið var austantil. Hélst veðrið svipað þ. 6. Þ. 7. var í fyrstu hæg breytileg átt en síðdegis snerist vindur til norðausturs um leið og smálægð fór austur fyrir sunnan land. Rigning var norðan- og austanlands en skúrir víða annars staðar. Dagana 8.-12. var víðáttumikið lágþrýstisvæði fyrir austan land og hæðarhryggur á Grænlandshafi. Norðanátt var á landinu, víða strekkingsvindur. Kalsarigning var um norðanvert landið og snjóaði sums staðar áNorðausturlandi aðfaranótt þ. 10. Árdegis þ. 11. lægði á Vestfjörðum og Vesturlandi og létti til um tima og síðdegis þ. 12. lægði um mest allt land og stytti upp nema við norðausturströndina þar voru skúrir og súld. Þ. 13. lægði einnig við norðausturströndina. Hæðarhryggur þokaðist inn á land úr suðvestri og smá lægðardrag myndaðist við suðvesturströndina og var þokkalegt veður á mest öllu landinu þ. 14. Þ. 15. myndaðist víðáttumikil lægð suður af landinu. Hægviðri var víða og þurrt nema við norður- og norðausturstöndina þar var norðvestanátt og súld eða rigning. Dagana 16.-18. var austanátt á landinu og vfða léttskýjað um vestanvert landið en skýjað austantil og sums staðar súld við ströndina norðaustan- og austanlands einkum síðdegis þ. 17. og árdegis þ. 18. Aðfaranótt þ. 19. snerist vindátt smám saman til norðurs og kólnaði. Hæðarhryggur teygði sig inn á Grænlandshaf og lægð settist að fyrir austan land og frá henni lá lægðardrag til suðvesturs fyrir sunnan land. Rigning og súld var víða um norðan- og austanvert landið. Dagana 21. - 23. var smálægð við suðvesturströndina og hægviðri eða hæg austlæg- eða norðaustlæg átt á landinu. Rigning eða súld var í flestum landshlutum, minnst á Suðvesturlandi. Aðfaranótt þ. 24. lægði smám saman vestanlands en síðan snerist vindur til norðurs og norðausturs. Dagana 24. - 30. var víðáttumikil og kyrrstæð lægð milli íslands og Noregs. Norðanátt var á landinu og úrkomulítið sunnan- og vestanlands, en norðan- og austanlands var rigning og súld einkum þ. 25., 27., 28. og 29. Einnig rigndi við Breiðafjörð í stífri norðaustanátt þ. 27. og þ. 28. Aðfaranótt þ. 31. gekk norðanáttin niður vestanlands þegar lægð nálgaðist landið úr suðvestri og fór austur fyrir sunnan land. í kjölfarið lægði og létti til víða sunnan- og vestanlands en þokusúld var við norðaustur- og austurströndina. Loftvægi var 3,3 mb yfir meðallagi, mest 5,7 mb yfir því á Gltv og minnst 0,4 mb yfir á Dt. Lægst stóð loftvog í Vm, 993,1 mb, þ. 27. kl 21 en hæst, 1025,9 mb, á Hbv þ. 10. kl 6 og 9. Vindáttir milli norðvesturs og norðausturs voru algengastar í mánuðinum og var norðanáttin lang algengust. Aðrar áttir voru sjaldgæfari en venja er og sunnan- og suðvestanáttir tiltölulega sjaldgæfastar. (49)

x

Veðráttan

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Veðráttan
https://timarit.is/publication/278

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.