Alþýðublaðið - 13.10.1982, Blaðsíða 2

2
Miðvikudagur 13. október 1982
RITSTJORNARGREIN
Stjórn og stjórnarandstaða
Ritstjóri Tímans fær sérstök verðlaun fyrir vitlaus-
asta leiðarann, sem birst hefur í tilefni þingsetning-
ar. Þar kemst ritstjórinn að þeirri skarplegu nið-
urstöðu, að það sé þingræðisleg skylda
stjórnarandstöðunnar að samþykkja bráðabirgða-
lög, sem hún er á móti. Ritstjórinn fær mínus merki
23 á örsted fyrir þessa vitlausu stílæfingu.
Auðvitað ber stjórnarandstöðu engin skylda til
að samþykkja lagafrumvörp, sem hún er efnislega
andvíg. Að sjálfsögðu ber stjórnarliðum engin
skylda til að samþykkja tillögur stjórnarand-
stöðunnar, ef þeir telja sig andvíga þeim. Með ná-
kvæmlega sama hætti ber stjórnarandstöðu engin
skylda til að samþykkja vitlausar tillögur frá stefnu-
Iausri ríkisstjórn. Það er svona einfalt.
Forsætisráðherra gaf í ágústmánuði s.l. út
bráðabirgðalög. Þau eru um tvennt: (1) Tilfærslu á
nokkrum hundruðum milljóna úr launaumslögum
fólks þann 1. des. n.k. og (2) skattahækkanir á
almenning (vörugjald). Annað er ekki að finna í
þessum lögum. Forsætisráðherra hafði ekki fyrir
því að tryggja fyrirfram fylgi stjórnarliða við þessi
bráðabirgðalög. Síðan hafa stjórnarliðar týnt töl-
unni. Fyrrverandi stuðningsmenn stjórnarinnar
hafa lýst andstöðu við bráðabirgðalögin. Stjórn-
arandstaðan ber enga ábyrgð á því.
Forsætisráðherra hefur hvorki virt Alþingi né
stjórnarandstöðu viðlits í þessu máli. Hann hafði
engan áhuga á því, að hafa samráð við stjórnar-
andstöðu um lausn mála. Hvers vegna þá allt þetta
írafár um ábyrgð stjórnarandstöðunnar?Ástæðan
er einfaldlega sú, að Alþýðuband'.alagsmenn og
sumir Framsóknarmenn eru að leita sér að tilefni til
að flýja hið sökkvandi flak ríkisstjórnarinnar. Þeir
eru í raun og veru á móti sínum eigin bráðabirgða-
lögum. Viija fá þau felld og fá þar með tilefni til að
flýja undan ábyrgð á lögunum. Þeir geta ekki einu
sinni komið sér saman um hvar og hvenær þeim
þóknast að leggja lögin fram. Þeir hikí. með öðrum
orðum við að bera ábyrgð á sínum eigin bráða-
birgðalögum.
Spurningin er þess vegna ekki sú, hvort
stjórnarandstaðan muni greiða atkvæði gegn sann-
færingu sinni með bráðabirgðalögum, sem hún er
andvíg. Spurningin er þvert á móti: Hvaða tillögur
leggur stjórnarandstaðan fram sjálf til lausnar
vandanum? Jón Baldvin Hannibalsson hefur í Dag-
blaðsgrein nefnt nokkur dæmi um tillögur j afnaðar-
manna:
- „Rekstrargrundvöllur heimila“ með eina fyrir-
vinnu á óyfirborguðu taxtakaupi, verði tryggður. -
Spurning: Ætli formaður Dagsbrúnar, Guðmund-
ur J. Guðmundsson, hafí döngun í sér og kjark til að
fylgja slíkri tillögu?
- Nýr vísitölugrundvöllur verði tekinn upp.
- Ginnungargapið milli lánskjaravísitölu og
margfalsaðrar kaupgjaldsvísitölu verði brúað.
- Sparnaði vegna niðurskurðar og tilfærslna á
fjárlögum verði varið til að hækka lán til húsbyggj-
enda, lengja lánstíma og jafna greiðslubyrði.
- Nýjum sparnaðaráformum, í tengslum við
aukin lánsréttindi vegna húsnæðislána, verði komið
á.
- Þak verði sett á sjálfvirka útgjaldaaukningu
fjárlaga.
- Nýfjárfestingu verði beint frá hnignandi grein-
um, sem engum arði skila (fískiskip, landbúnaður) í
vaxtargreinar.
- Bann verði sett við nýjum erlendum lántökum
umfram erlendan kostnað arðbærra framkvæmda.
- Utflutningsbætur vegna óseljanlegra
landbúnaðarafurða verði afnumdar í áföngum..
- Tilteknum opinberum byggingum verði
frestað.
-Framkvæmdastofnun ríkisins verði lögð niður,
fjárfestingarlánasjóðir verði sameinaðir og útlána-
kjör samræmd.
- Sjálfvirkt styrkjakerfí landbúnaðar verði
skorið niður.
- Aukin verði fjárfesting í stórvirkjunum og er-
lent áhættufjármagn nýtt í orkufrekum iðnaði.
etta eru aðeins nokkrir stólpar í stefnu jafnaðar-
manna. Um leið er þetta svarið við spruningunni:
Hvað vilja jafnaðarmenn í staðinn fyrir
bráðabirgðaúrræði um kauprán og skattahækkanir,
sem bráðabirgðalögin snúast um.
Mælikvarðinn á nytsemi tillagna stjórnarand-
stöðunnar á að vera: þær hamli gegn verðbólgu,
jafni byrðunum vegna bakreikninga rányrkju-
stefnunnar eftir efnum og ástæðum og búi í haginn
fyrir varanlegri uppstokkun hagkerfisins.
Alþýðuflokkurinn er að sjálfsögðu tilbúinn að
leggja tillögur sínar undir dóm kjósenda í kosn-
ingum.
Flokksstarfid
41. flokksþing
Alþýðuflokksins
41. flokksþing Alþýöuflokksins veröur haldiö
dagana 5.-7. nóvember n.k. í Kristalssal
Hótels Loftleiöa, Reykjavík.
Dagskrá nánar auglýst síöar
f.h. Alþýðuflokksins
Kjartan Jóhannsson,
formaöur
Karl Steinar Guðnason
ritari
Framboðsfrestur vegna
prófkjörs Alþýðuflokksins
í Reykjavík
Prófkjör um skipan fjögurra efstu sæta á framboðs-
lista Alþýðuflokksins við næstu væntanlegar Alþingis-
kosningar í Reykjavík fer fram dagana 27. og 28.
nóvember 1982.
Kjörgengi hafa þeir, sem fullnægja kjörgengisákvæð-
um laga um kosningar til Alþingis, og hafa auk þess
skrifleg meðmæli minnst 50 manna, sem flokks-
bundnir eru í félögum Alþýðuflokksins í Reykjavík.
Prófkjör er bindandi um skipan sætis á framboðslista,
ef sá frambjóðandi, sem kjöri nær, hlýtur a.m. k. 20 af
hundraði kjörfylgis Alþýðuflokksins í Reykjavík við síð-
ustu Alþingiskosningar. Berist aðeins eitt löglegt f ram-
boð í eitthvert sæti listans er sjálfkjörið í viðkomandi
sæti.
Kosningarétt hafa allir þeir, sem orðnir eru 18 ára og
lögheimili eiga í Reykjavík, enda séu þeir ekki flokks-
bundnir í öðrum stjórnmálaflokki.
Framboðsfrestur rennur út kl. 24.00, laugardaginn 13.
nóvember n.k.. Tillögur um framboð ber að senda
formanni kjörstjórnar, Grétari G. Nikulássyni, á skrif-
stofu Alþýðuflokksins, Hverfisgötu 8-10, Reykjavík.
Reykjavík 11. október 1982
KJÖRSTJÓRN
Prófkjör 4
prófkjör verður haldið um næstu
mánaðamót eða hvort það bíður
til vorsins.
í Reykjancskjördæmi verður
prófkjör um mánaðamótin
janúar/febrúar og á Norðurlandi
eystra í febrúar.
Kjördæmisráðin á Austurlandi
og Suðurlandi hafa enn ekki
tekið ákvörðun um prófkjör.
Reikna má með að sunnlenskir
kratar taki þá ákvörðun á kjör-
dæmisráðsfundi sem áætlaður er
22. október. Á Austurlandi er
einnig stefnt í prófkjör og verður
í þessaari viku tekin ákvörðun
um kjördæmisráðsfund, þar sem
línur munu skýrast.
Tvo
ungkrata
vantar herbergi eða
litla íbúð.
Upplýsingar í síma
14906 kl. 9-5.
Framboð til prófkjörs
Kjördæmisráð Alþýðuflokksins í Vesturlandskjör-
dæmi hefur ákveðið að auglýsa eftir framboðum í tvö
efstu sæti á lista Alþýðuflokksins í Vesturlandskjör-
dæmi við næstu Alþingiskosningar.
Prófkjörið fer fram laugardaginn 27. nóvember næst-
komandi.
Kjörgengur til prófkjörsins er hver kosningabær mað-
ur, sem hefur meðmæli 25 flokksbundinna Alþýðu-
flokksmanna í kjördæminu. Frambjóðandi, sem býður
sig fram í 1 .sæti listans skal einnig bjóða sig fram í 2.
sæti listans.
Niðurstöður prófkjörsins eru bindandi hljóti frambjóð-
andi sem kjörinn er minnst 20% af kjörfylgi Alþýðu-
flokksins í Vesturlandskjördæmi við síðustu Alþingis-
kosningar.
Berist aðeins eitt framboð til sætis á listanum er sjálf-
kjörið í það sæti.
Framboðsfrestur rennur út þann 6. nóvember næst-
komandi.
Framboðum skal skilað til formanns prófkjörsstjórnar
Braga Níelssonar, Esjubraut 7, Akranesi.
Kjördæmisráð Alþýðuflokksins í
Vesturlandskjördæmi.
Framboðsfrestur
vegna prófkjörs
Kjördæmisráð Alþýðuflokksins í Norðuriandskjör-
dæmi vestra, auglýsir hér með eftir framboðum um
skipan 1. sætis á lista Alþýðuflokksins í Norðurlands-
kjördæmi vestra, vegna n.k. Alþingiskosninga.
Prófkjörið hefur verið ákveðið dagana 20.-21.
nóvember n.k.
Kjörgengi til prófkjörs vegna alþingiskosninga hafa
þeir sem til þess hljóta meðmæli minnst 25 flokks-
bundinna Alþýðuflokksmanna í Norðurlandskjördæmi
vestra.
Niðurstöður prófkjörs eru bindandi, hljóti sá frambjóð-
andi sem kjörinn er minnst 20 af hundraði af kjörfylgi
Alþýðuflokksins við síðustu sambærilegar kosningar.
Berist aðeins eitt framboð er sjálfkjörið í sætið.
Framboðsfrestur rennur út laugardaginn 30. okt. n.k.
Framboðum sé skilað til formanns kjördæmisráðs Al-
þýðuflokksins í Norðurlandskjördæmi vestra, Guð- .
mundar Árnasonar, Aðalgötu 24, Siglufirði.
6. okt. 1982
Stjórn
Kjördæmisráðs Alþýðuflokksins
í Norðurlandskjördæmi vestra.