Alþýðublaðið - 06.04.1984, Page 2

j-RITSTJÓRNARGRELN—........................................april t
Ruglið með „flugmálastefnuna"
kallar á ný vinnubrögð nú þegar
lugmál Islendinga hafa verið ofarlega á
baugi síöustu vikur. Beiöni Arnarflugs um
ríkisábyrgö vegna erlendrar lántöku vakti
nokkra athygli, svo og aðalfundur Flugleiða og
yfirlýsingar fjármálaráöherra um aö hann vildi
‘svipta Flugleiðir ríkisstyrk af því aö félagið
væri farið að græða. Inn í þessa umræðu hafa
spunnist óskir starfsmanna Arnarflugs um
heimild til kaupa á hlutabréfum Flugleiöa í
félaginu.
Flugmál erviðkvæmurmálaflokkur, sem oft-
ar en ekki hefur valdið miklu umróti. ísiensk
stjórnvöld hafa ekki mótað neina ákveðna
stefnu í flugmáium, og því hefurein ákvörðun
verið tekin í dag og önnur þveröfug á morgun.
Skemmst er að minnast þeirrar ákvörðunar
fyrrverandi flugmáiaráðherra, að beita sér fyrir
sameiningu Flugfélags íslands og Loftleiða.
Þá var samkeppni þessara tveggja félaga talin
þjóðinni óhagkvæm og dýr. Sameining félag-
annavarbæði sársaukafull og erfið. Hún tókst
hins vegar, og var af öllum talin mjög hag-
kvæm.
Ekki liðu mörg ár þar til annar fyrrverandi
samgönguráðherra, raunar úr sama flokki og
sá fyrri, ákvað, að það væri þjóðinni fyrir bestu,
að áætlunarflugfélögin væru tvö. Að vísu hefur
það verið dregið í efa, að niðurstaða ráðherrans
hefði orðið þessi, ef flokksbræður hans I flug-
rekstri hefðu ekki átt í fjárhagserfiðleikum.
Afleiðingin af þessari síðustu ákvörðun er
sú, að Arnarflug á viö rekstrarfjárörðugleika að
etja, og vegna samkeppninnar hefur hvorugt
íslensku flugfélaganna haft hagnað af flugi á
flugleiðum milli íslands og annarra Evrópu-
landa. Vera má, að hinn almenni farþegi hafi
haft einhvern hag af þessari samkeppni, en sá
hagur er aðeins tímabundinn, því reikningur-
inn kemur alltaf á endanum til skattborgarans.
Það grátbroslega í þessu máli öllu er það, að
hagnaður Flugleiða á síðasta ári er allur af
leiguflugi, einkum pilagrimaflugi. Hins vegar
er stórfeilt tap á Norður-Atlantshafsflugleið-
inni og einnig á Evrópuflugleiðum. — Arnar-
flug hafði áður haslað sér völl i leiguflugi af
ýmsu tagi, og stundum haft af því umtals-
verðar tekjur. Það hefur hins vegar ekki flegið
feitan gölt á áætlunarfluginu, sem það sóttist
eftir.
Alþýðuflokkurinn hefur gagnrýnt stefnuleys-
ið í íslenskum flugmálum, og talið það leiða til
ófarnaðar. Þettaá við um áætlunarflugið, flug-
vallagerö og öryggismál. Þess vegna lagði
flokkurinn fram tillögu á Alþingi um stefnu-
mótun í flugmálum. Þar kemur m.a. skýrt fram,
að flokkurinn telur ekki grundvöll fyrir rekstri
tveggjaáætlunarflugfélaga hér á landi. Þá hef-
ur hann talið áætlunarflug Flugleiða á Norður-
Atlantshafi of mikið við óbreyttar aðstæður,
enda má með talsverðum rétti segja, að íslend-
ingar niðurgreiði farmiða fyrir útlendinga á
þeirri flugleið.
Sú afstaða Alþýðuflokksins, að telja grund-
völl fyrirtveimuráætlunarflugfélögum ekki fyr-
ir hendi hér á iandi, er einföld. Markaðurinn er
það smár, að rekstrareiningarnar geta aldrei
náð þeirri stærð að þær standi undir eðlilegri
endurnýjun og bættum rekstri. Ekki þarf annað
en að líta á flugflota íslendinga til að renna
stoöum undir þessa staðhæfingu.
Þessi afstaða flokksins hefur, af eðlilegum
ástæðum, sætt gagnrýni frá forystumönnum
Arnarflugs. Þeir töldu einnig, að flokkurinn
hefði reynt að gerafélaginu allt til miska, þegar
harðiega voru gagnrýnd pólitísk hrossakaup í
tengslum við íscargomálið. Það hefur hins veg-
ar komið á daginn, að afleiðingar þeirra kaupa
er mesti fjárhagsvandi Arnarflugs í dag. Af
þeirri ástæðu m.a. bera þeir stjórnmálamenn,
er stuðuluðu að íscargó-kaupunum, umtals-
verða ábyrgð á framtíð Arnarflugs.
Mnnar þessara manna er Albert Guðmunds-
son, fjármálaráðherra, sem nú vill svipta Flug-
leiðir rlkisstyrk, sem varð til vegna samninga
við yfirvöld í Lúxemborg. Þetta er sami maður-
inn og látlaust hefur predikað þá stefnu, að
eiginfjármyndun fyrirtækja veröi að ná því
marki, að eðlileg endurnýjun geti átt sér stað.
Hann getur þó varla neitað því, að mjög er orðið
tímabært að endurnýja flugflota Flugleiða.
Hinn maðurinn er Steingrímur Hermanns-
son, forsætisráðherra, sem manna mest barð-
ist fyrir samkeppninni. Hann vill nú, að Flug-
leiðir njóti áfram ríkisstyrkja, semf m.a. eru
nauðsynlegir vegna taps, er verður af völdum
samkeppni.
í allt þetta stefnuleysi fæst enginn botn fyrr
en tekist hefur umtalsverð samvinna og sam-
starf með flugfélögunum tveimur, sem tryggir
að þau valdi ekki hvort öðru tjóni. Menn skulu
ekki gleyma því, að íslendingareiga einnigí
samkepþni við erlend flugfélög, og þar þurfa
þeir að standa saman.
- ÁG -
Auglýsing
um aðalskoðun bifreiða í Kefla-
vík, Njarðvík, Grindavík og
Gullbringusýslu 1984.
Skráðökutæki skulufærðtil almennrarskoðunar
1984 sem hér segir:
1. Eftirtalin ökutæki sem skráð eru 1983 eða fyrr:
a. Bifreiðar til annarra nota en fólksflutninga.
b. Bifreiðir, er flytja mega 8 farþega eða fleiri.
c. Leigubifreiðir til mannflutninga.
d. Bifreiðir sem ætlaðar eru til leigu í atvinnu-
skyni án ökumanns.
e. Kennslubifreiðir.
f. Lögreglu-, sjúkra- og björgunarbifreiðir.
g. Tengi- festivagnar, sem eru meira en 1500 kg.
að leyfðri heildarþyngd skulu fylgja bifreið-
um til skoðunar.
2. Aðrar bifreiðir en greinir í lið nr. 1, sem skráðar
eru nýjar og í fyrsta sinn 1981 eða fyrr.
Aðalskoðun í Keflavík hefst 2. apríl.
| apríl ökutæki nr. Ö-1 — Ö-1750
í maí ökutæki nr. Ö-1751 — Ö-3750
Skoðunin ferfram að Iðavöllum 4, Keflavík milli kl.
8—12 og 13—16 alla virka daga nema laugardaga.
Á sama stað og tíma fer fram aðalskoðun annarra
skráningarskyldra ökutækja s.s. bifhjóla og á
auglýsing þessi einnig við um umráðamenn
þeirra. Við skoðun skulu ökumenn bifreiðanna
leggjafram fullgild ökuskírteini. Framvísaskal og
kvittun fyrir greiðslu bifreiðagjalda og vottorði
fvrir fullgildri ábyrgðartryggingu.
í skráningarskírteini bifreiðarinnar skal vera árit-
un um að aðalljós hennar hafi verið stillt eftir 31.
júlí 1983. Vanræki einhver að færa bifreið sína til
skoðunar á auglýstum tíma, verður hann látinn
sæta ábyrgð að lögum og bifreiðin tekin úr um-
ferð hvar sem til hennar næst.
19. mars 1984,
Lögreglustjórinn í Keflavík,
Njarðvík, Grindavik og
Gullbringusýslu
FOLKAFERÐ!
Þegar fjölskyldan ferðast
er mikilvægt
að hver sé á sínum stað
— með beltið spennt.
||U^FERDAR
Tökum að okkur
hverskonar
verkefni
í setningu,
umbrot og
plötugerð, svo
sem:
Blöð í dagblaðaformi
Tímarit
Bækur
o.m.fl.
Ármúla 38 —
Sími 81866
FÉLAGSSTARF
ALÞÝÐUFLOKKSINS
Aðalfundur
Aðalfundurfulltrúaráðs Alþýðuflokksins í Reykja-
vík verður haldinn að Hótel Esju annarrihæð
þriðjudaginn 17. apríl næst komandi og hefst kl.
20.30.
Dagskrá:
Venjuleg aðalfundarstörf.
Fundurinn verður nánari auglýstur síðar.
Stjórnin
Sumardvalarheimili
Þeir aðilar sem ætla að starfrækja sumardvalar-
heimili fyrir börn sumarið 1984, þurfa að sækja
um rekstrarleyfi fyrir 31. maí n.k.
Þartil gerð eyðublöð liggja frammi í Menntamála-
ráðuneytinu, Hverfisgötu 6, 101 Reykjavík.
Menntamálaráðuneytið,
4. apríl 1984
Fóstrur
Hér með erauglýst eftir umsóknum um hálft starf
fóstru við leikskóla á Akranesi.
Umsækjendur með aðra menntun en fóstru-
menntun á uppeldissviði og/eða reynslu gætu
einnig komið til greina.
Umsækjendur þyrftu að geta hafið störf uppúr
miðjum apríl. Skriflegar umsóknir með upplýs-
ingum um aldur, menntun og fyrri störf sendist
undirrituðum fyrir 12. apríl.
Umsóknareyðublöð má fá á bæjarskrifstofunni.
Félagsmálastjóri,
Kirkjubraut 28, simi 93-1211
Akranesi