Alþýðublaðið - 07.01.1986, Page 2

2
Þriðjudagur 7. janúar 1986
'RITSTJORNARGREIN'
Islendingar í hópi hinna
spilltu í Suður-Ameríku?
I fréttaþætti útvarpsins á laugardag varathygl-
isvert viötal við forstöðumann skipafélags í
Vestur-Þýskalandi, sem Hafskip hf. hafði átt
viðskipti við. Utan þess að greina frá beinu fjár-
hagslegu tjóni, sem fyrirtæki hans verður fyrir
vegna gjaldþrots Hafskips hf., dró hann upp
æði skuggaiega mynd, er nú virðist í huga
margra Vestur-Þjóðverja, sem viöskipti hafa átt
við íslendinga.
Hann sagði, að menn geröu vart greinarmun
á (slensku skipafélögunum, enda skilningur
takmarkaður á því, að 250 þúsund manna þjóð
ræki mörg skipafélög. Þannig væru Eimskip
og Skipadeild SÍS, ásamt Hafskip, sett undir
‘einn og sama hatt. Fréttaflutningur af Haf-
skipsmálinu frá íslandi gæfi til kynna, að Haf-
skipsmálið væri blanda af fjármálalegu og
stjórnmálalegu hneyksli.
Þessi þýski maður sagði jafnframt, að ekki
færi hjá því að þetta íslenska hneykslismál líkt-
ist um margt þeim suður-amerlsku viðskipta-
háttum, sem frægir væru að endemum. Taldi
hann málið I heild áfall fyrir íslendinga og við-
skipti þeirra við útlönd.
Þetta er mjög alvarlegur vitnisburður um ís-
lendinga, og getur haft ófyrirsjáanlegar afleið-
ingar. Nýlega lýsti formaður Verslunarráðs Is-
lands þvl yfir, að í umræöum á Alþingi hafi
komið fram ómaklegar árásir á atvinnulífið i
landinu. í skjóli þinghelgi hafi komið fram
dylgjur um veika stöðu nafngreindrafyrirtækja
og einstaklinga.
Þessi umræða haf i skaðað íslenskt ef nahags-
og atvinnulíf. Óljósar fréttir, sem borist hafi til
útlanda af umræðunum hafi þegar leitt til þess
að Islensk fyrirtæki hafi sætt þar verri kjörum
en áður. Dæmi séu um að fyrirtæki hafi þurft
að staögreiöa vöru og þjónustu, sem áður
fékkst gegn gjaldfresti. Formaöur Verslunar-
ráðsins sagði, að engu væri llkara en um skipu-
lagða undirróðursstarfsemi væri að ræða.
Markmiðið væri að þyria upp sem mestu mold-
viðri til að veikja álit og stöðu íslenskra fyrir-
tækja.
Þessi orð rennaenn frekari stoðum undir rýrn-
andi traust á Islenskum atvinnurekstri I viö-
skiptalöndunum. Hér kemur tvennt til. í fyrsta
lagi hefur (slenskur atvinnurekstur átt við
mikla erfiðleika að stríða. í anda verðbólgu-
uppeidis hafa stjórnendur einstaka fyrirtækja
gripið til ýmissa óyndisúrræða, þegar harðnað
hefur á dalnum. Fréttir af sllkum málum hafa
veriðóvenjumargarog fjölbreytilegarásíðustu
mánuðum. í öðru lagi virðist hluti af fréttaflutn-
ingi fulltrúa erlendra fréttastofa hér á landi
hafa farið út fyrir öll eðlileg mörk.
r
Islendingar hafa nú það orð á sér á eriendri
grund, að vera skuldugir upþ fyrir haus, sem er
hverju orði sannara. Þegar svo við það bætast
fréttir af gjaldþrotamálum, skattsvikum og
pólitlskri spillingu, færist skörin upp í bekkinn.
Þar kemur að, eins og fram kom f laugardags-
þætti útvarpsins, að efnahagslegt og pólitískt
siðferði þjóðarinnar erflokkað með botnlausri
sþillingu, sem margar Suður-Ameriku þjóðir
eru þekktar fyrir.
Þetta er hið alvarlegasta mál, en þessum vitn-
isburði hnekkirenginn, nema íslendingarsjálf-
ir. Og það gera þeir ekki nema með efnahags-
legri endurhæfingu á flestum sviðum.
7. af ] andf r am 1 e í 'ís 1 u.
Heildarfj árstof n
Lífeyrissj óðanna
22% af verðmæti
landsframleiðslu
Á þessu línuriti sést hvernig heildareignir íslenskra lífeyrissjóða hafa
aukist á síðustu árum sem hlutfall af landsframleiðslu. Um áramótin
1984/' 85 var heildarfjárstofn lífeyrissjóðanna 22% af verðmœti lands-
framleiðslu, en var innan við 10% 1975. Fjárstofn sjóðanna nálgast nú ört
heildarinnistœður íslendinga í bönkum og sparisjóðum og var í lok árs
1984 kominn yfir 70% af öllu innlánsfé.
FELAGSSTARF
ALÞÝOUFLOKKSINS
Borgarmálaráð
Alþýðuflokksins
Fundur veröur ( félagsmiðstöðinni ( Alþýöuhúsinu
fimmtudaginn 9. janúar kl. 17.15.
Vinsamlegast mætið vel og stundvíslega.
Formaður.
Ferðamálaráð mótmælir
nýjum brottfararskatti
Stjórn Ferðamálaráðs hefur á
fundi í dag fjallað um þá ákvörðun
Fjármálaráðuneytisins að þrefalda
brottfararskatt flugfarþega til og
frá íslandi frá 1. mars nk. að telja.
Stjórn Ferðamálaráðs lýsir
óánægju sinni og undrun vegna
þessarar ákvörðunar, sem tvímæla-
laust mun hafa þau áhrif að draga
úr heimsóknum erlendra ferða-
manna til íslands og íslendinga til
annarra landa. Jafnframt þessari
ráðstöfun hefur Alþingi nýverið,
með samþykki Lánsfjárlaga, skert
lögbundnar tekjur Ferðamálaráðs
um u.þ.b. 30 milljónir króna af
áætluðum 50 milljón króna tekjum
á árinu 1986, en á sama tíma má
áætla að fyrirhugaður tekjuauki af
hækkun flugvallarskattsins gefi
ríkissjóði um 100 milljónir vegna
viðbótar skattlagningar á ferða-
menn á yfirstandandi ári.
Ferðaþjónustan er sú atvinnu-
grein á Islandi sem í dag er í hvað
mestum vexti. Gjaldeyristekjur af
þjónustu við ferðamenn námu á ár-
inu 1985 25% hærri upphæð heldur
en tekjur af allri loðnuveiði lands-
manna.
Kjörbækurnar gefa
vaxtaauka
Nú um áramótin greiddi Lands-
bankinn eigendum Kjörbóka sér-
staka vaxtaviðbót fyrir árið 1985.
Samsvarar hún um 1.5% ársvöxtum
og var lögð inn á allar Kjörbækur
auk venjulegra vaxta og verðbóta.
Landsbankinn er með þessu að
tryggja hag kjörbókareigenda enn
betur enn ella. Kjörbókin er sú
ávöxtun sparifjár sem Landsbank-
inn hefur lagt mesta áherslu á að
undanförnu. Þar fara saman háir
nafnvextir og verðtrygging.
Kjörbækur voru fyrst boðnar
sparifjáreigendum í október 1984.
Innistæður á þessum bókum eru nú
rúmlega 3.660 milljónir króna. Er
það meira en svarar nokkurri ann-
arri tegund innlána hér á landi
nema almennum sparisjóðsbókum
allra banka og sparisjóða.
Að undanförnu hafa ráðamenn
þjóðarinnar mikið rætt um nauð-
syn þess að byggja upp og hlúa að
Neytendasamtökin
benda á:
Vísitölubrauðin
hækka um 70%
Neytendasamtökin telja, að vísi-
tölubrauð hafi hækkað um allt að
70% vegna þeirrar ákvörðunar
stjórnar Landssambands bakara-
meistara, að skora á félaga sína að
hætta að framleiða svokölluð vísi-
tölubrauð. í frétt frá samtökunum
segir:
Neytendasamtökin vekja athygli
á þeirri ákvörðun stjórnar Lands-
sambands bakarameistara, að
skora á félaga sína að hætta fram-
leiðslu svonefndra vísitölubrauða
(þ.e. seydd rúgbrauð, heilhveiti-
brauð, franskbrauð, sigtibrauð og
maltbrauð).
Þessi ákvörðun hefur nú þegar
leitt til allt að 70% hækkunar áður-
nefndra brauða í sumum bakaríum.
Neytendasamtökin beina þeim ein-
dregnu tilmælum til Landssam-
bands bakarameistara að láta nú
þegar af þessari ákvörðun sinni,
enda bitnar þetta harðast á efnalitl-
um og barnmörgum fjölskyldum.
Jafnframt mótmæla Neytenda-
samtökin þeirri ákvörðun stjórn-
valda að hækka verð á kökum um
allt að fjórðung með álagningu
vörugjalds.
nýjum atvinnugreinum í landinu.
Aðgerðir eins og þær sem hér um
ræðir eru i algjörri mótsögn við orð
og ræður á þeim vettvangi og munu
hafa þær afleiðingar að drepa í
dróma dugnað og framtakssemi á
sviði íslenskra ferðamála. Stjórn
Ferðamálaráðs mótmælir því harð-
lega þessum vinnubrögðum og fer
þess á leit við hæstvirtan Fjármála-
ráðherra að hann endurskoði þessa
fyrirhuguðu margföldun flugvall-
arskattsins.
Mæla með frelsi
í stöðu bílskúra
Það er stundum fróðlegt að lesa
fundargerðir frá ýmsum bæjar-
félögum, þar sem átök eru hörð á
milli meirihluta og minnihluta.
Þannig eru fundargerðir bæjarráðs
Kópavogs iðulega að verulegum
hluta tileinkaðar bókunum
Richards Björgvinssonar og Ást-
hildar Pétursdóttur.
Hér kemur ein frá 1379. fundi
bæjarráðs, en þá var lögð fram
breytt skipulagstillaga í reit A, þ.e.
lóðir við Álfhólsveg. Bæjarráð
mælti með því við bæjarstjórn að
tillagan yrði samþykkt. Richard og
Ásthildur óskuðu þá bókað:
„Skárra er að hafa bílskúrana frí-
standandi en upp við hús nágrann-
ans, en best væri að menn mættu
sjálfir ráða hvar bílskúr þeirra
stendur. Við erum því mótfallin
þessari skipulagsbreytingu sem
slíkri, en mælum með frelsi í stöðu
bílskúra“.