Alþýðublaðið - 27.05.1986, Side 1

alþýðu
Þriðjudagur 27. maí 1986
98. tbl. 67. árg.
Skoðanakönnun DV:
Tveir Alþýðuflokks-
menn í borgarstjórn?
Úrslit borgarstjórnarkosning-
anna í Reykjavík, eru iangt frá því
að vera ráðin fyrirfram. Að undan-
förnu hafa niðurstöður skoðana-
kannana birst með skömmu milli-
bili og sýna þær yfirleitt að mikill
fjöldi fólks virðist enn ekki hafa
tekið endanlega ákvörðun um hvað
það muni kjósa. í könnun DV sem
birtist í gær, var innan við þriðj-
ungur þeirra sem spurðir voru,
reiðubúnir að lýsa því yfir að þeir
hygðust kjósa Sjálfstæðisflokkinn.
Hlutfall óákveðinna og þeirra
sem neituðu að svara, var svo hátt
að nánast virðist ógerningur að
draga nákvæmar ályktanir af nið-
urstöðunum. Þó virðist mega full-
yrða i ljósi niðurstaðnanna, að
Sjálfstæðisflokkurinn geti engan
veginn fengið fleiri en 10 borgar-
fulltrúa, en muni að öllum líkind-
um ekki ná því marki. Þessar álykt-
anir má draga vegna þess að reikna
má með að mun stærri hluti þeirra
sem óákveðnir eru, muni kjósa ein-
hvern annan flokk en Sjálfstæðis-
flokkinn.
Til að halda meirihluta at-
kvæða í Reykjavík þyrfti Sjálf-
stæðisflokkurinn, samkvæmt
könnun DV að fá upp undir 40°/o
atkvæða þeirra sem í könnuninni
neituðu að svara eða sögðust
óákveðnir.
Hitt er svo annað mál að reikn-
ingsaðferð sú sem hérlendis er beitt
við skiptingu sæta í kosningunum
gerir það að verkum að stórir
flokkar fá hlutfallslega hagstæðari
útkomu en litlir og Sjálfstæðis-
flokkurinn þarf því ekki meirihluta
atkvæða til að halda meirihluta í
borgarstjórn. Einkum gæti þetta
skipt sköpum ef Framsóknarflokk-
urinn kemur ekki manni að í kosn-
ingunum, en þær skoðanakannanir
Framh. á bls. 2'
Frambjóðendur Alþýðuflokksins í borgarstjórnarkosningunum í Reykjavík hafa verið iðnir við vinnustaða-
fundi, þar sem þeir hafa fengið góðar undirtektir. — Þessi mynd er tekin á vinnustaðafundi hjá Flugleiðum. Það
er Bryndís Schram, sem rœðir við starfsfólkið.
r _
A fundi hjá Flugleiðum
Alþýðuflokkurinn á Akureyri:
Góðir möguleikar
á tveimur mönnum
Áskorun frá Samtökum kvenna á vinnumarkaði:
samkvæmt skoðanakönnun Dags sem birt var í gær.
Konur! Kjósið ekki
stjórnarflokkana!
Á siðustu misserum hafa kjör þorra launafólks verið skert gífur-
lega. Konur hafa orðið verst úti, enda fá þœr flestar greidd laun
samkvœmt lœgstu töxtum.
Ríkisstjórnarflokkarnir bera höfuðábyrgð á þeirri fátækt sem
fjöldi fólks býr við, og það nú þegar meira en nóg er til skiptanna.
Þess vegna hvetja samtök kvenna á vinnumarkaði konur til þess
að hefna þess í héraðisem illa fór á Alþingi oggefa stjórnarflokkun-
um ekki eitt einasta atkvæði í komandi sveitarstjórnarkosningum.
Samtök kvenna á vinnumarkaði minna sérstaklega á, að Reykja-
vikurborg er einn stærsti atvinnurekandi landsins. Þar eru konur
fjölmennastar ogflestar á launatöxtum sem ekki er hægt að lifa af.
Samt skortir borgina ekkiféfrekar en ríkið, þótt stjórnvöld kjósi að
verja því í þágu annarra en launafólks.
Konur kyssum ekki vöndinn — kjósum ekki ríkisstjórnarflokk-
ana.
Svo virðist sem annar maður á
lista Alþýðuflokksins á Akureyri sé
að verða næsta öruggur með að
hljóta sæti í bæjarstjórn á næsta
kjörtimabili, a.m.k. ef mark má
taka á niðurstöðum úr skoðana-
könnun sem Dagur á Akureyri birti
í gær. Samkvæmt þeim niðurstöð-
um yrði annar maður Alþýðu-
flokksins níundi bæjarfulltrúinn.
Niðurstöðurnar úr skoðana-
könnun Dags benda til að Fram-
sóknarflokkur og Sjálfstæðis-
flokkur fái 4 fulltrúa hvor, Alþýðu-
flokkurinn 2 og Alþýðubandalagið
1. Allmargir eru þó enn óákveðnir
eða vilja ekki gefa upp afstöðu sína,
en slíkt hefur að sjálfsögðu í för
með sér að minna er að marka nið-
urstöðurnar. Sem dæmi um þetta
má nefna að ef hinir óákveðnu
væru reiknaðir sér sem kjósendur
sérstaks lista, fengju þeir fimm af
ellefu bæjarfulltrúum og ef þeim
sem neituðu að svara væri bætt við,
samsvarar þetta fylgi meirihluta
bæjarstjórnar.
Niðurstöður könnunarinnar
urðu annars í stuttu máli þær að af
700 manna úrtaki náðist í 508. Af
þessum 508 voru 164 óákveðnir í
hvað þeir ætluðu að kjósa, 57 kváð-
ust ekki ætla að kjósa og 51 neitaði
að svara spurningunni. Alls voru
það því 272 sem afstöðu tóku. Þeir
skiptust þannig að 40 kváðust ætla
að kjósa Alþýðuflokkinn, 79 Fram-
sóknarflokkinn, 79 Sjálfstæðis-
flokkinn, 34 Alþýðubandalagið og
4 ætluðu að greiða Flokki mannsins
atkvæði sitt. Prósentutölur flokk-
anna eru í sömu röð: A-16,9%,
B-33,5%; D-33,5%, G-14,4% og
M-1,7%.
Rétt er að geta þess að sú reynsla
sem fengist hefur af skoðanakönn-
unum gegnum árin bendir til þess
að það hafi viss áhrif hver stendur
fyrir könnuninni, þannig að ef
kannandinn tengist ákveðnum
flokki í huga fólks, skili fylgi þess
flokks sér betur en ella. Af þessu
má e.t.v. ráða að fylgi Framsóknar-
flokksins sé ofmetið í þessum nið-
urstöðum.
Sömuleiðis má benda á að fylgi
Sjálfstæðisflokksins skilar sér oft
mjög vel í könnunum öfugt við Al-
þýðubandalagið sem jafnan kemur
betur út úr kosningum en kannanir
virðast gefa tilefni til.
Sé tekið tillit til þessara atriða
virðast niðurstöður Dags benda til
að slagurinn um tiunda og ellefta
manninn á Akureyri muni standa
milli annars manns á lista Alþýðu-
flokksins, fjórða manns Framsókn-
ar og annars manns Alþýðubanda-
lagsins.
Verkamannafélagið Dagsbrún:
Kaupmáttarbatinn
kemur ekki sjálfkrafa
Verkamannafélagið Dagsbrún
telur að auka eigi niðurgreiðslur á
landbúnaðarvörur en hætta þess í
stað að greiða útflutningsupp-
bætur, þannig að verð þessara
vara lækki á næsta ári. Þetta kem-
ur fram í ályktun aðalfundar fé-
lagsins sem haldinn var á fimmtu-
daginn. í ályktuninni er einnig
lagt til að skattar og útsvar af
lægri tekjum verði lækkað, ásamt
fleiri úrbótum í skatta- og trygg-
ingakerfinu. Á þennan hátt vill
Dagsbrún reyna að ná nýjum
áfanga í hækkun kaupmáttar
með sameiginlegu átaki.
Ályktun Dagsbrúnar fer hér á
eftir í heild sinni:
Ályktun um kjaramál
Frá því síðasti aðalfundur fé-
lagsins var haldinn hefur verka-
lýðshreyfingin knúið fram breyt-
ingu á stjórn efnahagsmála og
þannig skapað skilyrði fyrir
aukningu kaupmáttar launa.
Langvarandi óðaverðbólga, er-
lend skuldasöfnun og efnahags-
stefna fjandsamleg verkfaólki
höfðu gert verkalýðshreyfingunni
afar erfitt um vik og gert að engu
umsamdar kauphækkanir. Við
þessar aðstæður dugðu hefð-
bundnar aðferðir til tryggingar
kaupmáttar afar skammt. Hin
nýja efnahagsstefna mun ekki
leiða sjálfkrafa til verulegs kaup-
máttarbata. Fleira þarf til að
koma. Þar skiptir verðlag nauð-
synjavara mestu, einkum fyrir
láglaunafólk.
Við næstu samninga þarf að
meta vandlega niðurstöður og
draga lærdóm af því sem miður
hefur farið.
Reyna verður til þrautar þá til-
raun sem hafin var með síðustu
samningum, þó með nýjum
áhersluatriðum.
Treysta verður enn frekar um-
samda kaupmáttartryggingu hafi
hún ekki reynst nægilega vel.
Við breytingu á launakerfinu
verði svo um hnútana búið að inn-
byrðis launahlutföll breytist
þannig að lægstu laun hækki sér-
staklega.
Gera verður þá kröfu til at-
vinnurekenda að kaupmáttur
launa á næsta ári verði allverulega
mikið hærri en á yfirstandandi
ári. Auk þess verður að gera þá
kröfu til hins opinbera að til við-
bótar þessu auki það sérstaklega
kaupmátt m.a. með eftirtöldum
aðgerðum.
1) Niðurgreiðslur á búvörum
verði auknar en útflutnings-
bótum hætt. Markmiðið er að
búvörur lækki í verði á næsta
ári.
2) Lækkaðir verði skattar og út-
svar á lægri tekjum og hæsta
skattprósentan byrji við hærri
tekjur en nú. Heilbrigðisþjón-
usta verði aftur ókeypis.
3) Gjöld vegna barnagæslu og
strætisvagna verði lækkuð og
verð á hita, rafmagni og síma
verði lækkað enn frekar.
4) Tryggingakerfinu verði gert
kleift að mæta erfiðleikum
barnafjölskyldna með hækk-
un bóta eða sambærilegum að-
gerðum.
Á þennan hátt verði með sam-
eiginlegu átaki reynt að ná nýjum
áfanga í hærra kaupmáttarstigi án
vaxandi verðbólgu og aukningu
erlendrar skuldasöfnunar. Verka-
lýðshreyfingin gerir sér grein fyrir
því að því eru takmörk sett hve
lengi sé hægt að semja um slíka
hluti við ríkisstjórn, sem stefnir
að þjóðfélagsgerð sem er i öllum
megin atriðum andstæð hinum
hefðbundnu hugsjónum verka-
lýðshreyfingarinnar. Því er það
mjög aðkallandi úrlausnarefni að
verkalýðsflokkarnir tveir gangi til
pólitísks samstarfs fyrir næstu al-
þingiskosningar til að styrkja
málstað verkalýðshreyfingarinnar
í þjóðmálabaráttunni og takist
sameiginlega á hendur mótun
þessa þjóðfélags.
Þess vegna skorar aðalfundur
Verkamannafélagsins Dagsbrún-
ar á verkalýðsflokkana að ganga
þegar í stað til viðræðna um nán-
ara samstarf.