Alþýðublaðið - 06.09.1988, Blaðsíða 7

Þriójudagur 6. september 1988
7
UTLÖND
Umsjón:
Ingibjörg
Árnadóttir
Sænska öryggismálalögreglan Sápo telur Stokkhólm vera orðinn samastað alþjóðlegra hryðjuverkahópa. Nú nýverið fundust fjórar byssur af Kalashnikovgerðinni
i ibúö Mohammad Khadar, sem er hryöjuverkaleiðtogi Abu Nidal. (Myndin er af Khadar.)
ER STOKKHOLMUR AÐ VERDA SAMA-
STADUR FYRIR HRYDJUVERKAMENN?
Eftir afhjúpanir síðustu vikna, telur sœnska öryggismálalögreglan að Stokkhólntur sé á góðri leið með
að verða einskonar samastaður alþjóðlegra hryðjuverkahópa. Vopnabirgðirnar sem lagt var hald á á
Arlandaflugvelli norður af Stokkhólmi, ásamt afhjúpun þess að hryðjuverkaleiðtoginn Samir Khadar,
hefur verið búsettur í Svíþjóð, rennir stoðum undir þessar yfirlýsingar.
Eftir því sem öryggislög-
reglan Sápo hefur lýst yfir,
eru Svíþjóð, Frakkland og
Danmörk „vinsælustu" lönd-
in í Evrópu sem hreiður fyrir
hryðjuverkahópa.
Svíþjóö er vinsæl, vegna hins
opna og frjálslega þjóðfé-
lags, sem menn búa við hér.
Það er auðvelt að komast
ólöglega inn I landið. Það er
einnig auðvelt að búa hér
með fölsuð persónuskilríki,
og leikur einn að komast út
úr landinu eftirlitslaust.
Það virðist vanta allan póli-
tískan vilja til að breyta
þessu ástandi. Það er dýru
verði greitt, þetta frjálsa
opna þjóðfélag, þegar launin
verða þau að hryðjuverka-
menn sjá sér leik á borði að
hreiðra um sig í iandinu —
segir Krister Hansen í Sápo.
Oryggislögreglunni er
kunnugt um, að hryðjuverka-
hópurinn Abu Nidal, var með
á sínum snærum að minnsta
kosti eitt hryðjuverka „útibú“
sem starfaði í Sviþjóð. Lög-
reglunni er vel kunnugt um
leiðtoga og meðlimi þessa
„útibús“ og rannsakar nú
hvort meðlimirnir hafi haft
samband viö Khadar.
STYRKE 17’
Hópur, sem eftir því sem
Aftonbladet hefur eftir starfs-
manni Sápo, að eigin sögn,
hefur haft aðsetur í Svíþjóð
síðan árið 1985. Að sögn
blaðsins er þessi hópur deild
úr Frelsissamtökum Palest-
ínuaraba (PLO) sem kölluð
eru Styrke 17, svokölluð óvirk
hryðjuverkadeild.
Öryggislögreglan sænska,
hefur fylgst með meðlimum
Styrka 17 árum saman. Sam-
band þeirravið yfirstjórn PLO
í höfuðstöðvum þeirra í
Túnis, hefur verið nákvæm-
lega skjalfest. Hluti meðlima
samtakanna (Styrke 17) voru
grunaðir um að standa á bak
við sprengjutilræöið í Kaup-
mannahöfn sumarió 1986.
Ekki var þó hægt að bendla
þá við fólskuverkið og rann-
sókninni var hætt, vegna
skprts á sönnunargögnum.
í lok marsmánaðar, var fjór-
um palestínumönnum vísað
úr landi í Svíþjóð og talið er
að einn þeirra hafi verið
meðlimur Styrke 17.
Krister Hansen upplýsir að
milli 15 og 20 hryðjuverka-
menn komist ólöglega inn í
Svíþjóð á ári hverju. Hann
leggur þó á það áherslu að af
þeim 22.000 manns sem leit-
uðu hælis í Svíþjóð á árinu
1987, hafi hryðjuverkamenn
verið minna en tvö promill.
„CITY OF POROS “
Vegna vopnabirgðanna
sem fundust og Samir
Khadar hafði falið, þar sem
meðal annars fundust fjórar
þungar svoéskar hríðskota-
byssur, hefur komið upp
grunur um, að áformuð hafi
verið árás á flugstöðina í
Arlanda.
Meðal þeirra hryðjuverka
sem Khadar er grunaður um
er að hann hafi staðið að
baki hinni hræðilegu hryðju-
verkaárás á flugvellinum í
Rómaborg í desember árið
1985.
Þessi grunur byggist á því,
meðal annars, að hryðju-
verkamennirnir sem þar voru
að verki, voru vopnaðir
Kalasjnikov hríðskota-
byssum.
Hvorki hinni sænsku eigin-
konu Samir Khadar né
sænsku lögreglunni var
kunnugt um, að Khadar lifði
tvöföldu lífi i Svíþjóð.
Það var ekki fyrr en hryðju-
verkaárásin var gerð á gríska
ferðamannaskipið „City of
Poros“ sem það varð kunnugt
hver Samir Khadar raunveru-
lega var.
Krister Hansen segir, að
öryggislögreglan telji níutíu
prósent líkur á, að Khadar
hafi beðið bana í árásinni, en
vilji samt ekki útiloka mögu-
leika á því að hann sé enn á
lífi.
Opinberlega hefur sænska
utanríkisráöuneytið ekki
viljað segja neitt um þá
skoðun öryggislögreglunnar
að Svíþjóð sé að verða hreiö-
ur hryðjuverkamanna.
Ráðuneytisstjórinn Pierre
Schori segir: „Ef öryggislög-
reglan hefur slíkar grunsemd-
ir, hlýtur það að vera í hennar
verkahring að gefa ríkis-
stjórninni skýrslu um rnálið."
Almenningur í Sviþjóð varð
undrandi og kvíðinn þegar
þessar fréttir fóru að berast
út og finnst velferðarríkið
ekki standa undir nafni, ef
þær eru staðreyndir.
(Arbeiderbladet)