Alþýðublaðið - 21.02.1991, Side 3

Fimmtudagur 21. febrúar 1991
INNLENDAR FRÉTTIR
3
FRÉTTIR
Í HNOTSKURN
ALLT UNDIR MALBIK Á HVAMMSTANGA: Þeir á
Hvammstanga eiga von á góðum gestum næsta sumar —
þá koma malbikunarmenn Króksverks með vélar sínar
og leggja malbik á götur. Sumarið 1992 er ætlunin að allar
götur bæjarins verði fullgerðar, að sögn Bjarna Einars-
sonar, sveitarstjóra á Hvammstanga í blaðinu Feyki.
BURTU MEÐ STRESSIÐ: Læknafélag Reykjavíkur
efnir til „Stresshátíðar", eins og læknarnir kalla það, al-
menns fundar um það landlæga böl sem streitan er. Fund-
urinn verður haldinn á laugardaginn kl. 13 í Háskólabíói
og þangað eru allir velkomnir sem fræðast vilja. Kunnir
fyrirlesarar ræða um efnið, stress. M.a. verður fjallað um
slökunaræfingar, jákvæðar hugsanir og neikvæðar, gildi
gönguferða, hreyfingu og mataræði. Fróðlegt efni, sem
ætti að sprengja salinn í Háskólabíói.
LISTAHATÍÐ UNGLINGA: Fellahellir, félagsmiðstöð
unglinga í Breiðholti, efnir til listahátíðar unglinga þessa
dagana og stendur hún fram á helgi. Unglingarnir hafa lagt
dag við nótt í undirbúning, málað á veggi, búið til lág-
myndir og skúlptúra, æft leikrit, tónlist og margt fleira. Það
er mikið um að vera — og sýnu mest á laugardaginn, loka-
dag hátíðarinnar, þá hefst dagskráin kl. 14 en um kvöldið
verða rokktónleikar og heill tugur hljómsveita treður upp.
„Útvarp Fruman" hljómar þessa dagana frá Fellahelli með
fjölbreytt, menningarlegt efni.
ÆTTARMÓTIÐ Á AK-
UREYRI: Um helgina eru
fjórar sýningar á gleði-
leiknum „Ættarmótinu",
eftir Böðvar Guðmunds-
son hjá Leikfélagi Akureyr-
ar. Nú er búið að sýna leik-
inn 29 sinnum og alltaf fyrir
fullu húsi. Hafa þá 6.200
manns skoðað gleðileik-
inn. Brátt verður að hætta
sýningum til að rýma fyrir leiknum „Kysstu mig Kata“, sem
verður frumsýndur 15. mars. Myndin er úr Ættarmótinu.
ALLRA MEINA BÓT, EÐA HVAÐ?: Á auglýsinga-
markaði er mikið um hverskonar allra-meina-bætur. Var-
legt að treysta slíkum auglýsingum. Oft á tíðum eru menn
að kaupa köttinn í sekknum í heilsubúðunum. í tímariti
lyfjafræðinema sáum við t.d. lærða grein Kristínar Ing-
ólfsdóttur um hvítlauk. Þar er því velt upp hvort hvítlauk-
sát og notkun lyktarlausra hvítlaukshylkja sé sú mikla
heilsubót sem auglýsingar lofa fólki. Niðurstaðan er sú að
svo sé ekki endilega. Hvítlaukur hefur nefnilega ekki enn
verið rannsakaður nógu gaumgæfilega — og allt er á huldu
um efnainnihald hvítlaukshylkjanna lyktarlausu.
REYKT 0G DRUKKIÐ í
FRAMHALDSSKÓLA:
Það kemur fram í könnun
skólayfirlæknis að reyking-
ar meðal skólanema í fram-
haldsskóla tvöfaldast frá
byrjun til loka náms við
skólana, áfengisneyslan
þrefaldast á sama tíma-
skeiði. „Frábær árangur í
reykingavörnum í grunn-
skólum verður að engu er í
framhaldsskóla er komið,"
segir skólayfirlæknir. Hann
segir ennfremur: „Áfengisneysla og sérstaklega tíðni ölv-
unardrykkju í efri bekkjum grunnskóla er mikið áhyggju-
efni".
FRÁ NÁMSGAGNASTOFNUN: Komnar eru út hjá
Námsgagnastofnun tvær kennslubækur, Mál til komið,
Grunnbók 1 og Verkefnabók 1A, sem ætluð er til notkunar
með grunnbókinni. Höfundar bókanna eru Kolbrún Sig-
urdardóttir og Þóra Kristinsdóttir, myndir eftir Önnu
Cynthíu Leplar og Kolbein Árnason.
„Þorsteinn Pálsson á
ekki annars úrkosti en
að berjast ef Davíð fer
fram gegn honum." Á
síðasta landsfundi velti
Davíð Friðriki Sophus-
syni úr stóli varafor-
manns. Er nú komið að
formanninum?
Guggnar Davíð?
„Farinn aö gera sér grein fyrir því aö hann á ekki þann hljómgrunn sem
hann hélt,“ segir sjálfstœðismaður af landsbyggðinni
Ýmsir þeir sem vel
þekkja til í Sjálfstæðis-
flokknum telja að Davíð
Oddsson borgarstjóri
muni ekki leggja til at-
lögu við formannssæti
Þorsteins Pálssonar.
Hann hafi fundið að
framboð hans á sér mjög
takmarkaðan hljóm-
grunn og þá sérstaklega
úti á landsbyggðinni.
Davíð eigi því að draga
sig sem allra fyrst til
baka og lýsa yf ir að hann
sækist ekki eftir að
verða formaður Sjálf-
stæðisflokksins.
Hugsanlegt framboð
Davíðs Oddssonar til for-
manns Sjálfstæðisflokksins
gegn Þorsteini Pálssyni
virðist mælast illa fyrir
meðal sjálfstæðismanna á
landsbyggðinni. Alþýðu-
blaðið ræddi m.a. við ýmsa
forystumenn flokksins úti á
landi í gær og voru þeir
sammála um að ekki væri
tímabært að skipta um for-
mann á landsfundinum í
næsta mánuði. Auk þess
kæmi vart til greina að
standa í formannslag
nokkrum vikum fyrir kjör-
dag. Davíð virðist hins veg-
ar eiga sér dygga stuðn-
ingsmenn á SV-horni lands-
ins.
Þorsteinn fái ad
prófa aftur
„Davíð á eftir að verða
formaður flokksins, en
honum liggur ekkert á að
verða það núna. Mér finnst
eðlilegast að Þorsteinn fái
að prófa aftur og verði for-
maður enn um sinn," sagði
Þráinn Jónsson fram-
kvæmdastjóri á Egilsstöð-
um. Hann sagðist hafa
heyrt ofan í sjálfstæðis-
menn víða á landinu og
væru þeir á sömu skoðun.
,.Það eru margir sem sjá
sterkari foringja í Davíð, en
telja að nú sé ekki rétti tím-
inn til að skipta um for-
mann," sagði Sigurður J.
Sigurðsson forseti bæjar-
stjórnar Akureyrar. Hann
sagði þetta vera þverskurð
af því sem hann hefði heyrt
frá flokksmönnum í bæn-
um.
Kunnur sjálfstæðismaður
á landsbyggðinni sem ekki
vildi láta nafns síns getið
sagði meðal annars eftirfar-
andi:
„Það er mikil andstaða
við framboð Davíðs og ég
held að hann sé farinn að
gera sér grein fyrir því að
hann á ekki þann hljóm-
grunn sem hann hélt.
Landsfundarfulltrúar eru
1200 talsins og langflestir
þeirra eru mjög flokkshollir
og þeir kæra sig ekki um
neinn slag á fundinum um
forystuna. Menn fengu al-
veg nóg af því á síðasta
landsfundi þegar Davíð fór
fram gegn Friðriki í vara-
formannsstöðuna. Friðrik
bakkaði út úr þessu með
heiðri og sóma, en Þor-
steinn Pálsson á ekki ann-
ars úrkosti en að berjast ef
Davíð fer fram gegn hon-
um. Ég hef trú á að Þor-
steinn færi með sigur af
hólmi. Flokkurinn klofnaði
við síðustu kosningar en er
nú að koma saman aftur og
þar hefur Þorsteinn náð
góðum árangri sem hann á
að fá að njóta."
Sorglegar____________
uppókomur____________
„Ég tek undir orð Einars
Odds Kristjánssonar for-
manns Vinnuveitendasam-
bandins í sjónvarpsfréttum
og finnst mjög slæmt sem
flokksbundnum sjálfstæðis-
manni ef þarf að taka þetta
fyrir á landsfundi rétt fyrir
kosningar. Af því hlytist
pólitískur óvinafagnaður
og sá sem tapaði mest á for-
mannslag væri flokkurinn
sjálfur. Mér finnst sorglegt
ef alltaf þarf einhverjar
uppákomur í flokknum rétt
fyrir kosningar og frábið
mér sem flokksráðsmaður
og miðstjórnarmaður í 10
ár að taka þátt í slíku," sagði
Sigurður Oskarsson verka-
lýðsleiðtogi á Hellu.
„Núverandi forysta
flokksins með Þorstein
Pálsson sem formann og
Davíð Oddsson sem vara-
formann er farsæl og sterk.
Vonandi mun forystan,
þannig skipuð, leiða flokk-
inn til sigurs í komandi
kosningum," sagði Einar K.
Guðfinnsson framkvæmda-
stjóri í Bolungarvík og
varaþingmaður Sjálfstæðis-
flokksins.
Áhrifamaður innan Sjálf-
stæðisflokksins á SV-horni
landsins hélt að ekki myndi
koma til formannskosning-
ar á landsfundi flokksins.
Sá þeirra sem legði meiri
áherslu á heill og hagsmuni
flokksins og minni á per-
sónulegan frama myndi
gefa eftir. Samkomulag
myndi nást fyrir helgi næð-
ist samkomulag á annað
borð. Hann sagði jafnfram
að það hefði verið Þor-
steinn sem hafi boðið upp á
þessa stöðu nú með þeirri
ákvörðun að flýta lands-
fundinum sem undir eðli-
legum kringumstæðum
hefði átt að verða næsta
haust. Hann kvaðst nokkuð
viss um að Davíð yrði ofan
á í formannskosningum
kæmi til þeirra á annað
borð.
Pavid betri foringi
Borgarfulltrúi úr Reykja-
vík sagði við Alþýðublaðið
að menn væru almennt
sammála um að Davíð væri
betur til forystu fallinn en
Þorsteinn. Hins vegar væri
þetta mjög viðkvæmt til-
finningamál hjá mörgum
og vildi því sem minnst
segja að svo stöddu. Hann
taldi þó að Davíð myndi
vinna yrði kosið milli hans
og Þorsteins en Davið hefði
yfirgnæfandi fylgi meðal
yngra fólksins í flokknum.
Bæjarfulltrúi Sjálfstæðis-
flokksins af Austurlandi
hvað framboð Davíðs nú
gegn Þorsteini aðeins eyði-
leggja fyrir flokknum auk
þess sem Davíð myndi eyði-
leggja mest fyrir sjálfum
sér með slíku. Davíð væri
framtíðarleiðtogi flokksins
en það væri alls ekki tíma-
bært að hann færi fram
núna enda lægi honum
ekkert á. Kæmi til kosninga
núna myndi það viðhalda
þeirri forystutogstreitu sem
flokkurinn hefði fengið nóg
af og sagði að margir fyrir
austan væru allt að því
hneiksaðir á þessu brölti í
Davíð nú.
Gœtum boðið betur en erlendir aðilar í veiði á íslandsmiðum:
Rcmgar hugmyndir
Þjóðhagsstofnunar
— segir Kristján Ragnarsson
Án styrkja og verndaðra
heimamarkaða er fátt sem
bendir til þess að erlendir
aðilar geti boðið betur en
ísiensk fyrirtæki í veiði-
heimildir við Isiand. Þetta
er mat Þjóðhagsstofnunar.
Kristján Ragnarsson,
framkvæmdastjóri LÍÚ,
segir þetta rangar hug-
myndir.
„Erlend milljarðafyrirtæki
gætu fórnað tímabundnum
hagsmunum og yfirboðið ís-
lensk fyrirtæki í krafti síns
fjármagns," segir Kristján
Ragnarsson. „Þetta eru því
rangar hugmyndir."
Kristján segist hins vegar
vera sammála því sjónarmiði
Þjóðhagsstofnunar að íslensk
útgerðarfyrirtæki gætu
keypt veiðiheimildir við
strendur annarra landa, ef
veiðiheimildirnar gengju
kaupum og sölum í heimin-
um. „Við eigum bestu skipin
og hæfustu sjómennina," seg-
ir Kristján Ragnarsson.
Þjóðhagsstofnun hefur
metið áhrif samninga EFTA-
ríkja og EB um hið Evrópska
efnahagssvæði á ísland og
telur að ábati íslands verði
minni en annarra þjóða inn-
an EFTA. Verði það svo
vegna þess að ekki sé samið
um frelsi í viðskiptum með
fisk eins og iðnaðarvöru og
þjónustu.