Alþýðublaðið - 23.07.1991, Page 4

r
»iw*
lphatiidcs:688ffigl
MÞYBUBIISIB
'm±_________
SiEtNSTuMNh
SovarMMs 4. s.606300.
Fréttir í hnotskurn
HJOLAMENN OG SLYS: í skýrslu um umferðarslys á íslandi í
fyrra vekur það athygli hversu margir þeir eru sem lenda í slysum og
eru hjólríðandi. Hér er átt við þá sem eru á reiðhjólum, bifhjólum og
vélhjólum. Látnir og slasaðir ökumenn bifreiða í fyrra voru 360 tals-
ins, en samtals 85 hjólamenn, sem hlýtur að vera óeðlilega há tala
miðað við hversu fá hjólin í umferðinni eru að tiltölu. Samtals lést (19
alls) eða slasaðist 881 í umferðinni í fyrra, 524 karlar og 357 konur.
BYRJAÐ í SMÁRAHVAMMI: Hafnar eru framkvæmdir við
fyrsta fjölbýlishúsið sem rís í nýju byggingarlandi Kópavogsbúa,
Smárahvammi. Fyrrverandi bæjarstjórn Alþýðuflokks og Alþýðu-
bandalags lagði grunninn að þeim miklu framkvæmdum sem þar
verða á næstu misserum. Ráðgert er að byggja á svæðinu 800 íbúðir
á næstu 3—5 árum, og þar munu búa um 2.300 íbúar í rað- og fjölbýl-
ishúsum. Fyrirtækið Asheimar hf. reisir þetta fyrsta hús á svæðinu.
Frjálst framtak hf. og Kópavogsbær hafa sameiginlega skipulagt
svæðið en Hagvirki hf. séð um gatnagerð, sem nú er að mestu lokið.
A myndinni er Gunnar Birgisson, formaður bæjarráðs Kópavogs,
að taka fyrstu skóflustungu í hverfinu. Lengst til hægri á myndinni
er Magnús Hreggviðsson, forstjóri Frjáls framtaks hf.
SA A KV0LINA : í nýjasta Neytendabladi er könnun á þvottavél-
um og þurrkurum. Það má segja að sá eigi kvölina, sem á völina. Á
markaðnum er í það minnsta 61 tegund þvottavéla — og 43 gerðir
þurrkara, auk 9 tegunda þvottavéla með sambyggðum þurrkara!
Ódýrustu þvottavélar eru Candy (48.900 kr), Eyumenia Baby Nova
(49.900) og Ariston (52.900). Dýrustu þvottavélarnar kosta rúmlega
140 þúsund krónur. Ódýrustu þurrkarar eru Fresco (26.930 kr.),
Creda (30.420) og Zerowatt (32.500). Dýrustu þurrkarar kosta rétt um
100 þúsund krónur. Munurinn á verði er því mikill, en oft á tíðum eru
gæði ódýrustu tækjanna í besta lagi. Innkaup á þessum tækjum
skyldu menn því skoða vel.
KAUPMENN STANDA SIG: Neytendasamtökin segja að kaup-
menn standi sig vel í þjóðarsáttinni. Kannanir sýna að verðlagning
í matvöruverslunum hefur lítið sem ekkert breyst síðustu 12 mánuö-
ina. Kristín Færseth sem stýrir verðkönnunum Verðlagsstofnunar,
segir í blaði Neytendasamtakanna að verðstríðið sem hófst um síð-
ustu páska sé engin bóla, þær lækkanir sem þá urðu víða standi.
GULLALDARARIN: Stórsýningar Hótels jslands hafa vakið
mikla lukku. Núna er í gangi skemmtidagskráin I Hjartastað — Love
me Tender. Þar eru perlur gullaldaráranna sungnar og leiknar af
Björgvin Halldórssyni, Ara Jónssyni og Onnu Vilhjálms með
undirleik sex manna hljómsveitar, Jóns Kjell og Spúttnikkanna,
auk þess sem sex dansarar ,,vagga og velta". Nú fer þetta góða fólk
senn að tygja sig í sumarfrí, tekur ágústmánuð í það, og síðan verður
byrjað aftur síðasta dag ágústmánaðar.
LEIKIÐ MEÐ BILNUMERIN: Nýstárleg bók kom út í síðustu
viku, hún fjallar um nýju bílnúmerin. Leikið er með þá hugmynd að
tveir bókstafir í bílnúmeri hafa merkingu á ýmsum sviðum, annað-
hvort sem orð, skammstafanir og tákn, á íslensku eða öðrum tungu-
málum. Þetta segir útgefandinn, Arni Reynisson, að geti orðið að
dægradvöl á ferðalögum. Bókin er fyrst og fremst til skemmtunar, en
á líka að örva athyglisgáfuna. á myndinni er fulltrúi útgefandans,
Gudrún Elísabet Arnadóttir, að afhenda Karli Ragnars, forstjóra
Bifreiðaskoðunar íslands, fyrsta eintak bókarinnar.
HREINSA STRAUMNESFJALL Á næstunni mun fara fram
langþráð hreinsun á Straumnesfjalli í Norður-ísafjarðarsýslu. Þar
eru leifar af gamalli bandarískri ratsjárstöð sem lögð var niður fyrir
rúmum 30 árum og afhent íslenskum stjórnvöldum til ráðstöfunar.
Utanríkisráðuneytið segir að hreinsað hafi verið til á staðnum í tví-
gang, 1969 og 1978, en sú hreinsun ófullnægjandi, einkum vegna
skorts á stórvirkjum tækjum. Herþyrla mun nú flytja mannskap,
björgunarsveitir af Vestfjörðum, upp á fjallið. Verkið á að vinna dag-
ana frá 22. til 26. júlí.
Ráðstefna um fiskveiðimál í Keflavík
Ný sjávarútvegsstefna rjúfi
kyrrstöðu þjóðarbúskapsíns
Hluti þátttakenda á ráðstefnu Alþýðuflokksins á Reykjanesi um sjávarútvegs-
mál i Flughótelinu í Keflavík.
„í gúrkutíðinni leita fjölmiðlar
að ágreiningi rnilli ráðherranna
í þessum mikilvæga málaflokki.
Auðvitað er þar að finna skoð-
anamun, en úr honum er gert
alltof mikið,“ sagði Jón Sigurðs-
son viðskipta- og iðnaðarráð-
herra um stefnuna í fiskveiði-
málum á ráðstefnu um málefni
sjávarútvegsins, sem Alþýðu-
flokkurinn í Reykjaneskjör-
dæmi hélt í Keflavík á föstudag-
inn. Karl Steinar Guðnason al-
þingismaður stýrði ráðstefn-
unni.
Ráðstefnan hófst fyrir hádegi á að
Jakob Jakobsson, forstjóri Hafrann-
sóknastofnunar, lýsti ástandi fisk-
stofnanna við landið og gerði grein
fyrir tillögum stofnunarinnar um
hámarksafla úr helstu stofnum á
næsta veiðiári, sem hefst 1. sept-
ember. Eins og fram hefur komið í
fréttum leggur Hafrannsóknastofn-
un til að verulega verði dregið úr
þorskveiðum á næsta ári auk sam-
dráttar í veiðum ýmissa annarra
fisktegunda. LÍO hefur hins vegar
lagt til að leyft verði að veiða um-
talsvert meira magn en tillögur Haf-
rannsóknastofnunar gera ráð fyrir.
Jakob sagði tillögur LÍÚ vera út í
hött og til þess fallnar að eyðileggja
allt það starf sem hefur miðað að því
að byggja upp fiskstofnana.
Hjálmar Vilhjálmsson fiskifræð-
ingur ræddi um ástand loðnustofns-
ins, en beðið væri frekari upplýs-
inga um ástand hans áður en Haf-
rannsóknastofnun legði fram tillög-
ur sínar um veiðar úr honum.
20% aflans fleygt fyrir borð?
Grétar Mar Jónsson, skipstjóri í
Grindavík, hélt því fram að allt að
20% þess afla sem veiddist væri
hent í sjó aftur vegna þess hvernig
núverandi kvótakerfi væri úr garði
gert og nefndi nokkur dæmi þar að
lútandi. Jakob sagði að vissulega
vissu menn að alltaf væri eitthvað
um að undirmálsfiski eða skemmd-
um fiski væri hent fyrir borð, en
ekki lægju fyrir neinar tölulegar
heimildir um umfang þess. Hann
óskaði hins vegar eftir samvinnu við
sjómenn um upplýsingar varðandi
þann fisk sem hent væri í sjó aftur,
en með þær mætti fara sem trúnað-
armál enda er slíkt athæfi lögbrot.
Jón Norðfjörð spurði Jakob hvort
vænta mætti þess að kvóti yrði sett-
ur á þær fisktegundir sem nú eru ut-
an kvóta. Jakob kvað aðra verða að
svara til um það. Nægjanlegar upp-
lýsingar lægju ekki fyrir um þær
tegundir og þó aflatölur gæfu vís-
bendingar þyrfti frekari rannsókna
við til að byggja á tillögur um aflahá-
mark.
Hagvaxtarvon í
aukinni hagkvæmni
Eftir hádegið voru flutt sex fram-
söguerindi um stjórn fiskveiða.
Fyrstur talaði Jón Sigurðsson ráð-
herra og gerði grein fyrir hugmynd-
um Alþýðuflokksins um upptöku
veiðigjalds. Hann sagði að það hefði
legið ljóst fyrir um nokkurra ára
skeið ,,að litla sem enga hagvaxtar-
von væri að hafa í auknum sjávar-
afla heldur væri það fyrst og fremst
með aukinni hagkvæmni í veiðum
og vinnslu og með vöruþróun sem
sjávarútvegurinn gæti lagt sitt af
mörkum til aukinna þjóðartekna á
næstu árum".
„Til þess að stuðla að hvoru
tveggja í senn," sagði Jón Sigurðs-
son, „hagræðingu í fiskveiðum og
því að þjóðin fái öll réttláta hlutdeild
í auðlindum sjávar leggur Alþýðu-
flokkurinn til að kvótakerfinu verði
breytt og í áföngum tekið upp kerfi
sem byggir á endurgjaldi fyrir veiði-
leyfi. Alþýðuflokkurinn hafnar því
afdráttarlaust að veiðiheimildir í ís-
lenskri fiskveiðilögsögu verði að
einkaeign fárra útvalinna."
Þá sagði Jón að það væri ánægju-
legt að langstærstur hluti þjóðarinn-
ar virtist vera sammála Alþýðu-
flokknum í þessu máli eins og fram
hefði komið í skoðanakönnun hjá
Félagsvísindastofnun. „Ríkisstjórn
Alþýðuflokks og Sjálfstæðisflokks
hefur einsett sér að rjúfa þá kyrr-
stöðu sem verið hefur í íslenskum
þjóðarbúskap síðustu ára og sækja
fram til aukinnar verðmætasköpun-
ar og bættra lífskjara. Nýtt álver við
Keilisnes og nýtt fyrirkomulag á
samskiptum okkar við aðrar þjóðir
eru tveir þættir í þeirri sókn. Þriðji
þátturinn — að minnsta kosti jafn-
gildur hinum — er ný stefna í sjávar-
útvegsmálum," sagði Jón Sigurðs-
son undir lok framsögu sinnar.
Veiðigjald, atvinnuöryggi
og fiskmarkadir
Næstur talaði Þorkell Helgason
frá Raunvísindastofnun og taldi
fram ýmis rök fyrir því að taka upp
veiðigjald. Þá talaði Orn Traustason,
Eldey í Keflavík, um afleiðingar afla-
samdráttar og áhrif hans á sjávarút-
veg og útgerðarstaði. Hann var and-
vígur gjaldtöku fyrir veiðiheimildir
og talaði gegn hugmyndum um að
allur afli af Islandsmiðum færi í
gegnum hérlenda fiskmarkaði.
Ásmundur Stefánsson, forseti
ASÍ, sagðist ekki eiga neina heildar-
lausn varðandi stjórn fiskveiða.
Hann lagði þó áherslu á að tryggja
yrði að fiskurinn yrði sem mest unn-
inn hér á landi og að hann skapaði
vinnu úti á landsbyggðinni. Um um-
ræður um sjávarútvegsmál í sam-
bandi við EES hafði Ásmundur eftir
Gro Harlem Brundtland að það væri
af og frá að Norðmenn hættu að
styrkja útgerð þótt breyta þyrfti
styrkjakerfinu að forminu til vegna
hugsanlegra samninga um evrópskt
efnahagssvæði.
Bjartmar Pétursson, Skerseyri í
Hafnarfirði, ræddi m.a. nauðsyn
þess að leyfa löndun á skemmdum
fiski og smáfiski án þess að slíkur
afli yrði reiknaður að fullu til kvóta.
Verð fyrir slíkan fisk væri nú um 40
krónur á markaði, en þar sem ekki
fengist fullt verð fyrir hann væri
hætt við að honum yrði hent.
Góð reynsla af fiskmörkuðum
Síðastur framsögumanna talaði
Ólafur Jóhannesson, Fiskmarkaði
Suðurnesja, og var hann hlynntur
því að allur fiskur yrði seldur í gegn-
um innlenda fiskmarkaði. Þá gæfist
íslenskri fiskvinnslu færi á að bjóða
í allan fisk og með sölu í gegnum
fiskmarkaði væri komið upp mjög
virkt eftirlit með þvi magni sem
hver og einn veiddi. Hann kvað
reynsluna af þeim fiskmörkuðum
sem starfræktir hefðu verið í fjögur
ár vera mjög góða.
Síðan tóku við almennar umræð-
ur um stjórn fiskveiða. Guðmundur
Árni Stefánsson, bæjarstjóri í Hafn-
arfirði, lagði m.a. áherslu á nauðsyn
þess að horfa jafnt til veiða og
vinnslu við mótun sjávarútvegs-
stefnunnar.
Ráðstefnan tókst í alla staði mjög
vel. Þar komu fram ýmis sjónarmið
og í heild var hún mjög upplýsandi
og fróðleg um sjávarútvegsmál okk-
ar íslendinga auk þess sem menn
viðruðu sjónarmið sín. Eflaust á eft-
ir að fara fram mikil og almenn um-
ræða um þessi mál á næstunni,
enda er mikið í húfi fyrir íslensku
þjóðina hvernig til tekst við stjórn
sjávarútvegsmála.
Vínningstöhir 20. júlí 1991
(Ý)(22)(32)f|jf) (35^38)
VINNINGAfl FJÖLDI VINNINGSHAFA UPPHÆÐ Á HVERN VINNINGSHAFA
1. 5a15 2 1.087.190
2.4S5Í 4 94.422
3. 4a/5 77 8.461
4. 3aí5 2.669 569
Heildarvinningsupphæð þessa viku: 4.722.226
M £ 9r í
UPPiv»NG*n simsv»bi91 -681511 lukkuun*991002