Alþýðublaðið - 18.09.1992, Blaðsíða 2

2
Föstudagur 18. september 1992
fimiiinmiin
HVERFISGÖTU 8-10 - REYKJAVÍK - SÍMI 625566
Útgefandi: Alprent hf.
Framkvæmdastjóri: Ámundi Ámundason
Ritstjóri: Siguröur Tómas Björgvinsson
Auglýsingastjóri: Ámundi Ámundason
Setning og umbrot: Leturval
Prentun: Oddi hf.
Ritstjórn, auglýsingar og dreifing: 625566
Fax: 629244
Áskriftarverö kr. 1.200 á mánuði. Verö í lausasölu kr. 90
Lækkun fasteignamats
í miðborginni
Þróunarlelag Reykjavíkur hefur sent erindi til Borgarráðs Reykja-
víkur þess efnis að endurskoða beri fasteignamat í miðborginni.
Borgarráð hefur samþykkt að beina erindinu til Fasteignamats rík-
isins. Erindi og áskorun Þróunarfélags Reykjavíkur fela í sér tillög-
ur um að fasteignamat í miðborginni verði lækkað þar sem lóðamat
í miðborginni sé of hátt en húsamat of lágt og í heild sé matið of
hátt miðað við önnur borgarhverfí.
I greinargerð Þróunarfélagsins segir að endurskoða þurfí og lækka
mat lóða í Kvosinni milli hafnarinnar og Tjamarinnar, í Banka-
stræti og við Laugaveg að Hlemmi, á Skólavörðustíg og Hverfis-
götu, við þvergötur á Laugaveg og Hverfisgötu; Lindargötu og Ing-
ólfsstræti hluta Þingholtsstrætis; Laufásvegi og aðlægum götum;
Vesturgötu, Garðastræti og Tryggvagötu.
Þetta erindi Þróunarfélags Reykjavíkur og jákvæð afgreiðsla
Borgarráðs til Fasteignamats ríkisins, eru einkar jákvæðar fréttir.
Alþýðublaðið hefur bent á það í leiðurum, að fasteignagjöld í mið-
borginni séu alltof há miðað við önnur verslunarhverfí borgarinnar.
Blaðið hefur ítrekað að borgaryfirvöld verði að breyta því óréttlæti
að fasteignamat í miðborginni skuli vera margfalt hærra en í öðrum
verslunarhverfum borgarinnar. í greinargerð Þróunarfélagsins er
komið nákvæmlega inn á þetta óréttlæti. Þar segir orðrétt: „1970
var fasteignaverð í Kvosinni hið hæsta í borginni og lóðaverð einn-
ig. Síðan hefur markaðsverð verslunarhúsnæðis í þessum borgar-
hluta lækkað mikið samanborið við verð verslana almennt.“
Petta er kjami málsins. Samhliða hinum mikla flutningi verslana
frá miðborginni til hinnar nýju verslunarmiðstöðvar Kringlunnar,
hefur fasteignamatið staðið óbreytt meðan markaðsverðið hefur
fallið. Miðborgin hefur orðið fyrir miklum og þungum höggum á
undanfömum ámm. Ekki aðeins hafa verslanir sogast úr miðborg-
inni og ný verslunarsvæði risið víða um borgina, heldur hefur gang-
andi og akandi verið gert erfítt fyrir að athafna sig í verslunum mið-
borgarinnar. Bfíastæði em ókeypis við nýju verslunarsvæðin, eins
og í Kringlunni, en harðar og miskunnarlausar stöðumælasektir eru
stundaðar í miðborginni. Húseigendum miðborgarinnar sem marg-
ir hverjir stunda einnig verslunarrekstur í húsnæði sínu, er gerð
samkeppnin erfíð við Kringluna og aðra verslunarmarkaði með því
að gera þeim að greiða fasteignagjöld langt yfír markaðsverði hús-
anna.
Það hefur verið engu líkara en meirihluti sjálfstæðismanna í
Reykjavík hafí leynt og ljóst unnið gegn hagsmunum miðborgar-
innar. Afleiðingamar em auðvitað ljósar: Fasteignaverð miðborg-
arinnar hefur hmnið og framboð á leiguhúsnæði og húsnæði til sölu
í miðborginni hefur verið meira en eftirspumin.
Nú virðist hins vegar að koma nýtt hljóð í strokkinn. Jákvæð af-
greiðsla borgarráðs er fagnaðarefni og vonandi verður fasteignamat
miðborgarinnar lækkað til móts við markaðsverð lóða og húsa,
þannig að minni álögur verði lagðar á húseigendur og þar með
verslunina í miðborginni. Miðborg Reykjavíkur er meira en versl-
unarsvæði. Hún er prýði höfuðborgarinnar og þar liggur kjami
hennar og elsta menning. Það er því gleðilegt að unnið sé að því að
blása lífí í miðborgina á ný svo aðdráttarafl hennar megi vaxa og
lífið í miðborginni dafna.
IM
Jón Þór Sturluson, FUJ-Vesturlandi, skrifar:
STJÓRNMÁL
Eifitt starfsem einhver verður að sinna
Póiitík er leiðinleg. Það skiptir
ekki máli hverjir stjórna vegna þess
að það er sami rassinn undir þeim
öllum. Spilling og spjátrungsháttur
eru samheiti yFir stjórnmál. Þetta
eru þau viðhorf sem oft á tíðum
heyrast, sérstaklega meðal ungs
fólks.
Ekki ætla ég að fullyrða um sann-
leiksgildi þessara tilvitnana í Þjóðarsál-
ina, en hinu er ekki hægt að neita að
þessi viðhorf eru ríkjandi hjá ungurn
sem öldnum. A grunni þessara hug-
mynda ákveður þorri ungs fólks að best
sé að halda sig fjarri öllu pólitísku vaf-
stri. En ég spyr þetta sama fólk, hvers
vegna ekki að auka vægi jákvæðra
áhrifa á pólitíkina? Að taka þátt er að
hafa áhrif. Það skiptir nefnilega ekki
máli hvað það er sem einstaklingurinn
gerir eða segir, hann er alltaf háður pól-
itískum ákvörðunum úr nútíð eða for-
tíð. Þannig koma stjómmál okkur öll-
um beint við. Spumingin er aðeins
þessi: Viljum við hafa áhrif? Og síðast
en ekki síst, þorum við að taka þátt?
ÞÚ GETUR HAFT ÁHRIF
Pólitík varð snemma áhugamál hjá
mér. Ég hef alltaf fylgst vel með og
reynt að mynda mér sjálfstæða skoðun
á hinum ýmsu málum. En það er ekki
nóg að hafa skoðanir, vettvang þarf til
að koma þeim á framfæri. Kjami
minna hugsjóna samræmist jafnaðar-
stefnunni og lá þá beinast við að ganga
til liðs við Alþýðuflokkinn - Jafnaðar-
mannaflokk íslands. Eftir að hafa tekið
þátt í starfmu í kringum síðustu Al-
þingiskosningar, sem var góður og
skemmtilegur skóli, tók ég þátt í stofn-
un Félags ungra jafnaðarmanna á Vest-
urlandi.
Sfðar, þegar ég fluttist til Reykjavík-
ur, til að stunda nám við Háskólann,
hóf ég fulla þátttöku í starfi Sambands
ungra jafnaðarmanna, SUJ, sem er
samband FUJ-félaga um land allt, og
þá sem meðlimur í framkvæmdastjóm
SUJ. Hvers vegna er ég að segja ykkur
þetta? Jú, ég skynjaði mikilvægi stjóm-
málanna og áhrif þeirra á tilveru okkar.
Ég vildi taka þátt, hafa áhrif, og steig
skreftð því til fulls.
En hvaða áhrif get ég haft og hvem-
ig? SUJ og FUJ-félögin em lýðræðis-
legar „stofnanir“, þar sem ólík sjónar-
mið og skoðanir koma upp á yfirborð-
ið. Um þær er rætt og fjallað á viðeig-
andi hátt og komist að skynsamlegri
niðurstöðu. Hugmyndafræðileg sam-
staða er ríkjandi í SUJ og er ástæðan
einföld. Jafnaðarstefnan er gmndvöllur
allra ákvarðana og öllum efst í huga.
SUJ OG
ALÞÝÐUFLOKKURINN
Félagar í SUJ og FUJ-félögunum
em aðeins óbeint félagar í Alþýðu-
flokknum og mynda sér sjálfstæðar
skoðanir algjörlega óháð hinni svoköll-
uðu „opinbem flokkslínu". Óhjá-
kvæmilega skarast oft á tíðum hug-
myndir flokksins og SUJ um ýmis mál-
efni. Óneitanlega verðum við, SUJ-ar-
ar, að sætta okkur við ýmislegt sem
okkur er á móti skapi. Þung áhersla er
þó ætíð lögð á að koma okkar skoðun-
um á framfæri í sérstökum málefnum
unga fólksins og að fá flokkinn til að
meðtaka þær. SUJ verður þar oft nokk-
uð ágengt.
Sem lítið dæmi um áhrif SUJ má
nefna baráttu gegn auknum skólagjöld-
um í framhaldsskólum sl. vetur. Þegar
allt útlit var fyrir að skólagjöld til al-
menns reksturs framhaldsskóla yrðu
sett á, fór SUJ í gang með undirskrifta-
söfnun í skólunum og beitti þingmenn
flokksins þrýstingi. Og viti menn, ár-
angur náðist. Annað dæmi um áhrif
SUJ er barátta sambandsins á síðasta
flokksþingi Alþýðuflokksins (júní
1992) fyrir breytingum á nýsettum lög-
um um Lánasjóð íslenskra náms-
manna. Þessi barátta okkar skilaði því
að skipuð var nefnd innan tlokksins til
að endurskoða nýsett lög um Lánasjóð
íslenskra námsmanna. Undirritaður er
reyndar annar tveggja fulltrúa SUJ í
þessari fjögurra manna nefnd sem von-
andi á eftir að skila jákvæðum niður-
stöðum fyrir íslenska námsmenn.
HÁVÆR FRAMTÍÐARTÓN-
LIST
I dag em ungir jafnaðarmenn mikið
með hugann við spumingar varðandi
framtíðina. Eitt af helstu einkennum
stjómmála á Islandi undanfama áratugi
hefur verið skammsýni. Aðgerðir
stjómvalda hafa gjaman miðast við að
leysa vanda dagsins í dag og stundum
virðist ekki vera lengra skyggnst inn í
framtíðina en í mesta lagi fram að há-
degi næsta dag. Stærsta vandamál ís-
lensku þjóðarinnar er eyðsla þeirrar
kynslóðar sem undanfarin ár hefur ráð-
ið ríkjum um efni fram. Ef þessi kyn-
slóð væri hófsamari gætu kjör komandi
kynslóða orðið betri en ella. Stað-
reyndin er sú að enginn hugsar um Is-
lands ófæddu böm. Þessu viljum við,
unga fólkið í SUJ, breyta áður en við
festumst í sarna farinu og foreldrar
okkar (ekki það að mér líki ekki við
foreldra mína, þvert á móti). Tími
sterkrar fjöldahreyfingar í íslenskum
stjómmálum sem lætur sig framtíð
unga fólksins varða er runninn upp.
LOKAORÐ
Þrír málaflokkar skipta ungt fólk
hvað mestu máli: Menntun, atvinna og
húsnæði. Það er nauðsynlegt að við,
unga fólkið, höfum bein áhrif á skipan
þessara mála svo framvegis verði horft
til framtiöar. Hvaða framtíðarsýn felst
til dæmis í öfgakenndum spamaði í
menntamálum og innihaldsrýrri og
ómálefnalegri andstöðu gegn EES?
Ég hvet þig að lokum til að láta þig
eigin máleftti varða. Ekki láta hugfall-
ast af neikvæðri umræðu um pólitík.
Stjómmálin hafa margar slæmar og
ljótar hliðar, en mundu að gæði stjóm-
málanna, og stjómvalda hverju sinni,
ráðast af fólkinu sem tekur þátt í þeim.
Ef ÞU tekur þátt þá hefurðu bein
áhrif, annars ekki. Breytingar nást fram
með áhrifum. Kynntu þér starfssemi
SUJ og stefnu þess. Breiðfylking ungra
jafnaðarmanna er staðreynd.Vittu til
hvort þú átt ekki samleið með fjölda-
hreyfingu fólks sem lætur sig framtíð
sína varða.
Höfundur er ritari SUJ og
varaformaður FUJ-Vesturlandi.
ORÐSENDING
ORÐSENDING TIL SVEITARSTJÓRNA,
FÉLAGASAMTAKA OG FYRIRTÆKJA,
VEGNA UMSÓKNA UM LY\N TIL
BYGGINGAR/KAUPAÁ FÉLAGSLEGUM
ÍBÚÐUMÁÁRINU 1993
Lánsumsóknir þurfa, lögum samkvæmt (nr. 70/1990),
að berast Húsnæðisstofnun ríkisins fyrir 1. október
ár hvert, vegna framkvæmda næsta ár á eftir.
LÁNAFLOKKAR í BYGGINGARSJÓÐI VERKAMANNA ERU:
1. Lán til félagslegra kaupleiguíbúða.
2. Lán til félagslegra eignaríbúða.
3. Lán til félagslegra leiguíbúða.
4. Lán til almennra kaupleiguíbúða.
UPPLÝSINGAR OG UMSÓKNAREYÐUBLÖÐ FÁST HJÁ FÉLAGSlBÚÐA-
DEILD HÚSNÆÐISSTOFNUNAR RlKISINS.
Reykjavík 10. sept. 1992
Cpb HÚSNÆÐISSTOFNUN RÍKISINS
LJ HÚSBRÉFADEILD ■ SUÐURtAÍ'JDSBRAUT 24 108 REYKJAVÍK SÍMI 696900