Alþýðublaðið - 11.12.1996, Blaðsíða 4
4
ALÞÝÐUBLAÐIÐ
MIÐVIKUDAGUR 11. DESEMBER 1996
b æ k u r
■ Böðvar Guðmundsson hefur hlotið mikið lof fyrir Híbýli
vindanna og Lífsins tré, bækur sínar um lífsbaráttu íslendinga
í Vesturheimi. Kolbrún Bergþórsdóttirs\ó á þráðinn til Böðv-
ars í Kaupmannahöfn þar sem hann er búsettur
Flestir listamenn sam-
sama sig afglapanum
Böðvar: Ég var mjög pólitískur framan af minni ævi og þá fannst mér að
pólitískir andstæðingar hlytu að vera fólk sem hefði sýnileg horn og hala.
Sú íslenska skáldsaga sem einna
mest lof hefur hlotið þetta árið er Lífs-
ins tré eftir Böðvar Guðmundsson.
Bókin er framhald af Híbýlum vind-
anna sem kom út í fyrra og var til-
neftid til íslensku bókmenntaverðlaun-
anna. Lífsins tré tekur Híbýlum vind-
anna jafnvel fram og því kemur ekki á
óvart að hún skuli vera tilnefnd til
bókmenntaverðlaunanna þetta árið. En
skiptir tilnefningin höfúndinn máli?
,Já, auðvitað skiptir hún máli,“ seg-
ir Böðvar Guðmundsson. ,,Það er auð-
vitað gott að einhverjir áliti þessar
bækur meðal fimm bestu bóka ársins.
Gagmýni og viðtökur skipta máli fyrir
rithöfúnda og það á jafnt við um nei-
kvæða dóma sem jákvæða."
Böðvar, sem á þijú ár í sextugt, er
að margra dómi kominn í ffemstu röð
íslenskra samtímarithöfunda með
þessu verki. En leiðin til þeirrar viður-
kenningar hefur verið löng eins og
hann viðurkennir sjálfur:
„Sem ungan mann dreymdi mig um
að verða leikritahöfundur og ég eyddi
löngum tíma ævi minnar í að skrifa
leikrit. Árangurinn var ekki annar en
sá að öll atvinnuleikhús Islands höfn-
uðu þeim. A sama tíma leitaðist ég við
að vera nýtur þjóðfélagsþegn og sá
mér farborða með kennslu. Skrif mín
stundaði ég því í frístundum. Það eru
níu ár síðan ég sneri mér alfarið að
skrifum. Það er sjálfsagt til fólk sem
getur hvort tveggja, sinnt fullu starfi
og skrifað góðar bækur, en það fólk er
miklu fremra mér að andlegu atgervi.
Það var ekki fyrr en ég varð atvinnu-
rithöfundur sem ég gerði eitthvað sem
skiptir fólk máli.“
Og hvernig tilfinning er það að
skapa listaverk sem skiptirfólk máli?
„Þá getur maður dáið rólegri en
annars."
Það er mikil hlýja t þessari bók. Þér
þykir greinilega mjög vœnt um per-
sónur þínar.
„Veistu, mér þykir vænt um fólk.
Ég var mjög pólitískur framan af
minni ævi og þá fannst mér að pólit-
ískir andstæðingar hlytu að vera fólk
sem hefði sýnileg hom og hala. Þetta
viðhorf hefur elst af mér mjög ræki-
lega. Ég er hættur að líta svo á að
heiminum sé skipt í pólitískar and-
stæður."
Það gerir þig líklega að betri lista-
manni?
„Ég held það. Það gerir mig alla-
vega að betri manni.“
Þú hlýtur að hafa sest niður eftir út-
komufyrra bindis og velt þvífyrir þér
hvað betur mœttifara íþvíseinna?
„Nei, það gerði ég reyndar ekki. Ég
var nokkuð viss um hvemig ég vildi
hafa þetta verk. Hins vegar bar ég
seinna bindið undir fleira fólk en fyrra
bindið, og það held ég að sé alltaf af
hinu góða. Rithöfundar vinna kannski
alltof mikið einir og láta ekki reyna á
verkin með því að sýna þau öðmm og
hlusta á ráðleggingar þeirra."
Ég spurði þessarar spurningar
vegna þess að mérfinnst Lífsins tré
betri bók en Híbýli vindanna, en mér
finnst líka að fyrri hluti bókarinnar
Lífsins tré sé áhrifameiri en sá seinni.
Mér finnst eftir að Ólafur fíólín deyr
að þá skipti um tóntegund t bókinni.
Hún verður ekki eins dramatísk.
„Það skiptir um tón f öllu lífi Vestur
Islendinganna þegar landnemarnir
deyja. Nýja kynslóðin er annarrar
gerðar. Lífið var því fólki á ýmsan
hátt þægilegra."
Sögumaður bókarinnar er söngvari
og tónlistin fœr mikið rými í þessari
bók.
„Ég hef mikið yndi af tónlist, hún er
mitt hálfa líf. En þar sem þú minnist á
söngvarann þá hef ég séð í fleiri en
einum dómi að þar er talað um sögu-
manninn sem heimsfrægan söngvara,
en það hlutverk ætlaði ég honum ekki.
Það em til þúsundir manna eins og
hann sem geta sungið hlutverk hér og
þar í óperum, en þeir þurfa ekki að
vera heimsfrægir."
Hvaða persónu í þessari sögu þykir
þér vœnst um?
„Ætli sú persóna sem eigi mesta
hluttekningu manns bæði í lífinu og
bókmenntunum sé hæfileikaríka per-
sónan sem aðstæður hamla að fái not-
ið sín. Ég hef líka alltaf mikla samúð
með afglapanum. Flestir listamenn
samsama sig afglapanum."
Ég las einhvers staðar að þú ætlað-
ir að taka saman bréf Vestur-íslend-
inga en mig langar til að vita hvort þú
œtlar þér ekki að byrja á nýrri skáld-
sögu.
Jú, það myndi ég gjaman vilja. En
mér finnst að ég þurfi að gefa út þessi
bréf til að geta dáið rólegur. Þá finnst
mér ég hafa uppfyllt til fullnustu
skyldu mína við Vestur- Islendinga."
STAÐA BANKASTJÓRA
Með vísan til 29. greinar laga um viðskiptabanka og
sparisjóði auglýsir bankaráð Landsbanka íslands lausa
til umsóknar stöðu bankastjóra við Landsbankann.
Samkvæmt lögunum er bankastjóm ríkisviðskiptabanka
skipuð þremur bankastjórum.
Ef um er að ræða stöðu bankastjóra, sem ekki er laus
vegna ákvæða laga um starfslok opinberra starfsmanna,
þá er heimilt að endurráða þann sem þegar gegnir
starfinu. Hámarks ráðningartími er fimm ár.
Umsóknir skulu sendar til formanns bankaráðs
Landsbanka íslands, Austurstræti 11, 155 Reykjavík,
fyrir 27. desember 1996. Umsóknir, þar sem óskað er
nafnleyndar, verða ekki teknar til greina.
LANDSBANKI ÍSLANDS.
Samkeppni
um útílistaverk í Garðabæ
SYNING
í tilefni þess að í ár eru 20 ár liðin síðan Garðabær fékk
kaupstaðarréttindi, efiidi bæjarstjóm Garðabæjar til
samkeppni um gerð útilistaverks.
Samkeppninni er nú lokið og tóku þátt í henni myndlistar-
mennimir, Anna Sigríður Sigurjónsdóttir, Brynhildur
Þorgeirsdóttir, Hallsteinn Sigurðsson, Jóhanna Þórðardóttir
og Þórir Barðdal.
Bæjarstjóm og menningarmálanefnd Garðabæjar efiia nú til
sýningar á tillögum keppenda.
Sýningin verður haldin, dagana 30. nóvember til 12. desem-
ber n.k. í yfirbyggðum miðbæ Garðabæjar, gengið inn um
austurenda göngugötu.
Sýningin er opin á verslunartíma og er öllum heimill ókeypis
aðgangur.
NÝ SAGNFRÆÐIRIT
Veglegar bækur fyrir alla áhugamerm
um þjóðleg fræði og sögu þjóðarinnar.
ÁLFTANESS
SAGA
Anna Ólafsdóttir Björnsson
SAGA
NJARÐVÍKUR
Kristján Sveinsson
ÞJÓÐSAGA
HE\M\Rt.Oll.LEIESS0N
pósrrsAG^
PÓSTSAGA
ÍSLANDS
1776-1873
Heimir Þorleifsson