Morgunblaðið - 17.01.2001, Blaðsíða 1

2001
MIÐVIKUDAGUR 17. JANÚAR BLAÐ C
B L A Ð A L L R A L A N D S M A N N A
NJARÐVÍK HAFÐI BETUR Í SUÐURNESJASLAGNUM / C2
ÍSLANDSMEISTARAR KR-inga í knattspyrnu
hafa sett sig í samband við Skotann David
Winnie með það fyrir augum að hann verði að-
stoðarmaður Péturs Péturssonar þjálfara í
sumar. Winnie er öllum hnútum kunnugur hjá
vesturbæjarliðinu en hann hefur leikið með lið-
inu síðastliðin þrjú keppnistímabil.
Þá hafa KR-ingar einnig rætt við Magnús
Gylfason. Magnús, sem er þjálfari U-16 ára
landsliðsins, sem sömuleiðis er öllum hnútum
kunnugur hjá vesturbæjarliðinu. Hann þjálfaði
um tíma 2. flokk félagsins og var aðstoðar-
maður Lúkasar Kostic þegar hann þjálfaði KR-
inga fyrir nokkrum árum.
Ágúst Már Jónsson var aðstoðarmaður Pét-
urs á síðustu leiktíð en vegna anna í starfi gaf
hann ekki kost á sér áfram í starfið á næstu
leiktíð.
KR-ingar hafa
rætt við Winnie
Ólafur Stefánsson hafnaði í 23.sæti í kjöri lesenda hins virta
handknattleikstímarits Handball
Woche á leikmanni ársins 2000 en
úrslit í því voru kunngjörð í gær.
Hann er einn af fjórum erlendum
leikmönnum sem eru í hópi 25 efstu
manna en hinir eru allt þýskir leik-
menn, enda um þýskt tímarit að
ræða, sem reyndar er mjög út-
breitt.
Markus Baur, leikmaður Wetzl-
ar, sigraði með yfirburðum í kjör-
inu en hann hlaut 3.228 atkvæði.
Næstur kom Frank von Behren frá
Minden, fyrirliði þýska landsliðsins,
með 2.118 stig, og þriðji varð Nikol-
aj Jacobsen, danski hornamaðurinn
hjá Kiel, með 1.401 atkvæði.
Magnus Wislander, Svíinn hjá
Kiel, varð annar útlendinga og 5.
alls með 930 atkvæði, Stefan Löv-
gren, félagi hans og landi, varð í 20.
sæti með 279 atkvæði og Ólafur
varð í 23. sæti, sem fyrr segir, með
207 atkvæði.
Ólafur í 23.
sæti hjá Hand-
ball Woche
ÞORBJÖRN Jensson, landsliðs-
þjálfari í handknattleik karla, ætlar
að tilkynna endanlegan landsliðshóp,
sem tekur þátt í HM í Frakklandi,
eftir síðari landsleikinn við Banda-
ríkin á Selfossi á föstudag.
Þorbjörn hefur verið með 21 leik-
mann á æfingunum að undanförnu
en í endanlegum hópi verða 16 menn.
Julian Duranona og Dagur Sigurðs-
son eru meiddir eins og stendur og
setur það stórt strik í reikninginn.
Dagur nær sér nær líklega áður en
HM hefst en óvíst er hversu vel
Duranona jafnar sig.
Verk Þorbjörns er vandasamt.
Hann þarf að ákveða hvaða leik-
stjórnendur hann ætlar að taka með
til Frakklands, hverja hann getur
notað í vörn og hverja ekki, og út frá
því ræðst nokkuð hverjir fá farseð-
ilinn á HM. Verði Þorbjörn að skilja
Duranona eftir heima vandast valið
enn frekar. Gunnar Berg Viktorsson
er líklega næsti kostur, enda hefur
hann verið í stóra hópnum þó svo
hann hafi ekkert fengið að reyna sig í
þeim leikjum sem fram hafa farið.
Á æfingum í gær var Duranona
með en tók alls ekki á af fullum
krafti. Dagur hitti lækni í gær og
sagði Þorbjörn líklegt að hann yrði
tilbúinn í annan leikinn á móti
Bandaríkjamönnum.
Vandi
vegna
meiðsla
Stefán og Gunnar voru fyrstavarapar í Evrópu og koma því
sjálfkrafa inn. Ef þetta hefði gerst
á föstudag eða síðar hefði franskt
par komið í staðinn, samkvæmt
reglum,“ sagði Kjartan Steinbach,
formaður dómaranefndar IHF, við
Morgunblaðið í gær.
Stefán og Gunnar dæma í D-riðli
heimsmeistarakeppninnar sem
leikinn er í Dunkerque á norður-
strönd Frakklands en þar keppa
Rússland, Slóvenía, Úkraína, Nor-
egur, Túnis og Sádi-Arabía. „Það
er að sumu leyti óþægilegt að koma
inn svona seint en við höfum dæmt
á fullu í vetur, heima og erlendis,
og erum því tiltölulega klárir í
slaginn. Við höfðum vitað í nokkrar
vikur að við værum fyrsta varapar
Evrópu og þetta gæti gerst,“ sagði
Stefán við Morgunblaðið í gær-
kvöldi.
Stefán dæmir þar með á sínu
fimmta heimsmeistaramóti karla í
röð en hann og Rögnvald Erlings-
son dæmdu í Svíþjóð 1993, á Ís-
landi 1995, í Japan 1997 og í
Egyptalandi 1999.
Þetta verður samtals 10. heims-
meistaramótið hans en Stefán hef-
ur þrívegis dæmt á HM kvenna og
tvívegis á HM 21-árs liða karla.
Gunnar þreytir hins vegar frum-
raun sína á stórmóti í Frakklandi.
„Við förum utan á laugardag,
göngumst undir þolpróf á sunnu-
dag og höldum síðan til Dunkerque
á mánudag. Mér skilst að við byrj-
um að dæma á miðvikudag og fáum
þrjá leiki í D-riðlinum. Það er hins
vegar ólíklegt að við höldum áfram
eftir riðlakeppnina, þá er dómurum
fækkað og hæpið að varapar nái
lengra,“ sagði Stefán.
Stefán og Gunnar
dæma á HM
STEFÁN Arnaldsson og Gunnar Viðarsson bættust í gær í hóp dóm-
aranna sem dæma á heimsmeistarakeppninni í handknattleik sem
hefst í Frakklandi næsta þriðjudag. Þeir koma í stað fyrir dómara
frá Júgóslavíu en annar þeirra lenti í bílslysi í fyrrinótt og er ekki
fær um að dæma í keppninni.
Morgunblaðið/Einar Falur
Leikmenn knattspyrnulandsliðsins horfðust í augu við gleraugnaslöngu í ferð um gamla gyðingahverfið í Cochin. Slönguhirðirinn
sýndi töfrabrögð, þrjár gleraugnaslöngur og marðardýr sem kallað er rikki tikki taví og hann lét berjast við eina slönguna.