Morgunblaðið - 15.05.2001, Qupperneq 19
SUÐURNES
MORGUNBLAÐIÐ ÞRIÐJUDAGUR 15. MAÍ 2001 19
LANDBÚNAÐARNEFND Alþing-
is leggur til að frumvarp landbúnað-
arráðherra um útvíkkun Suðurlands-
skóga til Suðurnesja og
Austur-Skaftafellssýslu verði sam-
þykkt. Formaður nefndarinnr mun
mæla fyrir áliti nefndarinnar ein-
hvern næstu daga og er búist við að
það nái fram að ganga á yfirstand-
andi þingi. Hins vegar nýtist laga-
breytingin skógræktarstarfi á Suð-
urnesjum illa og ekki virðist vera vilji
til þess að láta frumvarp Kristjáns
Pálssonar um sérstaka Suðurnesja-
skóga ná fram að ganga.
Kristján Pálsson og fjórir aðrir al-
þingsmenn fluttu fyrr í vetur tillögu
um Suðurnesjaskóga og er hún end-
urflutt frá fyrra þingi. Felur tillagan
í sér að skipaður verði starfshópur til
að undirbúa landshlutabundið verk-
efni um landgræðslu og skógrækt á
Suðurnesjum. Starfshópurinn á að
skila tillögum sínum nógu tímanlega
til að verkefnið geti hafist árið 2002.
Tillögunni var vísað til landbúnaðar-
nefndar þar sem hún er enn.
Nær aðeins til lögbýla
Landbúnaðarráðherra lagði í vet-
ur til breytingar á lögum um Suður-
landsskóga þannig að Austur-Skafta-
fellssýslu og Gullbringusýslu yrði
bætt við starfssvæði Suðurlands-
skóga en þeir náðu áður aðeins yfir
Suðurlandskjördæmi. Í greinargerð
með tillögunni er rifjað upp hvernig
landshlutabundin skógræktarverk-
efni urðu til með Héraðsskógum,
seinna bættust Suðurlandsskógar
við, Norðurlandsskógar, Skjólskógar
á Vestfjörðum, Vesturlandsskógar
og Austurlandsskógar. Suðurnesin
voru eftir ásamt Austur-Skaftafells-
sýslu. Þótti eðlilegt að víkka út
starfssvæði Suðurlandsskóga til að
þessi landshlutabundnu skógræktar-
verkefni næðu til landsins alls.
Skógræktarverkefni þau sem
kennd eru við landshlutana taka
fyrst og fremst til ræktunar fjöl-
nytjaskóga og skjólbelta á lögbýlum.
Frumvarp Kristjáns Pálssonar var
víðtækara, miðaðist við að áhuga-
menn gætu einnig fengið stuðning til
skógræktar og landgræðslu, en
stuðningurinn væri ekki bundinn
lögbýlum. Segir Kristján að eins og
málið komi frá landbúnaðarnefnd
sjái hann ekki að að það hjálpi Suð-
urnesjamönnum. Ekki sé mikið um
bændur á lögbýlum sem ætla megi að
hafi áhuga á skógrækt. Telur hann
jafnvel möguleika á að breytingin
skemmi fyrir skógræktarstarfi á
svæðinu.
Hjálmar Jónsson, formaður land-
búnaðarnefndar Alþingis, segir að á
Suðurnesjum séu nokkur lögbýli og
að þau fái nú sama rétt og eigendur
lögbýla á Suðurlandi. Hins vegar
muni frumvarpið á engan hátt skaða
starf skógræktarfélaga eða annarra
sem fyrir eru.
Segir Hjálmar að ekki sé vilji í
þinginu til að samþykkja frumvarp
Kristjáns um sérstakt skógræktar-
og landgræðsluátak fyrir Suðurnes-
in. Á hann því ekki von á því að frum-
varp hans nái fram að ganga.
Mikil gróðureyðing
Í umræddu frumvarpi Kristjáns
Pálssonar er vakin athygli á því að
mikil gróðureyðing hafi orðið á Suð-
urnesjum frá landnámi. Hrís hafi
verið rifið og eftir að binding jarð-
vegarins hvarf hafi verið auðvelt fyr-
ir sterka vinda sem oft blási um Suð-
urnesin að feykja jarðveginum burt.
Fá láglendissvæði á Íslandi séu því
jafn illa leikin og Suðurnesin og
Reykjanesið í heild, þrátt fyrir friðun
síðustu ár.
Aðstæðurnar kalli því á sérstakt
átak ef skila eigi landinu í líkingu við
það sem var þegar landnámsmenn
settust hér að. Í áætlun Landgræðsl-
unnar um Suðurnesjaskóga sem
fylgir frumvarpinu er gert ráð fyrir
að verkefnið verði stofnað í haust,
stjórn kosin og ráðinn framkvæmda-
stjóri. Hafist verði handa á næsta ári
og er gert ráð fyrir að þá þurfi verk-
efnið að fá 17 milljónir kr. til að vinna
fyrir. Unnið verði að áætlun í þremur
áföngum. Stefnt skuli að því að verk-
efnið verði komið á fullan skrið árið
2009 og verður fjárþörf þess þá 34
milljónir kr. á ári.
Greinargerðinni fylgja gróðurkort
sem sérfræðingar Náttúrufræði-
stofnunar, Eyþór Einarsson og Ein-
ar Gíslason, hafa gert. Með saman-
burði á þeim sést hvernig ætla má að
gróður á þessu svæði hafi þróast frá
landnámi. Á kortinu frá landnámi
sést að Reykjanesskaginn hefur nán-
ast allur verið vaxinn birkiskógi eða
kjarri (dökkgræni liturinn). Á nýja
kortinu sést að skógurinn er að
mestu horfinn en þar er núna mest
annar þurrlendisgróður (ljósgrænt)
og bersvæðisgróður þar sem land er
hálfgróið eða minna (ljósbleiki litur-
inn).
Lagt til að Gullbringusýsla falli undir Suðurlandsskóga
Nýtist illa til uppgræðslu
á Suðurnesjum
Reykjanes
Á korti Náttúrufræðistofnunar er sýnt hvernig sérfræðingar hennar
áætla að gróðurfar á Suðurnesjum hafi verið um landnám. Reykjanes-
skaginn er nánast allur vaxinn birkiskógi eða kjarri eins og dökkgræni
liturinn sýnir.
Ástand gróðurs er öllu verra nú, eins og sést á þessu korti Náttúru-
fræðistofnunar. Skógurinn er að mestu horfinn og ljósgræni liturinn
sýnir að þar er mest annar þurrlendisgróður og stór svæði eru hálfgróin
bersvæðisgróðri eða minna eins og ljósbleiki liturinn sýnir.
Börnin koma
með afa
og ömmur
FJÖLSKYLDUHÁTÍÐ verður í
Reykjaneshöllinni í dag. Börn af
leikskólunum og eldri borgarar taka
þátt í hátíðinni.
Í tilefni af alþjóðlegum degi fjöl-
skyldunnar bjóða leikskólarnir, eldri
borgarar, Tómstunda- og íþróttaráð
Reykjanesbæjar (TÍR) og forvarn-
arverkefnið Reykjanesbær á réttu
róli bæjarbúum að taka þátt í fjöl-
skylduhátíð í dag kl.17 í Reykjanes-
höllinni.
Börn af öllum leikskólum Reykja-
nesbæjar og eldri borgarar munu
syngja. Börnin bjóða sérstaklega
foreldrum sínum, öfum og ömmum.
Þá bjóða eldri borgarar öllum bæj-
arbúum að taka þátt.
Samkvæmt upplýsingum frá Ólafi
Grétari Gunnarssyni, verkefnis-
stjóra í forvarnarverkefninu
„Reykjanesbær á réttu róli“, er
markmið hátíðarinnar að stórfjöl-
skyldan eigi saman góðan dag, komi
saman og blandi geði. Þeir yngstu og
þeir elstu í samfélaginu hafi af miklu
að miðla, gleði og einlægni æskunnar
og visku og lífsreynslu þeirra eldri.
Tilgangurinn er að gefa foreldrum
möguleika á að njóta þess að vera
með börnum, ömmum og öfum með
því að koma sama og njóta fjöl-
skyldudagsins.
Fjölskylduhátíð í
Reykjaneshöllinni
Reykjanesbær
ERU ekki allir með? gæti leikskólakennarinn í Keflavík
verið að spyrja sjálfa sig. Hún fór í gönguferð með
börnin úr leikskólanum Garðaseli og þau voru að ganga
fram hjá Reykjaneshöllinni þegar myndin var tekin.
Morgunblaðið/Golli
Eru ekki allir með?
Hópslags-
mál eftir
dansleik
HÓPSLAGSMÁL brutust út
að loknum dansleik í Stapanum
í Reykjanesbæ aðfaranótt
sunnudags. Einn var fluttur á
sjúkrahús og þrír handteknir.
Dansleikur var í Stapanum á
laugardagskvöldið. Að honum
loknum brutust út slagsmál
fyrir utan húsið. Samkvæmt
upplýsingum lögreglunnar
voru 50 til 80 manns við húsið
og lentu flestir í slagsmálunum.
Fjórir lögreglumenn komu á
staðinn og veittust einhverjir
úr hópnum að þeim þegar þeir
fóru að skipta sér af málum
með því að handtaka þá sem
létu verst að þeirra mati. Vörðu
þeir sig með gasúða.
Einn var fluttur á sjúkrahús
vegna áverka sem þó reyndust
ekki alvarlegir, samkvæmt
upplýsingum lögreglunnar.
Þrír voru handteknir og var
einn þeirra færður í fanga-
geymslur.
Njarðvík