Morgunblaðið - 15.05.2001, Qupperneq 22

VIÐSKIPTI
22 ÞRIÐJUDAGUR 15. MAÍ 2001 MORGUNBLAÐIÐ
HALLDÓR Ásgrímsson utanríkis-
ráðherra segir að að aukin álfram-
leiðsla í samræmi við núverandi
áform, Reyðarál og stækkun Norður-
áls, skili nær tvöfalt meiri útflutnings-
tekjum en ferðaþjónustan gerði í
fyrra. Það sé því ljóst að sviplítið yrði
um að litast í efnahagslífinu á næstu
árum ef ekki verður af þessum fram-
kvæmdum. Þetta kom fram í máli
Halldórs á ársfundi Útflutningsráðs
Íslands sem haldinn var í gær.
„Áætlað er að landsframleiðsla
verði um 2% hærri til lengdar ef fyrr-
greind stóriðjuáform ganga eftir og
álver á Reyðarfirði eitt og sér gæti
leitt til um 1–1½% varanlegrar hækk-
unar landsframleiðslu,“ sagði Hall-
dór.
Varanleg aukning
útflutnings 15%
Hann sagði að útflutningur hefði
grundvallarþýðingu í litlu opnu hag-
kerfi eins og Ísland er. Til að tryggja
mætti að lífskjör hérlendis yrðu með-
al fremstu þjóða væri mikilvægt að
tryggja að útflutningur ykist sem
næmi um 3–3,5% á ári. Hagvöxtur hér
á landi þyrfti að vera meiri en víða er-
lendis vegna þess að hér er fólksfjölg-
un meiri en víða annars staðar. Hall-
dór sagði að lækkun á gengi krónunar
ætti sér fyrst og fremst rætur í mikl-
um viðskiptahalla og mikilvægt væri
að auka útflutningstekjurnar. Sam-
fara eflingu ferðaþjónustu og þekk-
ingariðnaðar þyrftu einnig að koma til
fjárfestingar í áliðnaði. Halldór vitn-
aði til athugana Þjóðhagsstofnunar
um þjóðhagsleg áhrif álversfram-
kvæmda, en samkvæmt þeim má bú-
ast við 15% varanlegri aukningu út-
flutnings ef af framkvæmdum við
Reyðarfjörð yrði og stækkun Norður-
áls gengi eftir. Þessar framkvæmdir,
auk vaxtar í ferðaþjónustu og þekk-
ingariðnaði, myndu valda því að hlut-
deild sjávarútvegs í útflutnings-
tekjum myndi minnka úr 43% eins og
hún er í dag í um þriðjung af útflutn-
ingstekjum snemma á næsta áratug.
Páll Sigurjónsson, framkvæmda-
stjóri Ístaks og formaður stjórnar Út-
flutningsráðs, sagði í setningarræðu
sinni á ársfundinum að verðbólga
hefði ekki verið vandamál um langt
skeið hérlendis en nú væru blikur á
lofti. Hann lagði áherslu á að afar
mikilvægt væri að víxlverkun verð-
lags og launa færi ekki af stað vegna
þess að það myndi ógna stöðugleik-
anum í þjóðfélaginu. Hann beindi
sjónum að þema fundarins, sem var
útrás íslenskra þjónustufyrirtækja,
og þeirri staðreynd að tekjur af þjón-
ustu nema nú um 35% af gjaldeyr-
istekjum þjóðarinnar og hafa aukist
hratt á síðustu árum.
Útrás íslenskra
þjónustufyrirtækja
Tryggvi Jónsson, aðstoðarforstjóri
Baugs, gerði grein fyrir útrás Baugs
á erlenda markaði. Tryggvi sagði að
eftir að Smáralind yrði komin í fullan
rekstur yrði vöxtur Baugs fyrst og
fremst á erlendum mörkuðum. Baug-
ur hefði frá upphafi haft þá stefnu að
hafa innlenda stjórnendur á erlend-
um mörkuðum og að ráða einungis
færustu sérfræðinga á staðnum sem
þekktu umhverfið hvað best. Á þeim
mörkuðum sem Baugur væri að vinna
á væri slíkt fyrirkomulag eitt af lyk-
ilatriðunum. Baugur seldi hugmynd-
ina en innlendir aðilar sem þekktu
menninguna væru þeir sem skynsam-
legast væri að láta stjórna uppbygg-
ingunni.
Arngrímur Jóhannsson, forstjóri
Flugfélagsins Atlanta, gerði reglur
varðandi skattalega meðferð dagpen-
inga að umtalsefni og benti á að hlut-
fall Íslendinga í starfi hjá félaginu
hefði verið um 60% fyrir um sex árum
en væri nú um 25%. Hjá fyrirtækinu
starfar nú fólk af um 40 þjóðum.
Félagið er með 20 breiðþotur í rekstri
víðsvegar um heiminn og er með 77%
af heildarsætafjölda íslenskra flug-
félaga.
Sigurður Einarsson, forstjóri
Kaupþings, gerði grein fyrir útrás
fyrirtækisins á erlenda markaði en
Kaupþing er nú með starfsemi á sjö
stöðum í heiminum. Aðalástæða þess
að þessi stefna væri tekin væri tak-
markaður möguleiki til vaxtar hér-
lendis og því væri hagstæðara að vaxa
út á við. Sigurður sagði að starfsemi
Kaupþings erlendis styrkti stöðu fyr-
irtækisins vegna þess að með þessu
móti fengi fyrirtækið viðskipti sem
tengjast útrásarverkefnum íslenskra
fyrirtækja.
Halldór Ásgrímsson utanríkisráðherra á ársfundi Útflutningsráðs
Sviplítið efnahagslíf verði
ekki af álframkvæmdum
Morgunblaðið/Jim Smart
Fundargestir á ársfundi Útflutningsráðs í gærdag.
HAGNAÐUR af rekstri Delta
fyrstu þrjá mánuði ársins nam
176 milljónum króna fyrir af-
skriftir og fjármagnsliði
(EBIDTA) samanborið við 152
milljónir fyrir sama tímabil í
fyrra. Reksturinn er samkvæmt
áætlun að undanskildum fjár-
magnsliðum, að því er fram
kemur í tilkynningu frá félaginu.
Samkvæmt óendurskoðuðu
árshlutauppgjöri nam hagnaður
af rekstri Delta fyrstu þrjá mán-
uði ársins 28 milljónum króna
eftir skatta en áætlun fyrir tíma-
bilið gerði ráð fyrir 88 milljóna
króna hagnaði. Frávik í fjár-
magnsliðum nam um 60 millj-
ónum sem stafar fyrst og fremst
af óhagstæðri gengisþróun.
Lækkun krónunnar mun hafa já-
kvæð áhrif á tekjustreymi Delta
þar sem um 75% af tekjum
félagsins eru í erlendri mynt.
Hreint veltufé frá rekstri nam
137 milljónum króna á tíma-
bilinu sem er nokkur aukning
frá sama tímabili árið 2000, en
þá nam veltufé frá rekstri 120
milljónum króna. Rekstrar-
tekjur fyrirtækisins námu 656
milljónum króna samanborið við
500 milljónir á sama tíma í fyrra.
Rekstrargjöld tímabilsins námu
552 milljónum króna samanborið
við 411 milljónir á sama tíma í
fyrra. Eigið fé í lok tímabilsins
var 1.594 milljónir króna og
hafði hækkað um 43 milljónir frá
áramótum.
Tvö ný lyf sett á
Þýskalandsmarkað
Í tilkynningunni frá Delta hf.
kemur fram að tvö ný lyf verða
sett á Þýskalandsmarkað á
árinu. Í júní fellur einkaleyfi af
ofnæmislyfinu Loratadine en í
ágúst verður sýklalyfið Ciprof-
loxacin sett á markað. Delta hef-
ur tryggt sér stóra sölusamn-
inga fyrir bæði þessi lyf og nú
þegar liggja fyrir fleiri pantanir
en áætlanir félagsins gerðu ráð
fyrir. Útlitið á árinu er því bjart
en áætlanir félagsins gera ráð
fyrir 400 milljóna króna hagnaði
eftir skatta.
Delta hf. með
28 milljóna
króna hagnað
HAGNAÐUR Símans á fyrsta fjórð-
ungi ársins nam 295 milljónum
króna en á sama tímabili í fyrra nam
hagnaður félagsins 323 milljónum
króna. Mest munar um mikla hækk-
un á fjármagnsliðum á milli ára, sem
hækkuðu um 176 milljónir á tíma-
bilinu, eða úr 108 milljónum í 284
milljónir á fyrsta fjórðungi ársins.
Hagnaður félagsins fyrir skatta á
fyrstu þremur mánuðum yfirstand-
andi árs var tæpar 415 milljónir en
var tæpar 494 milljónir á sama tíma-
bili í fyrra. Hagnaður félagsins af
reglulegri starfsemi er nokkru lægri
en gert hafði verið ráð fyrir í upphaf-
legum áætlunum, að því er fram
kemur í tilkynningu frá Símanum, og
skýrist það mest af gengistapi af er-
lendum skuldum. Þessi niðurstaða
breytir því þó ekki að enn er gert ráð
fyrir að hagnaður félagsins eftir
skatta verði að meðaltali yfir 100
milljónir á mánuði á yfirstandandi
rekstrarári.
Gjöld hækka meira en tekjur
Rekstrartekjur félagsins hækk-
uðu um 9% á umræddu tímabili, voru
4.059 milljónir, en voru 3.733 á sama
tímabili árið á undan. Rekstrargjöld
hækkuðu hins vegar meira eða um
12% á tímabilinu á milli ára, eða úr
2.171 milljón í 2.428 milljónir. Munar
þar mest um hækkun á fjarskipta-
kostnaði og uppgjörsgjöldum til ann-
arra símafélaga, en þessir liðir
hækkuðu um 189 milljónir á milli
ára. Auk þess hefur launakostnaður
hækkað um 4% á tímabilinu. Þessar
breytingar eru í samræmi við rekstr-
aráætlanir.
Veltufé frá rekstri nam tæpum
1.405 milljónum á fyrstu þremur
mánuðum ársins 2001. Afskriftir
félagsins á fastafjármunum hækka
úr 745 milljónum á fyrstu þremur
mánuðum ársins 2000 í 903 milljónir
á sama tímabili þessa árs. Aukning
afskrifta endurspeglar miklar fjár-
festingar síðustu missera í varanleg-
um fjarskiptabúnaði félagsins.
Gengistap af erlendum skuldum skýrir verri afkomu
Síminn með 295 millj-
ónir króna í hagnað
GENGI hlutabréfa í Íslandssíma hf.
hefur verið rétt yfir 7 á gráa mark-
aðnum að undanförnu, samkvæmt
upplýsingum Morgunblaðsins.
Gengið fór upp í u.þ.b. 14 á síðari
hluta síðasta árs, í framhaldi af því
að í september undirrituðu stjórn-
endur Landsbanka Íslands og Ís-
landssíma víðtækan samning um
fjármögnun Íslandssíma. Í samn-
ingnum var einnig kveðið á um
stefnumarkandi samstarf milli félag-
anna og um eiginfjárþátttöku
Landsbankans í Íslandssíma. Í þeim
viðskiptum voru gefin út ný hluta-
bréf að nafnverði 5 milljónir króna á
genginu 16. Samkvæmt upplýsing-
um Morgunblaðsins hækkaði gengið
á hlutabréfum Íslandssíma á gráa
markaðnum við samning Lands-
bankans og Íslandssíma úr u.þ.b. 12 í
um 14. Síðan þá hefur gengið sigið
hægt, hélst lengi í um 8, en hefur
lækkað niður í rúmlega 7 upp á síð-
kastið.
Útboðsgengið verður gert opinbert
næstkomandi fimmtudag
Landsbankinn keypti 30. apríl síð-
astliðinn hlutabréf í Íslandssíma að
nafnverði 84,3 milljónir króna en
söluandvirðið gekk til greiðslu á
hluta af skammtímaláni sem Lands-
bankinn veitti Íslandssíma í tengsl-
um við samning félaganna í septem-
ber síðastliðnum. Eftirstöðvum láns-
ins hefur verið breytt í langtímalán.
Ekki fengust upplýsingar um það í
gær hjá Landsbankanum eða Ís-
landssíma hvert gengi hlutabréfanna
í Íslandssíma í þessum viðskipum
var.
Íslandsbanki-FBA hefur umsjón
með skráningu Íslandssíma á Verð-
bréfaþingi Íslands svo og með útboði
félagsins á 115,7 milljóna króna
hlutafé að nafnverði, sem hefst 21.
maí næstkomandi. Ívar Guðjónsson
hjá fyrirtækjaþróun Íslandsbanka-
FBA segir að gengið á hlutabréfum
Íslandssíma í útboðinu verði gert op-
inbert næstkomandi fimmtudag, 17.
maí.
Útboð Íslandssíma
hefst 21. maí nk.
Gengi á
gráa mark-
aðnum
rúmlega 7